جمهور الوحدة وفيتم بالوعد.. فهل أنتم مستعدون لمهمة الثلاثاء؟؟

[ابو كريم]

فعلتم ما أنتم مؤتمنين عليه، حضرتم وشجعتم ففاز فريقكم
هكذا هو جمهور الوحدة العظيم
جمهور الوحدة الأصيل

الكل اتفق على أن فوز الفريق سببه الأول بعد توفيق الله
هو الجمهور
صالة الفيحاء امتلأت للمرة الأولى منذ خمس سنوات
جمهور وحداوي أصيل أرعب الحضور ولاعبي الجيش
جمهور أعطى الدافع لفريقه قبل اللقاء فكانت النتيجة الانتصار
بقيت مرحلة بمثابة فرصة العمر (حياة أو موت)
أعلم أن الاختلاف سيكون في الأيام
فالأمس كان الجمعة والفاصلة ستقام الثلاثاء
ولكن لنزل كل الحواجز ونقف خلف الفريق لنصل للنهائي بعد غياب
دام خمسة سنوااااااااااااااااااااات
أه على عبارة الخمس سنين فمنذ متى لا يكون الوحدة أحد
أطراف النهائي

ظروف عديناها واليوم سنكون بإذن الله منافسين للجلاء على
اللقب

رجاااااااااااااء خاص لكل شخص لديه عمل أن يأخذ إجازة
ويذهب للصالة
رجاء خاص لكل شخص لديه تلفزيون أن تترك مشاهدتها
وتتحول للفيحاء
لتساند وتشاهد بدل من أن تشاهد فقط
الثلاثاء القادم بإذن الله برتقاااااااااااااااااااااالي
فلنقف خلف الفريق ولندعمهم لأن لاعبونا لم يقصروا بالأمس

[طارق الغبرا]

انا بوعدك اول الحضور مع اخي

[ابن الشاغور الوحداوي]

متل ما كنت مبارح بالصالة بوعدك
كون يوم الثلاثاء بالصالة كمان
وهي يالله
هي يالله
منصورييييييييييين
بعون الله
:fw:fb:wahdawia::wahdawia::fl:fb:fw:syr:fl:wahdawi a::fb:fb

[نستول]

يوم الجمعة الشغلة سهلة بس بقلب الاسبوع كتير صعب بس هاد نادي الوحدة حبنا وعشقنا وان شاء الله بقدر احضر مشان عد جمهور لجيش مرة تانية متل لعبة الجمعة :mrgreen:

[tiger]

والله هاد اقل واجب من كل الشباب الطيبة انو يروحوا وما يسكتوا بالتشجيع كل اللعية
بس في نقطة مهمة رح تأثر عالعدد:
اذا لقيتو حلة لقصة ال200 ليرة رح تجي العالم
بجوز قسم منا ما تفرق معو 200 ولا 500
بس الجزء الاكبر بتفرق معو كتيييييييييييييير
ولا تستغربوا من العسكر يعملوا سعر التذكرة 500 لتطفيش الجمهور يلي حارق قلبون

[wissam82]

إن شاء الله الجمهور بيكون موجود بكثافة يوم التلاتاء
وبيكون محفز ومشجع كبير ورئيسي لفريقنا ..

ومنصورين بعون الله وبإذن الله منربح ومنوصل للنهائي ..

مباراة التلاتاء أهم مباراة لفريقنا من خمس سنين لا تخيبوا لاعبينا يا جمهور الوفي
وروحوا وساندوا الفريق وادعموه وإن شاء الله بتكون الفرحة كبيرة بعد المباراة
بانتصار وحداوي يا رب ..

[ابو كريم]

حسب الاتفاق الذي جرى بين الإدارتين فإن غلاء التذكرة أمر غير وارد نهائياً ولن تعود قصة
اللعبة الأولى مرة أخرى.
الأمر الأهم هو أنه من الحتمل أن تقوم الإدارة بشيء مهم للجمهور لننتظر ونشاهد.:box:

[حسان الحسيني]

حتى لو كانت البطائة ب500 ليرة برائيكم كتيرة على نادينا
صح عم ندفعها لنادي العسكر
بس بالمقابل رح نكون خير سند لفريئنا
مابدنا نحكي بغير اندية اديش تذكرة حضور مبارياتهم
فرصة واجتنا كوحداوية لازم مانفوتها

[Orange Blood]

النصر للوحدة باذن الله

ونشالله ما بيضيع مجهود الجمهور واللعيبة والاداريين وكل حدا مع البرتقالي

[أبو فؤاد هندي]

واجبنا هاد نكون متواجدين بأرض الصالة متل مافرحونا لازم واجب علينا نفرحون للعيبتنا الكبار

[bmekhaled]

أكيد أكيد أكيد بالصالة بإذن الله

الجمعة فريقنا عمل اللي عليه و جمهورنا عمل اللي عليه و النتيجة فرحة برتقالية عارمة بتوفيق من الله سبحانه و تعالى و جهود الجميع من اللاعبين للإدارة للجمهور العاشق الوفي

اللي شاف شو صار بنهاية المباراة بيفكر أنو ربحنا الدوري و هالشي بيأكد اديش جمهورنا متعطش للفوز

رجاء لكل ين حضر الجمعة يرجع يحضر الثلاثاء مهما كانت الظروف
و كل مين ما حضر إما لظروف قوية او لعدم إيمانه بقدرة الفريق عالفوز أو لأي سبب تاني فلازم يجي يوم الثلاثاء

واجبنا و حق نادينا علينا نكون معه و الله يكرمنا بالفوز إن شاء الله

و بدي استغل الفرصة و أكد عالناس أنو فريق السيدات كمان عمل الصعب و فاز عاليرموك بحلب بنصف النهائي كمان و رح يلعب الاثنين مباراة إذا فزنا فيها فرح نتأهل عالنهائي
بتنى من جمهورنا الكبير يوقف مع الفريقين يومي الاثنين و الثلاثاء لنحتفل بوصول الفريقين عالنهائي و نعيش فرحة سلة الوحدة بأرض الصالة

[f.torres]

لازم الكل على الصالة وبعين الله

[رامي الوحداوي]

إن شاء الله
الكل عالصالة وانا أولكن
وحداوية
:wahdawia::fb:fl:fw

[العاشق الوحداوي]

ان شاء الله بكون موجود بس اي ساعة اللعبة لانو فريقنا بدو يلعب مع جبلة بالعباسيين بس من شان نعرف وان شاء الله بيكون الفوز للوحدة بالمبارتين

مدري ليش بكره نادي ال****

[جيرارد]

بعون الله الفوز النا واكيد كلنا ع الصالة

[Radwan]

و بدي استغل الفرصة و أكد عالناس أنو فريق السيدات كمان عمل الصعب و فاز عاليرموك بحلب بنصف النهائي كمان و رح يلعب الاثنين مباراة إذا فزنا فيها فرح نتأهل عالنهائي
بتنى من جمهورنا الكبير يوقف مع الفريقين يومي الاثنين و الثلاثاء لنحتفل بوصول الفريقين عالنهائي و نعيش فرحة سلة الوحدة بأرض الصالة

:)):)):)):)):))

[المانشافت الوحداوي]

انشاءالله بتتمتلى الصالة عن اخرها ازا الله راد والفوز النا انشاء الله

[شنكل]

الكل ع صالة الله يوفق البرتقالي

[الكتلوني]

انشا لله التلاتا كلنا مع الوحدة

[وحداوي انا]

من العباسيين على الفيحاء

والاجازة طلبتا من المدير بس بعد ما جنني

كلو بيهون كرمال فوز الوحدة على التحويشة

[SH@@MI]

حتى لو كانت البطائة ب500 ليرة برائيكم كتيرة على نادينا
صح عم ندفعها لنادي العسكر
بس بالمقابل رح نكون خير سند لفريئنا
مابدنا نحكي بغير اندية اديش تذكرة حضور مبارياتهم
فرصة واجتنا كوحداوية لازم مانفوتها


منيح اذا ب500
وقتها يمكن الجمهور يجمع حاله وتثور ثائرته ويكسر البواب ويفوت الكل ببلاش

[SH@@MI]

أوجه نداء شديد اللهجة
لكل من في دمشق

اليوم كان الجمهور هو اللاعب الأهم بالصالة
وهي نقطة ضعف نادي الجيش
فكل حرة أو هجمة تعمل المنغصات من صفير وصفيق
رغم أنهم توفقوا بالثلاثيات

اذاً ما أريد أن أصل اليه
أرجوكم
الكل في الصالة يوم الثلاثاء
ان كان عملك لا ينتهي قبل السادسة فحاول في هذا اليوم فقط
الجمهور نقطة قوتنا وهو نقطة ضعف الجيش
فلنحاول ملأ الصالة أكثر من اليوم
ولتنتشر الحملة بعيداً عن النت
لأن مشوار النهائي سيبدأ من هذه الحملة

وطبعاً أتمنى كل من لم يحضر اليوم
الحضور يوم الثلاثاء

قد تكون البطاقة ب200 لإيقافنا
ولكن أتمنى أن لا يقف هذا الأمر عثرة بوجه أحد
والله بعوض

[omarjeroudi]

إن شاء الله رح تكون الصالة معباية انا لعبة يوم الجمعة تركت أهلي باللاذقية واجيت عالشام كرمال المباراة فما حدا يقلي ظروف لازم مايمنعنا شي غير الموت عن حضور المباراة

[doleh1976]

انا حضرت اللعبتين وبإذن الله التلاتاء عالملعب

واحلى وحداوية واحلى برشلونا

[nemr]

والله هاد أقل الشي منعملو لفريقنا الغالي

[وحداوي والشام الأصل]

السلام عليكم .. انا وحداويموت بس للأسف انا مغترب واقسم بالله قلبي من جوا عم يحترق لاني بعيدعن مباراة يوم الثلاثاء , وفرح من قلبي للفوز الكبير وقلبي نطف على شوفة الجمهور والله اشعر بدني يا جماعة .
مشان الله من كل انسان وحداوي وبيحب هالناي يروحع عالملعب يوم الثلاثاء هاد نادينا نادي الشام يا رب جبور بخاطرنا وخاطر هالجمهور الوفي وربحنا هاللعبة . بترجاكن بترجاكن يا جمهور الوحدة عبوا الصالة والله لوو حاسينشو عمبيصير فينا نحنا المغتربين وشووو عم يحترء قلبنا لانو ما لح نحضر بالصالة , بس نحنا معكن بروحنا وقلوبنا وعقولنا ولح نساندكن من جدة ونكون ورا النادي بالسرا والضراء ,, ةالله الموفق

[ابن الصالحية]

أي ساعة المباراة عن أكيد
لأن قالو بدن يغيروا موعدها عن الستة

[ابو زيد]

انشاء الله الفوز للوحدة الكبير

[endless_lionheart]

نحنا معك يالأورانجي للموت ورح نكون أول الحاضرين والمشجعين
على حساب شغلنا ومصارينا وصوتنا رح نجيك يالأورانجي لأنه عمري بدونك مستحيل

[عدنان شيخاني]

باذن الله التلاتا احتفالين للبرتقالي احتفال تخطي جبلة وتخطي الجب=يش

[lacost]

رجعنا ايام زمان ايام الكرنفالات ايام العز و توجنا هالشي برفع معنويات الاعبين والفوز بالنهاية عالعساكر
بس المهمة ماانتهت ولازم نخلي الملعب ما يستع ولا لواحد من جمهور العساكر لازم نملى الملعب برا وجوا ونشجع لاخر ثانية ونجيب الجيش الأرض ولو رفعو سعر البطاقة لل1000 بدنا ندفع كرمال الوحدة والوحداوي الاصيل هيك

[SAD LoOoVER]

:?:?:?وحداويــــــــــــــــــــــــــــــــــــــ ــــــــــــــــــــة

[ابو موفق]

ان شالله بنكون بالصالة

[أغيد الفرا]

أكيد رح نكون ان شا الله

[زاهر الوحداوي]

انشالله البرتقالي بيطلع فايز
والكل عالصالة

[عمار عبار]

ان شاء الله سنتواجد