مجرد رأي ...

[syria alasad]

السلام عليكم ورحمة الله وبركاته

قرأت العديد من الآراء والكثير من وجهات النظر حول النتيجة التي آلت إليها مباراة البرتقالي والجيش , فأصاب البعض فيما تسرع البعض الآخر بحكمه على الفريق ...

بالبداية لقاء الجيش ليس مقياساً باعتباره افتتاحي أولاً ولأنه لقاء ديربي ويتمتع بحساسية عالية ثانياً , لذلك من المبكر جداً الحكم على الفريق ...

وإذا ما غصنا أكثر بالفريق نجد أن بعض اللاعبين لم يعطوا كما يجب , فنبيل الشحمة أهدر فرصتين لا تصدقان أتمنى ألا نندم عليهما كثيراً , وماهر السيد لم يكن بمستواه باعتباره مصاب , ومهند الخراط ظهر تائهاً , ومحمد زبيدي بدا متلبكاً , والغاني فيليكس انغاما غير متأقلم مع الفريق بتاتاً وظهر عليه الخوف , وباسل العلي قدم أسوأ عروضه
بينما كان ياسين الأقرع أحد نجوم المباراة فقطع الماء والهواء عن هجوم الجيش , فيما كان أحمد الخالد نجم النجوم وحرك المباراة فور نزوله وكان ورقة الفريق الرابحة , وعلي خليل لعب بشكل هادئ ومتزن

وأعتقد أن الرؤية قد انكشفت على كوستيكا بنسبة كبيرة لدخول لقاء الاتحاد الأسبوع القادم بتشكيلة مثالية وروح جديدة , خاصة أن للبرتقالي ذكريات جميلة في الحمدانية لن تمحو من ذاكرة محبيه


وأحلى وأجمل وأروع ما في المباراة هو جمهور البرتقالي الذي يثبت يوماً بعد يوم وفاءه وأصالته التي تعودنا عليها على الدوام

لذلك أتمنى من الجميع نسيان لقاء الجيش والتفكير باللقاء القادم الذي أعتبره فرصة مناسبة ومواتية للخروج من حلب بثلاث نقاط ثمينة سيكون وقعها إيجابي على الفريق بأكمله


وشد الهمة يا وحدة ...

[حمودي اليوفاوي]

طيب حدا يشرحلنا وين عمر خليل
لا اساسي لا احتياطي غير مصاب ؟؟
شي هي حزيرة
والله مبارح الوسط كان ناقصو لاعب مهاري متل عمر خليل بدال علايا

[سعدي]

ان شاء الله منجيب 3 تقط من حلب . . .. ..

[الرومانسي الحزين]

كلامك رووووووووووووعة ابو اللول لانو بالفعل الفريق حلو كتير بس بدو انسجام

[wissam82]

بظل تأخر الاستعداد والمشاكل الكبيرة يلي كان يعاني منها النادي لقبل فترة قصيرة ...

الفريق جيد جداً ,, وبإذن الله رح يرتفع رتمه من مباراة لأخرى ...

[S@MER]

أنشاء الله نحصل على الثلاثة من الأتحاد

أنا كتير متفائل بالفريق

[مستر مدريد]

صح نبيل ضيع فرصتين بس كان عم يضغط على لعيبة الجيش من منطقتون بس للاسف ما توفق بالتسجيل

بس الحمد للله الفريق بيبشر بالخير بدو شي 3 لعب كمان بيصير روعة

[الرومانسي الحزين]

حبيبي حمودي عمر خليل ما عم يتدرب مع الفريق كيف بدك ياه يشاااااااااااااااااااارك

[<IBRAHIM>]

كلام سليم وفي شي كتير يمكن يكون من صالحنا بجدول مبارياتنا وهو انو نهاية الدوري لح تكون كتير سهلة بالنسبة النا وعنا 10 لعب من اصل 13 بارضنا

[WAEL -AL BRNE]

كلام موزون ومافي عليه غبار هاد اول رد بخصوص المباراة مع انو قريت كل المواضيع يلي انكتبت بخصوص المباراة بس كل واحد عم يكتوب ع كيفو وانا بحترم رقي كل الشباب بس في شباب كتير اتسرعت بلمواضيع وكترت المواضيع ونفس الحكي ...... بنسبة للمباراة اول شي الحضور الجماهيري كان اكتر من رائع والاداء متوسط وارتفع بشوط التاني بنسبة للاعبين بكير انو نحكم عليهم من اول مباراة وخصوصي انو كانت مع الجار الجيش وعجبني الاقرع والهلامي مع انو ئلو كم طلعه غلط وحتى ضربة المرمى عم اتكون خفيفة ولازم ينتبه على هل الشي ضروري كتير وباقي الاعبين بين وبين

[أبو الياس]

طيب حدا يشرحلنا وين عمر خليل
لا اساسي لا احتياطي غير مصاب ؟؟

مو على أساس في أحتياط

بعدين ليش السؤال الكتير عن الخليل؟
يعني الفريق ما لازم يقوم ع لاعب أو اثنين أو ثلاتة
وهاد الشي يلي رح نشوفو هل السنة

[EIHAB]

هلأ الفريق وضعوا حلو وما بيخوف...
الشوط التاني الوحدة مسك الملعب بأكمله بس المشكلة كانت دائما باللمسة قبل الاخيرة والاخيرة..

ان شاء الله يكون الوضع بحلب افضل

[عمر نصري]

هيييييييييه يالله
هييييييييه يالله
منصورييييييين
بعون اللـــــــــــه
أحلى أول 3 نقاط
بانتظــــــــــــــارنا

[M-AL MN@GED]

أنا معك أبواللول وكلامك صح بكير نحكم عل الفريق من هلأ

إن شاء الله في شي بيبشر بالخير

[albirakdar]

يعني فيلكس شوي متلبك ................ وماهر مصاب ......... والخراط مريض .......... وما بعرف ميين مدري شبوو .. واللاعب الفلاني ماكان يحضر التمريين والعلاني حردان ..................شي بيبشر بالخيرانشالله رح نكمل بقية الدوري نحكي هالحكي ؟؟؟؟؟؟؟؟؟؟؟؟؟؟؟؟؟؟ لأنو تعودنا على هيك حكي وما بدنا نبطلوا

[حمودي اليوفاوي]

حبيبي حمودي عمر خليل ما عم يتدرب مع الفريق كيف بدك ياه يشاااااااااااااااااااارك


طيب هادي
ليش الادارة ما بتعاقبو ؟؟

طيب وين غسان كمان مو اساسي ومو احتياطي ؟؟؟

[Abu Waseem]

انا بشوف الفرق كتير منيح وبدو مباراتين لسا ليكون منسجم بقوة
النيجيري كان جيد ولو مو منسجم
الخراط مابعرف بس كان تائه
السيد كان رائع رغم اصابتو
ااشحمة والله كان ممتاز ولو ضوع هالفرصتين بس حركته كانت رائعة وقاتل عالطابة

المهم الفريق جيد وفي بوادر خير كتير فيه

[M o H a M e D]

صح حكيك أبو اللول لسا بكير لنحكم ع الفريق ...

و لسا الفريق ينقصو الانسجام أكتر ..

ماهر رغم أنو ماكان بمستواه بسبب الاصابة إلا أنو كالعادة روح الفريق .. و الشحمة ان شاء الله مسلسل إهدار الفرص مابيستمر معو ..
وفيليكس بصراحة أنا مقتنع فيه .. ألو لمسة حلوة .. و بينقصو فقط الانسجام ..

و برأيي أرضية العباسيين ( البايكة ) أثرت كتير على أداء اللاعبين ...

[وحداوي موت]

المشكلة انو الغلبية نطوا وصار بدهن ال3 نقاط من اول لعبة
ليش ما منمشي خطوة خطوة من لعبة الجيش
اول شي خلينا نبلش من الجمهور
شوفوا الفرق بين جمهور اول لعبة وبين جمهور السنة الماضية كلو
يعني يحضرلك 35 الف مشجع باول لعبة وفريقك كان مركز تامن السنة الماضية فهدا شي كتير منيح

تشوف تشكيلة الفريق يلي اغلبها اعضاء جداد هدا شي حلو لانو السنة الماضية اول شي كان الفريق مو عرفان حالو منيح وكل لاعب ربي اسئلك نفسي


وقت تشوف اللاعبين عم يتنافسوا على دخول التشكيلة فهدا شي ايجابي

لانو السنة الماضية اللعيبة هدا بدو يلعب وهدا ما بدو وهدا حردان وهدا اذا ما اخد مصاري ما بيلعب
فهدا الشي يلي شفناه بلعبة الجيش شي ايجابي

منروح لعند المدرب وقت تشوف المدرب عم يصرخ على هدا وعم يعيط على التاني وعم يبدل تبديلات حلوة فهدا الشي ايجابي جدا
لانو السنة الماضية المدرب كان عم يرضي اللعيبة بس ميشان تلعب لانو كل لاعب صار راسو بلسما

بقا يا شباب ليش الانتقاد اول لعبة شفنا شغلات بتبشر كتير بلفريق ليش لنعمل من الحبة قبة

واحلى وحداوية واحلى اعضاء

[kashi]

نحن نعتبر الفريق الان جيد مقياس على ماكان في القبل واكيد مستواه سوف يتحسن مع كل مباراة