أيهم القاضي
09-29-2007, 05:52 PM
أنا عم بكتب هالموضوع وبنفس الوقت عم بتفرج على مباراة من الدوري الألماني وعم قارن ( والمقارنة صعبة كتير ) بين الملعب اللي عم تصير المباراة وملعب العباسيين اللي صارت فيه مباراتنا مع الجيش ومحا أحكي عن الجمهور أو التشجيع أو اللعب بس رح أحكي عن التنظيم المفقود تماماً بدخول وخروج الجماهير وإغلاق الأبواب بوش الجمهور ونظافة الملعب بشكل عام لحتى بتحس صرلو عشر سنين محدا اشتغل فيه.
ورح احكيلكم مثال عن الحادثة اللي صارت معي امبارح ... أنا وصلت عالملعب قبل حوالي ساعة من بدايتها وطبعاً كانت المنصة مليانة عالآخر والعالم بلشت تروح عالمدرج الشمالي أقرب مكان للمنصة بس تفاجؤوا أنو الباب لهنيك مسكر وطبعاً حجتهم بتسكيرو أنو بودي لمشالح اللعيبة وكان ممكن يخصصوا أشخاص لمنع الدخول لجهة المشالح ويتركوا الباب من ناح المدرج الشمالي مفتوح .
المهم العالم صارت تنتقل للمدرج الشمالي عن طريق السقف المعدن اللي مغطي الفاصل بين المدرج الشمالي والمنصة وهات يا تدفيش ونعر ومع الأسف أنا كنت مع الجمهور اللي راح من هالطريق وكان في أشخاص وقفوا على سقف المدخل ليساعدوا العالم عالطلعة عالسقف طالما أنو املس تمام ومافي محل تحط رجلك أو أيدك عليه... ولما وصلت لهنيك بعد ما انهرست بين العالم عطاني واحد إيدو وطلعني و بنفس الوقت كانوا العالم من ورا عم يدفشوا لحتى يطلعو كمان وما لقيت حالي غير صرت على غفلة عالطرف التاني معلق بالهوا وعلى ارتفاع تلت متار ولولا ستر الله كنت وقعت على خندق رقبتي بس الموضوع انفدى بكسر بمشط رجلي اللي وقعت عليها وبدل ما أحضر المباراة حضرت تجبير رجلي بالمشفى .
يعني أنا بعتبر أنو الحق علي لأني لحقت العالم بهالطريقة الخطرة ولو عرفت هيك كنت بفضل دور حوالين المدرجات كلها لحتى وصل للمدرج الشمالي ؟؟؟؟!!
بس أنا عم بحكي بشكل عام وين التنظيم وين رابطة المشجعين ...طبعاً هاد اللي حكيتو
جزء بسيط من البهدلة اللي بيشوفها الواحد بالملعب وكل مين بيحضر مباريات بيعرف قصص متل هيك وألعن بس يبدو مفكرين الناس تعودت عالبهدلة
وهي مالها مشكلة كبيرة ؟؟؟؟!!!
خلاصة الحكي الواحد لما بيروح على ملاعب الطابة ببلدنا بيحس حالو فايت على (بايكة) مو على ملعب ... وصدقوني لولا عشقي للبرتقالي ماكنت بفوت على أي ملعب ولا حتى بهوب ناحيتو !!!!!...
ورح احكيلكم مثال عن الحادثة اللي صارت معي امبارح ... أنا وصلت عالملعب قبل حوالي ساعة من بدايتها وطبعاً كانت المنصة مليانة عالآخر والعالم بلشت تروح عالمدرج الشمالي أقرب مكان للمنصة بس تفاجؤوا أنو الباب لهنيك مسكر وطبعاً حجتهم بتسكيرو أنو بودي لمشالح اللعيبة وكان ممكن يخصصوا أشخاص لمنع الدخول لجهة المشالح ويتركوا الباب من ناح المدرج الشمالي مفتوح .
المهم العالم صارت تنتقل للمدرج الشمالي عن طريق السقف المعدن اللي مغطي الفاصل بين المدرج الشمالي والمنصة وهات يا تدفيش ونعر ومع الأسف أنا كنت مع الجمهور اللي راح من هالطريق وكان في أشخاص وقفوا على سقف المدخل ليساعدوا العالم عالطلعة عالسقف طالما أنو املس تمام ومافي محل تحط رجلك أو أيدك عليه... ولما وصلت لهنيك بعد ما انهرست بين العالم عطاني واحد إيدو وطلعني و بنفس الوقت كانوا العالم من ورا عم يدفشوا لحتى يطلعو كمان وما لقيت حالي غير صرت على غفلة عالطرف التاني معلق بالهوا وعلى ارتفاع تلت متار ولولا ستر الله كنت وقعت على خندق رقبتي بس الموضوع انفدى بكسر بمشط رجلي اللي وقعت عليها وبدل ما أحضر المباراة حضرت تجبير رجلي بالمشفى .
يعني أنا بعتبر أنو الحق علي لأني لحقت العالم بهالطريقة الخطرة ولو عرفت هيك كنت بفضل دور حوالين المدرجات كلها لحتى وصل للمدرج الشمالي ؟؟؟؟!!
بس أنا عم بحكي بشكل عام وين التنظيم وين رابطة المشجعين ...طبعاً هاد اللي حكيتو
جزء بسيط من البهدلة اللي بيشوفها الواحد بالملعب وكل مين بيحضر مباريات بيعرف قصص متل هيك وألعن بس يبدو مفكرين الناس تعودت عالبهدلة
وهي مالها مشكلة كبيرة ؟؟؟؟!!!
خلاصة الحكي الواحد لما بيروح على ملاعب الطابة ببلدنا بيحس حالو فايت على (بايكة) مو على ملعب ... وصدقوني لولا عشقي للبرتقالي ماكنت بفوت على أي ملعب ولا حتى بهوب ناحيتو !!!!!...