كيف سيتم اخراج المرحلة الأخيرة للدوري السوري بما يخص الهبوط ؟؟؟

[سعدي]

سؤال يطرحه الكثيرون
بعد ما شاهدناه الموسم الماضي و الطريقة التي تم انقاذ نادي جبلة من الهبوط و حل النادي
حيث طار اتحاد الكرة الذي فكر بتهبيط جبلة .. . .
نتساءل هذا الموسم ما هي الخيارات المطروحة أمام اللجنة المؤقتة لانقاذ النادي المهدد منذ سنوات طويلة دون ان يهبط ؟؟!!!

الوضع الحالي قبل النهاية بمرحلة
11 - النواعير 21 نقطة و قد نجا رسميا من الهبوط
12 - الجزيرة 18 نقطة
13 - جبلة 17 نقطة
14 - عفرين 9 نقاط و قد هبط رسميا

المنافسة إذن بين جبلة و الجزيرة
و الفارق نقطة لمصلحة الجزيرة
اللقاء الاخير للجزيرة على أرضه مع أمية و في حال الفوز يضمن البقاء رسميا (فهل يسمحون له بالفوز ؟ )
اللقاء الأخير لجبلة أمام الكرامة و على أرض الكرامة و في حال خسرها جبلة يضمن الهبوط
و كما هو معلوم أن الكرامة ما يزال يحتفط بأمل لاحراز بطولة الدوري و ليس من المنطقي أن يخسر في حمص مع الفريق المهدد بالهبوط .

نظريا بناء على مستويات الفرق و اذا سارت الامور بشكل طبيعي .. جبلة لن يحرز اي نقطة من الكرامة . . و بالتالي هبوطه أصبح قريبا مهما كانت نتيجة الجزيرة على ارضه مع أمية ( رغم صعوبة الجزيرة على ارضه )
و لكن هل هذا ما سيحدث فعلا ؟ ؟
سننتظر الاسبوع الاخير بفارغ الصبر لنعرف كيف سيكون الإخراج هذا الموسم . .
و لا استبعد أي سيناريو لابقاء جبلة فيالدرجة الأولى
حتى لو كلف الأمر الغاء الهبوط ..
او معاقبة احد الفرق بخصم نقاط
او اي سيناريو آخر ربما لن يخطر ببال أحد . .

سننتظر و نرى . . هل سيهبط جبلة هذه المرة ؟؟؟؟؟؟؟؟؟

[talbe]

طبعا الكرامة بدو يخسر و الجزيرة كمان و الدوري للجيش حاجتو الكرامة المهم جبولة فريقنا الحبيب يضل لانو احلى مشوار لاي فريق لهونيك بما انو الاهالي بيستقبلو الكل بالسكاكر و النوجة (المجمدة يلي بتكسر حيط مو راس بني ادم )

[نستول]

والله عن جد عم ننتظر بفارغ الصبر لحتى نشوف القفلة

[مالك]

هالمره المشكله مالها حله
جبله عالتانيه وانشالله مابيرجع بنوب

[أبو الياس]

بالبنط العريض لازم الكل يشكر تشرين لأنو ما عطا اللعبة لجبلة
ما في حدا عم بينافس تشرين على المركز التالت وتشرين ما عم بينافس على المركزين الأول والتاني ومع هيك اليوم فاز تشرين 1-0
كان بكل بساطة تشرين بيبع اللعبة لجبلة وما بيخسر شي
تشرين فعلا فارس الإياب بكل جدارة وتحية إلو - بس بتمنى جمهورو يوعى أكتر ويصير نضيف شوي

بتمنى شوف تقرير مفصل عن مباراة تشرين وجبلة بشي موقع غير موقع الكرة السورية - لأنو يلي فهمتو اليوم صار شغلات مشينة كتير خلال وبعد اللعبة

الكرامة مع جبلة ب حمص - ما رح تدخل فيها أي وساطة لصالح جبلة - لأنو كمان الكرامة مو قليل إن إجيت للدعم تبعو - وأيام جبلة وواسطتو عم بتروح شوي شوي

[ABOU MALEK]

أبو السعود متل ما بتعرف في سباح انقذ نادي جبلة من الغرق للدرجة التانية رح يأنقذوا هالسنة كمان

لو بدو يوقف الدوري السوري ما رح ينزل جبلة و بدهم ينزلوا الجزيرة على مبدأ الجزيرة و الفتوة من المنطقة الشرقية مستحيل ؟

بقا بتوقع في قصة محضرة و جاهزة و مستعدين يطبقوها

و ما بستبعد عقوبات للوحدة لانو فزنا عجبلة 5 - 2 بالشام و الحجة انو نفسيات لاعبي جبلة انهارات من ورانا و نحنا السبب و كلو بصير :teas



بقا لنشوف هالسباح شو بدو يعمل هالسنة

[AMIN]

هل سنة ما ضل عندهن ولا حجة يعتمدوا عليها وجبلة عالتانية

[Orange Blood]

بتوقع يعاقبو الجزيرة ويخصمولوا نقط (بدون سبب)

اذا رايت البقرة تطير فاعلم ان الله على كل شيء قدير

والحمد لله عنا ما في شي مستحيل

[نستول]

واله برجع بصفن ياشباب بشوف يعني هالسنة نظرية المؤامرة ماعم تظبط بالعكس عم تسقط بركي هالمرة بياخد كل ذي حق حقو

[جيرارد]

شو ينزل جبلة معئول مستحيل
الله اعلم شو القصة يلي طابخينها بس الهي ما تركز وينزل جبلة ع التانية

[W@SEEM]

هالسنة مالح يهبط حدا أكيد في حال أحتل جبلة المركز الـ 13 والمؤهل لدوري أبطال أمم فرق الدرجة التانية :?

بيصير عدد الفرق للموسم المقبل 16 وبيبقى عفرين بالمعية :mrgreen:

[Ammar Alfarawati]

في شغلة نفدت منك ابوسعووود

رح يعاقبوا جبلة ويعطوا نقاط ,, لانه مستوا ضعيف ,, وبدهم يربو ويخلو يلعب موسم اخر بالدرجة الاولى ويتعلم متل ***** ... ويتكبد مبالغ مالية اضافية لموسم جديد ,, مشان يبطل يصير مستواه بيقرف .... ترباية يعني ,, اله طبعا مو لباقي الاندية ,, انتبه !!!

بالص... , رح يبقى شو على كيفه

[abouabdoo]

سيناريو الهبوط لهذا الموسم :


بتتذكروا وقت عاقبوا تشرين والجهاد بهبوطهم للدرجة الثانية

رغم أنو الفريقين كان ترتيبهم بعيد عن الهبوط
الله أعلم براس مين بتنتطبش هالموسم

[عمار عبار]

ما المسؤول عنها باعلم من السائل

[MHDFA]

جار الأنتظار

[الكتلوني]

فخار يكسر بعضو دوري فاشل من أولو لا أخرو

[wissam82]

أكيد لح يصير شي سيناريو هوليودي ينقذ جبلة من الهبوط

ودنب الكلب أعوج وبيضل أعوج ..

[نستول]

سيناريو الهبوط لهذا الموسم :



بتتذكروا وقت عاقبوا تشرين والجهاد بهبوطهم للدرجة الثانية

رغم أنو الفريقين كان ترتيبهم بعيد عن الهبوط
الله أعلم براس مين بتنتطبش هالموسم

والله يا ابو عبدو مبارح كنت انا ورفيقي بهل السيرة والله يستر احسن شي

[عمران]

ممكن وهنن رايحين علعبتون مع الكرامة يبنشر الباص تبعون
فلأسباب انسانية
بخلون بالدرجة الأولى

يعني متل ما صار مع نادي الجهاد وقت الحادث وتوفى من عندون أكتر من لاعب واداري

[عمر نصري]

بعتقد رح يجيبو العصفور يحكم اللعبة و يعطيون كم ضربة جزاء و يساعدون متل لعبتون مع الشرطة

و هيك بيكونو ضربو عصفورين بحجر واحد

عطو الدوري للجيش و نفدو جبلة من الهبوط





أكيد أكيد أكيد الحل الوحيد



عصفور الدوري السوري

[bashardo الوحداوي]

مارح يطلع معهم شي غير انهم يساووا الدوري 16 فريق لانه غير هالسيناريو ماعندهم

[رامي الوحداوي]

خلص جبلة ع التانية

لعيته الجاية مع الكرامة وبحمص


بس ما بتعرف شو بيصير
الإتحاد السوري المؤقت صاحب مفاجآت

وكرمال عيون جبلة بيلغي الهبوط



مسخرة الدوري السوري مسخرة:?

[الدمشقي]

:roll::roll::roll::roll::roll::roll::roll:
العمى على هالحالة الدوري للجيش
والكرامة رح يخسر مع متذيل الترتيب
واعجباااااااااااااااااااااااااه

[الدمشقي]

ولا رح يصير عنا 16 فريق بالدرجة الأولى

[أيهم القاضي]

الشي اللي ما عم يفهموه جماعةجبلة أنو الهبوط بالنسبة لهم هو دواء وليس داء لأنو بيقدروا يراجعوا أمورهم على هداوة وبدون ما يتكلفوا كتير متل ما هلأ عم يتكلفوا و ضلوا طول الدوري عم يشتكوا من القلة

ياريت يتذكروا الوحدة لما نزل عالتانية ورجع وترتيبو ضل بعدها لخمس سنين بين الأول والخامس ويتذكروا أمية كيف كان وكيف صار بعد رجعتوه للأولى