قريبا وحداوية في حوار مع رجل الانجازات بكر ة السلة الاداري احمد قوطرش

[wahdawia.net]

كماعودناكم اعضاء منتدى وحداوية كنا ولا نزال معكم في لقاءاتنا مع اقطاب ادارة نادي الوحدة الجديدة المتجددة ...

وهذه المرة سنكون مع رجل الانجازات بكرة السلة الاداري أحمد قوطرش

سننتظر اسئلتكم التي سنطرحها عليه في حوارنا معه خلال اليومين القادمين .



وحــــــــداويـــــــــــة

[kashi]

مشكورين شباب والله في وقته هذا القاء

[وحداوي موت]

ما شاء الله والله مشرفين المنتدى عم يشتغلوا شغل حلو

[Ammar Alfarawati]

هل في معسكرات لفريق السلة ؟

بطولة دمشق هل صار وقتها مناسب هلا بعد التاجيل (لنادي الوحدة ) ؟

[مستر مدريد]

شكرا للمشرفين و الله يعطيكون العافية

بس في عندي سؤال اعتيادي

شو وضع شريف الشريف لح يرجع ع النادي ولا ..... ؟


و بالتوفيق

[حسان الحسيني]

اكيد لازم تكتبو وحداوية
بالتعاون مع اللجنة الاعلامية لرابطة النادي
:bs)

[حمودي اليوفاوي]

1- شو طموحاتكن هالسنة بكرة السلة ( المركز الرابع اللي تعودنا عليه باخر كم سنة لنكون اصغر الكبار ام كم عودنا جيل انور وطريف المنافسةع اللقب فقط لا غير ) ؟؟؟؟؟


2- مين في لعيبة من المحليين جاي ع الوحدة ؟؟؟

3- اللعيبة المحترفين الاجانب .. بتمنى يكونوا مستواهم بربع مستوى اندريه بيتس حتى نضمن البطولة .. فالدوري السوري بالفاينال فور عبارة عن اجانب .. وكلنا شاف دور الكبير اللي قام فيه جونز مع الجلاء السنة الماضية ؟

4- ليش ما بتفكروا تجيبوا لعيبة عرب خصوصا لعيبة مصريين يعني متل صانع الالعاب الرائع رامي الجنيدي لاعب الجزيرة المصري ؟؟

[أبو الياس]

شو مشان أنو الموضوع نازل مرتين؟؟
http://www.wahdawia.net/vb/showthread.php?p=109699&posted=1#post109699 (http://www.wahdawia.net/vb/showthread.php?p=109699&posted=1#post109699)

[Ammar Alfarawati]

اي صح اخ ابوالبقاء
لان المقابلة قريبة جدا ومشان الكل يشوف الاعلان ويسال .

[M-AL MN@GED]

أهلين كابتن أحمد والله يعطيكون ألف ألف ألف عافية

أول شي بتمنى نعرف وضع الفريق من الناحية الفنية كيف صار

تاني شي شو أخبار الفريق من ناحية التعاقدات المحلية أو الأجنبية

وبتمنى ترجعو الثنائي الوحداوي للعضم المرعب أندريه بيتس وإيدي واشنطن

يللي بإحدى تدريباتو كان لابس كنزة الوحدة وباس شعار الوحدة فدليل إنو بيعشق الوحدة

[EmadAsfour]

ابو عبدو الغالي

لماذا الاعتماد الكلي على هادي درويش ؟

وما هي القواعد الاساسية بالنسبة لك مشرف السلة من اجل بناء قواعد وفرق برتقالية ممتازة ؟

[الأدعشري]

بشكر المشرفين و بقول لأبو عبدو أهلا فيك بين اهلك وناسك ..
وبانتظار اللقاء

[عمر نصري]

دورة دمشق السلوية تعودنا عليها برمضان
و هلأ تأجلت لأجل غير مسمى
هل سنشاهدها هذا العام أم أنها انتهت
و نتمنى ان أقيمت الدورة مشاركة اندية كبيرة
مفيدة و كبيرة

[messi]

أبو عبدو الملك
ماذا عن التعاقد مع اسيد كالو و شريف الشريف و همام البني؟؟

[Elwani]

1_في الموسم الفائت تعاقدنا مع لاعب قاسيون سامي الحافظ..والذي كان يسجل مع فريقه 40 نقطة او 35 نقطة في كل مباراة..ولكن كما لاحظنا أخفق السنة الماضية مع الوحدة... ولم تتعدى مشاركته بالمباراة 10 دقائق و غالبا لم يكن يشارك بالمباراة بأكملها..أليس هذا درسا بأن لاعبو الأندية المغمورة ليس باستطاعتهم أن يواكبو الفرق الكبار؟؟وأنا هنا أتحدث عن أسيد كالو...وطبعا بعد كل هذه الضجة الإعلامية على هذا اللاعب نحن نتوقع ان يكون هذا اللاعب سببا في قلب موازين نادي الوحدة إلى الأفضل..لأنه وبكل صراحة نحن نقاتل عليه كأننا نقاتل على ميشيل معدنلي وتبقى رؤيتكم هي الأنقى والأصفى أنتم أهل الخبرة..بإذن الله


2_2003_2004 أظهر نيناد غراديتش اللاعب أشرف الدركزنلي و في سنة 2005_2006 أظهر راتب الشيخ نجيب اللاعب شادي لبس..وفي سنة 2006__2007 أظهر هادي درويش اللاعب ربيع هاشم...لماذا هذا التراجع في القواعد؟؟بحيث على غرار 4 مواسم متتالية لم يظهر إلا 3 لاعبين فقط من القواعد؟؟!!!!!!

3_هل سوف يتم عملية تبادل لاعبين بين البرتقالي و باقي الأندية كي نطور لاعبينا كما نطور لاعبيهم الشباب...ام سيكون مصيرهم (آوت)؟؟

4_ماهي الأفكار التي في بالكم حتى يعود جمهور البرتقالي كما عهدناه في السابق؟؟

5_هل هناك معسكر للفريق؟؟

6_هل ستوفون المستحقات المالية التي ترتبت على الإدارة الفاشلة السابقة؟؟

7_لقد قمت بمداخلة صغيرة في موضوع عن اللاعبين الجدد في النادي...أرجو الإطلاع عليها..

دمتم لنادي الوحدة ودمت يا أبو عبدو كما عهدناك محبا لنادينا نادي الشام...
وشكرا




كريم

[SAD LoOoVER]

بالانتظار ان شا الله
سؤال وحيد للكوتش احمد ..

كلمتين بدي اسألووه عليهوون

االاولى لاهل الشام و جمهور الوحدة شو بيقوول

و التانية شو رح يكوون موقفوو لو خسر الوحدة هالسنة المركز الرابع

يعني بيطلع الخامس مثلا