مفهوم الزج بالشباب . .

[سعدي]

أطل علينا يوم أمس صحفي رياضي منذ 34 سنة بتوصيف غريب لكلمة الزج بالشباب . .
فتعليقا على كلام الكابتن نزار بأنه هذه الفترة يزج بالشباب
قال اخونا الصحفي منتقدا ابو حامد بأنه اين الشباب ؟؟ و عدد اسماء بعض اللاعبين الكبار بالنادي و من ثم ذكر اسم شابين و قال هل هؤلاء شباب ؟ ؟
جوابي للأخ الصحفي (اللي رغم انو صرلو 34 سنة يا دوب معروف اسمو ) عندما يزج مدرب فريق الرجال بالشباب لا يستطيع اللعب بتشكيلة كاملة من الشباب و انما يقوم بتطعيم ببعض المراكز بالشباب ليعطيهم الثقة . . و لو أنه لعب بتشكيلة كاملة من الشباب فلن يستفيد الشاب شيئا لأنه سيلعب مع نفس الاسماء التي يلعب معها منذ سنوات . .
هو يحتاج لأن يلعب بجوار رأفت و العلايا و الخليل و الشعبو و البقية . . حتى يعتبر نفسه شارك الرجال .
و لا يستطيع اي مدرب بمرحلة حساسة من الدوري ان يلعب بتشكيلة شابة بشكل كامل حتى لا يتهم بالتواطؤ لصالح أحد الاندية . .
و لا يوجد بأي نادي سوري 11 لاعب شاب جاهزين لترفيعهم دفعة واحد لفريق الرجال .
فالفريق الذي يستطيع ترفيع 4 لاعبين مثلا الى فريق الرجال يكون قد قام بانجاز كبير .
عندما نطالب مدربنا و نادينا بالاعتماد على الشباب لا يكون قصدنا ان نلعب 11 لاعب شاب
و انما نقصد ان يلعب الشباب بجوار الكبار ليكونوا جاهزين لقادمات الأيام ..

لن اذكر اسم الصحفي لأنه عندي شعور داخلي أنه تكلم ما تكلم لنذكر اسمه نحن و بقية الجماهير و يحقق انتشار لاسمه لم يحققه طيلة 34 سنة .
و ليس همي انتقاد ذاك الصحفي بقدر ما أريد توضيح معنى كلمة الزج بالشباب .

[انا دمي برتقالي]

مين هالمفزلك لي عم يعمل معلمية على أبو حامد؟؟؟

لا تقلي أول حرف من اسمه نديم؟؟؟؟

مشان ما انجلط بأرضي

[wissam82]

لا تقلي أول حرف من اسمه نديم؟؟؟؟

لا مو هو ،، بالعكس مبارح نديم جاوبه جواب مقنع
لهاد الصحفي الوثباوي لما حكى هيك ..


أنا مبارح ما صحلي شوف من الحلقة غير هالجزء يلي ذكرته أبو السعود

وفعلا بتحس بكلام هالصحفي ئديش هو جاهل وماله علاقة بالرياضة للأسف
وهو مسطرة من الإعلاميين المتسلقين على مهنة الإعلام الرياضي بدون ما يكون
عندهم أي معرفة ودراية بهي المهنة المرتبطة بالرياضة ..

وكلمة الحق تقال انه رد نديم الجابي على هاد الصحفي الوثباوي كان جيد جداً ..

وأضف ع الكلام يلي حكاه انه مفهوم الزج بالشباب مو يعني نلعب بـ11 لاعب شباب
لأنه بهي الحالة منكون عم نحرقهم كمان لما يواجهوا فرق رجال،، بس بدك مين يفهم ..

و تطعيم الفريق بالشباب على مراحل هو يلي يعتبر بناء فريق شاب ليكتسبوا الخبرة ..

فروح قراء شوي وتعلم شوي بالأمور الرياضية قبل ما تتفلسف على غيرك يا الصحفي الوثباوي
مو ناقص غير واحد متله يتفلسف ويعلم الكبير أبو حامد ..!!!

[ابو كريم]

مين هالمفزلك لي عم يعمل معلمية على أبو حامد؟؟؟

لا تقلي أول حرف من اسمه نديم؟؟؟؟

مشان ما انجلط بأرضي



لأ حبيبي مو نديم.. انا معك بهي سعدي
يعني استغربت من فكرتوا حتى لطفي ونديم استغربوا، لأنو الكرامة يلي هو الكرامة
مابرفع كل سنة غير لاعب واحد او مكسيمو لاعبين، وهذا شو الكرامة بطل الدوري
فكيف الوحدة يلي ترتيبوا العاشر دائما!!
إي منيح يلي لقا أبو حامد لعيبة عليها ضو، بعرضي يلي بينزل عتمرين فريق الشباب
بقول وين اللعيبة، ما شا الله كلن لعيبتنا مع احترامي لقلن (خروووووق) مافي هذا اللاعب
يلي بفش الخلق وبقاتل عالطابة وبيلعب طابة تمام..

[Orange Blood]

يعطيك العافية اخي سعدي

بس ما بدك عالم تفهم

او متل ما ذكرت يمكن عمل فتيشة مشان ينذكر اسمو وينشهر

[انا دمي برتقالي]

مافي هذا اللاعب يلي بفش الخلق وبقاتل عالطابة وبيلعب طابة تمام..



ذكرتوني بشغلات حلووووووووووووووةةةة عن أبو حامد الملك...

شباب... بتتذكروا أديه كان فريق شبابنا دايخ وطري بالتسعينات.... وبتتذكروا رغم هيك كيف أبو حامد كان دائماً يكتشف فيون (ويصنع منن) ناس متل لؤي طالب والمحملجي وأمثالون على سبيل المثال لا الحصر؟؟؟


لك بربي إنك فيرغسون الوحدة يا أبو حامد... وحياة ربي بحبك بالله ونحنا معك يا معلم يا أنيق يا أكابر ويا خلوق ويا صاحب الدين والأخلاق.

أبو حامد وبس

[أبو شام]

ما شاف شباب؟؟ الزبيدي والاومري والعجان شو هدول..ليكون عم يتفرج ع الوحدة الاماراتي:mrgreen:

[Ammar Alfarawati]

هاد الصحفي مالازم يكون صحفي , لازم يسمو مشجع متعصب ,,

وبالنسبة للرد عليه , معروفة عند كل العالم شو هو الزج بالشباب , بس هاد الصحفي , جاية يقاتل مقاتلة

[محمود الصفدي]

أول البرنامج كان مبين عليه فهمان عم يحسس الجابي أنا نادي الجيش عم يربح المباريات بيمجهود الحكام

وبس تكلم الكابتن نزار صار الفهمان يحكي حكي من فوق الساطيح

أرجوا من القائمين على البرنامج أنا يكون في ناس تفهم في مجال الكرة

[وحداوي موت]

لك هدا بهلول مو صحفي

عنجد معن حق انو ما يطلعوه على التلفزيون

بدي أفهم من وين نكشو لطفي

وخصوصا انو بلحلقة كان نديم الجابي

هدا يحكي من الشرق والصحفي يفهم الكلام على قد مستوى عقلو

فعلا بتضحك حلقة مبارح

خصوصا وقت نديم كان عم يقلو انا عم احكي عربي مو صيني
هههههههههههههههه


بس عنجد هو وين ونديم وين

في فرق كبير بين التنين

[Ammar Alfarawati]

خصوصا وقت نديم كان عم يقلو انا عم احكي عربي مو صيني

اي عنجد , انا هون فكرت الصحفي رح يترك الحلقة ويمشي او يتخانق معه ههههههههههههه بس تم ساكت ماعرف يرد ههه

[وحداوي موت]

عمار وحياة الرب

هدا الصحفي جاية يخانق مو جاية يتناقش

نديم كان عم يحكي بمنطق عن الجيش وعن التحكيم وعن مشكلة النحل والزلمة ما غلط أبدا


بس هداك تقول كانوا جامع اهل حمص كلن وقالولو خود بتارنا

نازل يخانق مو نازل يتناقش أبدا


جننو مبارح لنديم

ههههههههههههههههههههههههههه

احلى شي وقت حكالو على قصة اللعيبة العساكر

قلو يعني انت بدك تقول انو الجيش قصدا ما لعبن ههههههههه

واحلى شي كان بلحقة على قصة التحكيم

نديم كل ما يقلو انت هيك بدك يقلو لا

يقلو طيب شو قلك الحكم ابن الوثبة

ما كان يقول شي


بس هيك بدو يخانق ويزعبر

[هنو]

لو هالصحفي الوثباوي العتيد
ع وشو شوية ضو
مابيضل بجريدة الموقف الرياضي لهلأ
مع احترامي لجريدة الموقف
ع الأقل كان كتب زاوية صغيرة بالرياضية مثلا

[نستول]

ي هالحلقة للكوميديا وتغيير شكل :grin:

[noel]

الاومري-العجان- و خربين- و سي الشيخ- و قصي -و عبد الناصر -و الزبيدي -الخربطلي- الرمال - العكرمة-
هي على افتراض كنا هنود و صدقنا هل صحفي :mrgreen:الغشيم هدول اللعيبة عم يتدربو بالنادي اديش اعمارهن؟؟

[SH@@MI]

ما أغلظه
شو تزاولت منو

بس حسيتو انو عم يحاول يزت حكي عالوحدة بالجكارة بنديم
لأنو هداك حكى شوي عن الوثبة وعن الكرامة

أنا توزاولت منو لما قال (لو حطوا فرص الطكرامة كان تبهدل الوحدة) مين انت لحتى تحكي هالحكي وفريقك خسران 4-0 وعم تحاول تلاقيله مبررات شوي بتساوي كل الغوال فيهن أخطاء وشوي بتساوي الكن ضربات جزاء



وأحلى الشي
لما عم يعد أسماء الشباب ذكر كمثال مؤيد عجان وأومري و ماهر الطويل :?

[جيرارد]

يييييييييييييييييه مأسئلوا لاء وعامل حاله فهمان لك يضرب اذا بيفهم شي بالرياضة