منتخبنا يرفض لقاء منتخب المكسيك مبدئياً !!!!!!!!!!!!!!!

[KiNg82]

طلب الاتحاد المكسيكي لكرة القدم إلى اتحاد كرة القدم السوري إقامة مباراة ودية بين منتخبه الأول ومنتخبنا الوطني في إحدى المدن السويسرية نهاية شهر أيار المقبل,قبل أن يرفض الجهاز الفني لمنتخبنا بشكل مبدئي المواجهة لعدم توافقه مع البرنامج التحضيري.



وقال المدير التنفيذي في الاتحاد السوري سعيد المصري لسيريانيوز إن "الاتحاد المكسيكي أرسل فاكساً يطلب فيه مواجهة منتخبنا ودياً في 31 أيار المقبل", مشيراً إلى أن "الجانب المكسيكي سيتحمل كافة النفقات بما فيها الإقامة والمواصلات على أن تلعب المباراة في إحدى المدن السويسرية".

وقرر المنتخب المكسيكي إقامة معسكر تدريبي في سويسرا أواخر أيار المقبل استعداداً لكأس العالم 2010 بجنوب إفريقيا, والتي يخوض منافساتها في المجموعة الأولى إلى جانب جنوب إفريقيا وفرنسا والأورجواي.

وأضاف المصري أن "الجهاز الفني رفض بشكل مبدئي اللعب مع المكسيك كون الموعد المحدد لا يتوافق مع خطة المنتخب الاستعدادية لكأس أمم آسيا", مؤكداً أن "القرار النهائي سيتخذ بعد اجتماع اتحاد الكرة مع مدرب المنتخب فجر إبراهيم في اليومين المقبلين".

وكانت قرعة كأس أمم آسيا 2011 بكرة القدم أسفرت عن وقوع منتخبنا الوطني في المجموعة الثانية إلى جانب منتخبات السعودية واليابان والأردن, علماً أنه يفتتح مشواره في البطولة بمواجهة السعودية, قبل أن يلاقي اليابان والأردن على التوالي.

وتعود سورية للمشاركة في نهائيات كأس الأمم الآسيوية لكرة القدم بعد غياب 16 عام عندما شاركت لآخر مرة في نهائيات كأس آسيا في الإمارات عام 1996.

يذكر أن منتخبنا ضمن بلوغ النهائيات الآسيوية بعد صدارته للمجموعة الرابعة في التصفيات برصيد 14 نقطة، يليه المنتخب الصيني برصيد 13 نقطة، وفيتنام ثالثة 5 نقاط وأخيرا لبنان بنقطة واحدة


ملطووووش:oops:.

[maxteero]

ليكون يا أبو عمر ما وافقوا لأنو وصلتهم الدعوة عن طريئ الفاكس


ولا شو رأيك ؟


بصراحة الكابتن فجـر بيعرف مصلحة منتخبنا اكنر من أي شخص بيحب المنتخب

والقرار بيرجعلو أكيــد

[لقمان]

نحنا ما منتازل نلعب مع هيك مستويات قال المكسيك قال معنا حئ نرفض

[maxteero]

انا شاكك بالفاكس :roll:

[معتصم قيروط]

اول شي مساالخير =بتوقع لعبة مع منتخب متل المكسيك مهمة جدا ولازم نلعبا لانو بالمستقبل رح نبوس الايادي لنلعب معهون وبالاخص اذا ادموا مستوى جيد بكاس العالم اوحتى متوسط . والسلام

[noel]

بيتوقع نخسر شي 5 صفر ازا لعبنا معهن

و بعتقد مباراة بهل قوة مفيدة و طالما انو ببلاش

[endless_lionheart]

معنا حق والله مانلعب...
يعني بينتزع لعبنا بعدين
شو مكسيك مامكسيك مين هدول لنرضى نلاعبهم...
وبسويسرا كمان؟ أي تقيلة...

[bmekhaled]

يعني معقول هالخبر يعني ؟؟؟
والله ماني مصدق

والله معناها المكتوب مبين من عنوانه

يعني صار بدنا نتعنطز على لعبة بسويسرا و مدفوعة التكاليف على حساب منتخب مهم متل المكسيك لتعارضها مع برنامجنا التحضيري ؟؟!!

أما حكي بلا طعمة
ليكني هل شفت ترتيبنا و ترتيب المكسيك على موقع الفيفا

المكسيك 17
سورية 97

فإذا كان هالخبر صحيح معناها كل شي اسمه كرة قدم عنا مسخرة بمسخرة

[slan]

يا اخي ليش يرفضوا


كل شي ببلاش كتر منو

بعدين هي المكسيك مو حيلا واللعبه بسوسرا

والله المباره قوية ليش يرفضوا

[رامي الوحداوي]

غريب أمرن


لعبة قوية مع المكسيك وبسويسرا وببلاش

وما رضيوا أخي جماعتنا بيحبوا يدفعوا بكرة بيركدو ورا جزر المالديف لتلعب معنا


بس القرار بالأخير للكابتن فجر

[zaher0]

بس نحنا لازم نحترم الخطة الموضوعة للمنتخب من شان ما اتصير الشغلة شوربا
ولو انو مباراة ما ابتتعوض

[Orange Blood]

اذا كانت المباراة فيها مصلحة للمنتخب, ما بتوقع الكابتن فجر يرفضا

ولا تنسوا انو اذا خسرنا مثلا بنتيجة كبيرة ممكن هالشي ياثر على نفسية اللاعبين واكيد الكابتن فجر بيحسب هالحساب.

هاد غير التعليقات اللي بلا طعمة اللي لح نسمعا من الشميتة والعواينية اللي عم يحاربو الكابتن فجر

ونشالله بالتوفيق للكابتن فجر

[wissam82]

بدون تعليق ...........!!!!!!!!!!!!!!

[زينكو]

اقصنا نبهدل حالنا

[أبو عامر]

غريب هالقرار حدا بيصحلو معسكر بسويسرا ومباراة مع المكسيك وبيقول لا لشو هالتكبر اللي مو بوقتو وعمتستنانا كأس اسيا ومباراة مع منتخب المكسيك اللي بظن انو اقوى من كل فرق اسيا رح تفيدنا كتير بس فعلا قرار غريب عجيب من فجر ابراهيم

[انا دمي برتقالي]

وأنا متلكون أول ما قريت الخبر تفاجئت انصدمت استغربت انبهرت انقهرت انفجت انشليت وعصبت ورجعت قريت الخبر مرة تانية لأنه فكرت حالي فهمانه بالمقلوب... بس تاري صح...

سورية ترفض مباراة مع المكسيك... وبسويسرا... وعلى حساب المكسيك...

لك لسه مبارح عم قوول لازم نلاعب فريقين أو تلاتة من مستوى قوي جداً لحتى ما نتفاجئ بكرا باستراليا وأمثالها إذا لاعبناها بالدور التاني بعدما نتأهل من دور المجموعات... واجت مباراة المكسيك على إيديها واجريها ولبين إيدينا وعالمرتاح.... بس الله بيطعم الفهامة للي ماله حظ... العين تطئنا شو مالنا محظوظين...

قال تتعرض مع البرنامج التحضير للمنتخب...

لك لسه مبارح عم نمدحه للمستر أبو علي... ايه شو هالبرنامج الخطير لي بيخليه يرفض مباراة مع المكسيك...؟؟؟ ايه شو مواعد البرازيل وإنكلترا بهديك الفترة...

أصلن لازم نحنا هلئ نستفيد من إنه في بطولتين مرتبين قبل كأس آسيا ويلي هنن بطولة الخليج وبطولة كأس العالم... لازم نستفيد من هدول البطولتين ونحضر مع المشاركين أكتر من خمس مباريات... وافرق لي جاية بمجموعتها فرق عربية وفرق آسيوية ماعندها مانع تلاعب منتخبنا...

يعني مثلاً هولندا في بمجموعتها فريق اليابان... وما بعتقد يرفضوا يلاعبوا منتخبنا...

لو طلعنا بمجموعة الجزائر رح منشوف أميركا وإنكلترا وسلوفينيا (افريق القوي لي كشتح روسيا وتأهل بداله)... وأكيد بيهمون يلعبوا مع فريق عربي...

كوريا الشمالية والجنوبية أكيد فرق مجموعاتون بيرغبوا يلاعبوا منتخبنا باعتباره آسيوي... وهي الفرق هي الأرجنتين ونيجيريا واليونان والكاميرون والبرازيل والبرتغال... وهدول التنين الآخيرين جايين هنن التنين بمجموعة كوريا الشمالية... يعني شغلة لو منلاعب البرتغال... حتى لو تشرشحنا,... مو هاد المهم... المهم يكون قلبنا قوي ونلاعب فرق كبيرة....

ولاحقاً بعد كأس العالم في عنا بطولة الخليج... وأكيد المنتخبات الخليجية المشاركة رح تبحث عن مباريات ودية... وهادا كله لصالحنا...


لازم يحضروا مباريات ودية قوية...

[MOH@MAD]

:roll::roll::roll:

والله مو معقول امرهون لك ياحرام على هيك ناس مستلمة الرياضة ببلدنا

يا عيب الشوم بس !!!

[<MoHaMeD DaBoUL>]

خير إن شاء الله

[محمود حلبي]

المكسيك 17 تصنيفن
سورية 97 تصنيفنة الفارق معنة نحن زايد عنة التاء المربوطة
وغير هيك نحنة اكتر 80 رقم كل الفوارق وبدنة نلعب معهم
العين ططرق هيك اتحاد كرة عنة:box:

[j@mil]

المفروض ندور على مباريات
ترفع مستوى المنتخب
مشان مشاركته ب
كأس
:crdrأمم أسيا 2011:crdr

و هي فرصة:ban كبيرة و مجانية:))
لنلعب مع منتخب المكسيك:?

:box::box:
:box:

يعني يحطو هالمباراة ضمن
:iron:البرنامج التحضيري:iron:
:lol:للمنتخب:lol:
و
بس
======================

[فهد قيطاز]

ولله فكرتها نكتة وقت شفت العنوان
معئول؟؟؟ صدق أو لا تصدق :roll:

[وحداوي كتلوني]

يعني لو يجو يلعبو معنا بالعباسيين ممكن يوافقو حماعتنا ساعتها


لأنو بصراحة معهون حق جماعتنا لأنو ملاعب سويسرا جدا سيئة وغير هيك فريق المكسيك غير مناسب لأنو عنا جدول استعدادي يتخللو مباريات مع فرق قوية متل الهند فكيف منروح علينا لعبة مع الهند ببومباي ومنروح منلعب مع المكسيك بسويسرا


لك تلحسو ...... أنتو وهيك رياضة بهالبلد

[هادي2]

شباب الخبر صحيح 100/100 وأنا بعرف الخبر من خمسة أيام وبعرف انو فجر ماقبل يلعب وبعتقد انو معو حق
لأنو هو يللي بيعرف ايمتى بدو يلعب وايمتى لا واذا مانت اللعبة مفيدة أو لأ
وهاد حق أي مدير فني لأي فريق

[عبدالإله]

و الله هادا فجر ابراهيم مو من مستواه انو يلعب مع المكسيك , مفكر حالو شي شغلة , بس رح يدوب الثلج و يبان المرج , لأنو ما تأهلنا للنهائيات غير لأنو الفرق اللي لعبنا معها صغيرة ,

[الكتلوني]

شر البلية مايضحك بس عجبي على الرياضة السورية

[taiger]

عن جد شي غريب يعني حتا لو خسرنا بس لح تكون الفائدة اكبر معقول يرفض هيك لعبة وانو برنامج تحضيري يلي عم يحكي عنو بدو يلاعب الهند وكم فريق بالدوري لك شو بدو يحكي الواحد اااااااااااااااااااااااااااااااااااااخ

[KiNg82]

منتخبنا يلغي فكرة اللعب مع المكسيك

خليا نلعب مع جزر المالديف والهند واليمن يمكن يكونوا افضل من المكسيك



قال محمد عباس المنسق الإعلامي للمنتخب السوري لكرة القدم إن الجهاز الفني للمنتخب السوري صرف النظر "نهائيا" عن المباراة الودية المقررة مع المنتخب المكسيكي في شهر أيار المقبل.



وأوضح عباس في تصريح لسيريانيوز أن موعد المباراة لايناسب أجندة الاتحاد بسبب تزامنها مع منافسات الدوري السوري لكرة القدم وكأس الجمهورية ، فضلا عن صعوبة التحاق اللاعبين المحترفين في اللقاء.

وكان الاتحاد المكسيكي أرسل فاكساً يطلب فيه مواجهة منتخبنا ودياً في 31 أيار المقبل ويتحمل الجانب المكسيكي كافة النفقات بما فيها الإقامة والمواصلات على أن تلعب المباراة في إحدى المدن السويسرية.

وكان عدد من مدربي الفرق السورية اشتكوا من الضغط الكثيف للمباريات ، سيما وأن الاتحاد الدولي لكرة القدم أمهل الاتحادات الدولية في العالم حتى شهر أيار لانتهاء المنافسات المحلية بسبب انطلاق نهائيات كأس العالم في جنوب إفريقيا.

وأضاف عباس أن مدرب المنتخب السوري فجر إبراهيم قدم برنامجه التحضيري للجنة المؤقتة لاتحاد كرة القدم على أن تقام المباريات الودية المقترحة في الأيام المخصصة للفيفا.

وكشف عباس عن وجود محاولات لإحدى الشركات وهي نفسها التي استقدمت منتخب السويد لإجراء مباراة مع أحد الفرق العالمية في سورية من دون أن يتم بذلك حتى الآن بشكل رسمي.

وكانت صحف محلية نقلت عن رئيس اللجنة المؤقتة لاتحاد كرة القدم معتصم غوتوق وجود مساعي لإجراء مباراة ودية بين منتخب سورية الأول ومنتخب البرازيل (أولمبي أو شباب ).

وكانت قرعة كأس أمم آسيا 2011 بكرة القدم أسفرت عن وقوع منتخبنا الوطني في المجموعة الثانية إلى جانب منتخبات السعودية واليابان والأردن, علماً أنه يفتتح مشواره في البطولة بمواجهة السعودية, قبل أن يلاقي اليابان والأردن على التوالي.

وتعود سورية للمشاركة في نهائيات كأس الأمم الآسيوية لكرة القدم بعد غياب 16 عام عندما شاركت لآخر مرة في نهائيات كأس آسيا في الإمارات عام 1996.