كلمتين بوقت اجتماع كوستيكا مع الادارة ...

[Ammar Alfarawati]

اليوم (او هلا بالاحرى) كوستيكا رح يجتمع بالادارة ويحط النقاط عالحروف مين بدو ومين مابدو .

ومن بعد هالاجتماع رح نعرف الاسماء ونخبركم ان شاء الله .

بس الي رجاء من الكل لاعبين وادريين للفريق وادارة انهم يكونوا ايد وحدة مع بعض قلبهم على بعض (متل اسم نادينا الوحدة)... بالخسارة بالربح بالتعادل .

بدنا الموسم يكون متل مامنتمنى من البداية منافسة وروح الفريق بكل مباراة من اولها لاخرها .

الجمهور :

الجمهور مارح يرحم المقصر ايا كان لان هو الاصل هو يلي ورا الفريق بالسراء والضراء باي وقت واي مكان ...

منقبل بالخسارة متل مامنقبل بالربح وبالتعادل لانها قضاء وقدر بس بعد مانشوف انو انبذل مجهود ومحاولة للاحسن ..

اخر كلمة ان شاء الله الشللية بفرقنا كلها تنتهي بهالموسم باذن الله بهمة الادارة .

المحبة ياجماعة اساس النجاح.

ويد الله مع الجماعة.

[أبو الياس]

يا سيدي شكرا على اللينك يلي بعتلي ياها على الماسنجر - فيقتني من أربعتي - الساعة هون 2.35 فجرا - يعني ما بدك تخليني فيق ع السحور؟؟؟؟

بالتوفيق للوحدة وأتمنى أن نرى وجوه من شباب النادي
وحاجة استعارة من الفرق

[Ammar Alfarawati]

اي الحق عليي يلي عم سليك بغربتك

ليش مخلي المسنجر شغال طيب حطو مشغول مشان ماتفيق تاني مرة :f)

[أبو الياس]

حاضر معلم - بس أنا ما بقدر خلي الأكابر متلك يشوفوني أوف لاين - لازم ع طول كون جاهز وحااااااااااااااااااااااااااضر


بس يعني أنت متل هل الناموسات التلاتة يلي معي بالغرفة
شنو أنت أكتر واحد أون لاين بالليل عندي

بالتوفيق لكوسا تيكا

[حسان الحسيني]

نحن بالانتظار عمار

[Ammar Alfarawati]

نحن بالانتظار عمار



ان شاء الله حسان بس ان شاء الله يخلصوا بكير مانكون :bd)

[هنو]

الجمهور
أأأأخ ع الجمهور
اكثر من انظلم بهذا النادي
و الله الموسم الماضي نزلت دموعنا و الله
و في مين من الشباب يشهد

[حمودي اليوفاوي]

نحن بالانتظار عمارو
ولا يهمك انت سهران ونحنا سهرانين وكوستيكا سهران مع الادارة
نحنا سهرانين كرمال السحور :lol:

فمشان هيك مو مشكلة لو تأخر الاجتماع

[حسن عوده]

ما خـــلــص الاجتماع ؟؟
بدنـــا نعرف شو صــــــــار
يا ترى أول ما بيخلص الاجتماع رح تحكولنا شو صار ومين بده ومين ما بده ؟؟؟
او استنى لبكرة ؟؟؟
بدنا نطلع نسهر لانه وانا قاعد و الله بس من شان شوف شو بده يصير مع كوستيكا ؟؟؟
الله يوفقكم يا برتقال الشام

[أبو الياس]

وين نتائج الاجتماع عمار بيك
هي رح بيأذن لبصبح عندي؟

[هنو]

يلا عمار
ع حب الله يلا

[mmrdem]

عمار شو مشان انو عمنستناك وعنا فيقة الصبح عالشغل وبكرة السبت ورمضان والله ازا بتكون نايم وعمتشخر لورجيك

[حسن عوده]

لك شو صااااااااااااااااار ؟؟
رح نام على الكمبيوتر
من شان الله
:b(

[mmrdem]

منشان اللهه عمارو يلة

[WAEL -AL BRNE]

:mrgreen::mrgreen::mrgreen: شو صار

[حسن عوده]

انروح انام ؟؟؟
طيب احكي اي شي
:cry

[حسن عوده]

ليكون ما في اجتماع من اصــله ؟؟؟
و الله بموت جلطة على هالمقلب !!!:roll:

[wassim80]

أنا نمت شي 5 مرات وناطر شو صار معكون

لتكونو رحتو تشوفو الزعيم بباب الحارة كيف انأتل ونسيتونا ؟؟؟؟؟؟؟؟؟؟؟؟؟

[حسن عوده]

:cry:cry:cry:cry:cry

ايـــــــــــــــــــــــه اللهم طولك يا روووووح
انا رح انام وخبروني بكره شو بصير

[mmrdem]

ياعمار قول الحق الاجتماع خلص ولا لاء

[wassim80]

ليكون إجتماع سحور وبس ؟؟؟؟؟؟؟؟؟؟؟؟؟

[أبو الياس]

إهلين حبيباتي
يمكن الساعة عندكم هلأ 6 الصبح
وأكيد صاحبنا ساحبها نومة متل ما كان يسحب ثابت من زمان قريب
واليوم عطلة فاتنظروا إنا منتظرين

[بشـار الوحداوي]

لك ادن وصرلو ساعتين ماذن ولهلئ ما شفنا شي

[Ammar Alfarawati]

انا اسف شباب بس مبارح صاجبكم كتب الموضوع وانسطح بالفرشة من الكريب ماقدرت ارجع ادخل من وجع الراس


يلي وقع قبل اجتماع مبارح وكتبوهم بالرياضية الصبح طبعا ماحبيت اذكركلم هالشي مشان جبلكم كل الموقعين

بس على كل هي الاسماء يلي موقعة من برا النادي

كنان ديب , ايمن الخالد , عامر اسلام

ويلي ماوقعوا هنن المعتوق السيد العاقل العاجي الاباظة والرداوي

هدول الاسماء قبل اجتماع مبارح ..

يلي ماانذكروا وقعوا .

ان شاء الله شوي بجبلكم اخرا الاخبار.

[EmadAsfour]

شو صار عمار بالسحور تبع الشباب

[حسن عوده]

بس مين عامر اسلام ؟؟؟
وياريت قائمة مرتبة على كيف كيفك باسماء اللاعبين اللي اختارهم كوستيكا ووقع معهم النادي

[deyaa]

الله يوفق لنصفق

اخيرا صار في كم لاعب مسجلين بالنادي

يعني الوضع صار احسن من الاول

[أبو عامر]

الله يوفق لنصف دبكة كمان