غسان معتوق ينفى

[حسان الحسيني]

في حديث مع النجم الخلوق تم اليوم
بالنادي بيني وبينه وهادي
نفى الاعب الخلوق الاشاعات التي تناولته
وانه بطريقه لنادي الجيش
وقال انه لايفكر بترك النادي الذي تربى بين جدرانه
واكد انه بايام سابقة لم يترك النادي فكيف يتركه بهذه الظروف
واكد انه هو من دعى الاعبين للحضور من اجل التمارين في ظل غياب الادارة والمدرب بوقت سابق
واكد انه لايهتم للاقاويل التي تتحدث عمن سيلعب اساسي للفريق
وانه لافرق بينه وبين الزبيدي
لاان هدف الجميع خدمة النادي

[هنو]

و الله انك محترم يا غسانو

[الرومانسي الحزين]

بجد بتمنى من الكل يسمعو من غسان لانو جدا خلوووووووووووووووووق

[mmrdem]

والله هالزلمة بحبو
اكتر شخص بالنادي بتحسو متوازن وهادي ومالو مشاكل ومرة شفتو بالتدريب يعني فعلا بتحسو كابتن بالفطرة

[مستر مدريد]

لعيب فنان علمهون يا غسان

[أبو صخر]

بجد بتمنى من الكل يسمعو من غسان لانو جدا خلوووووووووووووووووق
أبو الهود
هالاعب لعبه وأخلاقه خيلة
يا ريت شباب لو توصلو سلامنا لهالرمز البرتقالي

[nation]

يا ريت عنا شيء 10مثله

[Ammar Alfarawati]

ليش شو كتبنا نحن ياحسان ...سبقناك عليها هي :wink:

[وحداوي موت]

انا من اول ما شفت الخبر عرفتو القديم تبع انتقالو للجيش
عرفت انو الخبر باطل
غسان اصيل ومن ريحة اللاعبين الاصيلين

[messi]

لك ما قلنالكم انه هو رمز برتقالي
و رح نضل نذكرو دائما متل ما عم نذكر نزار محروس والمحملجي

[WAEL -AL BRNE]

مافي منو غسانو بكفي ميداني

[أبو عامر]

غير سبقناك عليها انا كل اللي قلته حسان انو الزلمة ما حدا فاتحه بموضوع التعاقد معه وانو رح تكون وجهتو عالجيش اذا ماحدا خبرو بشي وهو بنفسو خبرني هالكلام ومافي داعي مشان موضوع صغير صار الكبير والصغير بدو يعرف شو صاير

[messi]

عاشق الوحدة واليونياتد:

حبيبي انت هلأ عم تغير كلامك
اول شي قلت انو غسان عالجيش وهلأ تغير الكلام
هلأ شو ما كتبت ما حدا رح يصدقك
ليش هالاسلوب البايخ؟؟؟؟

[أغيد الفرا]

أصيل يا غسان

[أبو عامر]

اول شي لا تغلط وبرجع بقول قال وجهتو عالجيش لانو ما حدا فاتحو بالموضوع ورجاء لا تغلط مشان ما كركبك انا صرلي 4 سنين بهالمنتدى مشان يجي واحد متل حكايتك يحكي كلام مالو قدو كن احسنلك

[حسان الحسيني]

غير سبقناك عليها انا كل اللي قلته حسان انو الزلمة ما حدا فاتحه بموضوع التعاقد معه وانو رح تكون وجهتو عالجيش اذا ماحدا خبرو بشي وهو بنفسو خبرني هالكلام ومافي داعي مشان موضوع صغير صار الكبير والصغير بدو يعرف شو صاير

صادفت غسان معتوق في مقصف نادي الوحدةهذا المساء وسألته عن توقيعه للنادي فقال لي بالحرف بأنه في طريقه للجيش لانه لم يكلمه اي احد من الادارة الحالية وقد تم الاتفاق مبدئيا مع الجيش وربما يوقع يوم السبت القادم واشترط غسان في عقده ان لا يلعب ضد فريقه الام الوحدة وهنا نتسائل هل نترك هؤلاء اللاعبين يذهبون بدون رقيب وما هو السبب الذي يدفع اللاعبين للهجرة من هنا نتسائل ماالذي يدور في كواليس نادينا ونترك القرار للادارة التي هي اعلم منا بهذه الامور ونتمنى ان لا يكون عائق التعاقد مع هذا اللاعب هو المال فقط ؟؟؟؟

[حسن عوده]

طولوا بالكن يا شباب
القصة مو حرزانة
نغلط على بعض
الله يوفق غسان و الوحدة وما بدنا شي
اهدوا كرمال النبي

[يمان القدة]

لك حبيباتي غسان مع الوحدة واذا ماوقعو معو خلص الزلمة حقو يلعب مع مين مابدو

[الصالحية]

لك حبيباتي غسان مع الوحدة واذا ماوقعو معو خلص الزلمة حقو يلعب مع مين مابدو


يا ترى هل سيوقع كل اللاعبون أم أننا سنرى مزيدا من النزيف

أيام قليلة وتتوضح الصورة

من المستفيد مما يجري ؟؟؟؟؟؟؟؟؟؟؟؟؟؟؟

[حسان الحسيني]

مالو مفكر بنادي العسكر بالمرة

[messi]

عاشق الوحدة واليونايتد:

حبيبي انت هيك بدك وانت يلي فتحت على حالك الباب
و اذا بتعتبر كلامي غلط فكلامك شو بتفسرو؟؟؟
وكلمة كركبك هي ما فهمتها
ممكن تكركبني حتى اعرف شو معنات الكركبة؟؟؟!!!
ووحيات شواربك انا قد كل كلمة بقولها
عالاقل وقت بجيب اخبار بتكون مضمونة وصحيحة مشان ما خلي العالم تضحك عليي واتبهدل ادام العالم

و على فكرة انا رح انتظر كل خبر بتكتبو جنابك مشان استبعد هالخبر مباشرة

و كمان رح انتظر كركبتك
سلام

[أبو صخر]

يا شباب
والله مو محرزة القصة كلها
الأخ علاء شاف غسان وهيك صار بجوز كم كلمة دقيقة غيرت مسار الحديث
بس ما بدها كل هالشي
ومحمد ميسي حبيبنا ومستحيل حدا يلقه

[messi]

أمرك عمي طوني انت معلمنا وبتمون عالشوارب

[أبو عامر]

لاء حبيبي انا مالي مصلحة طالع حالي ولد قدام العالم انو لومالي متأكد من الخبر ما بنشره واصلا انا ما بيهمني تصدق الخبر او تكذبه انا المهم بعرف حالي شو عمبيكتب وتجنبني احسنلك وانا ما بدي ازعج حدا لانو اللي قبلك كتير انزعج مني وانا مالي طالب منك ولا تعليق على موضوعي وانا ما بيهمني ابدا صدقت ولا لا انا كل اللي بفهمه انو بدي وصل فكرة للعالم متل ما كل العالم عمتساوي هون على كل حال انا رح اعتبر حالي ما سمعت شي وبرجع بقلك مالك مضطر تعلق على مواضيعي لانو انا شفت غسان وبرجع بقول قلي بالحرف انو وجهتو عالجيش رح تكون اذا ما حدا خبرو من الادارة وبدي رد ارجع اكتب موضوع بهالشي ومرة تانية انا ما بدي اتخانق انا وياك لانو انا اكبر من هيك بكتير اتخانق مع واحد من ورا شاشة انا هون كل العالم صحابي حتى جنابك تجي تغير صورتي قدام العالم

[messi]

اي سلملي على صورتك لكان
بلكي اذا راح غسان عالجيش بتروح معو
مو ناقصنا هيك مشجعين

[أبو عامر]

لا تعليق على انسان تافه ولا يستحق النظرة

[messi]

الحمد لله اني بنظرك تافه

على قولة الامام علي رضي الله عنه
اذا اتتني مذمة من ناقص ...ألخ

انا ما عد رد على هالموضوع احتراما للمنتدى والمشرفين والاعضاء

[ABOU MALEK]

طمنتوني انو مو رايح على نادي الارهاب الرياضي