الموقعون على كشوف نادينا ستة لاعبين الى الان ...

[Ammar Alfarawati]

الموقعون على كشوف نادينا لكرة القدم فئة الرجال "طبعاً" هم ستة الى الان


عمر خليل من العام الماضي وموسمه التالت معنا

علي هلامي بعد اتفاق الاعارة مع نادي المجد

معتصم علايا , مهند خراط , طارق خربوطلي

وكلهم موقعين موسم واحد عدا الحارس الشاب طارق وقع لمدة /3/ مواسم.

[حمودي اليوفاوي]

الله يبشرك بالخير عمار
قلتلي بس ستة
طيب الباقي عالطريق ؟؟ ولا شو ؟؟

[Ammar Alfarawati]

اكيد عالطريق حمودي ولو شو بس 6 بدنا نلعب مو بطولة سداسي هي :prm

[nation]

يا روحي وين البقية
لا تقول لي انو كوستيكا بدو يجرب لسه اللاعبين يعني العاجي والعاقل والسيد وخليل ما بدهم كلام اولاد النادي

[عمر نصري]

الله يزيد و يبارك

[أبو صخر]

لك بس6 والدوري بعد اسبوعين
يا حبيبي

[<IBRAHIM>]

طيب ليش لسنة :whi

[messi]

السبب روتيني فقط والكل سيكون معنا الموسم المقبل ان شاء الله

[حسان الحسيني]

مو كتير 6 لعيبة بس لحد الان
اااااااااااااخ لوفي لعيبة شباب تسد محل يلي ماعم يوقع
بعدين كيف لحد الان مو موقع غير 6 واخدين كل هل اللعيبة ع مصر

[Ammar Alfarawati]

حسان مصدر رسمي يلي صرح :neutral:

[anas kamleh]

بكرة الشباب بتوقع بمصر على الباخرة ، بس يا خوفي يوقعو على الباخرة مو على العقود ،
الله يرحم رياضة سوريا قبل خمس سنين ، كان الكشف ينرفع وما تعرف بأي نادي عم تعلب لحتى يبلش الدوري :wink:

[M o H a M e D]

بالفعل ... شو مشان حتى يلي موقع مفضل علينا بسنة كاملة ... !!!

[وحداوي موت]

حسان عمارلو كل اخبارو رسمية وصحيحة
يالله بكرا فريقنا ست لعيبة بيلبعوا ضد 11
:prm:prm:prm

[WAEL -AL BRNE]

بس ستة الله يزيد ويبارك

[<MoHaMeD DaBoUL>]

بس يعني يلي ما كنت افهمو ليش كوستيكا استبعد ينال اباظة مع انو ينال من احسن مدافعين سورية والله امرو غريب لكوستيكا

[حسن عوده]

و ليش مكترين ؟؟؟
باقي أقل من شهر على الدوري و بس 6 موقعين ؟؟
ههههههههههههههه
شو هاد يا زلمة ؟؟

[الصالحية]

والله ما بيستحو على دمهم

هاد النادي يلي مفضل عليهم

وصاروا نجوم والجمهور بيحبهم

ليش التأخير

الله يرحم أيام كان اللاعب للوحدة وبس

على العموم كل عام وأنتم بخير

[ABOU MALEK]

:bd):bd):bd) خلينا نايمين ليجي الدوري و بعدين منحكي

[حسان الحسيني]

لحد الان مافي شي رسمي باستبعاد ينال
الا اذا ؟؟؟؟؟؟؟؟؟؟؟؟؟؟؟؟
ينال براي انو عم يتحسن مرة عن مرة

[أبو صخر]

أين لاعبينا الشباب ؟؟؟
أين الزبيدي موقع ولا لأ

[وسيم (ابن الوحدة)]

سؤال للشباب اللي عندها علم و معرفة أو بتقدر توصل للإدارة : تم التوقيع مع ستة لاعبين فقط و الباقي ما وقع بسبب عدم اختيار المدرب للاعبين أو بسبب رفض اللاعبين للتوقيع ؟؟

ممكن حدا من الشباب اللي بيوصل للادارة يفهملنا و يحددلنا مين من اللاعبين اللي المدرب رافض يختارون ؟ و مين من اللاعبين يللي رافضين يوقعو لحد الآن ؟

[M-AL MN@GED]

خير ان شاء الله

[Ammar Alfarawati]

اخ وسيم مابتوقع رفض اللاعبين للتوقيع مو معقول يعني عم يتدربوا معنا وعم يرفضوا يوقعوا اقلها بروحوا لغير اندية لان الوقت تاخر كتير .

يمكن يكون نوع من التطفيش لبعض اللاعبين يلي مابدهم ياهم بس موحابين يقولولهم مباشرة عم نقول يمكن .

[الصالحية]

اخ وسيم مابتوقع رفض اللاعبين للتوقيع مو معقول يعني عم يتدربوا معنا وعم يرفضوا يوقعوا اقلها بروحوا لغير اندية لان الوقت تاخر كتير .

يمكن يكون نوع من التطفيش لبعض اللاعبين يلي مابدهم ياهم بس موحابين يقولولهم مباشرة عم نقول يمكن .


طيب عمار على مين قصدك


يا ريت حدا يخبرنا عن سبب رحيل ينال
؟؟؟؟؟؟؟؟؟؟؟؟؟؟؟؟؟

[وسيم (ابن الوحدة)]

طيب عمار على مين قصدك


يا ريت حدا يخبرنا عن سبب رحيل ينال
؟؟؟؟؟؟؟؟؟؟؟؟؟؟؟؟؟

و بحب ضيف كمان يا ريت حدا يخبرنا سبب هالحملة على غسان معتوق ؟؟؟؟

[وسيم (ابن الوحدة)]

اخ وسيم مابتوقع رفض اللاعبين للتوقيع مو معقول يعني عم يتدربوا معنا وعم يرفضوا يوقعوا اقلها بروحوا لغير اندية لان الوقت تاخر كتير .

يمكن يكون نوع من التطفيش لبعض اللاعبين يلي مابدهم ياهم بس موحابين يقولولهم مباشرة عم نقول يمكن .

كل شي جايز بس يعني أنا بدي افهم انو المدرب العالمي تبعنا عم يختار و لا حدا تاني عم يختار عنو ؟

بعدين اذا القصة فيها تطفيش ، طب ليش يا إدارة ليش ؟ يا اخي خلينا يكون في عنا جرأة و نحكي عالمكشوف

طبعا اذا افترضنا انو تطفيش ، بس يا ريت نعرف شو الحقيقة

[الصالحية]

كل شي جايز بس يعني أنا بدي افهم انو المدرب العالمي تبعنا عم يختار و لا حدا تاني عم يختار عنو ؟

بعدين اذا القصة فيها تطفيش ، طب ليش يا إدارة ليش ؟ يا اخي خلينا يكون في عنا جرأة و نحكي عالمكشوف

طبعا اذا افترضنا انو تطفيش ، بس يا ريت نعرف شو الحقيقة


لاتتوقع حدا يحسن يجاوبك

ويلي رح يجاوب

لن يصيب كبد الحقيقة

اسال مشرف كرة القدم بالنادي

لمدة عشرة ايام ولاحظ

التغيير بين يوم واخر

[وسيم (ابن الوحدة)]

لاتتوقع حدا يحسن يجاوبك

ويلي رح يجاوب

لن يصيب كبد الحقيقة

اسال مشرف كرة القدم بالنادي

لمدة عشرة ايام ولاحظ

التغيير بين يوم واخر

طب يا صالحية برأيك ليش هالتغيير هاد ؟؟

[حسن عوده]

6 لاعبين باليد خير من 22 على الشجرة
حـــط بالــخــرج أخي !!