حصريا لوحداوية اول تصريح لمدربنا فجر ابراهيم بعد القرعة الاسيوية

[wahdawia.net]

في اتصال هاتفي مع مدرب منتخبنا الوطني فجر ابراهيم المتواجد حاليا في الدوحة والذي حضر حفل قرعة النهائيات الاسيوية

لنساله عن رايه بعد اجراء القرعة فكان لنا معه الحوار التالي :


وحداوية : كابتن فجر السلام عليكم ,, نرحب بك من منتدى وحداوية ونتمنى لكم التوفيق ...
فجر ابراهيم : وعليكم السلام , وشكرا لكم على مشاعركم.



وحداوية : كابتن فجر مارايك بالقرعة ؟
فجر ابراهيم : القرعة متوازنة , المجموعات الاربعة لايوجد فيها فروقات , وطبعا هذه نهائيات فالادوار صعبة بالمجمل القرعة لم تظلم احد ..


وحداوية : كابتن وماذا رايك بفرق مجموعتنا ؟
فجر ابراهيم : لاتختلف , فيها فرق من شرق اسيا والخليج ومن منطقتنا ,, ..
لذلك التحضير هو العامل المهم الرئيسي , فيجب ان نلعب مع فرق مشابهة
ككوريا الصين استراليا بالنسبة لشرق اسيا
وبالنسبة للخليج كالامارات والكويت والبحرين ,,
بالاضافة الى مباريات من مستوى اعلى لندخل البطولة بجاهزية تامة.


وحداوية : هل الاتحاد السوري سيؤمن لكم متطلباتكم

فجر ابراهيم : نعم كان لي جلسة سابقة مع الاتحاد ووضعت البرنامج كاملا من معسكرات وبدانا بالفعل داخليا لنستقدم لاعبين جدد فلعبنا عدة مباريات, وبالنسبة للمباريات الخارجية سنلعب 8 مباريات تحضيرية اضافة الى خمس اخرى ,, وقريبا سنشارك ببطولة غرب اسيا وهذا شئ مهم جداً
ومباشرة من هنا وبعد القرعة طلبت منا منتخبات مباريات لانها ستلعب مع فرق من نفس منطقتنا وبنفس المستوى ,, فالهند طلب منا لقاء , واتوقع ان يطلب من المزيد ايضا .


وحداوية : اذا هل الاتحاد السوري سيؤمن طلباتك من اللقاءات ؟
فجر ابراهيم : نعم الاتحاد السوري والمكتب التنفيذي وعدونا بذلك , وانا طلبت وجود شركة راعية للمنتخب لان هذا الامر مفيد للمنتخب والشركة الراعية ....


وحداوية : شكرا كابتن فجر

فجر ابراهيم : شكرا لكم وانا مسرور جدا لاتصالكم ....

حاوره: Ammar Alfarawati

[wissam82]

بالتوفيق لمنتخبنا الوطني بتقديم صورة مشرفة بالنهائيات
والتأهل لأدوار متقدمة ..

والله مجموعتنا صعبة ..!!!
السعودية - اليابان - الأردن - سورية

بالتوفيق لمنتخبنا وللكابتن فجر ..

ومشكور عمار ع الاتصال ..

[Ammar Alfarawati]

اي والله صعبة وخاصة اليابان .. قبل مايطلع اسم اليابان توقعته ,, لانو حاسس انو مارح تكمل مية المية

انا بشوف السعودية صحيح فريق خبير وقوي بهيك بطولة .. بس قادرين نعمل شي معه نوعا ما .. والاردني لازم نفوز عليه لانه النا معه باع طويل ,, صحيح تطور بس كمان منتخبنا هلأ عنده لاعبين مميزين ولازم نستغل الفرصة بانو عنا لاعبين صار عندهم خبرة جيدة باسيا من خلال لاعبي الكرامة وغيرهم ..

[wissam82]

والله يا عمار انا بشوف انه منتخبنا هو الحلقة الأضعف بالمجموعة
حتى المنتخب الأردني مع عدنان حمد تطور كتيررررررر وعم يندعم منتخبهم
دعم لا محدود أبدا ..

ومنتخبات السعودية واليابان لا تجوز المقارنة بينا وبينهم ..!!!

[Ammar Alfarawati]

اكيد ماعم قارن , التاريخ الهم ,, بس هلأ السعودية مو متل قبل اربع سنوات ,, حتى من خمس سنوات بلش مستواها ينزل ,, البحرين طالعتها من كاس العالم , رغم انها متفوقة عليها تاريخيا ....

اليابان .. هدول كوكب اخر

[wahdawi4ever]

:syrالتوفيق كل التوفيق للمنتخب والله فرق صعبه بس انشالله رجالنا ادا و ادود مشان ترفعوا اسم سوريا بالعالي

[taiger]

احلى شي انو الهند طلبت تلعب معنا شوفي شي منتخب اقوى شوي

[وحداوي انا]

والله المجموعة صعبة كتير

بالتوفيق لمنتخبنا

ويجب التحضير الممتاز لهذه النهائيات

[ضياء الدين]

الاتحاد السوري والمكتب التنفيذي وعدونا بذلك ..

على الوعد يا كمون

[مالك]

أبو أنس عطول انت متشائم
أنا بشوف انو ممكن نتأهل
نحنا أفضل من الأردن بالوقت الحالي وفجر بشوفو افضل من عدنان حمد
ومو بعيده نعمل شي مع اليابان والسعودية
وأنا متفائل --- وشكرا عمار ----- واعذرنا لكسلنا

[wissam82]

أبو أنس عطول انت متشائم
أنا بشوف انو ممكن نتأهل
نحنا أفضل من الأردن بالوقت الحالي وفجر بشوفو افضل من عدنان حمد
ومو بعيده نعمل شي مع اليابان والسعودية
وأنا متفائل --- وشكرا عمار ----- واعذرنا لكسلنا

والله مو تشائم يا غالي
بس عم أنظر للأمور بعين واقعية شوي بعيداً عن العواطف
يعني فرق الامكانيات والدعم والتحضيرات والتاريخ وووووووو إلخ .. !!!

أما إذا بدي احكي بالعاطفة فأكيد بتمنى من كل قلبي
ناخد البطولة مو بس نتأهل للدور التاني ..

وإن شاء الله يقدروا رجالنا يعملوا شي ..

[مالك]

أحلى أبو أنس هزينا الريحان وشمينا

[Ammar Alfarawati]

اليوم الكابتن نزار ,, حكى نفس حكيي تمام على ابوظبي الرياضية ,, طبعا انا كتبت قبل مايحكي كلامه ,, ههههه

وحكى انه الاردن وسوريا قادرين يعملو شي

وانو اليابان مابتحقق شي بالخليج ومابتكون بمستواها بسبب الجو

وحكى انه المنتخب السوري والاردني ماعاد عندهم رهبة من المنتخبات هي , وانه بالمنتخب السوري عندهم لاعبين عندهم خبرة باسيا متل لاعبين الكرامة ,,,

[W@SEEM]

بالتوفيق إن شاء الله لمنتخب الوطن وإن شاء الله يحققو نتائج جيدة

ومشكور عمار على الإتصال

[Ammar Alfarawati]

كمان بتحليله قال ....

المحروس قال اصعب مجموعة مجموعة كوريا الشمالية وين مااجى ,, يعني من قبل القرعة هالحكي لازم نكون متوقعينو قال

لان كوريا ش تاهلت لكاس العالم وانحطت بالتصنيف التالت وهيك التصنيف التاني والتالت يلي رح يجي معها رح يزيد من قوة المجموعة

[أبو شام]

شكر كبير لعمار ولابن نادي الوحدة فجر ابراهيم...منتخبنا لأول مرة ومن زمان كتير رح يخوض غمار منافسات قوية...
الشي الحلو هالمرة الاخلاص ووجود لاعبين مميزين..وبرأيي الخاص هاد افضل جيل مر ع سوريا..
لأنو جيل المتوسط ما حقق بطولات رسمية..لأنو اذا استثنينا بطولة المتوسط وبطولة العرب 89 الغير معترف عليهما عليهما لا اقليميا ولا دوليا"..فان اسيا 2011 ستكون باذن الله اول الانجازات الحقيقية لمتخبنا في حال حقق فيها نتائج جيدة..بالتوفيق لفجر ابراهيم _المحارب الصامت_الذي يفعل ويعفل وسيفعل باذن الله..بينما غيره يتكلم..ويتكلم فقط

[<MoHaMeD DaBoUL>]

أبو أنس عطول انت متشائم
أنا بشوف انو ممكن نتأهل
نحنا أفضل من الأردن بالوقت الحالي وفجر بشوفو افضل من عدنان حمد
ومو بعيده نعمل شي مع اليابان والسعودية
وأنا متفائل --- وشكرا عمار ----- واعذرنا لكسلنا


قسما بالله انا متلك
متفائل كتير .. وباذن الله رح يكون إلنا كلام طويل بالبطولة

[SH@@MI]

بالتوفيق النا
كنت متمني يجي أوزبكستان والعراق والأردن معنا
ولما قال اسم ازبكستان فكرته سحبها نسيت انو لسا عم يحطها

مجموعة قطر اجت سهلة


على كلن ما في شي مستحيل
وانشالله الاتحاد السوري والللجنة يفوا بوعودهم ويأمنوا كل التحضيرات لمنتخبنا

[عمار عبار]

بالتوفيق لفجر ابراهيم المحارب اعلاميا
بقيادة المنتخب بالبطولة
لعل وعسى ان يكون لهم بصمة بهل

[رامي الوحداوي]

بالتوفيق لفجر بالمهمة الصعبة

[نستول]

بالتوفيق ان شاء الله وان شاء الله بيقدكوما للكابتن فجر والمنتخب كل احتياجاته ليقدموا صورة مشرفة للوطن بهل المحفل الاسيوي الكبير

[MOH@MAD]

بالتوفيق للمنتخب مع انو المنتخبات قوية كتير

نحنا مع المنتخب ومع الكابتن فجر

الله يقويكن

[abouabdoo]

أنا بتوقع نطلع تاني المجموعة بفارق الأهداف ونجيب 5 نقاط

[MHDFA]

انشالله خير

[DIABO MAN]

بأحسن احوالنا حنجيب التالت بهالمجموعة
ونطلع برة كالعادة

[Orange Blood]

بالتوفيق لمنتخبنا بس مشان فجر ابراهيم

[وحداوي موت]

كل التوفيق لمنتخب الوطن الغالي وللاعبين منتخبنا لرفع العلم السوري فوق أرض الكويت بكل شرف وأعتزاز وفخر

والله يوفقك يا كوتش فجر وان شاء الله رب العالمين بيوفقك بهل مهمة

[Abu Waseem]

بصراحة كمان انا مالي متفائل ومجموعتنا صعبة طبعاً مع صعوبة باقي المجموعات بتصور نجيب مركز ٣ وان شاء الله منجيب أحسن

[wissam82]

لرفع العلم السوري فوق أرض الكويت

شو دخل الكويت أب صبحي ..؟؟:mrgreen:

البطولة بقطر .. :neutral: :bs)

[Ammar Alfarawati]

هو بكون بالكويت يمكن وقت البطولة ههههه
وهنيك رح يرفع العلم

[ابوالعبدالشامي]

بس شو مشان المحترفين السوريين بالخارج راح يجيب بعض الاعبين ويجربهون ولا لاء
بالتوفيق لمنتخبنا الوطني ولفجر بهالمهمة الصعبة

[Ammar Alfarawati]

اي رح يتم استدعاء السابقين مع لاعب جديد

تقريبا هنن اربعة اذا مالي غلطان

[W@SEEM]

أهم شي بالمحترفين بالخارج لؤي شنكو لأن منتخبنا بحاجة هاد اللاعب كتير
وحتى سنحاريب جيد وما أخد فرصته مزبوط
وفي لاعبين على مستوى عالي وأكتر من مرة أبدو رغبتهن باللعب لمنتخبنا ومنهن داني كيكي ويمكن بأقل منه أنس الشربيني

[جيرارد]

بالتوفيق للمنتخب الوطني

[Ammar Alfarawati]

انا برايي وسيم اهم لاعب حاليا غير الشنكو وسنحاريب ,, وحسب المعلومات هو جورج مقدسي ورح يتم استدعاءه

[لقمان]

بالتوفيق للمنتخب السوري

[محمود حلبي]

نحن نتمنة ان نتأهل ولو ثاني المجموعة ولاكن العين لا تعلة على الحاجب
الفوارق عديدة مابيننة وبين المنتخب الياباني او السعودي وحتى نكون واقعيين أكثر ولا حتى الفريق الاردني
وأقول لنكن واقعيين ولا نحلم حلم ونصحة على صدمة كورتنة اليوم كمة شاهدة في بطولة أندية أسيا الفرق البنانية
أصبحت صعبة المنال الدوري أصبحة عندنة الاصحاب السلطة لا الاصحاب القوى والمنتخب يأتي من الدوري
القوي لا يأتي من دوري يرتب مراكزهو مسبقآ أعزروني هذا ليس تشائم أذا تأهلنة على حساب فرق مثل الصين
فيتنام و البنان بصعوبة فيكيف لنة أن نحلم بتأهل الى الدور الثمانية على حساب اليبان او السعودية

[noel]

خلينا نستفيد متل ما عملو الجزائر من محترفين اوروبا
يعني منتخب الجزائر لعب ب 9 لاعبين من خارج الدوري
ما عم قول متلهن بس بعتقد 4 او خمسة من اوروبا بيرفعو لمستوا تبع منتخبنا
لا سيما انو الدوا للطريقة اللعب الاسيوية هو الطريقة الاوروبية اكتر من الطريقة اللاتينية

[أبو فؤاد هندي]

أنتو بتعرفو ياشباب أديش حقو انس الشربيني حقو 13 مليون يورو لاعب رائع أنا بعرف واحد بكرواتيا قريب جدا" من هدول العيبة وعلى فكرة أخو أحمد حقو 6 مليون يورو وأنس حاليا" بدو يا ريال مدريد وعم يستنو صفقة تم مع النادي يلي عم يلعب فيه ومنتخب كرواتيا بدو ياهون للأثنين لو تأهلت كرواتيا لكانو بمنتخب كرواتيا فورا" بس للأسف ماتأهلو

[عيون برتقالية]

ريال مدريد ؟؟؟؟؟؟؟؟؟؟؟:36_19_2[1]::36_19_2[1]::36_19_2[1]::36_19_2[1]::36_19_2[1]:

[rock man]

والله المجموعة صعبة كتير

بالتوفيق لمنتخبنا في التأهل لادوار متقدمة

[abw sami]

التوقعات قوية لتأهل اليابان والسعودية والخوف الكبير انو نرجع لحسابات فارق الاهدف ونؤول بس لو فلان فاز على علتان وعلتان حط اهداف أكترعلى فلان كنا تأهلنا وبتمنى التوفيق للمدرب فجر ملاحظة (التوفيق لايأتي الا مع التحضير الجيد)وآسف على كلامي لانوالاعصاب مومتحملة