الأسـتاذ فـايـز وهـبـي .. شـمعة مضيئـة في عتمـة إعلامنـا الـرياضي ..

[wissam82]

في أيامنا الحالية قل ما نجد إعلامي مهني وموضوعي وجريئ
من الإعلاميين الذي يعملون في الوسط الرياضي المحلي ..

ويكاد يندر أن نسمع في الوقت الحالي إعلامي يتحدث بشفافية ومهنية بعيداً
عن المحسوبيات والعلاقات والمصالح الشخصية ..

لكن كما يقول المثل: إن خليت خربت ..

الأستاذ فايز وهبي صحفي نادر وشمعة مضيئة في عتمة وظلمة إعلامنا الرياضي المتهالك
ومواقفه التي تثبت مهنيته وجرأته وصراحته كثيرة سواء في كتاباته الصحفية أو مقابلاته التلفزيونية ..

بالأمس وفي برنامج الكرة بملعبك كان الأستاذ فايز ضيفاً في الحلقة للتحليل والحديث عن
مباريات المرحلة القادمة من عمر الدوري المحلي ..

وأثناء تعليقه وتحليله للمباريات ،، لفت الأستاذ فايز النظر وتحدث عن التصريح الغريب والمعيب
الذي صرح به حسن السويدان بعد مباراة فريقنا البرتقالي مع الجيش ،، التصريح الذي بتنا نعرفه
جميعاً ولا داعي لذكره ..

فإنتقد الأستاذ فايز هذا التصريح الغير مسؤول واستغرب كلام السويدان
كما أوضح أن الوحدة يقدم في مبارياته الأخيرة عروضاً ممتازة لكنها لا تتوج بنتائج إيجابية لعدة عوامل
ونوه أن مباريات الدربي دائما ما تكون حافلة بالإثارة والندية ولا تعترف بفوارق وترتيب
وأكد أن من حق نادي الوحدة إسعاد جماهيره بتقديم مباراة كبيرة وفوز على غريم العاصمة ..


فعلق لطفي الاسطواني في سؤال خبيث على كلام الأستاذ فايز وسأله:
هل تقوم هذا الكلام كوحداوي أم كإعلامي محايد ..؟؟

فرد عليه الأستاذ فايز بكل جرأة وفخر وقال له : نعم أنا انتمائي وحداوي وهذا أمر شخصي وخاص بي
لكنه لا يؤثر على عملي الإعلامي أبداً ،، وأنا أقول كلامي هذا كشخص متابع حيادي سمع هذا التصريح ...




فشكراً من القلب أستاذ فايز على صراحتك وجرأتك وكلامك الجميل
شكراً من القلب يا وحداوي يا أصيل ..

[wahdawi4ever]

والله انا سمعتوا ومشكور على موقفوا الجريئ والصريح

بس في معو رئيس تحرير جريده الاتحاد على ما اعتقد علي شحاده هاد ما عجبني بنوب وحتى صار يشكك باللعيبه

والكادر الفني للفريق بس طلع من خرجو الاستاذ فايز ومشكوررررررررررررررررررر

[wissam82]

بس في معو رئيس تحرير جريده الاتحاد على ما اعتقد علي شحاده هاد ما عجبني بنوب وحتى صار يشكك باللعيبه



ايه هاد علي شحادة رئيس تحرير صحيفة الاتحاد
ومرشح حاله لانتخابات كرة القدم القادمة ..!!!

الشحادة انتقد فئة من جمهور الوحدة يلي شتموا ماهر السيد
وبنفس الوقت انتقدر الجربان لحراكاته الاستفزازية ..

[نستول]

ايه هاد علي شحادة رئيس تحرير صحيفة الموقف الرياضي
ومرشح حاله لانتخابات كرة القدم القادمة ..!!!

الشحادة انتقد فئة من جمهور الوحدة يلي شتموا ماهر السيد

وبنفس الوقت انتقدر الجربان لحراكاته الاستفزازية ..

جريدة الاتحاد مو الموقف بس يعني عم يحكي بتسرع وعجلة غريبة وهو مفروض شخص خبير وعتيق كرويا
لك وين التهمة اذا حدا حفزنا انو نلعب منيح ادام الجيش لك يازلمة ليش عنا فهم قاصر للاشياء ومنحكي الشغلة ومنركض من دون مانفهم شو عم نحكي
احلى شي يلي بعتلو رسالة فيرغسون بدو يعتزل شو رايئك تعود محلو ؟؟؟
هههههههه قام عمل حالو مو عاجبو وقلو مين هاد فيرغسون ؟؟؟
على اساس انو هو اكبر من انو يرد على هيك كلام

[wissam82]

جريدة الاتحاد مو الموقف بس يعني عم يحكي بتسرع وعجلة غريبة وهو مفروض شخص خبير وعتيق كرويا
لك وين التهمة اذا حدا حفزنا انو نلعب منيح ادام الجيش لك يازلمة ليش عنا فهم قاصر للاشياء ومنحكي الشغلة ومنركض من دون مانفهم شو عم نحكي

احلى شي يلي بعتلو رسالة فيرغسون بدو يعتزل شو رايئك تعود محلو ؟؟؟

هههههههه قام عمل حالو مو عاجبو وقلو مين هاد فيرغسون ؟؟؟

على اساس انو هو اكبر من انو يرد على هيك كلام




ايه صحيح كلامك ،، وهو هاد علي شحادة كصحفي مخضرم ع أساس
المفروض يكون أكثر اتزان بكلامه وانتقائه للمفردات ..

يعني انا ما عم احكي عليه لانه انتقد فئة من جمهورنا بالعكس

بس هو بأكتر من مقابلة بتحسه ما بيعرف يحكي ئدام كاميرات

يعني بلدي كتير وبيدج كلامه دج ،، المفروض يكون أكثر اتزان ..



متل الأستاذ فايز ،، تسلملي عينه شو فهمان ومثقف وحكوجي ..

[bmekhaled]

بالفعل فايز وهبي إنسان محترم جداً و مبارح و والله العظيم ما عم احكي من فكرة إني وحداوي بس كل حكيه كان منطقي و موضوعي بدون هالأسلوب العنجهي الفاضي اللي كان عليه السيد علي شحادة

و بما أنو الشيء بالشيء يذكر ، فأنا كل ما أوصل لمرحلة من الحب و الاحترام للكابتن نزار بكتشف أنو أبو حامد قادر يوصل أكتر و اكتر للقلب و العقل معاً و بيزيد احترامي و حبي اله ، فبنفس الحلقة كان عم ينحط أجزاء تباعاً من مقابلة معه و أنا و عن كامل قناعة بشوف أنو أبو حامد أحسن شخص بمكانه الحالي على الإطلاق و حرام يطلع من النادي بحياته

[wissam82]

بالفعل فايز وهبي إنسان محترم جداً و مبارح و والله العظيم ما عم احكي من فكرة إني وحداوي بس كل حكيه كان منطقي و موضوعي بدون هالأسلوب العنجهي الفاضي اللي كان عليه السيد علي شحادة

و بما أنو الشيء بالشيء يذكر ، فأنا كل ما أوصل لمرحلة من الحب و الاحترام للكابتن نزار بكتشف أنو أبو حامد قادر يوصل أكتر و اكتر للقلب و العقل معاً و بيزيد احترامي و حبي اله ، فبنفس الحلقة كان عم ينحط أجزاء تباعاً من مقابلة معه و أنا و عن كامل قناعة بشوف أنو أبو حامد أحسن شخص بمكانه الحالي على الإطلاق و حرام يطلع من النادي بحياته

والله كلامك مزبوط تماماً
:)) :)) :))

[هنو]

فعلا ابو انس الاستاذ فايز شخص وحداوي فهمان و ضل يدخل ع النادي بكل الإدارات
مو متل بعض عالم وصولية و مصلحجية
و مالا علاقة بالفهم لا من قريب و لامن بعيد

[Ammar Alfarawati]

كل الشكر للاعلامي فايز وهبي , البرتقالي الاصيل ,, ويلي حكاه حق , وفي كتير صحفيين بخافو وبيبتعدو انهم يقولوا انهم مشجعين لنادي معين ,, او بيخجلو ,, لكن مبارح اكد ومو اول مرة بانه برتقالي اصيل

[W@SEEM]

الأستاذ فايز من الإعلاميين الصريحين والآكفاء

وبالنسبة للسويدان ... فمحافظ حمص خصص مبلغ مليون ليرة لنادي الوثبة في حال فوزه على نادي الجيش بقى السويدان حيقدر يقول أن الوثبة محفز

[SH@@MI]

شكراً من القلب
فايز وهبي
فعلاً حكى حكي حلو

بس علي شحادة حكى حكي سيف

[رامي الوحداوي]

والله فايز وهبي حكى كلام رائع وحلو ومنطقي بنفس الوقت

بس علي شحادة مو عرفان مين بدو يرضي مشان إنتخابات إتحاد الكرة

[nemr]

والله الأستاذ فايز وهبي فهمان

[MHDFA]

فايز وهبي
يا هيك الاعلامين يا بلا

[DIABO MAN]

احلى صحفي وحداوي

[أبو فؤاد هندي]

أستاذ فايز موبس واحد فهمان و تعبان على حالو كتير لأنو على أطلاع دائم على مجريات الدوري على طول الله يعطيه ألف عافية وشكرا" أستاذ فايز على صراحتك الرائعة شكرا"

[kashi]

الاستاذ فايز تليق به مهنة الصحافة لانه دائما يجسد الشفافية والواقع وهذه صفة الصحفي الناجح

[جيرارد]

مشكور ع جرأتك يا وحداوي يا اصيل

[محمود حلبي]

شكراً من القلب أستاذ فايز على صراحتك وجرأتك وكلامك الجميل
شكراً من القلب يا وحداوي يا أصيل ..

[عمار عبار]

ان خليت خربت