المساعد الشخصي الرقمي

مشاهدة النسخة كاملة : قبل وبعد مبارة الكرامة هل نتهم بالتلاعب او الخيانة؟؟؟


ابو وسام
04-22-2010, 08:10 PM
السلام عليكم ورحمة الله وبركاته
جميعكم بات يعرف ماالذي يوجه لنادينا من تهم باطلة بشتى أنواعها والكره الشديد له من قبل أشخاص يدعون أنهم يحبوننا؟؟
بالامس تم توجيه اشارات الاتهام لنادينا عن تحفيزنا من قبل الكرامة وتعرضنا لظلم تحكيمي واضح وفاضح .
بعد عدة ايام سنلتقي الكرامة في مبارة حساسة جدا وبإذن الله سنثبت للجميع اننا لسنا من أصحاب الندالة لكي نرمي على غيرنا اكوام الحقارة لاننا وبكل فخر اصحاب الشهامة نؤمن بشيئ اسمه العدالة التي فقدت بزمن اصحاب السعادة!!
لقد سئمنا لعبة الكراسي الموسيقية وننتظر قانونا ينصفنا بالعدالة و الحرية ويعوضنا عن تلك الايام المنسية التي أودت برياضة بلدنا وقفلها بالعلية..
لا ولم انسى كيف أسكت الاستاذ احمد قوطرش كل المشككين بنزاهة نادينا أسكتهم وجعلهم صغارا وبإذن الله في مبارة الكرامة سنسكت كل منتقد شكاك ينسج بعض الشباك ونجعله دون حراك...
جملة لطالما رددناها معا
جمهور الشام للوحدة وبس

نستول
04-22-2010, 09:17 PM
اي والله جمهور الشام للوحدة وبس وهما تعددت الاسباب واختلفت الاراء مافيني غير اتمنى الفوز للوحدة

wissam82
04-22-2010, 09:30 PM
أخي لو شو ما عمل فريقنا بدهم يضلوا العلاكين عم يحكوا

يعني بعد مباراتنا مع الجيش شفت شو علك السويدان وأذنابه ..

وهلئ تأكد بعد مباراتنا مع الكرامة شو ما كانت النتيجة بده يطلع حكي
يعني اذا خسرنا بدهم يقولوا الجيشاوية انه نحنا تساهلنا مع الكرامة
واذا فزنا بيصير كلام عكسي ..

بقى بدك ما تدقق كتير ويحكوا ليشبعوا المهم نحنا ثقتنا كبيرة بفريقنا ومدربنا
وانه ما عنا بإذن الله تواطئ مع أي فريق ..

عمار عبار
04-23-2010, 12:07 AM
شو بدهم يقولو يقولوا

المهم ان نستمتع باداء الفريق ونفوز

كنان الرز
04-23-2010, 07:05 AM
يعني اذا الاتهامات بدها تجي من الاستاذ سويدان يتذكر انو اذا ابتليتوا بالمعاصي فاستتروا

جيرارد
04-23-2010, 08:07 AM
لك يحكوا لينفزروا
كل التوفيق للوحدة وحتى لو خسرنا لا سمح الله مستحيل نكون متعاونين مع اي فريق
اذا اتتك مذمة من ناقص فهذة شهادة على اني كامل

انا دمي برتقالي
04-23-2010, 09:31 AM
اذا اتتك مذمة من ناقص فهذة شهادة على انك كامل

وأنا هيك شايف كمان... كلامون مو كتير مهم لإلنا...

وأنا من جهتي بعرف إنه الوحدة بعمره ما تآمر... ولا باع ولا اشترى... ومعروف الوحدة من أنزه أنزه الأندية السورية... وجميييييييييييييييييع أهل سورية بيعرفوا هالحكي وبيعرفوا كمان إنه الوحدة نزل عالتانية بسبب نزاهته...

وكلياتنا منتذكر عرض نادي حطين على نادي الوحدة بتبادل مبارتي الشباب والرجال... ورفض الوحدة العرض... وخسر كلتا المبارتين... وكانت تكفيه نقطة منهما... وهبط النادي إلى الثانية على فرق نقطة... لكن هبطنا بشرف وعدنا بشرف وحققنا البطولة والكأس بقوة وبشرف... مو متل بطولاتون ويلي معروفة لكل السوريين كيف بيجيبوها


لذلك يحكوا لينفزرو...

الوحدة شوكة بحلقون...

<MoHaMeD DaBoUL>
04-23-2010, 12:13 PM
بتمنى نفوز ونسكت كل المشككين
وأولهون السويدان الفاشل

أبو جمال
04-23-2010, 03:12 PM
بالتوفيق للوحدة الغالي وإن شا الله منفوز عالكرامة وبيخسر الجيش أمام الوثبة المحفز

محمود حلبي
04-23-2010, 07:00 PM
:))وبإذن الله سنثبت للجميع اننا لسنا من أصحاب الندالة لكي نرمي على غيرنا اكوام الحقارة لاننا وبكل فخر اصحاب الشهامة نؤمن بشيئ اسمه العدالة التي فقدت بزمن اصحاب السعادة!!:))

ضياء الدين
04-23-2010, 08:43 PM
بالتوفيق للوحدة الغالي ...........
وللوثبة في اللقاء القادمة