حملة لوضع كراسي لملعب العباسيين

[محمد ضياء]

السلام عليكم
امانة لاعضاء المنتدى والمشرفين عليه للتفاعل وأجراء الاتصالات
طبعا الكل يشاهد الملاعب في كل بلاد العالم ويشاهد ملاعبنا ايضا
فنرجو من جميع أبناء وجماهير الاندية الدمشقية المطالبة بوضع كراسي
لمدرجات ملعب العباسيين لان كل الملاعب العربية يوجد بها كراسي للجماهير
وحتى الدول التي تعتبر فقيرة مثل السودان واليمن ودول أفريقة أخرى
الكل يجلس على الكراسي في الملعب وليس على الباطون يا أتحادنا الموقر
وملعب العباسيين يتسع لثلاثين ألف كرسي غير الدراج التي يمكن الجلوس عليها
وهذا العدد يكفي بدل الاربعين الف على الباطون فالحضور الجماهيري ليس مشجعا
لان الذي يذهب للملاعب لا يعطى أدنى مقومات الراحة على المدرجات
ومنظر الملعب يظهر بمظهر حضاري أكثر أمام القنوات الناقلة والضيوف أليس أفضل من الساعة التي كلفت 83مليون ليرة والكراسي لا تكلف ربع المبلغ المذكور
لايوجدغير ملاعبنا بدون كراسي ونحن في سوريا الحبيبة ومنا الى كل الغيورين على الرياضة

والى كل الوحداوية لنشر الحملة في كل منتديات الأندية والمواقع الرياضية لأيصال كلمتنا للمعنيين بهذا الشأن

[SH@@MI]

حتى الساعة اللي ركبوها
ما بشغلوها غير بالمناسبات الهامة

[SH@@MI]

بدنا ملعب كامل بالشام
مو بس كراسي

يعني ملعب غير العباسيين طابقي راكز دولي
أو يهدموا العباسيين ويعيدوا بناءه من جديد على قولة مصطفى الآغا

[محمد ضياء]

بدنا ملعب كامل بالشام
مو بس كراسي

يعني ملعب غير العباسيين طابقي راكز دولي
أو يهدموا العباسيين ويعيدوا بناءه من جديد على قولة مصطفى الآغا

يركبو كراسي منهون ليطلع قرار ملعب جديد ولادنا يمكن يلحقو يحضرو لعب فيه

[محمود حلبي]

حبيب دورينا مشرشح ناقصنة كراسي نضارب فيها

[عدنان شيخاني]

حبيب دورينا مشرشح ناقصنة كراسي نضارب فيها

هههههههههههه معك حق

[nemr]

ما بيلبقلنا كراسي نحنا

[Orange Blood]

كتير لابئلنا كراسي

[محمد الأمراء]

فكرة جميلة ويجب الأهتمام بها
البلاد الأخرى ليست بأحسن وأفضل منا
وشكرا للطرح

[<IBRAHIM>]

والله قعدة الباطون ابشع منها مافي وخاصة بالمطر والبرد

[Ammar Alfarawati]

اخي هاد الامر واجب ,, لكن بكرا بيجيك مشحعين من برا المحافظة ,, وبكسروا ,, وبحطوها بضهرنا هي وحدة

تانيا اذا هدوا الملعب بعد كم قرن رح نشوفو جاهز .. اذا نفق عم يقعد سنين !!!

النفق حفر ولتحت .. هاد طلوع ههه اديش رح يقعدوا !!!؟

[f.torres]

والله ياريت لو حدى يسمعنا

[وحداوي كتلوني]

يستر عرضكون بلاها الكراسي بكرة شي لعبة للوحدة مع الجيش يحكمها العصفور بتصير الكراسي بنص الملعب ولح عقوبات وبيصيرو الكراسي مكلفين 300 مليون يورو يعني بيبنو ملعب جديد على حساب نادي الوحدة

[bashardo الوحداوي]

لا تخاف
قبل انتهاء مدة المسؤولين الرياضيين ممكن يركبوا كراسي ويعملوا مناقصة للقصة
متل يلي قبلهم وقت ساووا الساعة وراحوا

[wissam82]

معقول المسؤولين الرياضيين ما بيعرفوا انه ملعب العباسيين مافي كراسي ..؟؟:roll::roll:

مين عم يرد علينا يا حسرة ..!!

[wahdawi-alsham]

بدأ منذ قليل تصويت من احسن لاعب في سورية قصي من الوحدة موجود وغليوم من اوثبة قاشوش من لطليعة وعكاري من تشرين طبعا المركز الاول محجوز للاعب تشرين بمااانو الموقع تشريني بس كل الناس بتعرف قصي افضل لاعب هي موقع تصويت التشريني
http://www.syriansport.net/?p=1822

[أبو فؤاد هندي]

والله أنا من سنين معاد رحت على الملعب كرمال الأعدة على الباطون بيمغصك بطنك وبيسهل الواحد وماحدى بيحس فيك يابتأضيها على الواقف بدك تشوف المباريات ببطولة اندية بأوروبا كل واحد تكت موشئفت ورقة جربانة وبتفوتك مضيفة وبدلك على مقعدك بتحس حالك فايت على طيارة موعلى مومباراة كرة قدم بعدين مابتشوف واحد جايب معو خمسة كيلو بزر دوار القمر وأعد وراك ونازل تفتفة بوصخ الملعب وبعبيك تفتفة وما بيخجل على حالو ولا شوي معليش يااخي موضوع الكراسي كتير موهم ولازم يهتمو فية حاجة بهدلة مو حاجة

[WALID STAR]

ملعب حلب وادلب في كراسي ودمشق لا


ما السبب

[الساهر12]

بس على الباطون بيسع أكتر من الكراسي كل واحد يجيب معو سجادة

ويعد عليها أفور للاتحاد الموقر

[علي1991]

يسا رب حدى بلغلط يسمع

[نستول]

اي والله بدنا كراسي اتخلعت جنابنا من الأعدة عالباطون

[شمعة الشام]

حتى ملعب ادلب في كراسي وكتير صار في ملاعب عنا فيها كلراسي والعباسين ملعب العاصمة مافي

[W@SEEM]

أي قبل الكراسي خليهن يزبطو الأبواب ويفتحوها عند الدخول والخروج

ويزبطو أرضية الملعب العايفة حالها

[قطناوي .. وحداوي]

والله لازم يحطوو فيه كراسي

على ائولتهون عم يحدثووووو

بس ماشفت من هالتحديث شي غير اليوم خلية نحل كاملة

بئى ليش ما يحطوو كراسي ولا حبايبنا نايمين