بكرة القرعة .. شو بتتمنوا يا وحداوية

[حمودي اليوفاوي]

هلأ شيلونا من خسارتنا السداسية .. لعل وعسى تتحسن الامور
مع انو مافي شي ببشر بالخير من ناحية اسماء اللاعبين اللي حيمثلوا الوحدة السنة القادمة

المهم بكرة قرعة الدوري .. وباول اسبوع كالعادة بتصير مباريات الجيران
هي العادة فقط موجودة بسوريا

اي من الجيران بتتمنوا نلعب معهاهم بالاسبوع الاول
( الشرطة - الجيش - المجد )

ان بتمنى تكون المباراة الاولى النا امام الشرطة
لانو يمكن مستواهم اضعف من المجد والجيش

مع اني حابب تكون مع الجيش
خصوصا المباراة الاولى حتكون برمضان يعني بليل ..
ومافي احلى من مباراة الجيش بالاجواء الليلة والسهرات الرمضانية :lol:

بس خايف نخسر معاهم من اولها ..
فمشان هيك الشرطة الانسب .. 3 نقاط بتعطي دافع للوحدة
مع انو عندي قناعة وهي يمكن الشرطة حاليا استعدتدو افضل بكتير من الوحدة .. الشرطة راح عمل معسكر برومانيا .. وفريق الشرطة الرديف ( شباب وبعض الاحتياطيين ) شارك ببطولة الساحل

[Ammar Alfarawati]

لك السنة الماضية ويلي قبلها كانت شي ست مباريات بصفنا ومحسومة اكترها ضيعناها ... يعني بصراحة مافيك تضمن لعيبتنا :x

[<IBRAHIM>]

اكيد الشرطة مشان يصير في شوية ثقة عند اللاعبين والجمهور بالفريق
واذا مو الشرطة الجيش

[هنو]

أنا بتمنى
يكون عنا فريق
بعدين منفكر مع مين بدنا نلعب

[حسان الحسيني]

بتمنى نلعب اول 5 مباريات مع الفرق التالية ولو ترتيبها بشكل عشوائي
كرامة
اتحاد
طليعة
نواعير
وجيش
حتى نئطع راس الئط من ليلة العرس

[<IBRAHIM>]

بتمنى نلعب اول 5 مباريات مع الفرق التالية ولو ترتيبها بشكل عشوائي
كرامة
اتحاد
طليعة
نواعير
وجيش
حتى نئطع راس الئط من ليلة العرس

قصدك مشان نضب الشنتة عبكير

[زاهر الوحداوي]

والله بتمنا أولا نلاقي الجيران والأهم الجيش
وبعدين الكرامة الطليعة الإتحاد

[هنو]

مو معقول نوصل لهالدرجة
بوكرة بس ليفوت اللعيبة ع الملعب و بيلاقونا مزينين الملعب
أكبد ح يلعبوا من قلب و رب

الله يرحم ايامك يا محملجي

[<IBRAHIM>]

كلشي معقول لك هنو كلشي معقول لكن نص دزينة مع الرأفة :cry: :cry: :cry:

[هنو]

معليش برو طول بالك

















































:cry:cry:cry:cry:cry:cry

[حمودي اليوفاوي]

شباب .. اول اسبوع دايما بكون ( لقاءات الجيران )
يعني واحد من الاحتمالات التالية
يا مع الشرطة وهاد اللي بتمناه لانو الشرطة اسهل الجيران
او ضد الجيش وكمان معلى شي .. لانو اول مباراة بتكون برمضان بليل .. يعني جمهورنا بفلل العباسيين لانو ضد الجيش والمباراة بتكون الساعة 9

او ضد المجد ..

[<IBRAHIM>]

المجد حاليا الاصعب

[M o H a M e D]

أول شي مو ضروري تكون اللعبة مع الجيران .. الموسم قبل الماضي مثلا كان الافتتاح مع النواعير ...

أنا بفضل أول مواجهة مع الجيش .. أول شي اللعيبة بتتحمس و الجمهور حيكون مولع و اللعبة المسا .. و الجيش حاليا مو هالفريق المخيف ..

علما أنو مع فريقنا مافي مقياس فريق صعب ولا سهل ...

[M-AL MN@GED]

بتمنى تكون مع التحويشة أو العسكر 2 يعني الشرطة

[حمودي اليوفاوي]

أول شي مو ضروري تكون اللعبة مع الجيران .. الموسم قبل الماضي مثلا كان الافتتاح مع النواعير ...
..

محمد للتصحيح كانت اول مباراة النا امام حطين مو النواعير
بس نفس المبدأ :mrgreen:


بس السنة الماضية كانت المباريات موجهة لتكون لقاءات جيران
كانت الجولة الاولى
الوحدة والمجد
الشرطة والجيش
الاتحاد والحرية
الوثبة والكرامة
حطين وجبلة
تشرين والقرداحة

[وحداوي موت]

لا ولي شو الجيش
خلينا مع الشرطة
لك اذا في الشعلة او النضال بيكون احسن
فريقنا خالص اللعيبة بدها تكسير رجلين

[kashi]

شباب والله شهيتوني الملعب والتشجيع

[nation]

حاجة مشان الله

يعني الناس وين ونحن وين

اولا الفريق اللي مستعد ما بتفرق معه مع مين بدو يلعب

ثانيا فريقنا زبط الشنتة من الان بس اتمنى انو ما نقع بمشكلة الهبوط يعني نربح كم مباراة من اول وبالوسط خلينا احسن