شكرا التراس الوحدة

[حسان الحسيني]

بداية بدي اتشكر كل الاسماء من اعضاء الالتراس
يلي مبارح شفناهى اولا مزينة الصالة بحضورها
وتاني شي والاهم هو تشجعيها بكل وقت من اوقات المباراة
في شباب اجت بكير وفي شباب تاخرت شوي مابياثر بس الهم والاهم
انو كان مبارح منظرهم وهنن عم يفتلوا متل المكوك الحايك ولا اروع
مارح اذكر اسماء مشان ما انسى اي شخص
من الاخير الله يعطيكم العافية والحمد الله يوم عن يوم عم يبين معدنكم الذهبي والاصلي
بحب البرتقالي
ومن القلب فضلتوا على راسنا بشغلكم وجهدكم
وستثبت الايام ان اورنج الشام
ليست مجموعة مشجعين فقط

ونحن كالتراس النا فخر ان كان قدمنا وردة لكل لاعب او ماقدمنا شي
بس الاهم انو قدرنا نخلي هل النجمين الكبار يحملوا كنزة الالتراس وبتصور كل الوطن العربي شاف هل المنظر
بيكفينا فخر واعتزاز انو بعد نهاية الحفل كان في كلمات معبرة النا كالتراس
من رئيس النادي ومن النجمين انور وطريف
ومنوجه رسالة لغيرنا انو مو كل شي بيمشي بالكون عن طريق المصاري

[Ammar Alfarawati]

ومنوجه رسالة لغيرنا انو مو كل شي بيمشي بالكون عن طريق المصاري


اكيد حسان هالكلام , المحبة والاخلاص اهم من كل شي


بدي اتشكركم فردا فردا واتشكر الرابطة ممثلة بالاخ سليم جواد

[<IBRAHIM>]

الشكر موصول لكل من شارك بالاحتفال مبارح

[f.torres]

وان شاء الله الالتراس تكون حاضرة بقوة اليوم بالعباسيين

[عمار عبار]

وبقية الحمهور الا يستحق الشكر

[فهد قيطاز]

الشكر لجمهور البرتقالي الأحلى
في سوريا

[شنكل]

الوحدة قبل النوم والوحدة بعد نوم الوحدة كل دئيئة والوحدة ع ترويئة ودقي ياموسيقا

[Abu Waseem]

شكر كبير لجمهونا الغالي سواء كان رابطة أو التراس أو أي انسان حضر وشجع من قلبو وكان مواكب لكل حدث ليشجع فقط فريقه ولاعبيه وناديه وهاد هو جمهور الوحدة الغالي يلي مابيهمو أي انسان شو بيقلو وبيساوي يلي بيلاقيه صح وكرمال ناديه فقط

[حسان الحسيني]

وبقية الحمهور الا يستحق الشكر

هون في نقطة راحت عن بالك شباب الالتراس خلال 48 ساعة مشتغلين ضمن الصالة بحدود 24 ساعة
لتصير الصالة بالوضع يلي شفتها انت وغيرك شي من شاشة التلفزيون وشي اجا على الصالة قبل المهرجان بساعة
عرفت ليش بيستحقوا الشكر

[SH@@MI]

كل الشكر للألتراس ولرابطة المشجعين ولهالجمهور الكبير

[جيرارد]

مشكورين شباب والرابطة ع التنظيم الرائع

[nemr]

كانوا بيجننوا بلعبة السلة
الله يقويكون

[عمار عبار]

هون في نقطة راحت عن بالك شباب الالتراس خلال 48 ساعة مشتغلين ضمن الصالة بحدود 24 ساعة

لتصير الصالة بالوضع يلي شفتها انت وغيرك شي من شاشة التلفزيون وشي اجا على الصالة قبل المهرجان بساعة
عرفت ليش بيستحقوا الشكر


بالتاكيد جهدهم تستحق الشكر
ولكن لا ينفي احقية شكر الجمهور
الذي لو غاب عن المهرجان
لظهرت الصالة باسواء حلة

[حسان الحسيني]

مابعرف عمار ليش حاسك بدك تفوت بنقاش عقيم
الجمهور كالعادة بيحضر بوقت المباراة وبيشجع الفريق
نحن عم نشكر ناس اشتغلت وقدمت مجهود كبير من قبل بداية المهرجان ب 24 ساعة
بينما باقي الجمهور حضر قبل ساعتين بس من المباراة

[مـهـنـد]

أول الشي انابتشكر حسان على هاللفتة الكريمة منو
تاني شي نحن كألترس من قلب جمهور الوحدة منشتغل من قلبنا وبكل طواعية وسعادة لبيتنا البرتقالي
ولما حسان بيشكر الألترس ...بكون عم يشكر جمهور الوحدة لأنو الألترس مو حكر على جماعة أو اسماء بل هو من قلي الجمهور
الألترس مجموعة شباب اجتمعت على عشق الأورنجي ....وبتشتغل ليعلى أسم الأورنجي
و انا بتشكر الألترس وكل فرد فيهون وخاصة صاحب الموضوع

[عمار عبار]

مابعرف عمار ليش حاسك بدك تفوت بنقاش عقيم

الجمهور كالعادة بيحضر بوقت المباراة وبيشجع الفريق
نحن عم نشكر ناس اشتغلت وقدمت مجهود كبير من قبل بداية المهرجان ب 24 ساعة
بينما باقي الجمهور حضر قبل ساعتين بس من المباراة


لا جدال ولا شي
الله يعطيكم العافية لحالكم
منيح هيك