حتى لا يحدث مانكره مرة أخرى

[عيون برتقالية]

السلام عليكم و رحمة الله و بركاته
إلى جمهورنا الكبير الذي سيزين مدرجات العباسيين الكبيرة غداً
الكل يذكر الذي حدث في مباراة الذهاب الشتائم من جمهورنا لماهر السيد
الشيء الذي انعكس سلبياً على فريقنا بتسجيل ماهر هدفين في واحدة من أجمل مباراياته
( لم يلعب مثلها حتى مع الوحدة ) :roll:
أرجوكم شجعوا فريقنا فقط و أرجو من إدارة نادينا التشديد على هذه النقطة
و كل الشكر للأخوة المشرفين الغوالي
أخوكم أبو أمين

[جيرارد]

معلش اسمحلي هلأ اذا ماهر لعب منيح وسجل واختفل اي لازم نهريه هري
وبعدين اليوم بكون هو واخوه عم يتفرجوا ويحرقوا بقلبهن لانو لما ماهر يقرر يعتزل رح يتواجد كم تحويشي شاوي
مو متل النجوم الكبار اليوم

[wassim80]

الشيء الذي انعكس سلبياً على فريقنا بتسجيل ماهر هدفين في واحدة من أجمل مباراياته
( لم يلعب مثلها حتى مع الوحدة ) :roll:
الله يكسر اجريه فوق تعبه ......؟




عنا كان ينطوط ويمننا كل يوم والتاني أنه عم يلعب بالنادي وياريت يقدم مستوى متل يلي شفناه بلعبة العسكر


أنا بس بدي منه يحترم نفسه لمرة واحدة بحياته ويحترم الجمهور يلي هتفله طول هالسنين و
1- مايلبس شارة الكابتن جكر بجمهور الشام بكل ندالة:crdr
2- ما يحتفل بطريقة سافلة أمام الجمهور :crdr
((هاد الحل الوحيد يلي بخليه يسلم من شتائم الجمهور))

[nemr]

ما في حل رح سبو
لك الله يورجيني مباراة اعتزالك يا ماهر
لشوف كم شاوي رح يحضرها

[عدنان شيخاني]

والله هاد يلي لازم يصير لان بتوقع انو ماهر ما يلعب اساسا

[MHDFA]

والله يا حبيب كل واحد بيعمل بأصلو
نحن علينا نشجع نادينا ونشد همة لعيبتنا
وهو لا يستفزنا متل ما حكى أبو كريم
وما حدا بيسبو

[وحداوي موت]

شباب والله العظيم شتم ماهر ما حلوة لا بحقنا ولا بحق النادي

اد ما كان الزلمة أبن النادي ... والله ييسرلو وين ما راح

[ميت على قيد الحياة]

والله يا حبيب كل واحد بيعمل بأصلو

نحن علينا نشجع نادينا ونشد همة لعيبتنا
وهو لا يستفزنا متل ما حكى أبو كريم

وما حدا بيسبو

والله كلامك مظبوط
ونادي الوحدة اكبر من هيك لاعب

[Orange Blood]

معليش يا شباب

بتم ابن النادي

[Orange Blood]

ومرجوعو لعنا

[ابوالعبدالشامي]

اذا هيك بدهون يكونو ولاد النادي وقت الحاجة بتركوه عم يتخبط بجراحو مابدنا ياهون ونحنا النا الله
لسا بيقولو ابن النادي البار ومدري شو خلص خلونا نقلب الصفحة ونبني فريق شاب مابدنا ختايرة بالنادي

[samer1]

لحنا لو ماستفزنا بلعبة ماضية ماكان نسب
بس أذا بيعمل نفس طريقة أكيد لح ينسب

[f.torres]

ان شاء الله مايلعب بالاصل منشان مايصير شي

[أغيد الفرا]

لسا ما شاف شي

[مالك]

اللي بيسب الكابتن ماهر السيد بالمباراة اكيد مابيعبر عن أخلاق الشام والوحدة

[wassim80]

ان شاء الله مايلعب بالاصل منشان مايصير شي

شو عم تحكي معلم , سويدان الله يسود وجهه مايلاعبه؟؟ والله إزا عنده رباط صليبي نكاية فينا بيلاعبه ؟؟؟..


أنا متأكد 100% أنه وعده بلعبتنا أنه كل جووول أله تمنه.. شو بتفسر هالتألق الغير عادي بهاللعبة لكن!!!!!

ناس همها الأول والأخير العملة وبس ...



وللشباب يلي عم يقولو يرجع عالنادي الموسم الجاي بيكون صار 33 والله غنانا عنه وعن غيره والأومري بيلعب بنفس المركز وعنا سي الشيخ وقصي بيسوا راسه....

ماهر انتهى وطلع من راسنا بشكل نهائي , وأنا شخصيآ ما بعتبره لاأبن النادي ولا أبن عم النادي واللهي بواب وحارس النادي عنده أنتماء أكتر منه

وبطالب إدارة النادي ماتفكر ولا للحظة بإرجاع الابن العاق للنادي:crdr

[bmekhaled]

الله يكسر اجريه فوق تعبه ......؟

عنا كان ينطوط ويمننا كل يوم والتاني أنه عم يلعب بالنادي وياريت يقدم مستوى متل يلي شفناه بلعبة العسكر


أنا بس بدي منه يحترم نفسه لمرة واحدة بحياته ويحترم الجمهور يلي هتفله طول هالسنين و
1- مايلبس شارة الكابتن جكر بجمهور الشام بكل ندالة:crdr
2- ما يحتفل بطريقة سافلة أمام الجمهور :crdr
((هاد الحل الوحيد يلي بخليه يسلم من شتائم الجمهور))



يسلم تمك أخي أبو كريم

ما بعرف كيف عم نلتمس العذر لشخص واحد و نلاقي مبررات لتصرفه السيء غير المبرر و عشرات الآلاف من الجمهور لازم ما حدا يفهمها

أنا طبعاً ما عم أدعو لنسب ماهر لا سمح الله ، و لا بدي لا نسبه لا هو و لا غيره ، موضوع ماهر عندي صار (الله يسعده و يبعده)

بس انا من لعبة الذهاب لما شفت شارة الكابتن على ايده عرفت أنو ما ناوي على خير
قسماً بالله وقت شفته حامل الشارة حاولت أتذكر من ايمتى طارق جبان ما حمل الشارة و ارجع بذاكرتي لورا و ما أتذكر

الناس عم تطالب بالمعاملة للمنيحة لماهر و كانه نسي شو عمل ماهر السنة الماضية
كل ما دق الكوز بالجرو ماهر أفندي بيعملنا اجاني عرض خارجي و بدي اترك بدون أي اهتمام لا بنادي و لا جمهور
و هلأ ترك لأكتر نادي مكروه من جماهير الوحدة (وهاد حقه يصطفل) بس النادي مو نادي اللي خلفه و فوتة الحمام مو متل خروجه
مو هلأ يقول جاية عبالي ارجع نقوم من فهمنا نرجعه
الله معه بس لعنا لا يرجع

الاحتفال اللي احتفله بلعبة الجيش ما بيعمله غير لاعب طالع بمشكلة من ناديه أو الجماهير مطفشته و للعلم ماهر من اكتر اللاعبين اللي هتف الجمهور باسمها وقت السراء و وقت الضراء

ماهر صفحة انطوت للوحدة ، و طالما احترم الجمهور فالجمهور محترمه و لو عمل متل أي لاعب احترم مروره (مرور الكرام) بالنادي ما كان حدا فتح تمه عليه بالعاطل
هي الاسطنبلي و البيروتي و المندو و غيرهن و بالذات المندو
يعني ما في مرة اجى إلا كل الجمهور بيندهلو (أبو عبدو) و بيحييه و هو بيبادلنا التحية مو متل المحسوب علينا ابن نادي ع أساس

[noel]

لا بدنا نسبو و لا بدنا نحس انو موجود بالملعب اصلا يعني عادي متلو متل طارق جبان و كاوا ححسو احتفل ما احتفل لعب ما لعب ما بهمنا غير رجالنا يعملو شي حلو

[taiger]

شباب اللعبة منقولة ولا شو

[أبو فؤاد هندي]

مضوع ماهر كلو منشان المصاري يلي بيعطي مصاري بصير حبيبي وعيني لأنو ماأخد جميع مستحقاتو هيك على أولو لماهر صار بدو ينتقم من النادي وجمهورو بس عيب علية أذا هيك هيه شخصيتو الحمد الله يلي الله صرفو عنا ومتل مااقلو الشباب يحترم حالو الكل بيحترمو وأذا بدو ماينسب يضل مع صفوف الأحتياط اشرفلو

[وسيم م]

المشكلة

انتو يلي عم تحكوا بكره بس يرجع عالنادي

أول العالم بتصيروا بتمسحولو جوخ و تتدللوه

عيب و الله عيب

نزار محروس بزمانو احترف بالجيش

لاعب و مدرب

شو صار يعني

عيــــــــــــــــــــــــــــــــــــــــب