mmrdem
08-29-2007, 11:38 AM
كل مابتمر قدامي تفاصيل الازمة المالية اللي عمبيمر فيها نادينا وتقاعس الفعاليات الاقتصادية بدمشق عن دعم النادي اسوة بتجار حلب وحمص وحماة اللي عمتدعم انديتها وتبذل الغالي والرخيص كرمالها بتذكر حادثة تاريخية صارت بدمشق وقت قرب المغول من اجتياح مدينة دمشق
والكل بيعرف كيف كان اجتياح المغول لاي مدينة ووقتها كان المغول على مشارف دمشق والحياة بالشام عادية التجار عمتفتح محلاتها وتبيع وتشتري والكل عمبيزت مهمة الدفاع عن المدينة على غيرو والكل عمبيفكر بمصلحتو وبس وقتها خطيب صلاة الجمعة بالجامع الاموي رمى قدام الرجال جدايل شعر نساء دمشق اللي قصوها وبعتوها للخطيب وقلون ازا ماكان عندكون حبال لحتى تلجموا فيها خيولكون وتنطلقو للدفاع عن المدينة فالنساء بعتتلكون شعرها لحتى تعملوه الجمة ووقتها ثاروا رجال دمشق وانطلقوا من فورا للجهاد والدفاع عن الوطن حتى ولو بمهمة انتحارية
هون انتهت القصة التاريخية ومنرجع لواقع نادي الوحدة تجار دمشق ماشا الله عليون عمبيعيشو هلق فترة ذهبية من ناحية الارباح والشغل وبالتالي اكيد ماعندون نقص مادي لحتى يدعمو فيه فريق الشام الاول متل ماكان رجال دمشق وقتها ماعندون ضعف جسدي يمنعون من قتال المغول
بس اللي بينقص تجار دمشق هلق ورجال الشام وقتها الارادة الارادة بالبذل والتضحية ولحتى تنوجد هالارادة لازم يكون في ثقة بانو هالاموال مارح تضيع عبث وانو في ادارة واعية ونظيفة رح
تستغلها احسن استغلال لحتى نعمل هالحافز عند التجار لازم الادارة تتحرك بعيد عن الطرق التقليدية بالبحث عن مساعدات يعني يمكن الادارة عمتتوجه لكبار التجار لتطلب مليون ليرة بينما اكيد في تجار صغار مستعدين يدفعوا عشر ملايين بس ازا اتصلت فيون الادارة كمان في حل تاني
واكيد شباب المنتدى مابيقصروا فيه وبيساعدو الادارة بتحقيقوا ليش مايتم طبع نداء الى اهالي دمشق نادي الوحدة واجهة دمشق بحاجة لمساعدتكم ويكون موجه لاستثارة عواطف الدمشقيين
ونحنا مستعدين نوزعوا على بيت وكل محل وكل شركة كمان ليش ماتعمل الادارة امساكية رمضان
ونحنا مستعدين نبيعها او نشتريها اكيد انا مابعتبر اي شي بخدمة دمشق عيب او بيقلل من كرامتي او احترامي يعني باختصار الفعاليات الاقتصادية بحاجة لحافز لحتى يقدمو للنادي وعالادارة بتقع مسؤولية ايجاد هاد الحافز
والكل بيعرف كيف كان اجتياح المغول لاي مدينة ووقتها كان المغول على مشارف دمشق والحياة بالشام عادية التجار عمتفتح محلاتها وتبيع وتشتري والكل عمبيزت مهمة الدفاع عن المدينة على غيرو والكل عمبيفكر بمصلحتو وبس وقتها خطيب صلاة الجمعة بالجامع الاموي رمى قدام الرجال جدايل شعر نساء دمشق اللي قصوها وبعتوها للخطيب وقلون ازا ماكان عندكون حبال لحتى تلجموا فيها خيولكون وتنطلقو للدفاع عن المدينة فالنساء بعتتلكون شعرها لحتى تعملوه الجمة ووقتها ثاروا رجال دمشق وانطلقوا من فورا للجهاد والدفاع عن الوطن حتى ولو بمهمة انتحارية
هون انتهت القصة التاريخية ومنرجع لواقع نادي الوحدة تجار دمشق ماشا الله عليون عمبيعيشو هلق فترة ذهبية من ناحية الارباح والشغل وبالتالي اكيد ماعندون نقص مادي لحتى يدعمو فيه فريق الشام الاول متل ماكان رجال دمشق وقتها ماعندون ضعف جسدي يمنعون من قتال المغول
بس اللي بينقص تجار دمشق هلق ورجال الشام وقتها الارادة الارادة بالبذل والتضحية ولحتى تنوجد هالارادة لازم يكون في ثقة بانو هالاموال مارح تضيع عبث وانو في ادارة واعية ونظيفة رح
تستغلها احسن استغلال لحتى نعمل هالحافز عند التجار لازم الادارة تتحرك بعيد عن الطرق التقليدية بالبحث عن مساعدات يعني يمكن الادارة عمتتوجه لكبار التجار لتطلب مليون ليرة بينما اكيد في تجار صغار مستعدين يدفعوا عشر ملايين بس ازا اتصلت فيون الادارة كمان في حل تاني
واكيد شباب المنتدى مابيقصروا فيه وبيساعدو الادارة بتحقيقوا ليش مايتم طبع نداء الى اهالي دمشق نادي الوحدة واجهة دمشق بحاجة لمساعدتكم ويكون موجه لاستثارة عواطف الدمشقيين
ونحنا مستعدين نوزعوا على بيت وكل محل وكل شركة كمان ليش ماتعمل الادارة امساكية رمضان
ونحنا مستعدين نبيعها او نشتريها اكيد انا مابعتبر اي شي بخدمة دمشق عيب او بيقلل من كرامتي او احترامي يعني باختصار الفعاليات الاقتصادية بحاجة لحافز لحتى يقدمو للنادي وعالادارة بتقع مسؤولية ايجاد هاد الحافز