أحلى مبارات حضرتها بلملعب

[وحداوي موت]

مرحبا يا شباب هي فكرة جديدة لنشوف ونسترجع الذكريات الحلوة بلعباسيين او باي ملعب بسوريا
هلا اكيد كلنا منحضر المباريات بلملعب لانو التلفزيون مالو طعمة وكل الاعضاء بيحبوا الملاعب
هلا بدنا نشوف احلى لعبة حضرتها وفرحة فيها لانو داما في دموع فرح واغاني فرح ودبكات وقت يكون الفريق ربحان وهي ذكريات ما مننساها ابدا
كل واحد فيكن يكتب لعبة فرح فيها كتير وما بينساها
اللعبة باي ملعب .. مع مين .. ئيمتا كانت اللعبة .. اديش خلصت النتيجة .. مين حط الاهداف

[وحداوي موت]

رح بلش من عندي
لعبة الوحدة والمجد
بلسنة يلي اخدنا فيها بطولة الدوري
تقدم علينا المجد بهدف رجا عادلنا عن طريق ماهر السيد
تقدمنا بهدف موسى تراوري رجع المجد عادلنا عن طريق لاعبو المغربي
بقيان للعبة خمس دقاق ولازم نفوز ميشان الصدارة باخر 3 لعب بلدوري
جمااااااال معو ومن مسافة 35 متر صاروووووووخ ولا احلى جاب اللعبة وتقريبا البطولة للوحدة
الفرحة كانت حلوة كتير الجمهور ونيناد واللعيبة ومسيرات وافراح بعد اللعبة
هي بلنسبة الي لعبة من الذاكرة وما بنساها بطووووووووول عمري

[أبو صخر]

عامر نت مافي منك
أحلى مباراة شفتها ولو تقيلة عليي
خخخخخخخخخخ

كانت بين الوحدة والحرية كنت صغير يوقتها وحضرتها مع عمي خلصت4-1للوحدة وبظن عساف خليفة كان ملك المباراة ويمكن المباراة كانت بال94 اذا ما خاب ظني


وتاني أحلى مباراة كانت بين منتخب سورية ومنتخب المالديف بوقتها خلصت12 غول
يعني شفت 12 غول مباشر
:mrgreen:

[أبوهاشم]

مباراة الوحدة وحطين بكأس الجمهورية

وقتها فاز الوحدة 4 _0 وسجل أهداف نزار محروس وعساف خليفة وخالد الصالح

وكان وقتها عم يلعب أحمد الشربجي رحمه الله تعالى وبأعتقادي كانت هي المباراة

بداية أزدياد الجماهير للوحدة

أما المباراة الثانية فمباراة الوحدة والجيش وقت فاز الوحدة 3_2 بعد ماكان خسران بالشوط

الاول 2_0 وكان الملعب وقتها معبى عل المدرجات

[الأدعشري]

معلم احلى مبارة بحضرها السنة اللي قبل الماضية مع الجيش وقت فزنا واحد صفر بالدقيقة 93 وقتها العالم صارت تضحك عليي صرت نط متل المجنين وعيط من قلبي لأنو الفوز على العسكر الو نكها خاصة وخصوصي بالدقيقة 93 يا الهي يوميتها شو فرحت والله ما فرحت بنجاحي بالجامعة بقد ما فرحت بهاد الغول

[وحداوي موت]

ابو هاشم انا متوقع انو تكون لعبة الوحدة والجيش تبع ال3....2 اكتر لعبة تكون حلوة
بعدين الجمهور فيها مو بس معبى المدرجات انا واحد من الناس يلي كنا اعدين على المضمار




بانتظار باقي الاراء

[يوفي بس برتقالي]

يعطيك العافية على الموضوع الحلو
أجمل مباراة شاهدتها على الطبيعة مباراة الوحدة وحطين بالعباسيين على ما أعتقد
كانت في عام 1996 يومها سجل نزارووووووووو أحد أجمل الأهداف في الملاعب السورية
من على خط المرمى وانتهت اللعبة 3/1 سجل الهدفين الأخرين عمر أحمد والدغلي
والمباراة الثانية مع تشرين باللاذقية يوم أحذنا الدوري فزنا 2/1 لأياد مندو

[أبوهاشم]

كلامك صحيح عامر

وقتها الجمهور يلي كان عل المضمار كل ماتطلع الطابة أوت مايرجعها عل الملعب

وبالفعل مباراة مابتنتسى

مشكور عامر على هذا الموضوع

[أبو صخر]

طيب شباب شو رأيكم بمباراة الوحدة والاتحاد تبعال5-3
أنا كنت بكندا وشفتها بالبيت وطار عقلي من الفرح
فشو شعور الوحداوية يلي شافو اللعبة مباشرررررررررر:prm

[وحداوي موت]

طوني لعبة الخمسة تلاته ههههههههههههههههههه
هي يمكن ما حدا يجيب سيرتها انا عندي فوزنا على اليقظة وقت المحملجي حط الكول احلى منها
لانو لعبة الاهلي كانت مضمونة
هلا يمكن لعبة التنين واحد هي اوكي انا بقلك حلوة كتير
لانو هدف السيد الاول كان حلو الاتحاد عادلنا عن طريق البودقة
رجع ماهر سلخن كوووووووووووووووووووول اوروبي الله وكيلك ماتوا من الكول
سيارات الاسعاف ما تحلق جمهور
بس لعبة الكاس عادية ابو الطون عادية

[أبو صخر]

طوني لعبة الخمسة تلاته ههههههههههههههههههه
هي يمكن ما حدا يجيب سيرتها انا عندي فوزنا على اليقظة وقت المحملجي حط الكول احلى منها
لانو لعبة الاهلي كانت مضمونة
هلا يمكن لعبة التنين واحد هي اوكي انا بقلك حلوة كتير
لانو هدف السيد الاول كان حلو الاتحاد عادلنا عن طريق البودقة
رجع ماهر سلخن كوووووووووووووووووووول اوروبي الله وكيلك ماتوا من الكول
سيارات الاسعاف ما تحلق جمهور
بس لعبة الكاس عادية ابو الطون عادية

اي معك حق عامر
بس كمان بتبقى 5 بعيون الشيطان غير شكل:mrgreen:

طيب ال3-0 تبع الحمدانية
:cool::cool:

[noel]

انا بظن انو المباراة يلي فزنا ع الاتحاد فيها اربعة صفر او اربعة واحد وقت كان المدرب نزار محروس و بنفس الوقت لاعب مع الفريق خصوصا وقت نزل بالشوط الثاني تبديل

وقتها رشدي الحلبي حط غولين و نزار غول و مدري مين الرابع

[الغزال الاسطوري]

انا عندي لعبة الوحدة مع الفتوة وانتهت 1 0 وحط الكول كمال عاجي بأول مبارة بيلعبها وكان الوحدة طالع من الدرجة التانية

[مستر مدريد]

انا بشوف لعبتنا مع حطين بسنة 2002/2003 بالعباسيين

كنا متأخرين 1/0 للدقيقة 89

و اجا عمك نبيل الشحمة سجل هدفين د/89 د/92

ما بنساها و الله شلون قلبت النتيجة



كمان نهائي الكاس 5/3 مع الاتحاد كمان ما بتنسى ( مباراة كاس )


شكرا على الموضوع :))

[mmrdem]

احلى مباراة مباراة فريق المنتدى مع الفريق العراقي حاجة ماحصلتش

[anas kamleh]

طبعاً مباراة الجيش 3-2 كانت غير شكل ، خاصة انو القصة كان فيها حزازيات خارج نطاق الرياضة :shock: ، والجمهور وقتها كان ضعف استيعاب ملعب الفيحاء،
رح زكركون بجمهور مباراة الشرطة ، كان يوم اسود يوم ما نزلنا على الدرجة التانية ، بس جمهورنا كان مخيف ، ملعب العباسيين ما في محل تحط رجلك،
بس المباراة اللي عن جد حلوة ، مباراتنا مع الكرامة بملعب الفيحاء ، دوري 97-98 ، ربحنا 1-0 ، والغول للؤي طالب من ضربة ركنية على شيخ حراس سوريا ماهر بيرقدار ، نيمو طب ، وحلف لؤي ستين يمين انو قاصدها على الغول وانا لهلأ مو مصدقو :bs) والكلام يصل
ودؤي يا مزيكا

[الرومانسي الحزين]

اجمل مبارة مع الجيش سنة 1997 وانتهت بفوز الوحدة 3\2
سجل الاهداف ابو كاسم واسماعيل ولؤي
وقتها كان نزار مدرب الجيش وحرمنا الجيش الدوري وهبطنا عالتانية بس اجمل مباراة بحضرها بحياتي كلها
ولعب السلة مع الجيش ىسنة 2001 وكان لازم نفوز بفرق 30 نقطة وفزنا فيها وتوجنا باللقب

[inzaghi 9]

أجمل مباراة نهائي الكأس مع الإتحاد

:prm

[هنو]

احلى مباراة شفتا للوحدة
للأسف ما شفناها بالملعب
أنا شفتا بصالة النادي
و كانت مع الفتوة و وقتها الكل بيعرف انو ربحنا 2-0 و أخدنا الدوري
هي كانت حلوة مو بمجرياتها
لاء
كانت حلوة لانو الشام كلها كانت ملفوفة حوالبن النادي
و الشاك اتسكرت
و عقبال هالسنة كمان


و بالمقابل ما بنسى لعبتنا مع الجيش وقت ال 3-2
و خاصة اني كنت ع المضمار
و لما جبنا الكول التالت
ركضت ع الملعب
و صار الي صار
الله لا يوفقو عنصر حفظ النظام :x

[وحداوي موت]

ئي والله يا هنو لعبة الفتوة من كتر ما كانتبتحرق القلب لانو حضرناها بلصالة كانت حلوة لانو زينا الشام كلها
كنت انا وحسان وسامر وطارق ونضال وحماده وهاني وكل الشباب اعدين بلصالة
اول ما فات الكول التاني طلعنا من الصالة على الملعب واشتغلت الافراح
ويوميتها الصالة كومبليه من تحت وفوق والنادي تعبا بلعالم
لعبة كانت حلوة كتير بس بتحرق القلب
بس احلى صوت سمعتو واكتر عبارة سمعتها بهداك اليوم
عبارة مقدمة لاحمد الجباااااااااااااااااااااااااااااااااااااااااااااا اااااان

[هنو]

و بيسألولنا :
ليش بتكرهوا الجبان؟؟؟؟؟؟؟؟؟؟؟؟؟؟؟؟؟؟؟؟

[M-AL MN@GED]

و بيسألولنا :
ليش بتكرهوا الجبان؟؟؟؟؟؟؟؟؟؟؟؟؟؟؟؟؟؟؟؟


ليش ؟؟؟؟؟

خخخخخخخخخخخخخ

الله لايوفقوا ولا يوجهلوا الخير حرمنا نحتفل مع فريقنا بأرض الملعب

سيدي مو مشكلة الشاااااااااااااام كلها إحتفلت وإذا الشام فيها مليونين وحداوي

إجا للجبان مسبات عشرة أضعاف المليونين

أما لعبة الجيش تبع 3-2 مابتنتسى وئت كنا على أرض الملعب

[M o H a M e D]

من المباريات الحلوة يلي حضرتها بالملعب ...

لعبة الاتحاد و الكرامة وقت أخدنا الدوري ...

لعبة الرجاء البيضاوي بدوري أبطال العرب ..

لعبة الجيش تبع ال1 - 0 السنة الماضية ...

لعبة الاتحاد هي السنة .. كانت حلوة ع المدرجات أكتر من حلاوتها بأرض الملعب :mrgreen:

[الساهر12]

احى لعبه حضرتها وكانت على الاعصاب هي

الوحدة و الجيش وقتها فاز الوحدة 0\1
وسجل الكوووول تراوري ولا احلى بلدقيقه 93
واكيد مابننسى على الاتحاد 3\1
بحلب
وانشالله الدوري الجاي منشوف احلى من يلي شفنا

[kashi]

اخ ما اجمل المباريات للوحدة والتي كانت تجعل الواحد متل المجنون وانشاء الله رح ترجع هذه الايام

[messi]

والله بالنسبة الي
اجمل مباراة حضرتها على ارض الملعب كان بالموسم قبل الماضي بين الوحدة والجيش اكيد تبع 1/0 كانت فرحة جنونية الي
وهالموسم كان لعبة الحدة والكرامة
اما عالتلفزيون فكانت نهائي كأس الجمهورية عالاتحاد 5/3

[عدنان]

أحلى مباراة حضرتها كانت بالعباسيين مع تشرين قبل تقريبا 10 سنين سجل وقتها المحملجي بالدقيقة 90 وتحية خاصة لأبو هاشم الوحداوي القديم ويسلملي عينك أنت والشام يا مزوأ

[حمودي اليوفاوي]

احلى مباراة حضرتها بالملعب
لعبو الوحدة والاتحاد بنهائي كأس الجمهورية 2003
يوم فزناهم واعطيناهم الكعكة

[<IBRAHIM>]

لعبة سوريا والبحرين 2-2 سجل لسوريا شيخ العشرة و الحسين
الهلال والجيش 2-2 الحريري سجل غولين
الوحدة والنجمة 2-1 موسى تراوري ونسيان مين

[حسان الحسيني]

ايه شوبدو يتزكر الواحد ليتزكر
بس احلا لعبة بسنة 1994
الوحدة والاتحاد
وخلصت 1-0 للاتحاد
لاانو وئتها كان منظر جمهور الوحدة مو طبيعي
كان ملعب العباسيين عم يزت براته جمهور من الطرفين
ومابسنى لعبة الحرية بال 96
وئت رجع الكابتن نزار كمان كان الملعب فول
ام من حيث الجمالية كاداء كمان في كتير
بس مابنسى لعبة الاتحاد تبع 3-0
للمحملجي والدغلي

[nation]

لعبة الاتحاد تبع 94 يمكن الشبابات اللي حط الكول علينا مو هيك


بس انا بحب مباراة الكاس تبع الخمسة لأنو كانت من على المدرجات حلوة كثير يعني وخاصة بعد ما جابوا الاتحاد هدف التعادل بتذكر انو المدرجات هذت منهم بس هزت اكثر مع الكول الرابع تبعنا

ومباراة الكاس مع حطين كان الفريق يا اخي برازيل

[SAD LoOoVER]

بسلموون عالموضوع الحلوو

انا بالنسبة الي المباراة يلي ما بتنتسى هي مباراة الوحدة و الاتحاد بحلب

تبع ال 3-0 وقتها خسرناهوون الدوري و على خليل حط كولين


اشوو خيوو طار الدروري طار
طار الدوري
بوجهك يا اهلي بوجهك عالمطار... :teas

[ABOU MALEK]

شو بدي اتذكر لاتذكر لا يقل عن 50 لعبة

بس كل مباراة للاتحاد هي بمثابة ذكرى ئلي

و اخر وحدة فيهم 1 - 1 بالشام وقتها تتذكروا شو عملنا شباب ؟؟؟؟ :m(

[الصالحية]

لعبة الوحدة والكرامة

على كأس القائد العام أي كأس السوبر

الوحدة والكرامة

وفاز الوحدة 2/1

عام93

بالعباسيين

الهدف التاني بالدقيقة80

نزار محروس

[الظاهر بيبرس]

الوحدة والجيش لما فزنا بغول موسى تراوري