احذروا الاقتراب من ماهر السيد [الأرشيف]

مشاهدة النسخة كاملة : احذروا الاقتراب من ماهر السيد

عاشق دمشق

08-20-2007, 01:43 PM

قرانا موضوع الثورة وراك وراك ومع انوا الصحفي ما غلط شفنا اديش الهجوم كان كبير عليه وبالنسبة لماهر فشفنا بعض الاخوان كيف مستعدين يهاجموا الكل كرمالو ولو حتى كان ماهر على غلط وانا بدي اسالكم لو ما كان حسام رجع عضو ادارة كان ماهر رجع لعب معنا وبالنسبة لعقد ماهر شو بيصير اذا ضحى بشوي من قيمة عقده بسبب ظروف النادي والله بعرف انو المال مهم بس محبة النادي هي اهم وخصوصا لما بيكون اللاعب ابن نادي الوحدة وبالامس كلكم سخرتوا من وليد الشريف ومن هدفوا على الوحدة وما راعيتوا تاريخوا وما ضيي المشرف معنا وكلكم بتعرفوا ادي هو مخلص وخلوق وما سمعنا منو شكوى او اعتراض على اي شي وخصوصا لما ماهر اعترض عليه انو يكون كابتن فقدملوا شارة الكابتن دون اية مشاكل فارجوا منكم جميعا المنطقية وان يكون حبنا الاوحد لنادينا دون الاسماء

kashi

08-20-2007, 01:52 PM

كلام صحيح وليد الشريف اكثر من رائع وماهر لاعب جيد بس لازم مايروح من عقله محبة الجمهور الوحدة له ولازم يكون عنده بعض التضحيات من اجل النادي

Ammar Alfarawati

08-20-2007, 01:52 PM

هلا كل واحد اله رايه .

بس المشكلة وقت يكون الراي بس للسخرية وعمل المشاكل لا اكتر .

ومن دون النظر للمسببات او النتائج ولماذا حصل هكذا امر او لم يحدث ذاك الامر ...

مشكلتنا عم ننظر للامور بسطحية وخصوصي وقت نكون بعيدين عن الاجواء .

salah

08-20-2007, 01:56 PM

والله مللنا من المواضيع الكثيرة التي بلا طعمة و تتكلم عن نفس الغرض
مع أحترامي للكاتب

أبو صخر

08-20-2007, 02:28 PM

أخي عاشق دمشق أهلا وسهلا فيك
الادارة ظلمت كتير ماهر سابقا وماهر لاعب له وزن كبير
من أفضل لاعبي الوطن العربي وبحقله يتكبر
وبحقله كمان يترك النادي ويرجعله لأي سبب و بتم مكسب لنا
وبس ما تلاقيلي لاعب كبير متله وسمعته متله أحسن من ماهر
وصار معه متل يلي صار مع ماهر تعا هاجمني مع احترامي لك

بعرف انك وحداوي وبتخاف عن سمعته بس كمان ماهر وحداوي متلك
وعطا كتيرررر وفي شي اسمه صبر
وهالصبر هاد له حدود ولو كنت عمتلعب لأسم بلدك

بعدين منيح يلي بقي معنا وما عمل متل فراس الخطيب
وفوق ما أكلوله الملايين من عقده
لك تخيل هو دفع حق عملية العكرمة
لك حاج بقا ياه والله عصبت من هالموضوع

EmadAsfour

08-20-2007, 03:06 PM

يعني ممكن نعرف شو بدهم من الاخيييييييييييييييييييير

shamnoor

08-20-2007, 05:00 PM

hi i know that maher is a good player and he must have all his rights .

football now not as before , you like to play you like your club. we are now in new century , any good player can get a good offer from any club he can go and we have to respect him

قطناوي .. وحداوي

08-20-2007, 05:11 PM

انا رأي انو ماهر انظلم كتير من الاجدارة السابقة بئى من حئو انو ياخد كامل عقدو وكافة مستحقاته

وحداوي موت

08-20-2007, 07:24 PM

الصافة هيك رائيها نحنا شو بدنا فيهن
هنن حرين يكتبوا يلي بدهن ياه ويعملوا يلي بدهن ياه
المهم ماهر ضل بلفريق غصب عن راس الكبير والصغير

Gazwan

08-20-2007, 08:11 PM

ماهر أبن نادي الوحدة
و شقيقه حسام أيضا ً
يعني عائلة السيد وحداوية اللون و الدم
ونحن الآن بعصر الأحتراف و يحق لأي لاعب أن يبحث عن العقد المناسب له ماديا ً
و يوجد أكثر من نادي محلي و عربي يتمنون التعاقد مع ماهر و مستعدين لدفع
مبالغ كبيرة لا يستطيع نادينا دفعها بهذه المرحلة و أولها نادي العسكر
ونادي الاتحاد .
وبقاء ماهر السيد معنا جعله يتمتع باحترام خاص لأنه فضل ناديه عن كل العروض
المقدمة له .
وبعد هالوفاء المتوقع منه سيكون الاعب النجم رقم 2 بتاريخ النادي بعد نزار محروس
ويا ريت نفهم هالشي ونشكره على وفائه الذي سبقه له أخيه حسام .

الساهر12

08-20-2007, 09:51 PM

يعني شو المطلوب ياعمي ماهر كبير وله سمعه كبيرة
وهو باقي بلنادي غصب عن الكبير والصغير
وبلاخر كل واحد له رأي

عاشق دمشق

08-20-2007, 09:54 PM

والله يا شباب عم تحسسوني انا ماهر صار اكبر من النادي وهادا اكبر غلط لانوا مهما علي شان اللاعب بيضل ناديه اكبر واحسن واغلى بعدين يا اخ طوني ماهر احترف بالكويت وما قصر وبرجع بقول انوا لو ما رجع حسام على النادي ما كان وقع للنادي وانا بعرف انو كلامي ما حيعجبكم بس لو قمتوا التعصب على جنب لحتشوفوا انوا الكلام صحيح وبحب وجه تحياتي لجميع اعضاء المنتدى لانني حبيتون من قلبي مع اني ما بعرف حدا شخصيا وبتمنى اتعرف على الكل

الساهر12

08-20-2007, 10:00 PM

ياحبيبي انت شو بدك
الفريق ينهار في عندك بديل للسيد
واذا لقيت مابكون متل اخلاق ماهر
ولا متل مستاواه بكفي نضحك على بعض ياعمي ماهر السيد بصوت العريض منقولها

انو هو نص الفريق واذا مو اكتر

حسان الحسيني

08-20-2007, 10:11 PM

ياحبيبي انت شو بدك
الفريق ينهار في عندك بديل للسيد
واذا لقيت مابكون متل اخلاق ماهر
ولا متل مستاواه بكفي نضحك على بعض ياعمي ماهر السيد بصوت العريض منقولها

انو هو نص الفريق واذا مو اكتر

كمان رح يتسكر نادي الوحدة اذا راح تاكيدا لكلامك

الأدعشري

08-21-2007, 07:48 AM

ياحبيبي انت شو بدك
الفريق ينهار في عندك بديل للسيد
واذا لقيت مابكون متل اخلاق ماهر
ولا متل مستاواه بكفي نضحك على بعض ياعمي ماهر السيد بصوت العريض منقولها

انو هو نص الفريق واذا مو اكتر
مشان الله قرأو هاد التعليق بس بدون ضحك!
قلبي يا قلبي بدك تشجع ماهر السيد بانصحك تاخد مكرو العمارة ومين ما سالت بدلك هاد اسمو موقع عشاق نادي الوحدة ونادي الوحدة كبير بماهر السيد وكبير بدون ماهر السيد كبير بنزار محروس وكبير بدون نزار محروس حبيبي للمرة الأخيرة بقللك انت بتحب ماهر وكلنا منحبو لماهر بس تعصبكن الزايد سبب مشاكل لألو ولألكن فلذلك روق شوي وشراب كاسة لبن وطول بالك ..

وسيم (ابن الوحدة)

08-21-2007, 08:51 AM

انت بتحب ماهر وكلنا منحبو لماهر بس تعصبكن الزايد سبب مشاكل لألو ولألكن

كلام الأدعشري صحيح مية بالمية

M o H a M e D

08-21-2007, 09:03 AM

خلص فرطوها سيرة بقا ...

بس كمان بدنا نتذكر أنو ماهر مو أي لاعب ... و بكل سوريا من الصعب أنو تلاقي هيك لاعب يكون عقل و مايسترو للفريق ....

يعني يلي صاير ناس بتحكي بأقصى اليمين و ناس بتحكي بأقصى الشمال ...

الساهر12

08-21-2007, 09:08 AM

عفوا انا قلت اذا عندك بديل لماهر مومعناها انو ماهر هو نادي الوحده
وتاني شي انا مع الاعب يلي بخدم الوحدة من قلبو وشكرا

Gazwan

08-21-2007, 10:05 AM

هذا الكلام صحيح
نادي الوحدة أكبر من كل شي أنا معك
ووقت كنا عم نشجع هالنادي و نتابع مبارياتوا ( رجال و شباب و ناشئين )
ما كان ماهر
بس يا شباب ماهر ألوا بصمات لا يمكن تجاهلها
و أخلاقوا عالية و أهم مواصفة له بأنه أبن هذا النادي
النادي الذي لإجله موجودين الآن بهذا المنتدى
و لأجله فقط سنملىء مدرجات العباسيين
ومتل ماقال الأخ محمد
خلص فرطوها بقا .

وسيم (ابن الوحدة)

08-21-2007, 10:27 AM

هذا الكلام صحيح
نادي الوحدة أكبر من كل شي أنا معك
النادي الذي لإجله موجودين الآن بهذا المنتدى
و لأجله فقط سنملىء مدرجات العباسيين
.

كلام جميل جدا يجب أن يؤمن به كل وحداوي أصيل

albirakdar

08-21-2007, 10:28 AM

أبو عامر

08-21-2007, 11:08 AM

طيب ليش التعصب للاعبين ليش ما يكون ماهر مضحي من الدرجة الاولى وهو مالوبحاجة المال لانو معروفين بيت السيد شو شغلتهم بقا ليش النادي دائما هو الضحية واذا ماهر بدو يترك فهي الشغلة بترجع الو مو النا وليش اشترط انو يكون اخو بالادارة الجديدة او ما بدو يكون لاعب بالنادي هاد مو كلام هاد اسمه مسخرة ولهلق ما عم نشوف للاسف انتماء قوي للنادي بل عبارات تخدير ربما نحن نحترم ماهر السيد لابعد الحدود لاعب خلوق ورائع وممتاز ويكفي انه لعب من اجل الجمهور السنة الماضية بس انا مو معو انو يحط شروط عالادارة لانو النادي اكبر من اي انسان

أبو عامر

08-21-2007, 11:13 AM

08-21-2007, 11:41 AM

خلص يا عمي حقكون علينا غلطنا رح نستغفر الله لأنو عم نحكي على سيدنا ابوخالد ابن السيد رضي الله عنو
وبالقرآن نازل انو أحسن لاعب بسوريا والوطن العربي .... واذا ترك النادي بيفرط النادي .....
منيح هيك . ويا ريت ينقفل هاد الموضوع .. داق خلقنا منو بقى

اول شي لا تبلش تحكي شروي غروي وتخبص و هالكلام يلي عم تحكيه كلو كفر وتخبيص فدير بالك يا عيوني وعدل ردك عالسريع
وماهر السيد من رموز نادي الوحدة هي اذا ما كان الرمز الاول مع احترامنا للجميع فشي طبيعي يكون الو محبة زيادة بقلوب الجمهور

M o H a M e D

08-21-2007, 01:05 PM

وعنوان الموضوع احذروا الاقتراب من ماهر السيد ما عجبني بنوب ليش ابن السيد صار احسن منا ويا ريت المنطقية يا شباب كلنا منحبو لماهر السيد بس شو هالعنوان اللي حقه فرنك احذروا الاقتراب من ماهر السيد ليش ليكون معلمنا او معيشنا حاج مسخرة هاد اللي عمبيكبر براسو

أي مرحبة لكن ....

بنصحك بس قبل ماترد تقرأ الموضوع ... وتحياتي ..

.

أنا بصراحة عنجد هلأ متمني ماهر يترك الفريق ... خلونا نخلص من هالقصة و الجرصة ...

وسيم (ابن الوحدة)

08-22-2007, 10:31 AM

.

أنا بصراحة عنجد هلأ متمني ماهر يترك الفريق ... خلونا نخلص من هالقصة و الجرصة ...

أنا متأكد أخ محمد بأنك لا تتمنى أن يترك الماهر الحبيب الفريق ، لا أعتقد بأنه يوجد أي وحداوي أصيل يتمنى أن يترك فريقه رمز من رموز النادي ... بالتأكيد لم يرغب أحد من الوحداويين على سبيل المثال أن يترك النادي أبو حامد أو يبتعد لؤي طالب أو يغيب محمود محملجي أو عساف خليفة ... الخ و القائمة تطول

يجب أن نحافظ على جميع رموز نادينا بلا استثناء و بالتأكيد أبو خالد واحد من هذه الرموز التي يجب المحافظة عليها

أبو صخر

08-22-2007, 02:12 PM

أخ وسيم
بقصد محمد عالحكي والهجوم والنقد لي بطعمة وبلا طعمة عماهر
بالعكس محمد من اكثر محبي ماهر

Ammar Alfarawati

08-22-2007, 02:42 PM

بالتأكيد لم يرغب أحد من الوحداويين على سبيل المثال أن يترك النادي أبو حامد أو يبتعد لؤي طالب أو يغيب محمود محملجي أو عساف خليفة ... الخ و القائمة تطول

يجب أن نحافظ على جميع رموز نادينا بلا استثناء و بالتأكيد أبو خالد واحد من هذه الرموز التي يجب المحافظة عليها

اكيد وسيم ..:arrow::))

راؤل عليا

08-22-2007, 03:04 PM

:banعراسي أنت وأبو خالد وكل واحد بحب ابوخالد

الصالحية

08-23-2007, 10:52 AM

اول شي لا تبلش تحكي شروي غروي وتخبص و هالكلام يلي عم تحكيه كلو كفر وتخبيص فدير بالك يا عيوني وعدل ردك عالسريع
وماهر السيد من رموز نادي الوحدة هي اذا ما كان الرمز الاول مع احترامنا للجميع فشي طبيعي يكون الو محبة زيادة بقلوب الجمهور

من أكثر اللاعبين مغادرة للنادي هو ماهر وهو من أكثر اللاعبين شللية بالنادي من أيام الشباب

لمعلوماتك في أخر سنة له بمرحلة الشباب كان الفريق بالذهاب ممتاز جدا

وكان ماهر مسجل 9أهداف وعمر عاقل 10 أهداف وياريته ما سجل

من وقتها لاعاد عمر أخد باص وبلشت الأنانية

وشباب الوحدة أنقسموا قسمين

ثانيا بنظرك وحدك هو الرمز الأول

الرموز البرتقالية كبيرة جدا وهي أسماء كثيرة من السابق لأوانه أن ينضم ماهر لها

فممتاز ملص إلى أنور إلى طريف إلى همام إلى البدورة هذا سلويا

أما كرويا عبدالنبي صدقة نزار محروس الصالحاني الشومان فجر عساف

وحديثا لؤي والمحملجي والشربجي

والأحدث لن أذكرهم لأن اليوم أصبح الأنتماء للمال فقط

فكل من ذكرتهم سابقا لعبوا للوحدة من أجل الوحدة أيام الفقر

أيام يلا شباب نحمل قطعة قماش لنجمع نقود من الجماهير من أجل أن

يسافر الفريق إلى حلب فلا يوجد معنا ثمن نقل الفريق

ويلا رح ينزل فريق الرجال بس لتخلص مباراة الشباب مشان ناخد الأحذية منهم

فالنادي عاجز عن شراء حذاء للاعب

ومع ذلك كل اللاعبين بالتمرين دون غياب وحاضرين يا مدرب كلامك على راسنا

هدول هنن رموز النادي هدول مين حمل النادي وتحمل فقره

أما اليوم فيا سلام في فلوس نازل وفي فلوس أكثر رح سجل

تأخرت الدفعة ما رح نربح

رموز ماذا

رموز المال يا حبيب وليس رموز الأنتماء

ياسمين الشام81

08-23-2007, 11:07 AM

ياريت يا صالحية تحكي على قدك وما تجيب سيرة فلان وعلان أي الزلمة مالو دريان بها الحكي حاجة بقا نتفتوا ريشوا
ماهر رمز من رموز النادي متلوا متل نزار و طريف غصب عن راس يلي بيرضا ولا لأ:bs):bd)

الصالحية

08-23-2007, 11:35 AM

08-23-2007, 12:16 PM

ياريت الاشراف يتصرف مع العضو صالحية يلي عم يحكي حكي من عقلو ودون اي ادلة
وشكرا
وتاني مرة ما تغلط على لاعب من رموز النادي يامحترم ماهر السيد بدك سنين لتوصل لاخلاقو
لما نسيت تبرعو للعكرمة باجرة العملية
بس للاسف اعداء النجاح كثر وماهر السيد من رموز النجاح بالنادي وهو كان الو اليد العليا مع نيناد ببطولة الدوري الوحيدة يلي عنا وشخص مثلك لايستطيع تقيم لاعب كماهر
وبرجع بكرر ياريت الاشراف يتصرف مع هالعضو يا اما نحن بنعرف نتصرف معو بطريقة شخصية