لايمتا رح يستمر مسلسل الخسارات؟

[tifa]

صار ت الهزائم بالنسبة لفريق الوحدة امر طبيعي جدا و يمكن لاول مرة بتاريخنا بنخسر بهالعدد من المباريات اللي صارو لحد الان 9 خسارات (ولسا باقي ع مايبدو خسارات 3 مؤكدة مع الكرامة و الجيش و النواعير) ناهيك عن موضوع الاهداف اللي مسجلة بمرمى فريقنا بعد الخسارات بالخمسة و الاربعة و التلاتة ؟ وصرنا بالاسبوع 22 و المبرارات جاهزة سلفا و عل امل انو الموسم الجاية يتبدل الوضع و بظن انو بس ينتهى الموسم بعد شهر و تنام الناس بفصل الصيف رح نتفاجأ ببداية الموسم الجاية انو الوضع رح يتم ع حالو من حيث اللاعبين و انتقاء اللاعبين الجدد و المبرارات رح تتكرر و الشي اللي عم بيصير انو جمهورنا كل سنة عم ينقص و الجيش كل سنة جمهورو عم يكتر و الله العليم شو رح يكون مستقبل الفريق اللي كان بعبع تخاف منو كل فرق الدوري؟

[وحداوي موت]

لا تطمن وريح بالك
السنة الجاية رح يكون الوضع متخلف تماما

اذا ما بتعرف بلكواليس يلي عم تصير طول بالك وبلصيف رح تشوف شغل رهيب بلنادي

[sameer]

الله يوفق النادي والكابتن نزار والسنة الجاية يرجع الوحدة غير .

[diaasaco]

حبيبي يلي اكبر منك ما بيسترجي يحكي هاد الحكي
شو بيفهمك شو رح يصير السنة الجاية
بعدين مو ملاحظ حالك عم تحكي كلا م اكبر منك

[abouabdoo]

حبيبي لا تحاول تسكب عالنار زيت

الجمهور واعي وبيعرف ليش هيك عم يصير

[نستول]

الله يا جماعة ولله الحمد البدايات مبشرة ويلي شايفينوا انو في شغل صح على الرغم من الخسارات فلازم نحنا كجمهور نكون عنصر مساعد ما نكون عم نطعن فريقنا من الخلف
احسن شي نكسب صلاة عالنبي ونطول بالنا ومن هون للسنة الجاية فرج ورحمة

[أبو عامر]

طيب كاتب الموضوع بدي منو يقرا جريدة الرياضية اليوم وبعدين يجي يحكي
الوحدة لعب كرة جميلة سلسة رائعة وكرات جميلة وجمل تكتيكية رائعة وافلت التعادل منه في عدة مناسبات وشكل سي الشيخ والشعبو وقصي حبيب ثلاثيا هجوميا مرعبا
بقى الله يرضى عليك فريقنا فاز ولا خسر هلق لا رح ينزل عالتانية ولا رح ياخد دوري مشان هيك البناء للسنة الجاية من هلق ونحن ماعم نعرف شو عمبيصير بس اكيد في شغل كبير عمبيكون مشان هيك حبيب الله يرضى عليك مواضيع مو بوقتها بنوب

[ابو وسام]

انو مبررات عم تحكي عنها صعي عم نخسر بس عن نشوف فريقنا بلش يلعب طابة حلوة وبهيك ظروف
بقى كل واحد يصلي عالنبي ولايعملي من الحبة قبة

[طارق الغبرا]

أذا الفريق بدو يتحسن لازم نبدى الشغل من هلق

[fahmi]

الشغلة بدهل شوية صبر والفريق ماشي على الطريق الصحيح ومشان الجمهور باذن الله رح يرجع متل اول واحسن وجمهور الجيش هو نفسو منين لوين عم يكتر

[tifa]

باين انو بعض الشباب فرحانينن بالمستوى و نايمين ع ابر البنج؟؟؟ شو بيفيدنا اللعب الحلو و العالم عم تتمسخر علينا ؟ 9 خسارات و قال لعب حلو؟
وقال واحد بيقللي كبير ع هالحكي؟ ع اساس عم احكي غلط انا ؟ الصراحة انو العض للاسف وانا ضيعت وقتي بالكتابة

[احن الى الوحدة]

بلشت الناس الصغيرة تطلع من اوكارها

حبيبي نحنا هيك عاجبنا الفريق لو منخسر بما انو انو ابو حامد عم يشتغل نحنا باصمين بالعشرة ومع ابو حامد لاخر المشوار والسنة الجاية رح بتشوف بعينك بقى حاجة تبلشو تحكو حكي فاضي يلي بيسمعك بيقول صرلنا 5 سنين عم ناخد الدوري ووقت اجا ابو حامد نتزع الفريق بكفي عم نشوف لعيبة شباب ولعب حلو بعيدا عن النتيجة بس السنة الجاية رح تكون نتيجة ولعب ويا رب

[wahdawi4ever]

أكيد كاتب الموضوع جيشاوي
بعدين حبيبي لكل جواد كبوه والسنه الجايه باذن الله رح تكون غير
والسنه الجايه رح تذكرنا ب 2004 انشالله

[ziadasha]

انا مع الكابتن نزار والنادي فريقنا لايوجد عليه خطر فهذه المباريات هي افضل استعداد لمباريات الكأس والدوري القادم لهؤلاء اللاعبين الشباب والكابتن نزار بحب النادي اكثر من الجميع ومشهود له بالنزاهة وعدم السمسرة من عقود اللاعبين وباعتراف اكثرية الاشخاص العالمين بخفايا الامور والوحداوية اللذين عاشوا مع النادي عندما كان تحت المدرجات مابيتركوا النادي وبرحوا لغيروا لو بينزل للدرجة الثالثة وبيبقى الوحدة نادي دمشق والشام الاول والله محيي الوحداوية الاصيلين وان شاء الله بتعود وحداوي اصيل شو ماصار يصير

[الكتلوني]

أحلى شي انو جمهور التحويشة عم يكبر أكيد شفت لعبتون اليوم مع جبلة كان معبي الملعب كلو
هههههههههههههههه الناس أذواق وفهم أحسن شي

[رامي الوحداوي]

حبيب الفريق نصه شباب
يعني إصبرللسنة الجاية

[SH@@MI]

فريقنا بالمباريات الخيرة قدم أفضل أداء اله من خمس سنين

[عدنان شيخاني]

الله يسمع منكون

[DIABO MAN]

طب يعني هلأ شو بدك ؟؟؟

[فادي النابلسي]

ياسيدي رح يستمر مسلسل الخسارات...إلا إذا قدم الفريق متل ماقدم بالشوط التاني بلعبة تشرين . لأنو الفريق هل سنة موعاجبنا نهائيا وعلى شو بدو يعجبنا على المركز العاشر متل السنة الماضية ولا على هل أداء يلي بيفلج وأكبر دليل وين الجمهور وينوا ؟؟ السنة يلي نزلنا فيها عالتانية كان الملعب يتعبى أغلبيتوا .....
وعلى كل حال نحنا عنا أمل كبير بالكابتن نزار يلي منحبو أنو يحضر الفريق تحضير لندخل المنافسة السنة الجايةأنشاله ...وعلى فكرة هل موسم مافي نقد متل السنة الماضية لأنو الجمهور بحب الكابتن نزار وبيعرف أنو ماحضر الفريق على كيفو بقى ماحدا يدافع عنو ا لأنو كل العالم بتحبوا

[wissam82]

أكيد ما حدا بيحب الخسارات لفريقه

بس فعلا ظروف فريقنا بهي المرحلة كتير سيئة من غيابات واصابات وحرمانات

والقرعة حطت المباريات الأصعب كلها ورى بعض ..

وهالموسم متل ما حكى أبو حامد والأستاذ أبو عبدو لازم نصبر
وبإذن الله المواسم القادمة غيرررر ..

[محمد سكر]

هلأ بالنسبة للمباريات المتبقية هذا الموسم وبصراحة يمكن مانحصل ولانقطة واحتمال نقطة وحدة من لعبة الجزيرة بالشام ... أما الكرامة والجيش والنواعير فمية السلامة النتائج محسومة سلفاً بظل وجود هل اللاعبين العاهات يلي عنا وان شاء الله بصير خير الموسم القادم ....

[wassim80]

هالموسم أله ظروفه ووضعه.. وحننتظر للموسم القادم بس إزا صار كل شي متل مو مخططله لازم تنتهي قصة الخسارات المتكررة .. وإلا الجمهور لح يضوج ويقل أكتر وأكتر