تعليق الكابتن نزار محروس على اعتزال ينال أباظة ....

[ابوالعبد الوحداوي]

سأل مراسل قناة الدنيا الكابتن نزار محروس : هل هذا وقت اعتزال لاعب خبرة مثل ينال أباظة ؟؟؟
فجاوب الكابتن نزار محروس الان نقول لماذا اعتزل ينال أباظة ؟؟ بعد الضغوط التي تعرض لها ؟؟؟ مع أن ينال كان بوضع غير طبيعي ....
نحنا السبب ... ايه نعم نحنا جمهور الوحدة السبب ....
أولا : كنا بحاجتو للكابتن ينال لنهاية الدوري لأنو مو نائصين نئص ... لأنو نائصين خلئة ومن غير دف عمنرئص ...
ينال مو بالفورمة بنوب بس ما كان أفضل برأيكون من الادريسي اللاعب المحترف لاتئرفوا ؟؟؟ اللي ما معو يمشي ؟؟
ثانيا : هالشي اللي صار بيليق بلاعب خدم النادي كتير لما كان بعزو ؟؟؟ ليش هيك منطالع اللاعب مألع من نادينا ؟؟؟
معئول يعتزل بدون تكريم عللي أدمو بسبب نقدنا القاسي جدا بالمنتدى وبراتو ؟؟؟ رغم أدائو الغير مقنع ؟؟؟
ياجماعة عمينحكا علينا كتيييييييييير انو نحنا جمهور نادي الوحدة ما بيصون اللاعب لما ينتهي ...
وأكبر دليل خروج ينال من النادي بهالشكل هادا ...
لازم نبيض صفحتنا يا شباب .. لازم نراجع انتقادنا اللاذع جدا ..
وكلو كرمال النادي اللي منعشئو ... وخصوصا بهالمنتدى الأول لنادي الوحدة ...
واللي ما عجبو كلامي يسامحني لأنو هو مجرد رأي ....
والسماح من الجميع ....

[SH@@MI]

بالعكس
لما يطلع لاعب معتزل بكون طلع بكرامته
وانشالله منعمله تكريم وكلنا منحضره بعد ما ينتهي الدوري

[ابوالعبد الوحداوي]

بالعكس
لما يطلع لاعب معتزل بكون طلع بكرامته
وانشالله منعمله تكريم وكلنا منحضره بعد ما ينتهي الدوري
فكرة رائعة عامر لازم نعمل للكابتن ينال أباظة بعد انتهاء الدوري ....
مع التذكير انو اكيد الكابتن ينال أدم شي كتير للنادي بيستاهل عليه التكريم ....

[SH@@MI]

ينالو أو أبو آلان من أروع المدافعين اللي مروا على نادي الوحدة
وأبدع مع المنتخب أيضاً
ولكن ظروف الإد\ارات السابقة بظن أبعدته عن بيته الوحداوي
ورجع بمستوى أقل
ولكن بقلوبنا لح يبقى
وأكيد اذا اعتزل وهو عندوا بعض العطاء
أحسن ما يعتزل ويكون سبب لخسارات أو جلوس دائم بالاحتياط

[ابو ناصر الوحداوي]

بس ما كان أفضل برأيكون من الادريسي اللاعب المحترف لاتئرفوا
معك حق خاصة انو ينال عالاقل ما حط كول بمرماه متل الادريسي

[ابوالعبد الوحداوي]

وبضيف على كلامك يابوناصر انو الكابتن ينال ياااااما شال كوال من على خط المرمى ....

[عدنان شيخاني]

ان شاء الله كون بالشام وقت مباراة اعتزاله مشان احضرها لان عنجد بحبو

[فادي النابلسي]

ياسيدي الله يسرلو .بس لو ينال مسك عبد الفتاح الأغا عواض غسان معتوق كان خلاه يفوت أول غول براسو برياحة مبين فرق الطول بيناتون .هو شي وصار وخلص .
ولو الكابتن نزار بدو ينال كان قنعوا أنو يضل ؟؟؟؟؟؟
ومع هيك ينال ماكان المسؤول الرئيسي عن خسارة الشرطة .
بس حكينا كتير بهل سيرة الله يسر يارب


٠

[DIABO MAN]

والله طلع على وشه الزلمة والله التقليعة ارحم طلع وكانوا صرلوا عم يلعب بالنادي من شهرين
حرااااااام والله

[أبو الياس]

next time
when you type sth please sperate between Nizar's speech and your's
it is better for both parties (we and the team) to keep Yanal out
let's the reserves work better now

[wissam82]

ولو الكابتن نزار بدو ينال كان قنعوا أنو يضل ؟؟؟؟؟؟

يا عيني عليك ،، هي مختصر الكلام المفيد ..
الكابتن نزار لو شاف إنه بيفيده اللاعب ما بخليه يعتزل ..

بس برأيي يطلع اللاعب بهي المرحلة أفضل ما يتسبب بأخطاء إضافية
ويصير الجمهور يحكي عليه أكتر ،،، لأنه معروف انه الجمهور دائما عاطفي
ومنحكي بردة الفعل دائما ..

أكيد نحنا ما مننسى التاريخ الكبير والشي يلي قدمه الكابتن ينال للوحدة وللمنتخب
وكان بفترة من الفترات هو أحسن مدافع بسورية ،، بس لكل زمن دولة ورجال
وهي سنة الحياة ..

بعدين جماهير أندية العالم كلها هيك عاطفية ولما ينزل مستوى اللاعب بتفضل
مصلحة النادي على مصلحة اللاعب وبتنقد اللاعب ..

يعني مالديني رمز ايطاليا والميلان الأول تعرض لنقد جارف وجارح من جماهير الميلان
على أخطائه ومستواه المتواضع بالسنين الأخيرة
رغم إنه مالديني هو أفضل مدافع بالعالم كان بفترة من الفترات ..

نحنا لما عم ننقدر أداء لاعب أو غيره هالنقد ما عم يكون كرهاً بالشخص معاذ الله
وانما عم نحكي من منطلق مصلحة النادي يلي هي الأهم ..

وإن شاء الله قريباً بيصير حفل ومباراة اعتزال وتكريم للكابتن ينال
بتليق بعطائه وتاريخه الكبير مع النادي ..

أبو آلان نحنا منحبك ،، وإذا قسينا بالكلام فهو لأن حبنا للنادي أكبر من المجاملات ..

[Anas 75]

كلام سليم أخي وسام الله يسرلو لينال وبالنسبة للاعب المغربي مامعو يمشي بدون طابة كيف إذا بالعب

[زينكو]

الله يسرلوا وشكرا الك ينال

[وسيم م]

المشكلة متل ما حكا الكابتن نزار فينا نحنا جمهور الوحدة عامة

و جمهور منتديات الوحدة خاصة يلي عم يشكل أكبر عامل ضغط على اللعيبة بدل ما يكون المساند معون

انا بوجه رسالة للأشراف بالمنتدى أنو يحذفوا أي موضوع بيتم فيه شتم أو حتى التأثير على أحد لاعبينا

لأنو للأسف لسانا نحنا الجمهور نفتقد أبسط مقومات الأحتراف

و المشكلة أنو المنتدى كمان عم يكون مساعد للضغط على النادي بدل انو يكون معو

[ابو احمد]

الرجال طلع مكسور الخاطر عيب ياجماعةلازم ينردلو اعتبارو شومافي غيرو متراجع هو ارحم بكتير من غيرو

[f.torres]

ياشباب يلي صار مع ينال لازم يكون عبرة النا منشان مانكرر هاد الغلط مع حدى تاني وبقصد بالحدى التاني غسان معتوق لانو هل ايام كترانة الانتقادات لهل لاعب على الرغم من كل يلي قدمو للنادي
منشان هيك انتبهو نوقع بنفس الحفرة

[ابوالعبد الوحداوي]

الكابتن نزار مسؤوووووول عن أقواله ...
وكل من شاهد المقابلة بيلاااااحظ وبالبرهان القاطع انو الكابتن نزار غير راضي عن اعتزال ينال أباظة ....
أبو أنس انت شفت المقابلة ولا القصة تشبث بالرأي ؟؟؟

[ابو ناصر الوحداوي]

ياشباب يلي صار مع ينال لازم يكون عبرة النا منشان مانكرر هاد الغلط مع حدى تاني وبقصد بالحدى التاني غسان معتوق لانو هل ايام كترانة الانتقادات لهل لاعب على الرغم من كل يلي قدمو للنادي


منشان هيك انتبهو نوقع بنفس الحفرة


و الله معك حق و المعتوق عم يقدم اداء مقبول و المشكلة عنا 2000 مدرب و اكتر و بكرا اذا راح المعتوق بنصير نقول وين ايامك ابو العبد انا نزلت لقاء نزار كامل فيديو بموضوع اهداف و لقاءات الوحدة و الاتحاد

[wissam82]

أبو أنس انت شفت المقابلة ولا القصة تشبث بالرأي ؟؟؟

شفتها أخي أبو العبد ،، و وحياتك مو موضوع تشبث بالرأي بالعكس

وغير إني شفتها كمان عندي معلومات تانية عن القصة
بس مالي حابب احكيها ..

ع العموم برجع بأكد نحنا لما نحكي ما بيكون هالشي كره بالشخص
أو لتار معه معاذ الله ومين ما كان يكون ،،
وإنما هالشي هو فقط لغيرتنا ع النادي ومصلحة الفريق ..

والنقد ((بدون تجريح)) معرض ئله كل شخص بالعالم
وهاد شي طبيعي وين ما كان مو بس عنا ..

[salah]

شفتها أخي أبو العبد ،، و وحياتك مو موضوع تشبث بالرأي بالعكس

وغير إني شفتها كمان عندي معلومات تانية عن القصة
بس مالي حابب احكيها ..

ع العموم برجع بأكد نحنا لما نحكي ما بيكون هالشي كره بالشخص
أو لتار معه معاذ الله ومين ما كان يكون ،،
وإنما هالشي هو فقط لغيرتنا ع النادي ومصلحة الفريق .

والنقد ((بدون تجريح)) معرض ئله كل شخص بالعالم

وهاد شي طبيعي وين ما كان مو بس عنا ..


حجي و من غير زعل أنا يلي شايفه أنك أنت مصتقصد هالزلمة ؟؟
شو هو السبب مابعرف
و هي شفنا مباراة الأتحاد و الدفاع العجيب و الحارس المهزوز و ما شفنا منكم تعليق

[wissam82]

حجي و من غير زعل أنا يلي شايفه أنك أنت مصتقصد هالزلمة ؟؟
شو هو السبب مابعرف
و هي شفنا مباراة الأتحاد و الدفاع العجيب و الحارس المهزوز و ما شفنا منكم تعليق

الله يسامحك ،، لا قسماً بالله مالي مستقصده لا هو ولا غيره

وإنما عم بحكي ضميري بالأمور يلي شفتها بعيني ..

بلعبة الاتحاد أنا ما تابعتها لهيك مافيني احكي شي ما شفته
بس شفت الأهداف من المواقع والأخبار ،، وأكيد الدفاع سيئ جداً
وخاصة الادريسي ومن بعده المعتوق ..

بس أنا حكيت عن ينال خصوصاً بالفترة الماضية لأن شفت أكتر من مباراة
كان مشارك فيهم وأخطائه تكررت فيهم بكل المباريات يلي لعبها
وكان نقطة ضعف واضحة ..

الحارس المهزوز يلي عم تئول عليه ،، بـ 99% من المباريات يلي لعبها معنا
كان هو المنقذ وبيت الأمان للفريق ومستواه ثابت باستثناء لعبة الشرطة
وطبعا الحارس بيتأثر بتواضع خط دفاعه يلي بيضوعه ..
فمعقول نحكي وننقد حارس أنقذنا بمعظم مباريات الموسم الحالي لمجرد هفوة بمباراة
أو تنتين وننسى باقي المباريات ..؟؟ بينما ينال يلي صار فيه العكس
وهو تكرار الهفوات بكل المباريات والكلام كله طبعاً عن هاد الموسم
لهيك صار الحديث وتسليط الضوء على هالمشكلة لانه ما عاد ينسكت عنها لتكرارها هي الفكرة ..


ما بدي أرجع عيد نفس الكلام ،، وما حدا بينكر إنه ينال كان أفضل مدافع بسورية
وبرجع بقول هي سنة الحياة ،، ورحم الله امرأ عرف قدره فوقف عنده ..

بعدين أنت شو سرك دفاعك عن الكابتن ينال ..؟؟ ولا بس لأنه اسمه أبو آلان متلك .. :neutral::mrgreen:

بالنهاية بتمنى ما حدا يزاود على محبتي لينال أو أي لاعب غيره
وبتمنى ما عاد حدا يفسر كلامي بشكل خاطئ ..

برجع وبقول لأخر مرة ينال أباظا انا بحبه وبحترمه كتيررر وما بنسى تاريخه العريق أبداً
بس مصلحة النادي أهم من الجميع ..

[ابو ناصر الوحداوي]

يا اخوان بكل منتديات الوحدة نزل موضوع بطالب ينال بالاعتزال مو بس هون و حتى الموضوع الي نزل هون كان في عشرات الردود عليه بطالبه بالاعتزال و محسوبكم واحد من يلي حط رد بس المشكلة ببعض الردود الجارحة و طريقة الكتابة بهدا للمنتدى او بغيره كان في مشاركات قاسية كتير كتير عينال و هي الي اثرت فيه اكيد يعني المحصلة عشرات بل مئات طالبوا باعتوال ينال فليش عم تحملوها لشخص واحد خاصة انه مطالبته ما كان فيها تجريح متل مطالبات اعضاء ثانية خاصة بمنتديات ثانية

[ابوالعبد الوحداوي]

والله يا أبو أنس ازا في شي بتعرفو وما منعرفو فهيك حكي تاني ....
بس بتمنى بعد مرور وئت ئصير انك تخبرنا اللي بتعرفو ...