مشروع بطولة باسم منتدانا ؟؟؟؟؟!!!!!

[يمان القدة]

بعد التفكير والتمحيص والتدقيق والمطالعات في المنتديات المجاورة تكونت لدي فكرة في اقامة بطولة وساطلق عليها بطولة منتدى الوحداوية ستقام جميع مباريات البطولة على ملاعب النادي
بعد الزيارة التي ساقوم بها الى النادي لمناقشة امور تسهيلات الحجوزات ارجو من اعضاء ادارتنا الموقرة المساهمة في مساعدتنا لاجراء هذه البطولة


قوانين البطولة



1- يتكون كل فريق من6لاعبين واثنان احتياط


2- الشرط الأساسي لأي لاعب للدخول لفريق ان يكون عضوا في المنتدى


3-سيكون نظام البطولة على طريقة الدوري


4- رسم الاشتراك عن كل مباراة للفريق 300ليرة سورية تتضمن اجور الملعب


5-مباريات البطولة جميعها سوف تكون يوم الجمعة


6-يتم إختيار أبرز لاعبي البطولة من أجل تشكيل منتخب للمنتدى


7-بالنسبة للنقاط يتم احتساب نقطة للتعادل ونقطتان للفوز


8- في حال التعادل بالنقاط يتم اللجوء لمباراة فاصلة يتم تحديدها من قبل اللجنة المنظمة


ملاحظة هامة


- كل فريق يجب عليه تسمية مشرف للفريق وكابتن للفريق .




قوانين المباريات



1- المدة الرسمية للمباراة 50 دقيقة ( 25 دقيقة مدة كل شوط ) .


2-يحق لكل فريق باجرا ء 4تبديلات بخروج لاعب والمعاودة للعب بعد 10دقائق


3-اللاعب الذي يستبدل يحق له العودة مرة واحدة بعد إستبداله


4-لا يجوز أثناء المباراة التبديل بين لاعب وحارس


5- أي حالة تحكيمية تطبق حسب القوانين النظامية في مباراة كرة القدم



التغطية الاعلامية


سيتم طرح الموضوع على السيد وسيم المشرف العام للموقع بشان
تغطيتها بشكل كبير على الصفحة الرئيسية للموقع حيث سوف يتم نشر
جميع أخبار وتقارير المباريات على صفحة الموقع الرئيسية بعد الموافقة
وستتم التغطية من قبل مشرفين المنتدى


وسيتم انتقاء افضل لاعب في كل مباراة واحسن لاعب بالبطولة

وسيتم الاعلان عن هداف البطولة واحسن حارس وافضل خط دفاع

وافضل خط وسط




وفي النهاية اتمنى المساعدة من قبل الادارة لتسهيلات الحجوزات

وبالتوفيق للجميع

[nation]

ما عجبك تساوي البطولة غير لما سافرنا

[هنو]

مشروع رائع
و انا معك

[يمان القدة]

والله ياحبيبي انا بودي انو كل الشباب تشارك

[فهد الناجي]

فكره حلوه كتير وبيصير فرصه للتعارف بين الشباب
:lol:

[يمان القدة]

بانتظار المزيد

[inzaghi 9]

أنا جاهز إذا شي نادي بدو يشتريني

بس من هلأ بطلب 100 مليون يورو شو كاكا أحسن مني :m(

يعطيك العافية يمان

بس شو مشان إيمتا بتطبق :))

[الساهر12]

ما عجبك تساوي البطولة غير لما سافرنا

والله معك حق

[deyaa]

انا جاهز

بس بدك تساوي البطولة وقت كون بالشام

انا جاية انشالله يوم الاتنين

وبدي ضل حوالي شهرين يعني تقريبا لاخر رمضان

اصلا برمضان ما خرج تعمل مباريات منوب وبعدين بعد رمضان بتصير الدنيا شتا وما خرج لعب طابة

معناها ما في غير هالشهر من هون لرمضان


بس كيف بدنا نقسم الفرق؟

يعني بصراحة ما بعرف ولا واحد من المنتدى شخصيا حتى شكل فريق

بقترح انو كل مين يلم شلة ويسجلها هون بالمنتدى ويعلن اذا ناقصه لعيبة بمراكز معينة


انا من جهتي بعلب بالدفاع: قلب دفاع او ظهير ايمن وبعجبكون انشالله

[أبو عامر]

انا جاهز وفريقي جاهز وانا من هلق قلب هجوم وخاصة انو كوستيكا ممكن يعجب بأمكانياتي ويتعاقد معي الوحدة وصير اغلى لاعب بسوريا بتصير يا جماعة مافي شي بالدنيا ما بيصير بس من هلق باب المفاوضات ما بفتحه الا اذا بلش المزاد بسبع ملايين سوري لانو منتدى الكرامة عمبيفاوضني وقلتلهم انا بسوريا ما بلعب غير للوحدة

[وحداوي موت]

نيالكن والله نيالكن

[deyaa]

انا جاهز وفريقي جاهز وانا من هلق قلب هجوم وخاصة انو كوستيكا ممكن يعجب بأمكانياتي ويتعاقد معي الوحدة وصير اغلى لاعب بسوريا بتصير يا جماعة مافي شي بالدنيا ما بيصير بس من هلق باب المفاوضات ما بفتحه الا اذا بلش المزاد بسبع ملايين سوري لانو منتدى الكرامة عمبيفاوضني وقلتلهم انا بسوريا ما بلعب غير للوحدة

هلق هادا يلي طلع معك يا وحداوي

بدك تصير اغلى لاعب بسوريا وتقبض من جيبة ناديك مع انك شايف انو في ضيقة مادية بالنادي

مو عيب عليك تهدد انو بدك تروح على الكرامة بس على اساس ما بتلعب غير بالوحدة

[inzaghi 9]

هلق هادا يلي طلع معك يا وحداوي

بدك تصير اغلى لاعب بسوريا وتقبض من جيبة ناديك مع انك شايف انو في ضيقة مادية بالنادي

مو عيب عليك تهدد انو بدك تروح على الكرامة بس على اساس ما بتلعب غير بالوحدة

لك هو عم يلطش أنو إجته عروض خارجية بس هو ما رضي وفاء للنادي

متله متل كل هاللعيبة

شبك يا زلمة :bd)

[مستر مدريد]

فكرة حلوة كتير و فرصة للتعارف على جميع الاعضاء

بس المشكلة انا شلتي مو دائما بتجتمع و دائما بيكون الفريق ناقص
و اذا الشباب بدون يشكلو فريق انا جاهر .

مركز اللعب : خط دفاع او خط وسط متأخر

بس انشالله هالفكرة تتنفذ بسرعة

سؤال : كيف سيتم تجمع الفرق و تثبيت الاشتراكات و الموعد لها

ارجو اعلامنا بالمواعيد و الترتيبات .
مع الشكر

[inzaghi 9]

عم فكر أنشأ فريق خاص بالميلانية أو بالإيطالية بيكون أحسن:m(

وبلش أشتري لعيبة

هلأ المراكز يلي بدنا ياها

حارس : والله لازمنا لأنو بوفون اعتذر :bd)

دفاع : لازمنا اتنين لأنو الإتنين التانيين موجودين بتعرفوا لأنو خطتنا طليانية يعني دفاعية :bd)

وسط : مو لازمنا حدا هون ولا حدا يفكر بهون لاني هون :m(

هجوم بيلزمنا : 3 واحد أساسي واتنين احتياط


لأنو ما في نية للتبديل بالدفاع



* الشرط الاساسي أنك تكون مشجع طلياني

* سيتم إعطاء مكافأت عن كل مباراة للاعبين 5 ليرات سورية حلال زلال

* يتم خصم من عقود اللاعبين وتغريمهم بمبلغ 500 ليرة عن كل خسارة :wink:

سارعوا بالإنتساب إلى فريق الآزوري الدمشقي


الأماكن محدودة

يمنع اصطحاب الاطفال :twisted:

[الرومانسي الحزين]

المنتخب الازوري
حراسة المرمى (الرومانسي الحزين )
الدفاع ابو مالك ميشيل
الوسط سامر دادو
الهجوم ميلانو وائل العدس
الاحتياط الباب مفتوح للتسجيل
المدرب طبعا زعيم الطليان سعدي
وكمان هو المشرف العام
مع تحيات الكابتن هادي

[inzaghi 9]

المنتخب الازوري
حراسة المرمى (الرومانسي الحزين )
الدفاع ابو مالك ميشيل
الوسط سامر دادو
الهجوم ميلانو وائل العدس
الاحتياط الباب مفتوح للتسجيل
المدرب طبعا زعيم الطليان سعدي
وكمان هو المشرف العام
مع تحيات الكابتن هادي

كرمالك هادي رح أتخلى عن الوسط روح انتقل للهجوم

بركي طلعت الهداف ..........

على سيرة الهداف كم مليون دولار بياخد الهداف مشان صير أناني :mrgreen:

[anas kamleh]

المنتخب الازوري
حراسة المرمى (الرومانسي الحزين )
الدفاع ابو مالك ميشيل
الوسط سامر دادو



حلو :spdban ، الحمدلله طلع في واحد بالدنيا بيرضى يلعب حارس

[inzaghi 9]

حلو :spdban ، الحمدلله طلع في واحد بالدنيا بيرضى يلعب حارس

هادي من يوم يومه الحارس الاول لمنتخبنا :neutral:

على فكرة هادي أفضل من بوفون بس هو ما رضي يروح على اليوفي لأنو ما بيخون الميلان :m(

[anas kamleh]

هادي من يوم يومه الحارس الاول لمنتخبنا :neutral:

على فكرة هادي أفضل من بوفون بس هو ما رضي يروح على اليوفي لأنو ما بيخون الميلان :m(

معتر يا حسرتي هالهادي ، بس ما قلتللي ، افضل من بوفون بشو ؟؟؟؟ :?

[أغيد الفرا]

انا و فريقي جاهزين

[S@MER]

أحمم هادي حبيبي أنا
أولا برازيلي

وليس أيطالي

ثانيا مركزي منيح وسط أو هجوم منيح

أنا كشفي معي وماعندي خدمة عسكرية هلق يعني خالص
من حسن سويدان
وما عندي أي أصابة بدي عقد محرز

[الرومانسي الحزين]

جاهزين ابو سمرة وانس كاملة يا شباب هو حارس الوحدة بالشباب بقى يلي مسجل عنا هو نفسو انس حارسنا

[crespo]

طبعن هداف المنتدى بالمناسبات السابقه جاهز
بس طبعن مابرضى بي اي عرض ايطالي ولو بدون يعطوني مليون عن كل كول
سامر انا من هلئ بقدملك عرض لفريقي وبيضمن شررط بتعجبك ولو انك برازيلي ماشي الحال

[EmadAsfour]

صحيح ان عريس
بس الفكرة كتير حلوة



وجاهز وقت يتم الاختيار

[alwhdawi alawal]

والله ياشباب الفكرة ممتازة وأنا جاهز بس العلة مابعرف حدا بلمنتدى ساعدوني لوسمحتو

[mfa]

ضروري الفريق يكونوا أعضاء بالمنتدى ؟
بيكفي يكون لاعب واحد بالمنتدى وهيك بيزداد مع الأيام عدد الأعضاء

[يمان القدة]

طيب اوك مافي مشكلة سقف البطولة 30لاعب

[inzaghi 9]

طيب اوك مافي مشكلة سقف البطولة 30لاعب

شلون يعني :arrow:

[السوري الدمشقي]

مشروع كتير حلو والله الله حيووووو شباب الوحداوية

[SAD LoOoVER]

يا سيدي جاهز من عندي

و ان شا الله خيرر

اعتمدوو عالوقت

و الفكرة كتير حلووة

[ABOU MALEK]

انا بدي كون الحكم تبع البطولة :m(