من تريد يا وحداوي

[هنو]

جميعنا يرى ما تعانيه الكرة الربتقالية من غياب لاعبين سواء بالاساسيين أو الاحتياطيين

لذلك رغبت في أرى كل واحد مننا من يرغب من لاعبي الدوري السوري أن ينضم لنادينا للموسم المقبل

لنكون على الالقاب منافسين

و سأبدأ من نفسي

حارس مرمى : أتمنى بقاء الازهر

الدفاع : الدكة و حمزة ايتوني

الوسط : معتز كيلوني

الهجوم : ماجد الحاج

[هنو]

لك شو مشان هالمخ ؟؟؟؟

لسا في 4 بس نسيتون:mrgreen:

[فادي النابلسي]

ياسيدي ......حمزة أيتوني سمعت أنو وضعو بالمجد مو تمام بتمنى جماعتنا يحركولي حالن شوي ويدسو نبضو..
انا عن حالي بتمنى .
حمزة أيتوني _أسطنبلي _ماهر السيد _رجا رافع التاني عم بنئ بدو يحترف برا )بدو مصاري( وفي لاعب منتخب سوريا للشباب كنيتو الخضر من الفتوة لاعب شغلة شغلة بتمنى إذا حدا في يوصل هل فكرة للكابتن نزار أكيد الكل شافو بالتصفيات....بالإضافة لشي لاعب محترف متل العالم مع سي الشيخ ....
وهي طبعا تمنيات بس وأنشاله يجينا أحسن

[f.torres]

ماجد الحاج ورجا رافع
مع بقاء الازهر وسي وقصي
وبعض الشباب

[أبو شام]

برهان صهيوني...واذا بيطلع بايدنا نجيب لاعب مقاتل متل عمار عبار منكون فتحنا مالطة

[Radwan]

أتمنى تدعيم خط الوسط ويكون هناك تركيز على اللياقة بالنسبة للأسماء الفرق ليس كبير بين لاعبينا ويمكن أن نعتمد على أبناء النادي ولكن نحتاج لرفع مستوى اللياقة مع وجود لاعب خبرة في كل خط من خطوط الفريق .

[Anas 75]

بدنا لاعبين بخط الدفاع وطبعاً سي الشيخ محترف آخر بنفس المستوى وبس برأي والاعتماد على الشباب

[جيرارد]

ماجد الحاج مع بقاء قصي حبيبي وعبد الناصر وسي الشيخ واللعيبة الشباب يلي عنا يعني ولاد النادي

[ابو ناصر الوحداوي]

انا بطلب من الكابتن نزار مراقبة منتخب الشباب و جلب لاعبين مميزين منه لانه ثبت الافضل اللعب الشاب افضل من المخضرمين اللاعب الشاب بده يثبت حاله اما المخضرم ما عم ناخد منهم الا التمرد و الشللية و المزاجية

[bmekhaled]

طبعاً لو كانت القصة بالأمنيات لتمنينا أحسن لاعبي الدوري السوري بفريقنا
بس مشكلتنا لازم بالأول نرغب اللاعبين المناح بالجية لعنا
يعني بصراحة صعبة أنو اللاعب المنيح بفريق مرتاح فيه يجي لعنا و نحنا وضعنا معروف و ما بدي احكي فيه
أنا من رأيي اللاعبين الشباب الموجودين بالنادي اولى الناس بأخذ فرصتهم و هالشي ما لازم يخلي تفكيرنا بفريق غير قادر على المنافسة ، يعني ما في فريق محترم بالعالم بتتناقض عنده فكرة البناء مع فكرة المنافسة ، بالعكس الأمرين بيكملو بعضهم
لذلك أنا بتمنى من فريقنا الحالي يضلوا اللعيبة الشباب الأميز مع بعض الكبار ، يعني الحارس رضوان لازم يبقى و قصي و الزبيدي ، و الكابتن أبو حامد أدرى باللاعبين الصغار القادرين عالإفادة ، بالإضافة لمحترفين هامين و اظن سي الشيخ بهالعمر الصغير و تواجده الحالي فهو ممتاز و بدنا واحد تاني كمان يكون منيح مو مقلب

من باقي الفرق بتمنى إذا بدو يجي حدا يكون حابب يلعب للنادي و هاد الأهم ، و بصراحة ما يكون من فريق جماهيري متل الاتحاد أو الكرامة ، قصدي ما يكون ابن هالناديين و مو أنو عم يلعب فين حالياً

أظن ماجد و الدكة و رجا رافع و برهان صهيوني مناح
وأهم شي ما بدي يرجع ماهر السيد لأنه النادي مو بيت اللي خلفه ، ساعة اللي بدو بيترك و ساعة اللي بدو بيرجع ، و الله يرحم مين قال اللي ببيعك بالفول بيعه بالقشور

[ابو ناصر الوحداوي]

طبعاً لو كانت القصة بالأمنيات لتمنينا أحسن لاعبي الدوري السوري بفريقنا
بس مشكلتنا لازم بالأول نرغب اللاعبين المناح بالجية لعنا
يعني بصراحة صعبة أنو اللاعب المنيح بفريق مرتاح فيه يجي لعنا و نحنا وضعنا معروف و ما بدي احكي فيه
أنا من رأيي اللاعبين الشباب الموجودين بالنادي اولى الناس بأخذ فرصتهم و هالشي ما لازم يخلي تفكيرنا بفريق غير قادر على المنافسة ، يعني ما في فريق محترم بالعالم بتتناقض عنده فكرة البناء مع فكرة المنافسة ، بالعكس الأمرين بيكملو بعضهم
لذلك أنا بتمنى من فريقنا الحالي يضلوا اللعيبة الشباب الأميز مع بعض الكبار ، يعني الحارس رضوان لازم يبقى و قصي و الزبيدي ، و الكابتن أبو حامد أدرى باللاعبين الصغار القادرين عالإفادة ، بالإضافة لمحترفين هامين و اظن سي الشيخ بهالعمر الصغير و تواجده الحالي فهو ممتاز و بدنا واحد تاني كمان يكون منيح مو مقلب

من باقي الفرق بتمنى إذا بدو يجي حدا يكون حابب يلعب للنادي و هاد الأهم ، و بصراحة ما يكون من فريق جماهيري متل الاتحاد أو الكرامة ، قصدي ما يكون ابن هالناديين و مو أنو عم يلعب فين حالياً

أظن ماجد و الدكة و رجا رافع و برهان صهيوني مناح
وأهم شي ما بدي يرجع ماهر السيد لأنه النادي مو بيت اللي خلفه ، ساعة اللي بدو بيترك و ساعة اللي بدو بيرجع ، و الله يرحم مين قال اللي ببيعك بالفول بيعه بالقشور

انا معك بشغلة انو ما نجيب لاعبين من اندية جماهيرية و الافضل نجيب لاعبين من اندية غير جماهيرية لانه بكونوا عندهم تعطش لحب الجماهير و هذا ما يساعد على تالقهم و خبر مثال المندو لما اجا كان من الوثبة و تالق معنا
كمان انا معك بشغلة ماهر 100-100 بس رجا رافع مستواه متراجع كتير بس هو اكيد متعطش للعب مع فريق جمهوره كبير متل ما حكا ببرنامج الكرة بملعبك و كانه عم يغازل الوحدة و حاسه قاتل حاله ليلعب مع الوحدة من شان جمهوره الكبير

[Nassib kabbani]

انا بدي يضل الازهر وقصي وسي شيخ والشباب يلي طالعة والزبيدي وعمر خليل وعبد الناصر ونضم رجا والزينو والايتوني والاسطنبلي وشي ظهير يمين عليه القيمة وباسل علي وكم لاعب من منتخب شباب سوريا ولا لعودة ماهر السيد

[wassim80]

الازهر

الايتوني........ الاسطنبلي ...........الدكة........... عبد الناصر حسن

سامر عوض .............الأومري .........عبد الرزاق الحسين

قصي حبيب

سي الشيخ

محترف ممتاز قناص




(((((((( تشكيلة برأيي نارية ))))))))))


بتمنى من كل قلبي من ادارتنا محاولة جلب الحسين لأنه من أهم لاعبي الدوري السوري ولاعب المنتخب ومبدع جدآ - وسامر عوض جناح مرعب وهداف

[f.torres]

الازهر


الايتوني........ الاسطنبلي ...........الدكة........... عبد الناصر حسن

سامر عوض .............الأومري .........عبد الرزاق الحسين

قصي حبيب

سي الشيخ

محترف ممتاز قناص




(((((((( تشكيلة برأيي نارية ))))))))))



بتمنى من كل قلبي من ادارتنا محاولة جلب الحسين لأنه من أهم لاعبي الدوري السوري ولاعب المنتخب ومبدع جدآ - وسامر عوض جناح مرعب وهداف


وين الزبيدي؟؟؟؟؟؟؟

[SH@@MI]

الإيتوني - اسطنبلي (مو صعب وعودته حلوة والجمهور بحبه وبحب الجمهور)-
ماجد الحاج
سليم خضرة
عدي جفال مدري عمر السومة(نسيان أني واحد منهن بس التنين مميزين)

[نستول]

بالنسبة الي الازهر والاسطنبلي وماهر السيد وماجد الحاج

[noel]

الازهر
الزبيدي - الاسطنبلي -علي خليل - رأفت محمد(مع بديل جيد)

العلايا - عبد الرزاق الحسين -

قصي -رجا رافع- سي الشيخ

البدلاء: الاومري +الرمال - الخربين+ العجان+ الخليل+السيد+الشقالو



بعتقد قوة هجومية كبيرررررررررررررة

[عدنان شيخاني]

والله انا بتمنى انو يرجع ماهر السيد ويجي معتز كيلوني وكمان عبد الرزاق الحسين والازهر اول شي طبعا

[Ahmedinho]

كل اللعيبة يلي حكون عنهم الشباب مناح... بس اذا الوحدة بدو لعيبة لازم يفاوضوا لعيبة المجد...

و اهم شي يهتموا بالدفاع

[هنو]

اي و الله

و الله عبد الرزاق ممتاز هو و خبرة الرافع

[noel]

وأهم شي ما بدي يرجع ماهر السيد لأنه النادي مو بيت اللي خلفه ،

اخي لو بكون ابليس و بفيد النادي بنفس لوقت انا موافق يلعب معنا

[طارق الغبرا]

متل العادة بنام وبس نفيق بنلاقي اللعيبة طارت وصفي المفلس و الجربان لازم من اليوم نتحرك

[bmekhaled]

اخي لو بكون ابليس و بفيد النادي بنفس لوقت انا موافق يلعب معنا

يا سيدي في خير الله لاعبين ممكن تفيد الفريق أحسن من ماهر أفندي

و موضوع ماهر انحكى بوقته كتير و ما في داعي نرجع نحكي فيه بس بحب ذكرك أنو اللي مقدمه الجمهور و النادي لماهر ما صار للاعب تاني و مع ذلك هلكنا بنص الموسم و هو اجاني عرض من السعودية ، اجاني عرض من الصين ، اجاني عرض من المريخ ! كأنو نحنا علفضلة و حضرته عم يلعب معنا ليلاقي البديل الأفضل

يا أخي بهالأسلوب اللي كان عم يساويه ضر الفريق أكتر ما فاده ، و يوم ما كنا نحكي هالحكي يطلع ألف واحد يدافع عنه و بأسلوب غريب كأنو فريقنا فريق ماهر و مو الوحدة ، و كأنه ماهر أهم من الفريق

ماهر مو بس ترك الفريق وقت كان محتاجه ، علماً أنو لو طلع احترف برا والله ما بزعل ، منقول بيضل لاعب قدم و حقه يحقق طموحه الطبيعي بالاحتراف برا ، أما شو كسب من الروحة عالجيش ؟ شو هالفريق العالمي اللي راح عليه و هو بيعرف أنو 99% من جمهور الوحدة بيكره نادي الجيش كره العمى ، و شو معنى هالتصرفات اللي عملها كأنه نحنا اللي مطفشينه من حمل شارة الكابتن يوم لعبتنا بس ، و الاحتفالية الغريبة وقت سجل فينا و اللي ما عملوها اللي مروا مرور من النادي و مو ولاده

إذا كان ماهر بفيد الفريق فنياً فهو عم يخلق مشاكل بوجوده و اللي بيجرب المجرب بيكون عقله مخرب ، خلينا عاللي حابب يعطي من قلبه و برجع بقول اللي ببيعك بالفول بيعه بالقشور ، و بالمناسبة إذا ما صفي غير ابليس بدو يفيد النادي فغنانا الله عنه و خلينا على حالنا

[AMIN]

انشالله بيجي رجا رافع وانا متأكد لح يفيد الفريئ كتير

[wassim80]

يستر على عرضكم ..... إزا الإدارة بترجع حدى من بيت السيد على النادي لاعب أو اداري أو حتى بواب للنادي بتكون غلطت غلطة عمرها؟؟؟؟؟

بيكفينا مؤامرات وشللية , الحمد لله أننا ارتحنا من هالقصص (ماهر ماضي وانتهى)

خلينا بالأسماء الصح (( ايتوني - دكة - عبد الرزاق حسين - رجا - اسطنبلي - سامر عوض ))......

وملاحظة : أتمنى حصرآ يتم توقيع لأكثر من عام مع اللاعبين تبع السنة القادمة ومابدنا نعيش نفس القصة كل سنة!!!!!!!!!!!!!!!!!

[SH@@MI]

هللأ ليش قلبتوا الموضوع لقصة ماهر

بعدين بدي افم شو اجا ببالكن تطالبوا بماهر
كلنا عم نقول بدنا شباب
وما بدنا تكرار لقصة الآغا والعزام والشعبو
وهللأ عم تقولولنا ماهر

[محمود حلبي]

حلمي شوف رجا رافع وعبدالرزاق الحسين في نادي الوحدة
مع بقاء الازهر سي الشيخ وقصي حبيب

[رامي الوحداوي]

والله بتمنى
ماجد الحاج -رجا رافع -معتز كيلوني -برهان صهيوني-
هدول مبدئيآ إذا كان فريقنا بدو ينافس ع الدوري

[عمار عبار]

نغمة السيء مو عاجبتني
والي بده ابليس
معروف وين بيتواجد

[noel]

اخواتي انا ما قصدت لسيد او ابليس يكلامي قصدي كان مصلحة لنادي فوق اي رغبة و عاطفة
انا ما عم طالب بالسيئ ابدا لكن عم وضح انو لو اي لاعب بفيد ابو حامد بالملعب نحنا مع قرارو
تقبلو مروري:)

[الدمشقي]

تمنياتي مستحيل تتحقق
لأنو جماعتي كلون حماصنة