ماهر السيد: مشكلتنا ليست بالمدرب حاليا.

[wahdawia.net]

http://www3.0zz0.com/2007/08/05/15/58773638.jpg


وحداوية . خاص
صرح الكابتن ماهر السيد لاعب البرتقالي أن مشكلة الفريق حاليا ليس
باختيار المدرب و أن الادارة ذهبت لحل أصغر المشاكل بينما تركت المشاكل
العالقة كالتعاقد مع اللاعبين و تأمينن مقدمات العقود التي لم تدفع الموسم
الماضي الاضافة لمقدمات العقود الجديدة .
و قال السيد أنه على الادارة حاليا التفير بحل المشاكل المادية أولا و من ثم
التفكير بالمشاكل الادارة فلا وجود للاستقرار الاداري و الفني دون الاستقرار
المادي.
و عن اختيار المدرب صرح السيد أن يعتقد ان أيمن حكيم هو أفضل من يستلم
الفريق حاليا و أنه لا حاجة الآن لمدرب أجنبي و السبب واضح أن المدرب الاجنبي
بحاجة لفريق جاهز فنيا و بدنيا ليطبق أفكاره بينما نحن لا نزال بحاجة لفريق فالادارة
لم تتعاقد مع أحد .
أضف الى ذلك ان النادي غير قادر على جلب مدرب أجنبي ذو امكانيات كبيرة لينهض
بالفريق من نقطة الصفر و أمور النادي المالية صفر حاليا .
و اذا كانت الادارة ستجلب مدربا أجنبيا ذو مستوى مشابه لمستوى المدرب الوطني
بحكم القدرة المادية للنادي فمن الافضل ان يتم اختيار مدرب وطني كفؤ يبدأ تحضيراته
مع الفريق بناء على معرفته بالدوري السوري و اللاعبين السوريين و الكرة
السورية بشكل عام لا ان نأتي بمدرب أجنبي الى جو جديد و دون فريق ليبني فريق
جديد بجو جديد دون خلفية مسبقة...
و أكد السيد أن الحكيم بذل جهودا مضاعفة لحيلولة دون هبوط الفريق بالوقت الذي
أجمع به الاغلبية بالنادي و خارج النادي على هبوط الفريق و منهم من راهن على ذلك,
و قال ماهر (( لقد عايشت الحكيم انه انسان رائع و مدرب ممتاز و أنا كانت لدي
فكرة مختلفة عنه مسبقا و لكن بعد أنن عرفته عن قرب اختلفت الصورة تماما, فعلا
أفضله مدربا للمرحلة الحالية.)) انتهى كلام السيد.

[هنو]

و الله كلام فيو وجهة نظر
و خصوصاً
انو ابو المهر ادرى منا بالفريق

[زاهر الوحداوي]

كلام مدوزن ومزبوط من الكابتن ماهر
وأنشا الله الأدارة بتتوفق لحل هذه الأمور لأنو معد في وقت

[<IBRAHIM>]

اكيد ما بدنا مدرب اجنبي نص كم بدنا واحد مرتب اما اذا كان متواضع فالافضل المحلي اكيد مع محاولة الابتعاد عن اي اسم من ابناء النادي اختصارا للمشاكل

[EmadAsfour]

مع احترامي لماهر السيد هذا كلام منه
للتاثير على الجماهير بشان ايمن حكيم

ولماذا اختار ايمن حكيم
ولم يختار فجر ابراهيم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟(الخبرة الوطنية)

برجع اقول لك يا ابو خالد

اسم نادي الوحدة

اكبر من تعيين ايمن حكيم وفجر ابراهيم مدربان للوحدة الدمشقي

وفهمك كفاية

حبينا ابو خالد

[هنو]

عمادو
ماهر السيد من اهل النادي
و هو اعلم بالشي الي عم يدور بالفريق
و الزلمة ضل بالنادي لانو بحبو
و ايمن الحكيم و فجر ممتازين
و الاجنبي احسن و احسنين
بس لا تنسى انو ماهر ادرى مننا يا ابو فهد

[أبو عامر]

لا والله نحن ادرى من ماهر لانو ماهر يبدو انو عمبيأثر عالجمهور وعاطفي شوي مع ايمن حكيم يا جماعة والله مين نفدنا من الدرجة التانية هو الله عزوجل والارادة اللي قوت اللاعبين بقا ايمن حكيم ماكان الو اي دور مع احترامي الو الا انه لعب دور الاب والمحمس لانو بهيك وضع مافي خطة ومافي شي ينضاف عالفريق غير انو بدنا نربح المباراة وبس الدليل انو استلمنا قبل الذهاب ب 3 مراحل ما ربحنا غير 3 مباريات بكل الدوري وقت استلمنا بقا على اي اساس بدو يضل يا جماعة وبظن انو النادي اكبر من اي شخص بقا المدرب الاجنبي حاليا هو خير بديل للحكيم الذي لم يقصر

[M.S.M]

sahih ,bs alahsan nstana wa nsbr alidara wa ntrok llkhbaz khobzo,bltawfik ya wahda

[EmadAsfour]

حبيبي لو بدها تشتي كانت غيمت
من السنة الماضية لم ينجح الحكيم
واعتقدنا بانه المنقذ

وقبلها استلم نادي تشرين ولم ينجح
لسنا بصدد
المراهنة من جديد على هذا المدرب

[هنو]

يا شباب
خلونا نحكي بالمنطق.
بدنا لعيبة ولا مدرب؟
شو بدنا بالمدرب الاجنبي اذا لعيبة مافي؟
انا طبعاً مع الاجنبي قولاً واحداً
بس مو ليكون عنا فريق بالاول؟
كم مرة حردوا اللعيبة الموسم الماضي
و هو الي رجعهون
انا لا عم دافع عنو ولا شي
و ما في شي بيني و بين الزلمة
بس اذا الفريق بدو يضل هيك
لهلأ ولا لاعب جديد
فالافضل انو نضل ع الوطني ان كان ايمن او فجر ( و انا بفضل ايمن لانو شكلو فجر ذو شخصية ليست قوية و الكل بيعرف ليش )
فخلينا منطقيين
و نحكي منطق و عقل و نحن هون كلنا بتجمعنا محبة النادي البرتقالي
و انا بعرف انو الكل قلبو ع النادي
بس نحن شو طالع بايدنا غير انو نكتب رأينا
و الباقي ع الله
و الله يوفق النادي ان كان بالاجنبي او بالوطني
و برجع بقول ماهر السيد ادرى مننا

[EmadAsfour]

ليش بلا مؤخذة ليش اخذنا بس كلام ماهر السيد

في لسع لاعبيين غيره

حسين قيشاني

مهند خراط

غسان معتوق

معتصم علايا

علي خليل

عمر خليل

بظن
هؤلاء لم يتم سؤالهم

لماذا دائما ناخذ كلام ماهر السيد فقط:arrow:

[M o H a M e D]

مع احترامي لما قاله الكابتن ماهر ....

أنا برأيي نحنا بحاجة لمدرب أجنبي شو ماكان .. والكابتن أيمن ماعندو شي يقدمو للفريق ..

بالنسبة لكلامه عن الاستقرار المادي و مقدمات العقود بالتأكيد هاد شي مهم كتير .. لكن خارج عن ارادة الادارة ... منأمل أنو الداعمين يتحركوا شوي .. لأنو الوضع بصراحة صعب كتير ..

[هنو]

عادوووووووووووووووووووووووووو
سمعونا رأي باقي اللاعبين

[M o H a M e D]

عماد أنت التاني شو قصتك ... ؟؟

لسا كل مايحكي ماهر كلمة بتنط دغري و على ليش منسألو و ليش منحكي معو مو مع غيرو ...

[EmadAsfour]

عماد أنت التاني شو قصتك ... ؟؟

لسا كل مايحكي ماهر كلمة بتنط دغري و على ليش منسألو و ليش منحكي معو مو مع غيرو ...


قصته يا اخي محمد

بان ارى موقع الكرة السورية

وجريدة الرياضيية

وحتى منتدانا

كل ما يقوله ماهر السيد يجب ان نتعاطف معه

نسنا ان نسال باقي المدربيين والاعبيين في فريق الوحدة
كانه لا يوجد بنادي الوحدة غير ابو خالد حتى يجب الاستفسار منه دائما



والحمد الله واقسم بالله

اكن لك كل الاحترام والود يا ماهر السيد

ولكن انا مع رايي

يجب ان نستمع لجميع الاطراف

[<IBRAHIM>]

بغض النظر عن كلشي ومع احترامنا لايمن الحكيم
فنتمنى ان لا تفكر الادارة مجرد تفكير باسمه و ان يكون الاختيار بعيدا عنه

[wissam82]

الله يقدم يلي فيه الخير للنادي أحسن شي

ونحنا أكيد بالنهاية مع رأي الإدارة شو ما كان بـــــــــــــــــــس

كلام أبو خالد فيه شي خطأ ,, متل انه عم يقول لازم نتعاقد مع لاعبين قبل ما نتعاقد مع مدرب ..........!؟؟؟؟؟؟؟؟؟؟؟؟؟

وكيف بدك تتعاقد مع لاعبين قبل المدرب ,, وبركي هاللاعبين يلي تعاقدت معهم ما عجبوا للمدرب ....!!!؟؟؟؟

أول شي المهم المدرب وفورا ,, وبعدين اللاعبين ,, وطبعا دفع المقدمات الماضية اذا كانت وعدت الإدارة بهل شي لازم فورا كمان

ومحاولة ايجاد استقرار مادي هي الأهم صحيح هالكلام ....

[حسان الحسيني]

انا الي بعرفو انو الادارة وعدت الاعبيين انو مارح يروح عليهم قرش
من مستحقاتهم ان كان السابقة او الاحقة
بالنسبة لكلام ماهر
بكير لنرد عليه لنشوف قرار الادارة
لاانو الكل رفع شعار الوحدة اولا

[WAEL -AL BRNE]

هاد اول تصريح للسيد بعد انتخاب الادراة والشباب مابعرف شو صرلها

وانا بقول كلشي بوقت حلو بعدين كل شخص وائلو رائيو الخاص فيه

شبكم هجمتو ع ماهر الزلمة حكى يلي شافو بلحكيم

[وحداوي موت]

كلام ماهر السيد على العين والراس
اكيد ماهر بيعرف اكتر من اي عضو بلمنتدى من الكبير للصغير ما حدا بيعرف يلي ماهر بيعرفوا
بس انو نتعاقد مع لعيبة من دون مدرب هي يلي ما فاتت مخي
انا يلي بعرفوا انو بكل بلاد العالم بيتم اختيار اللاعبين من المدرب
لكل مدرب وجهة نظر ويمكن احسن لاعب بفريقنا ما يعجب المدرب بقا كيف نطنش عن شغلة المدرب ميشان عقود اللاعبين
ومتل ما حكا أبراهيم بتمنا من الادارة انو مجرد تفكير ما تفكر بلحكيم
مدرب اجنبي او وطني من جارج النادي احسن شي بيكون النا وللفريق
هدا رائيي الخاص

[Ammar Alfarawati]

يلي حكوا الشباب بكفي وبيوفي (وسام وعامر )


وعماد ماقصده يسئ لماهر شباب ...منعرف عماد وحبه للنادي وابناءه.

[SAD LoOoVER]

والله هدا الكلام المزبووط

مالنا شغل بمدرب اجنبي الا اذا كان نيناد لانو بيعرف الفريق مزبووط

[Ammar Alfarawati]

انس طيب اذا الزلمة موقع مع النجمة شو منقدر نعمل

لك وقت جبنا نيناد واول مابلش مو حكينا ماعاد بدنا ياه وانه مابيناسبنا وبعدين اثبت نفسه

ولا اذا مافي نيناد منبطل كرة قدم بالنادي لينتهي عقده :roll:

[الصالحية]

مع أحترامي لكل أراء الشباب ولماهر السيد


أنا اوافق عماد عصفور مية بالمية


أيمن الحكيم كشخص


يمكن يشوفو ماهر السيد منيح لأنه شخصية بتلائم بعض مزاجات اللاعبين


أما فجر وغيره فلا


على العموم المدرب الأجنبي بالوقت الحالي حل من حلول الأدارة للأبتعاد


عن الشللية والمشاكل


ومشان اللاعبين الجدد كلنا متفقين أننا نريد أن نضع حجر أساس


يعني ما رح نضرب المدرب الأجنبي على راسه إذا ما جاب لقب فورا



نحن نريد العودة للبناء السليم وأعتقد أننا بالموسم بعد القادم


سنتخلى عن لاعبين كثيرين وقد يكون منهم بعض الرؤؤس الكبيرة


لأننا نريد حلا جزريا


وأعتقد أنه لا يحق لأي لاعب بأي ناد وليس بالوحدة فقط


أن يصرح عن أختياره لهذا المدرب أو ذاك


المطلوب من اللاعبين مهما كان وضعهم نجوم أو شباب


الألتزام بتمارين النادي والتجاوب مع أدارته ومدربه وتقديم أفضل ما لديهم


لذلك يجب أن تطلب الأدارة من اللاعبين وحتى أعضاء الأدارة


الأمتناع حاليا عن أي تصريح تجنبا لخلق بلبلة وقيل وقال



وخصوصا نجوم الفريق


إذا نحن بالمنتدى عشرين واحد بلشنا نقول صح وغلط


فكيف حال جمهور النادي


هذا الكلام مرفوض من اي لاعب حاليا وليتركوا هذه الأمور للأدارة فهي الأعلم


بأمكانات النادي والفريق واللاعبين

[عاشق دمشق]

والله ماهر مابيعرف الواحد شو بدو قال انو ما بيضل اذا ضل الحبوباتي ولما راح الحبوباتي صار بدو يهاجم الادارة الجديدة وينتقد قرارها تعيين مدرب اجنبي وبلش يدافع عن الحكيم افشل مدرب بالعالم والله حيرتنا يا ماهر

[Zizou]

مع احترامي لماهر السيد هذا كلام منه
للتاثير على الجماهير بشان ايمن حكيم

ولماذا اختار ايمن حكيم
ولم يختار فجر ابراهيم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟(الخبرة الوطنية)

برجع اقول لك يا ابو خالد

اسم نادي الوحدة

اكبر من تعيين ايمن حكيم وفجر ابراهيم مدربان للوحدة الدمشقي

وفهمك كفاية

حبينا ابو خالد
والله هاد التحليل المنطقي للسيد فعلا نادي الوحدة أكبر من الحكيم و أكبر من فجر ابراهيم

[<MoHaMeD DaBoUL>]

هلأ لحنا مو ضروري نوجع راسنا بهيك امور لازم نترك كلشي للادراة لجديدة لانو هي افهم منا بكتير وبتعرف شو مصلحة النادي

[مستر مدريد]

يا شباب شبكون متل الديك و الجاجة رد برد رد برد ( عذرا على التشبيه هدا متل فقط ) :?: :?:

ماهر ما حكا شي غلط الزلمة ارتاح مع هدا المدرب و موشرط يكون هذا المدرب ( الاسوا أو الاحسن ) فهو راي ماهر فقط

و مشان اللعيبة لازم المدرب يختار و ليس الادارة ( فهمان عليكون ما في وقت ) بس شبدنا نساوي .

مع اني بفضل فجر يكون المدرب لانو الاجنبي ما لح يلحق يعمل شي و ليس لديه اي فكرة عن الفريق و ايمن شفنا شو عمل الموسم الماضي

الله يقدم يلي فيه الخير

[&&ledخالدkha&&]

مع احترامي لماهر
وكلنامنحبو ونسمع رئيو
بس لا تنسو
الادارة ماقصرت لهلق
وعدت تجيب لاعبين اجنبيين وتتعاقد مع لاعبين محليين
بس بدي اسالكم مين لازم يختار الاعبين مو المدرب
والحكيم مو خرج يختار ولا حسام السيد خرج يختار
بدنا مدرب
انا بدي اسال ماهر على انو اساس الادارة هلق بدي تختار الاعبين
والادارة وعدت انو تحل المشاكل المادية وعقود الموسم الماضي
وما اكلت حق حد
بس المدرب قبل الاعبين هاذا الصح
لانو المدرب هو يلي بدو يأسس الفريق
؟؟؟؟؟؟؟؟؟؟؟؟

[kashi]

انشاء الله خير الامور يجب ان تنحل بسرعة

[M-AL MN@GED]

ياشباب طولو بالكون....

انا برأيي الشخصي إنو أبو خالد غلطان بفكرة إنو اللاعبين قبل المدرب كيف ؟؟؟؟؟؟؟؟

من طول عمر كل الأندية بيجيبو مدرب وهو بيجيب اللعيبة يلي بدو ياها

لأنو بيجوز اللعيبة يلي بدنا نجيبون مايعجبوه للمدرب وممكن بيطل عن التدريب

وأنا مع فكرة المدرب الأجنبي مشان نبعد عن الشللية بالنادي وينساها الجمهور


وبتمنى الأداراة تمنع أي تصريح لأي حدا ويشتغلوا عل بصمت لأنو أنا برأيي الإدارة

يلي عنا ادرى من أي إنسان ممكن يحكي ومشان مايصير بلبلة بين الجمهور

[محمود الصفدي]

كلام الكابتين ماهر معقول عم ندور علي مدرب أجنبي ونسينه أمور التقاعد مع اللاعبين في الفريق لايوجد سوا عمر خليل لذم تقوم الأدارة الجديدة في البحث عن للاعبين جدد قبل انا نبحث عن مدرب والتوفيق من الله عز وجل وشكر للكابتن ماهر السيد

[ABOU MALEK]

عماد عصفور هو حبوباتي منتدى الوحداوية :mrgreen::tong

[وسيمو]

مع احترامي لالكابتن ماهر ايمن الحكيم اثبت فشلو مع جميع الاندية الي دربا انا رائي نجيب مدرب من خارج النادي او مدرب اجنبي مستواااااااااااااااااا عالي

[الصالحية]

مع احترامي لالكابتن ماهر ايمن الحكيم اثبت فشلو مع جميع الاندية الي دربا انا رائي نجيب مدرب من خارج النادي او مدرب اجنبي مستواااااااااااااااااا عالي


:lol::lol::lol::lol:

[EmadAsfour]

عماد عصفور هو حبوباتي منتدى الوحداوية :mrgreen::tong

:mrgreen::mrgreen::mrgreen::mrgreen:

كل شيء بصير بهذا العالم

[ABOU MALEK]

بس بكرا المسبات على ابو موزة عليك سيد عماد شو قلت ؟؟ :wink: