إجتماع الإدارة مع إدارة المجد إحزروا ليش ؟؟؟؟

[عاشق الجميع]

من المفروض أن تكون قد اجتمعت إدارتنا مع إدارة المجد البارحة بحضور صلاح رمضان رئيس التنفيذية
والسبب :
استعارة بعض اللاعبين من المجد ومن بينهم حارس مرمى قد يكون زكريا قاسم أو علي الهلامي
وإدارة المجد أوقفت مفاوضاتها مع عدد من الأندية السورية بخصوص إعارة اللاعبين حتى تتفق إدارتنا عليهم وهذا الكلام موثوق وأنا سمعته من عضو مهم في الإدارة

[سعدي]

الله يوفق لنزفق ..
يعني هلأ المجد اوقفوا كل شي كرمالنا ؟؟؟؟


يعطونا سامر عوض ... و الله هاللاعب بحبو
منعطيه عنا رقم 33 كونو رقم 3 للمعتوق ..
بس ما بدنا الرفاعي .. لأنو العالم مو متعودة تشجعو ... متعودة ....... و لا يلا بلاها

[عاشق الجميع]

أنا أعتقد أنو الجماعة كانوا مناح معنا الموسم الماضي و الأشخاص الموجودين بإدارتهم الحالية كلهم دمشقيين ومدربهم بصراحة محترم بس ما أظن يعطونا من اللاعبين الأساسيين بس أذا عطونا حارس مرمى بكونو عملو منيح معنا

[حمودي اليوفاوي]

لأ ما بدنا زكريا قاسم
بدنا علي هلامي

[<IBRAHIM>]

زكريا كاحتياطي بينفع اما كأساسي اكيد لالالالالالالالالالالالالالالالالالالالالالالالالا
وايييه يازمن صار المجد يحن علينا وين القواعد تبعنا قمة المسخرة:whi

[أبو صخر]

زكريا كاحتياطي بينفع اما كأساسي اكيد لالالالالالالالالالالالالالالالالالالالالالالالالا
وايييه يازمن صار المجد يحن علينا وين القواعد تبعنا قمة المسخرة:whi

اي والله
الزمن غدار

[زاهر الوحداوي]

أهم شي يستعيرو شي لاعب عليه القيمة
مولاعب ختيار

[WAEL -AL BRNE]

يسسسسسسسسسسلام الوحدة الدمشقي عم يستعار من المجد

لك بااااااااااطل على هل الزماااااااااان ............ الله لايوفقك يلي بيباااااالي

[مستر مدريد]

بلا منية حدا طلعوا حارس الشباب و عطوا الثقة احسن من الاستعارة
أو يجيبوا شي حارس عليه القدر و القيمة

بس على الحالتين لازم نطلع حارس الشباب و اذا ما قعد اساسي بيعد احتياط .

[midokokash]

وحياة الله المجد و ادارة المجد جماعة محترمين و خير جيران و الدليل بالدوري خدمونا كتير و ربحو عل الوثبة بحمص كرمال مين يعني و رجعوا خسرو حالون مع الشرطة



شكرا يا مجد

[kashi]

مشكوين ادارة نادي المجد وبصراحة مشكلة الحارس مشكلة يجب ان تحل بسرعة

[wassim80]

أنا ماعندي شك بإدارة المجد إنها كويسة وإن شاء الله منتوفئ معون

[M-AL MN@GED]

الله يوفئنا بشي لاعب يكون عليه القيمة

[EmadAsfour]

الهلامي لايس له خبرة في الحراسة ي شباب
وهو غير صالح حاليا للعب بالدوري السوري

[<IBRAHIM>]

أنا من رأي عماد انا شفت لعبة وحدة للهلامي مع الاولمبي اخر لعبة بالتصفيات فزنا 4-1 عهونغ كونغ كان الهلامي كتير مهزوز والواضح انو ما عندو خبرة نهائيا واكلنا عارضتين غير الغول كان صافن فيون
المهم الهلامي بينجاب بحالة وحدة وهي انو ما يكون عنا بالنادي اي حارس شب عوشو ضو فبنجيب الهلامي وبنربيه عايدنا اضافة لحارس يكون جاهز ليوقف بالغول السنة هي

[wissam82]

وحياة الله المجد و ادارة المجد جماعة محترمين و خير جيران و الدليل بالدوري خدمونا كتير و ربحو عل الوثبة بحمص كرمال مين يعني و رجعوا خسرو حالون مع الشرطة

شكرا يا مجد

ايه والله هالكلام صحيح ... :))

[وحداوي موت]

كتر خيرن جماعة المجد اولاد عالم وناس
بس فعلا اسف على هل زماااااااااااااااااااااااااااااااان

[M o H a M e D]

ياحبيبي .... زكريا قاسم أي مسكة الطابة تبعو مو مسكة حارس كرة قدم ...

بعدين فعلا مسخرة ..

صار المجد عميتحنن علينا ليعيرنا لعيبة .. ؟؟!!

[حمودي اليوفاوي]

ياحبيبي .... زكريا قاسم أي مسكة الطابة تبعو مو مسكة حارس كرة قدم ... ؟؟!!


ارجوكم .. الا زكريا قاسم

[wissam82]

ما بعرف يا شباب ليش هيك أخدين فكرة عن زكريا قاسم

والله العظيم إنه حارس جيد جداً ,, يعني على أنو مقياس عم تحكموا عليه ما بعرف ..؟؟؟

[M o H a M e D]

والله ياوسام زكريا غير مؤهل أبدا ...

بتذكر وقت انصاب الأزور من موسمين وكان زكريا بديلو ... وقتها كان الكل يحط ايدو على قلبو مع كل هجمة على فريقنا من أفا تخبيصاتو ...

عنجد بدون مزح شوفو شلون بيشوط الطابة .. بحياتي ماشفت حارس بيشطوها هيك .. متل كأنو واحد أول مرة بيلعب طابة ... :mrgreen:

[majodea]

مابعرف ليش المجد والوحدة هيك
بحلب الحرية والاتحاد قلبون على بعض
حتى باللاذقية نفس الشي بين حطين وتشرين الا عنا كل مين لحالو

[وسيم م]

بس ما بدنا الرفاعي .. لأنو العالم مو متعودة تشجعو ... متعودة ....... و لا يلا بلاها[/quote]
:mrgreen::mrgreen::mrgreen:

[Zizou]

و الله و صرنا ناخد اللاعبين الزيادة عن حاجة المجد دولااااااااااااااب مرة فوق ومرة تحت
المهم الله يبعت يللي فيه الخير

[<MoHaMeD DaBoUL>]

يا سيدي المجد هو النادي الوحيد يلي بعامل الوحدة منيح

[أبو صخر]

يا سيدي المجد هو النادي الوحيد يلي بعامل الوحدة منيح

صدقت بشرفي