اخر اخبار الوحدة المتسارعة ؟

[EmadAsfour]

http://www.alwatan.sy/newsimg/2007-08-02/14603/ma_020245356.jpg
من المدرب؟
اجتمعت الإدارة البرتقالية إلى وقت متأخر بعد منتصف ليلة أمس اجتماعاً مغلقاً لرسم الصورة الأولية للأجهزة الفنية لفرق النادي وقد تأجل الحسم (الرسمي) لوقت لاحق.
وكانت نية الإدارة تتجه نحو الاستعانة بجهود كل من مدرب المنتخب الوطني فجر إبراهيم ومدرب الوحدة السابق أيمن الحكيم ليعملوا ضمن جهاز فني واحد.
وآخر ما حرر أن الإبراهيم قد يعتذر لارتباطه مع المنتخب الوطني، لذلك من المرجح أن يقود الحكيم دفة الوحدة للموسم الثاني على التوالي.

جديد الكرة
وعلمت «الوطن» من مصادرها الموثوقة في أخبار غير معلنة تفيد أن حارس المجد الشاب علي الهلامي في طريقه للوحدة، بينما يبدو طريق لاعب الجهاد والمنتخب الأولمبي قصي حبيب سالكاً نحو ارتداء القميص البرتقالي بينما تنتظر الإدارة البرتقالية قرار اتحاد الكرة للبت بقضية مهاجم الجيش السابق ماجد الحاج للاستعانة بخدماته الموسم القادم بعدما أبدى الحاج رغبته في التوقيع للوحدة بغض النظر عن مشكلته مع الجيش والطليعة.
بالإضافة إلى 12 لاعباً مثلوا النادي السنة الماضية كعمر العاقل والخليلين «عمر وعلي» وباسل العلي والزبداني والقيشاني.
وعلمت «الوطن» أن الاتفاقات مع الكابتن ماهر السيد تسير على قدم وساق ليعود إلى النادي بعقد جديد.

سلة البرتقال
آخر الأخبار السلوية تشير إلى أن هداف الوثبة أسيد كالو قد ضمن له مكان في الوحدة بنسبة كبيرة، على حين تتكاتف الجهود لضم لاعب الجيش رضوان حسب الله بالإضافة إلى لاعب الثورة يزن يونس الذي استقر في الوحدة.
على حين سيبقى الجهاز الفني السلوي على رأس عمله.
استثمار المسبح

يذكر أن فرع دمشق اجتمع مع فؤاد محفوظ مسؤول المنشآت في النادي بوجود مفتشة من جهاز الرقابة والتفتيش تباحثوا فيه قضية تأخر المستثمر بإنشاء المسبح وتجاوزه المدة الزمنية، وفي حال لم تتوصل الأطراف إلى حل سلمي واتفاق يرضي الجميع فإن الكلمة الأخيرة ستكون للإجراءات القانونية ليكون القرار بيد القضاء.

فلاشات
سبعة أيام تفصل صفوان نظام الدين عن قدومه إلى دمشق ليلتحق بركب الإدارة واستلام مهامه رسمياً بالإشراف على كرة القدم، ومن المقرر أن يصطحب معه لاعبين أجنبيين على مستوى عال.
قررت إدارة نادي الوحدة تخفيض رواتب جميع موظفيها وإدارييها وحتى مدربيها في سياسة تهدف إلى تحجيم الإنفاق في النادي.
تم إلغاء الحملة المقررة يوم غد لجمع تبرعات محبي النادي، وتم الاكتفاء بالاتصالات والزيارات الشخصية لكل محب على حدة.




يقلم وائل العدس

[الصالحية]

كل شيء جميل

بس المدرب الله يستر وويوفق

شكرا عمادو

[hamood762000]

مع أحترامي إلى المدرب أيمن حكيم لكني لا أراها يصلح للمرحلة المقبلة

[زاهر الوحداوي]

ولله كل شي عم بصير با الوحدة ببشر بموسم وحداوي ناجح بأذن الله
والله يقدم يلي في الخير:chee2

[فراس الوحداوي]

مع أحترامي إلى المدرب أيمن حكيم لكني لا أراها يصلح للمرحلة المقبلة


بدنا مدرب أجنبي بيحل كل هالمشاكل

[M o H a M e D]

كل شيء جميل

بس المدرب الله يستر وويوفق

:))

طيب ياجماعة مابدنا محترفين أجانب ... جيبوا بحقهم مدرب ..

والله ماعمبفهم ليش مستبعدين فكرة المدرب الأجنبي ... !!!!!

[kashi]

انشاء الله خير وبتوفيق للوحدة

[albirakdar]

من شان الله ما عاد في مدربيين بالدنيا غير أيمن الحكيييييييييييييييم ؟؟؟
حدا يقلي شو انجازات هالزلمة لك من ايام ما كان لاعب .....
كرمال الله ارحمونا ........... يعني ابزخوا شوي على مدرب متل العالم والناس وبلا لاعب أجنبي سيدي

[albirakdar]

لك أخي جيبوا الهواش بعرضي انك ياأحمد هواااااااااااش ما في منك :prm
يا ريت ادارة النادي يفكروا جديا بأحمد هواش

[الساهر12]

والله ياشباب لاحدا يزعل مني انا برئي الشخصي مالي متطمن الفريق هيك مابخلينا نرتاح بدنا افضل من هيك بكتير بدنا لعيبه ومدريب يكون افكارو برا الدوري السوري

[سامي حرح]

ايمن الحكيم يعني استمرار المشاكل والخفاقات
نتمنى من السيد صفوان الدين عند عودته ان يصرف الحكيم
لانو كفانا خراب......... كفانا

[WAEL -AL BRNE]

شبااب لاتتفئلو خير هي السنة يعني مركز الوحدة من الرابع للتامن وهاد كلو

من الادراة السابقة وتركمات الادارة السابقة بقى شبااب طول بالكم وصلو ع النبي

الادراة الحالية عم تشتغل ضمن الامكانيات المحدودة بقى كلشي عم يصير

من الادارة الجديدة لازم نشكرآ ونوقف معهم

[<IBRAHIM>]

يعطين العافية شغل روعة
بس اهم شي المدرب الاجنبي يستر عرضكن :o

[M-AL MN@GED]

أنا مع الإدارة بكلشي وعل العمياني لأنو الجماعة عم يشتغلوا
بضمير وبدمون البرتقالي

[wissam82]

أحلى شي إنه قصي حبيب راجع على الوحدة بإذن الله ........

بس كيف ماجد الحاج رح يكون وحداوي ما فهمتها مو هو وقع للطليعة ..؟؟؟ المهم إن شاء الله يكون وحداوي لانه فنان .

وبكرة السلة أسيد كالو وحسب الله نجمين كبار وإن شاء الله بيكونوا وحداويين ...

[الرومانسي الحزين]

الله يوفق الادارة ويلهمه القرارات الصحيحية

[حمودي اليوفاوي]

الظاهر اوضاع السلة كلها تمام
بس فريق القدم .. المدرب والله مشكلة

[&&ledخالدkha&&]

أخبار حلوة كتير والله يبشركون بالخير
بس المدرب قلبي مو مطمن
وشغلت ماجد الحاج مو على اساس وقع للطليعة ما فاتت بمخي
مع انو انا بمنى انو يلعب للوحدة والله انو منيح

[وحداوي موت]

ماجد الحاح وقص حبيب جيتن للفريق كتير حلوة يا رب يتوفقوا ولاعبين السلة نفس الشي

بس موضوع الحكيم لا حول ولا قوة الا بالله احسن شي

[سعدي]

انا متفائل ..
شوية تحفظ عالمدرب .. بس بالنهاية انا مع اعطاؤه فرصة
مو معقول ياخد فرصته بظل ادارة بتخ..... و ما نعطيه فرصة مع اداة واعية ..
ان شاء الله بالتوفيق ..

[وحداوي موت]

سعدي كلامك صح وانا بعرف وقت ما يكون متمنين يكون الحكيم مدربنا منكون عم ننكر
فضلو علينا والمغامرت يلي دخل فيها بظل الادارة يلي وصفتها وصف حلو
بس يا سعدي اذا صاححلنا مدرب احسن ليش لاء والله انت بتمنى يكون الحكيم اكبر مسئول بلنادي بس ما يكون مدرب

[سعدي]

و الله يا عمروة ما بعرف شو بدي قلك ..
الي عم يصير انو عم نحكي كتير .. و الهيئة انو رح ياخد فرصتو رح ياخدها ..
لهيك عم نحاول انو ما نكسر نفسيات الناس الل بدها تشتغل
و طالما هني اللي رح يشتغلوا .. ما بيمنع يكون النا تحفظات .. بس بنفس الوقت بدنا نحاول نكون معاهم .... كرمال النادي الجريح ..
و ان شاء الله يطلعوا أد المسؤولية . و يثبتولنا انو تحفظنا مو بمكانو

[وحداوي موت]

ئي اوكي سعدي انا معك
صحي هلا عن نحكي شي بدنا حكيم وشي فجر وشي اجنبي وشي ما بعرف مين
بس هي كلها خيارات بكرا الوقت رح يخلص ورح يكون شخص واحد هو المستلم ولو مين ما كان
اكيد رح نكون اول العالم يلي رح نقف وعو وندعموا ونعمل اي شي بيساعدوا على تقدمة البرتقالي باحلا صورة ما اختلفنا على هل شي
بس برجع بقلك بتمنا ما يكون الحكيم

[سعدي]

اكيد رح نكون اول العالم يلي رح نقف وعو وندعموا ونعمل اي شي بيساعدوا على تقدمة البرتقالي باحلا صورة ما اختلفنا على هل شي


هاد هو الكلام ..
انا عليي كنت بتمنى حدا من برات النادي هالمرة ...
لأنو ما حدا بيحارب حدا من برات النادي ..
بس عم يكون المدرب من جوات النادي عم يصير ناس مع و ناس ضد ..
و هاد اللي ما منتمناه

[WAEL -AL BRNE]

بس عم يكون المدرب من جوات النادي عم يصير ناس مع و ناس ضد ..
و هاد اللي ما منتمناه


هاد الشي يلي خايف منو وعلى ئصة فجر السنة الماضية وقت كان فجر بدو يدرب بعض من الاعبين بدون زكر اسماء عارضو وهددو

[wissam82]

هاد الشي يلي خايف منو وعلى ئصة فجر السنة الماضية وقت كان فجر بدو يدرب بعض من الاعبين بدون زكر اسماء عارضو وهددو
ايه نعم .......

لاعبين أخر زمن .......... :evil:

[anas kamleh]

اهم شي بالمدرب انو ما يكون بياخد بالمحسوبيات ، وما يقول هدا معي بدي لعبو، ويشيل من راسو كلمة "بدي احرقو" ساعتها بس بينجح المدرب، الحكيم مساوي دورات تدريبية قوية، وابن النادي وانا متأكد انو مستعد يحط من جيبتو مشان النادي، بس المهم انو يلتزم بالمزكور اعلااااااااااااااااه
وحداوي من الفوتسعمية وخشبة

[loord]

الحكيم بتم حكيم ولا نسيتو السنة الماضية
ياوحدوووووووووووووووووووووووووووووووووووووية

[Del piero.10]

والله إذا صدقوا يهالقرارات بيكون شي حلو بس شغلة تخفيض الرواتب ماعجبتني كتير:b(

[سعدي]

بتوقع ما يصير تخفيض ..
بس يمكن في ناس عم تقبض راتبين و تلاتة ..
رح يخلوهن على راتب واحد .

[wissam82]

ليش لو خفضوا رواتب العالمين وين المشكلة

المهم المصلحة العامة للنادي وهنن أدرى فيها ...

[سعدي]

ليش لو خفضوا رواتب العالمين وين المشكلة
انت يتكون عم تشتغل ماشي حالك
فجأة يتخفض راتبك .. شو بتعمل ؟؟؟
اذا استمريت رح تشتغل متل أول ؟؟؟؟؟؟
ما بتوقع ..

[زاهر الوحداوي]

الله يوفق لنصفق

[SAD LoOoVER]

يا شباب لا تتسرعواا و الرمد احسن من العمى كابتن ايمن بيعرف الفريق منيح

بينما المدرب الاجنبي يلي رح يجي رح يطلب اللاعب كذا و اللاعب كذا و رح يطلب موسمين لتحقيق نتائج وووو

و بالنسبة للمدرب الاجنبي انا مع هالشي بس يكوون هالمدرب هو نيناد او حدا الوو معرفة بفرق الدوري

و بالحالة الراهنة نيناد مستحيل يجي

و الحكيم هو الانسب و بالتووفيق

[ABOU MALEK]

لا حول الله الحكيم ضل
شو بدنا ابو سيجار هالك الدنيا كان و مدمر النادي بالكامل
و قصي رجع بعد ما تركه حسون المعون و الرواتب نزلت

قولوا الله

[midokokash]

لك شو ضاقت الدنيا فينا لنستعين بالحكيم أو بفجر ابراهيم

ليش ما نعمل جهدنا و نجيب متل نيناد مين كان يسمع بالمدرب اليوغسلافي اجا لعنا و نجح

ليش ما نفكر بأحمد رفعت المصري

ليش مو المحروس


شو ياشباب على أساس مدرب اجنبي ولا الكل صار حبوباتي

[هنو]

الله يقدم الي فيه الخير
بالتوفيق للبرتقالي الغالي

[أبو عامر]

فعلا انا كتير مستغرب والله غريب طيب لوين بدنا نوصل يعني ما بدنا نكرر فشل السنة الماضية ولو يا ادارتنا الكريمة

[nation]

دعونا نتظر نتائج اجتماع وبعدين منيحكي

[wassim80]

كان أملي بمدرب اجنبي بس؟؟؟؟

إزا الحكيم بدو يدرب كلنا معو ومنشد عإيديه بس ياحكيم أهم شي تغير من اسلوبك
الدفاعي البحت يلي موتتنا فيه السنة الماضية يعني كان شكل فريئنا بآخر 5 مباريات
6-3-1 وهاد مو منطقي منوووووووووووووووووووووووب !!!!!!

بدك تحئئ نتائج غير الأسلوب منشان الله

4-4-2 بتتزكرو لما طبئها نيناد والكل بأول فترة ما ستوعبها بس بعدين
أخدنا الدوري بهلأسلوب الأوروبي الكلاسيكي

[BUFOON]

نشالله الدوري الجاية النا غص من عن الكرامة والاتحاد والجيش......... بس لو يرجع نيناد

[نسيم الكفري*]

وينك ياكابتن نزار

[messi]

أخبار حلوة ان شاء الله
والحكيم نجح بانقاذ الفريق من الهبوط
لنشوف بقا شلون رح يشتغل من اول الموسم وانا مع الحكيم الان
وبالتوفيق للبرتقالي

[ابو كريم]

مع اني من غير المؤيدين للكابتن ايمحكيم إلا انه الافضل في الوقت الحاضر مع عدم وجود فترة مريحة من الوقت

[EmadAsfour]

لك شو ضاقت الدنيا فينا لنستعين بالحكيم أو بفجر ابراهيم

ليش ما نعمل جهدنا و نجيب متل نيناد مين كان يسمع بالمدرب اليوغسلافي اجا لعنا و نجح

ليش ما نفكر بأحمد رفعت المصري

ليش مو المحروس


شو ياشباب على أساس مدرب اجنبي ولا الكل صار حبوباتي

هذا الكلام يلي عليه علامات

[أحمدهريدي]

يارب تجعل رمضان خير علينا وعلى هل نادي قولو انشاء الله

[موفق غريواتي]

انشاء الله الامور تجري على خير