المساعد الشخصي الرقمي

مشاهدة النسخة كاملة : الجمعة.. نهار شاق لجمهورنا!! (فلا تخيبوهم)

ابو كريم
03-31-2010, 10:10 AM
الجمعة جمهورنا الكريم على موعد مع ثلاثة وجبات دسمة لفرقهم الكروي والسلوي والطائرة..
أتمنى من الله أن لا نترك فرقنا في هذه المحنة التي هم فيها..
ففريقنا الكروي الشاب المتجدد يدخل لقاء الاتحاد وعينه على النقاط الثلاث للعودة إلى نغمة
الفوز من جديد ولإثبات أمر وهو أن الثقة التي أعطاهم إياها المدرب نزار والجمهور من خلفه
لديهم القدرة على أن يحملوها.. (المباراة في تمام الساعة الرابعة)..
أما فريقنا السلوي المهزوز فلقاءه أصعب من أي لقاء أخر، وكيف ذلك واللقاء سيكون مع الغريم
التقليدي الجيش الذي فزنا عليه ذهاباً ويرغب في التعويض إياباً.. إذاَ فالمهمة ليست سهلة خصوصاً
أن فريقنا يحاول الإطمئنان على المركز الثالث والذي حصل عليه بنسبة كبيرة.. (المباراة الساعة 6)..
فريق الطائرة في مباراة العودة إلى المركز الثاني يلتقي بالشرطة على أمل تحقيق الفوز..
(المباراة في تمام الساعة الخامسة والإدارة تسعى لتغيير موعدها إلى الساعة 8 )..
إذاً جمهورنا أمام نهار شاق نأمل أن لا يخيب ناديهم الذي هو بحاجة ماسة لهم..
DIABO MAN
03-31-2010, 10:18 AM
الله يجعله يوم وحداوي من بابه لمحرابه ولا يجعله العكس يارب
ابو كريم
03-31-2010, 10:24 AM
الله يجعله يوم وحداوي من بابه لمحرابه ولا يجعله العكس يارب


والله يا شريك صرت خاف وقت يكون في عنا اكتر من مباراة بنفس اليوم.. لأنو ما شا الله الكل بينوي ينيم الجمهور طب :mrgreen::mrgreen::mrgreen::oops:
wissam82
03-31-2010, 10:24 AM
إذا فزنا لعبة رح نربح الباقي كلهم بإذن الله
هي عادة فرقنا لأن ،، يا بيبيضوها مع بعض يا بيزعلونا سوا ..

إن شاء الله رح يكون يوم برتقالي بامتياز
يتوج بالانتصارات لكل فرق نادينا ..

الله يوفق ..
Ammar Alfarawati
03-31-2010, 10:25 AM
ان شاء الله يوم الجمعة برتقالي بامتياز .. والجمهور مارح يخيب اللاعبين
omarjeroudi
03-31-2010, 10:31 AM
إن شاء الله يكون يوم برتقالي بامتياز بس يوم الجمعة بيبلش التوقيت الصيفي و على ما أظن حيكون في تغيير بتوقيت مباراة القدم على الأغلب فياريت تتأكدو و شكرا
ابو كريم
03-31-2010, 10:33 AM
إن شاء الله يكون يوم برتقالي بامتياز بس يوم الجمعة بيبلش التوقيت الصيفي و على ما أظن حيكون في تغيير بتوقيت مباراة القدم على الأغلب فياريت تتأكدو و شكرا

أخي الكريم كتبت توقيتات كل مباراة قدامها..
bmekhaled
03-31-2010, 10:42 AM
والله يوم صعب

معناها الكل لازم يحضر حاله و يطرقله وجبة مرتبة قبل ما يجي يا بدها زوادة الحكاية

عموماً إن شاء الله فرقنا الثلاثة تبيضها و اللقاءات بالفعل كلها صعبة و بدنا همتكن شباب
وحداوي انا
03-31-2010, 11:18 AM
بالتوفيق للوحدة في كافة الالعاب قدم وسلة وطائرة
وانشالله يكون يوم الجمعة برتقالي اللون
omarjeroudi
03-31-2010, 11:19 AM
أخي الكريم كتبت توقيتات كل مباراة قدامها..


شكرا ما انتبهت للتوقيت أول مرة
مـهـنـد
03-31-2010, 12:35 PM
بالطائرة بالقدم بالسلة ....الوحدة مالو حلة
<IBRAHIM>
03-31-2010, 12:49 PM
هلاء خسارات السلة والقدم محسومين برياحة وبفارق مريح مع الرأفة
املنا بس بلعبة الطائرة بس بتوقع كمان نخسر لانو اكيد شباب الطائرة مالح يحبو يخجلو صحابن تبع القدم والسلة
ابو كريم
03-31-2010, 02:00 PM
هلاء خسارات السلة والقدم محسومين برياحة وبفارق مريح مع الرأفة
املنا بس بلعبة الطائرة بس بتوقع كمان نخسر لانو اكيد شباب الطائرة مالح يحبو يخجلو صحابن تبع القدم والسلة


وأنا معك أخي الكريم.. لهيك عم جهز حالي من هلأ:neutral:
فادي النابلسي
03-31-2010, 02:18 PM
انشاله إذا فزنا بالقدم رح تلاقي ملعب السلة ممتلي جمهور وإذا فزنا بالسلة رح يحضرو العالم الطائرة .الشغلة مرتبطة ببعضها .بالتوفيق لفرقنا جميع
wassim80
03-31-2010, 02:34 PM
بدنا مستوى على الأقل من جماعة الباسكت والفطبول ؟؟؟.. يعني يخسروا بشرف مو بنتائج كارثية ومع الرئفة!!!!!
bmekhaled
03-31-2010, 08:55 PM
له له له يا شباب
ابراهيم و وائل شو قصتكن ؟؟
يعني المباريات صعبة ماشي الحال ، بس خسارات و برياحة و مع الرأفة ؟!!!

أي إذا نحنا خالصين بالقدم فالاتحاد كمان خالص و اللعبة بأرضنا و ما حدا بيعرف شو بيصير
بالسلة فريقنا مزاجي و بالذهاب ربحنا على الجيش بمباراة (و برأيي أحلى مباراة للوحدة السنة) و الفوز ممكن و اللعبة مانها محسومة برياحة ، مع العلم أنو ممكن نشوف خسارة كبيرة لا سمح الله بس هالشغلة صفيت مسؤولية اللاعبين و توفيق الله سبحانه
أما لعبة الطائرة فأكيد صعبة و الله يوفق الفريق

يا جماعة تفائلو بالخير ، شبكن ؟!
<IBRAHIM>
03-31-2010, 10:22 PM
ابو شريك شوف نتائج الاتحاد بالفترة الاخيرة 6 انتصارات وتعادلين وما خسر
الاتحاد عندو افضل لعيبة بالدوري ولولا المشاكل كان فصل الدوري الو برياحة من نصو
بالسلة فريقنا مستواه كل مالو بالنازل والجيش تحسن عالذهاب والاجنبي تبعن كان وصلان بنفس اليوم بهديك اللعبة
واذا بدك براهنك بالقدم بدنا نخسر بفرق طابتين ومافوق وبالسلة بفرق 15 نقطة ومافوق وعلم عكلامي
bmekhaled
03-31-2010, 10:46 PM
أخي ابراهيم صلي على النبي لقللك

الاتحاد آخر أربع مباريات اله بالدوري كانت مع الجزيرة و جبلة و النواعير و عفرين
يعني مع أصحاب المراكز الأربعة الأخيرة
و المباريات الأربعة اللي قبل هدول خسران ثلاثة و متعادل وحدة
يعني مو هالشي الخارق

اما أحسن لاعبين بالدوري فأنا ما بنكر أنو عندو عناصر مميزة بس مو شي ساحق لتكون لعبتنا معهن محسومة بفرق جولين و ما فوق على أرضنا !!!

أما لعبة السلة فكمان الفريق مانو سيء لدرجة المباراة محسومة بـ 15 نقطة و أكتر ، الفريق حسب كل مين عم يتابعه بالملعب مزاجي جداً و القصد أكتر من لاعب مهم عم يلعبوا حسب المراء و بصراحة إذا حطوا عقلن براسهن و لعبوا دفاع منيح فالمباراة مانها محسومة بالشكل اللي عم تصوره

أولاً و أخيراً السيناريو اللي أنت عم تحكيه وارد طبعاً بس انا ما بتمناه ، متلك بالتأكيد ، و مالنا غير الدعاء بالتوفيق من الله سبحانه و الجمهور يعمل اللي عليه و يحضر و يشجع بدون ما يضغط الفريقين فوق اللي هنن فيه
bashardo الوحداوي
03-31-2010, 10:57 PM
بالتوفيق للبرتقالي الغالي بكافة العابه
وان شاء الله منحضر التلاتة بس بدكم المرة توافق
ابو وسام
03-31-2010, 11:11 PM
بالتوفيق للبرتقالي حتى لو فريقي عم يخسر بدي ضل متفائل فيه واتمنى الفوز الو
عمار عبار
03-31-2010, 11:35 PM
اليوم ما بتحزر على الفريق شو لح يساوي
لاعبينا مزاجيين
وان شاء الله سيكون يوما برتقاليا بامتياز
وان ما كان
فمتعودين على للطم
W@SEEM
03-31-2010, 11:40 PM
إن شاء الله 3 إنتصارات وحداوية برتقالية بتزين الشام :lol:

وبيكون وجود بعض عالم بالشام خير على الأورنجي :mrgreen:
عمران
03-31-2010, 11:45 PM
بالتوفيق
لطائرتنا
وسلتنا
وقدمنا

أبو اللول في حال صار تغيير بموعد ومكان لعبة الطائرة يا ريت تخبرنا
SH@@MI
03-31-2010, 11:52 PM
انشالله لح يفرحونا كلياتهن
فهد قيطاز
04-02-2010, 11:58 AM
بالتوفيق للبرتقالي
<IBRAHIM>
04-02-2010, 03:18 PM
هي اول لعبة قلنالكن طابتين برياحة ومافوق
بانتظار خسارة كبيرة من التحويشةبالسلة
<IBRAHIM>
04-02-2010, 06:33 PM
وهي السلة بفرق 20 كمان
لك شو قلنالكن......
f.torres
04-02-2010, 06:35 PM
عادي تعودنا