تشكيلة الوحدة 2007-2008 نظرة فنية ( اتمنى من الجميع المشاركة )

[<IBRAHIM>]

حسب اخر الاخبار ويلي بتفيد انو لح يتم تجديد اغلب لعيبة الموسم الماضي مع رجعة الخلف لح تكون تشكيلتنا على النحو التالي

حراسة المرمى : فداء دوريش مافي غيرو برأي حارس محلي عمستوى مرتب مع حارس من فريق الشباب بيكفي وما بدنا حارسين محترفين واحد بكفي لانو مركز حارس المرمى اصاباتو قليلة وما بينصاب بالتعب

قلب الدفاع : حسين قيشاني - علي خليل - باسل العلي
مافي غير تلت لعيبة يعني ضروري وبشكل سريع التعاقد مع مدافع عمستوى عالي كتير سواء كان محلي او اجنبي ومتل ما قلت واحد بيكفي يعني يا محلي يا اجنبي

ظهير يمين : عبد الهادي خلف - وائل زبداني اسماء معقولة وكافية تقريبا

ظهير ايسر : محمد زبيدي - غسان معتوق كمان اسماء كافية بس مع ملاحظة انو تكون الفرصة متساوية بين اللاعبين دون النظر لاسم اللاعب وعمرو والافضل لازم يكون موجود

لاعبي وسط الارتكاز : العلايا - المعو
برأي هادا المركز من اضعف المراكز بفريقنا العلايا مستواه متراجع والمعو العمر الو حقو ولازمنا لاعبين بهل المركز واحد اجنبي و واحد محلي

لاعبي الوسط المهاجم : عمر خليل - احمد الخالد - عمر العاقل - كمال عاجي
صراحة الاسماء متوسطة وصعب ننافس بهيك اسماء او يكون النا كلمة بالدوري بهل المركز برأي بدنا لاعب محترف اجنبي ولاعب محلي

الهجوم : مهند خراط - ماهر السيد
اسمين بس لا غير عنا بالفريق الفريق بهل المركز بحاجة للاعبين عاقل تقدير واحد محترف ويكون عمستوى عالي ولاعب محلي جنبو


بالمحصلة وحسب وجهة نظري الفريق بحاجة
حارس محلي : الازهر- علي شعبان حسب حكي بعض الشباب
قلب دفاع محلي : الايتوني- الدكة
لاعب وسط ارتكاز محلي : ما عندي اي فكرة
وسط مهاجم محلي : قصي حبيب - معتز كيلوني قصي حبيب يلي لهلاء ما وقع رسميا مع اي فريق وبيكفي حبو للبرتقالي وفي الكيلوني صحيح هو مصرح انو ما لح يلعب بسوريا مع اي فريق غير تشرين بس بالمصاري كلشي بيصير ومع مبلغ مرتب بيصير عنا وبهل الحال مافي داعي للمحترف الاجنبي
مهاجم محلي : الاغا - رجا رافع وخصوصا انو المجد جاييب مهاجمين جداد - يزن السيد في حال كان محافظ عمستواه

وبالنسبة للمحترفين وحسب ما سمعت تم رفع عدد المحترفين لتلاتة
اول شي مهاجم وبشكل اكيد
تاني شي لاعب وسط ارتكاز : ياريت بنقدر نرجع رزاق
تالت شي لاعب وسط مهاجم او قلب دفاع حسب تعاقدات اللعيبة المحلية

وبهل الشكل نحن بحاجة ل 8 لعيبة وبتمنى من كل شخص ترشيح اسماء معينة وانا بعتذر عن هالشي بكل المراكز بحكم غربتي ولح اعتمد بترشيحي لبعض الاسماء على مشاهدات ىسابقة



والتشكيلة بتكون
حارس محلي
الزبيدي - القيشاني - الخليل - الخلف
العلايا
لاعب اجنبي
الخالد (عمر خليل) - لاعب محلي او اجنبي
السيد - لاعب اجنبي


الاحتياط
فداء دوريش - حارس من شباب النادي
المعتوق - العلي - لاعب محلي او اجنبي - الزبداني
المعو
لاعب محلي
الخالد ( عمر خليل ) العاقل - العاجي - الشوشرة- العكرمة بس المشكلة اصابتو خطيرة كتير
الخراط - لاعب محلي

ملاحظة اخيرة
بتمنى تنسيق المعو واعطاء فرصة للاعب من الشباب ما بعرف اذا الشوشرة بيقدر يلعب بنفس المركز وتنسيق لاعب من بين العاجي والعاقل حسب مستواهم وكمان اعطاء فرصة للاعب من الشباب لاني متل ماقلت هنن لح يكونو احتياط والافضل يكون الاحتياط من الشباب مشان يستفيد ويكسب خبرة وبهل الحالة بنكون عن نجهز اربع لعيبة شباب من ولاد النادي : حارس مرمى - الزبيدي - لاعبين وسط وبظن الافضل العكرمة المصاب والشوشرة وحتى اذا في قلب دفاع مرتب من فريق الشباب فلا مانع من ترفيعو لانو صراحة في كم اسم مستواهم عادي كتير متل العلي والزبداني وكمان مو مشكلة اذا تنسقو شرط يكون في لاعب شب مناسب بمركزن وبالتالي بعض التعديلات عالتشكيلة لي ذكرتها
وهيك بنكون عم نهيأ من اربعة لخمسة لعيبة من شباب النادي وهو رقم مناسب كتير

[حمودي اليوفاوي]

الحارس :

متل ما قلت فداء دروش + حارس شباب
يعني بكفينا نتعاقد مع حارس ومو ضايل الا رضوان الازهر خالص عقدو

الدفاع :
بدنا لاعب محلي وبفضل حمزة ايتوني

الوسط بصراحة انا بخالفك الرأي .. عمر خليل واحمد الخالد مستواهم ممتاز واكتر من ممتاز ..بس عمر العاقل وكمال عاجي عاديين ..وبدنا لاعب شب وبفضل يكون قصي حبيب لاعب عم يتألق بالمنتخب الاولمبي + لاعب خلف المهاجمين ( محترف اجنبي يعني )
اما الارتكاز فكمان مو ضايل حدا بالدوري السوري ونحنا لازمنا لاعب ارتكاز وبفضل محترف اجنبي ( ولا يرجعوا المحترف تبع هالسنة محمد رزاق ممكن بلعب بهل مركز ومستواه جيد جدا )

الهجوم : ماهر السيد + مهند خراط + رجا رافع + مهاجم من الشباب
( بكفوا وبوفوا )
يعني بالمحصلة الاسماء اللي بقترحها :
- رضوان الازهر ( حارس )
- حمزة ايتوني وعبد الهادي خلف ( قلب دفاع وظهير ايمن )
- قصي حبيب والغاني محمد رزاق ولاعب محترف اخر وساط مهاجم ( هدول بخط الوسط )
- رجا رافع بخط الهجوم

[wissam82]

ئلي رجعة للموضوع برهوم

موضوع كتير مهم ,, برجعله إن شاء الله ...

يعطيك العافية

[<IBRAHIM>]

حمودي انا كتبت رأي بحالة حبينا المنافسة الاسماء يلي ذكرتها انت جيدة ومعقولة بس ما بتكفي وما بتوقع احسن من مركز رابع بافضل الاحوال هي
الخليل اصاباتو كتيرة وهو والخالد ما بيكفو لحالن

[M o H a M e D]

بالنسبة لحراسة المرمى ..نحنا بحاجة لحارس متمكن ...

للأسف علي شعبان راح لحطين و كان مناسب جدا .. هلأ في أمير نجار تبع الحرية منيح ..
بالاضافة لحارس من فريق الشباب ...
بالنسبة لفداء درويش بصراحة الزلمة يلي بعرفه كبر و ماعاد ممكن نستفيد منو بالمستقبل ...

الدفاع ... عنا القيشاني و المعتوق و الزبيدي و باسل العلي و الزبداني ..

بالنسبة للأطراف منيحة خاصة بعودة عبد الهادي خلف ...

بيصفى لازم نتعاقد مع قلب دفاع متمكن مع ترفيع لاعب دفاع شاب ...

الوسط ..

بالنسبة للارتكاز عنا معتصم علايا و علي خليل " مركزه يلي بيعطي فيه أفضل ماعندو " .. أما المعو بصراحة حاااااجة ..

بوسط الهجوم عنا عمر خليل و أحمد الخالد .. مستواهم ممتاز .. خاصة اذا بيرجع معهم ماهر لورا ...

بالاضافة للعاقل و العاجي يلي بصراحة محسوبين علينا بالتشكيلة و مانشوفهم الا كل سنة مرة ..

ياريت يتم التعاقد مع قصي حبيب ... وترفيع لاعب أو تنين شباب ..

بالهجوم .. عنا ماهر و الخراط ...

لازم يتعاقدوا مع مهاجم على مستوى عالي يكون أجنبي ذو سيرة ذاتية معروفة بالملاعب العربية ... أو محلي وبفضل رجا رافع ..

--------------------------

بالمختصر ...

نحنا بحاجة للتعاقد مع ع الأقل 5 لاعبين .. مع ترفيع 4 أو 5 لاعبين شباب ..

أكتر المراكز بحاجة لتدعيم ...

الحراسة ..

قلب الدفاع و اقترحت ( الايتوني أو الدكة ) .. الظهير الأيمن .. ( ع الغالب الخلف راجع )

الوسط ( قصي حبيب .. و ياريت يرجع رزاق )

الهجوم ( مهاجم أجنبي على مستوى عالي أو رجا رافع )

[Ammar Alfarawati]

بعتقد الفكرة المعقولة تطعيم الفريق بلاعبين اجنبيين مبدئيا ...ونشتري شي تلت لاعبين محليين

مع الحاليين والشباب تمام كبداية للادارة مع اول موسم الها لان صعب تامين 8 لاعبين بعتقد برهوم ... يعني فريق تاني صار هيك

المقبول 25 لاعب بس....

كمان اذا جبت 8 فصار فريق جديد ومن بين ليتآلفو بدهم موسم هي اذا كان مستواهم جيد كمان لان اللاعب من موسم لموسم بيفرق وطبيعة لعب الفريق كمان تفرق معو..

[مستر مدريد]

- بالنسبة لحارس المرمى : اظن بالوقت الحالي مافي احسن من الازهر + حارس من فريق الشباب للاعتماد عليه في السنوات القادمة بالاضافة ل فداء


- بالنسبة للدفاع : للاسف اياد ترك النادي ( يا خسارة :sad::sad: ) بس البركة بالباقي بس اذا جابو دكة او الايتوني بيكون كتير ممتاز:lol::lol:

- بالنسبة للوسط : معقول بس بدك لاعب متميز كمان مشان الاصابات

- بالنسبة للهجوم : بظن ما عد في مهاجمين عليهن القيمة ( مع احترامي ) كلو اخدو الاندية الاخرى شو زعلت على ماجد الحاج كان لازم نجيبوا على الوحدة ( يا خسارة :cry:cry )
بتمنى تنعطى الفرصة اكتر لكمال عاجي ( لانو نظم كتير و نحرق على الاحتياط عطو فرصة يا اخي هي مهند :!:

[<IBRAHIM>]

محمد
كلامك حلو وانا بعرف انو علي خليل بيلعب ارتكاز وكنت بدي اكتب هالشي بحال انو تعذر نجيب لاعب محلي كلاعب ارتكاز فالافضل تحويل الخليل لهل المركز بس بهيك حالة بيصير بدنا مدافعين بدال المدافع لانو ما بيبقى غير القيشاني والعلي يلي مستواه متواضع يعني بدنا لاعبين بدال اللاعب وبيجوز يكون في واحد بيكفي شرط يكون في لاعب بشباب النادي يعتمد عليه مزبوط ونقدر نرفعو
مشان الوسط الهجومي الخالد وعمر خليل مرتبين بس ما بدنا كل سنة نوقع بنفس الجورة اذا انصاب شي لاعب وخاصة انو الخليل مشهور بهل الشغلة او اذا انطرد او ارهاق او اي شي يعني كمان لازم لاعب وانا رشحت ياقصي يا الكيلوني
الهجوم اكيد بدنا لاعب ومرتب كتير وانا بكلامي الاول قلت اللعيبة يلي بحاجتن النادي اذا بدو ينافس واذا كانت المصاري مأمنة يعني حاطط احسن الاحتمالات ومتفائل وبهل الحالة بدنا مهاجمين لانو واحد ما بيكفي واحد محلي وواحد محترف

[<IBRAHIM>]

ammar alfarawati
متل ما قلت لمحمد عمار انا قلت اذا بدنا ننافس واذا كانت المصاري موجودة
وحطيت احسن الاحتمالات بس فعليا يمكن يكفي 5 لعيبة متل ما ذكرت انت
حارس محلي - قلب دفاع محلي - وسط محلي - وسط اجنبي - مهاجم اجنبي
وانا بالاصل بالتشكيلة يلي فرضتها ما ذكرت غير 6 لعيبة و 2 منن احتياط يعني بس اربعة يلي لح يتغيرو بالفريق الاساسي بيناتن حارس فبيبقى 3 و 3 رقم مو كبير وممكن التفاهم

[<IBRAHIM>]

alhamwi_med
كلامك حلو كتير وببصملك عليه بالعشرة

[بشـار الوحداوي]

الله يسامحك هلا عمر خليل بنظرك لاعب عادي يا سيدي هو افضل لاعب بالفريق هالموسم
ومعتصم علايا مستواه مو متراجع بس نحنا ما منشوف تحركات الاعبين بالملعب
وانا بعتبر معتصم من اميز الاعبين كمان

[myah]

المعو حطو للضحك بس
العلايا حطوا للت**** بس
خراط ليضيع فرص
العاقل ليفتح تمه ويلهت
العاجي ليبكي
والله العاقل العالم مابعرف ليش طوال مالها قاعدة بتطالب فيه مع انو شارك منيح بس ماشفنا منوب غير خارج التغطية
اذا كل الشباب من نمرتو على الوحدة السلام

[SH@@MI]

والله بالنسبة لحراسة المرمى : بتمنى عدنان الحافظ(اذا ما وقع مع حدا)

وبالدفاع يا ريت حمزة الايتوني
وبالوسط والهجوم
يا ريت رجا رافع وحبيب ووووو
ما بعرف
المهم يكون فريق منيح
وانشالله

[wassim80]

الحراسة : الحافظ أو الأزهر أو حارس آخر ممتاز
الدفاع : أيتوني + تعاقد بلاعب مميز
الوسط : علايا + عمر + تعاقد مع لاعب مميز + عودة رزاق
الهجوم : ماهر + الخراط + تعاقد بلاعب ممتاز

المدرب : أجنبي وممتاز


وأنا أتمنى من القائمين على النادي مشاهدة والعودة لأشرطة مباريات
دوري الدرجة الثانية ومنها إختيار الممتاز جدآ
كما أتمنى منها مغازلة لاعبين عراقيين على مستوى مرموق جدآ

[wissam82]

برأيي أكبر مشكلة عنا حاليا هي خط الدفاع بدنا لاعب ليبرو على مستوى عالي ومتل ما ئلتوا (( الايتوني والدكة )) كتير مناح ...
وإذا رجع (( الخلف )) بيكون مساند منيح (( لأحمد الخالد )) على الجهة اليمين

بالجهة اليسار بتمنى يكون (( الزبيدي )) هو الأساسي ,, لأنه أثبت إنه مستواه بتطور مستمر ما شاء الله وعم يبذل طاقة بالملعب أكتر من ((المعتوق)) مع احترامنا للمعتوق بس يكون احتياطي

حراسة المرمى: يا ريت يحاولوا يرجعوا (( زكريا قاسم )) لأنه مستواه جيد وابن النادي بالإضافة لحارس الشباب ...

خط الوسط: بدنا لاعب ارتكاز يكون نشيط وفعال يغطي مكان أبو عبدو يلي ما حدا غطى مكانه من لما انتقل ولو يرجع رزاق محمد ممتاز بيكون ,, واذا ما رجع لازم نجيب لاعب ارتكاز على مستوى عالي ويكون خبرة يعني كبير شوي بالعمر ,, وبيسانده بالوسط الدفاعي العلايا وعلى الأطراف الهجومية الخليل والخالد ممتازين ...

بالهجوم: يا ريت أول شي ((ماهر)) يكون مركزه خلف المهاجمين مو مهاجم صريح ,, متل ما كان يلعب مع نادي الجيش وبالمنتخب مع أحمد رفعت لانه فعلا بيفيد الفريق أكتر بهل مركز ...
وبدنا مهاجم أجنبي يكون مميز بالإضافة لنبيل الشحمة لو يرجع
والخراط على الاحتياط ...

يعني التشكيلة يلي بتمناها على الشكل التالي:

زكريا قاسم

الزبيدي - علي خليل - القيشاني - عبد الهادي خلف

عمر خليل - ((محترف متميز)) - أحمد الخالد

ماهر السيد

((محترف متميز)) - نبيل الشحمة

[يوفي بس برتقالي]

فداء ما أخذ فرصته بالمرة وإذا بدنا نتعاقد مع حارس ما في غير الأزهر
بالنسبة لدفاع إذا تعاقدنا مع الدكة بتتحسن الأمور مع وجود علي والقيشاني والزبيدي والمعتوق بجهة الشمال وعودة عبد الهادي والزبداني لليمين
خط الوسط هون المشكلة عنا عمورة والخالد مستواهم ممتاز بس الإصابات أثرت بشكل سلبي بتمنى عودة المندو ولو أنها صعبة كتير لازمنا بديل لعمورة والخالد وأعتقد سليم جبلاوي بفيدنا أما وسط مدافع جمال معو حاجته والعلايا منيح لما يكون الفريق منيح
لازمنا لاعب محترف على مستوى عال مع جناح أيسر إذا مالعب ماهر بالجهة اليمنى
الهجوم نحتاج للاعبين محترف ولاعب بمستوى رجا أو حتى عارف الأغا

[kashi]

قصي الاعب جيد والرزاق مهم الكيلوني شغلي ورجا قوة الازهر منيح اسماء ممتازة يارب

[سامي حرح]

بالنسبة للمعو... الله يكون معو:mrgreen::mrgreen::mrgreen:

[Romanci_alsham]

وعاد صقر الصقور

[السوري الدمشقي]

والله ريك كتير بمحلو بس خط الوسط جيد بدو شوية خبرة وبيصير من افضل الخطوط بالدوري السوري ....

[SAD LoOoVER]

كلامك حلوو كتير بس رح عدل شوي

الهجوم في عدة لاعبين

في عارف الاغا .. نبيل الشحمة ..

الوسط المتأخر اضعف المراكز بالفريق حاليا

و الدفاع بحاجة للاعب و كمان حارس (( الازهر عقدوو حر بسسسسس ))

[الساهر12]

أول شي التشكيله يلي تفضلتو فيها كتير ممتازة بس أول شي الازهر معقول أما حمزة أيتوني ما بيلعب للوحدة اما الوسط متل المعو حاجه الله يعطيك العافيه والله في الانديه لعيبه كتير منيحه بس ماحدا شايفها شو يعني بسوريه مافي غير الاسماء يلي منعرفها لو نزار محروس موجود كان من تحت الارض جاب العيبه معقول ماعم نعرف نحط تشكيله متل العالم

[messi]

بسم الله الرحمن الرحيم
بالنسبة للحراسة بفضل ابقاء فداء درويش
و كنا متأملين علي شعبان بس طار
و ممكن عدنان الحافظ اذا ما جددلو الكرامة فهو ممتاز كتير
اما الازهر فما بفضلو ولو بقينا على فداء بس

بالنسبة للدفاع:
الظهير الايمن:
موجود وائل زبداني والشباب عم يقولو عبد الهادي خلف بذلك منكون امنا هالمركز باذن الله
الظهير اليسار:
كمان بوجود غسان معتوق والزبيدي ما منخاف ان شاء الله
قلب الدفاع:
عنا علي خليل وباسل العلي وحسين قيشاني
بينقصنا واحد بس
اما استعادة ينال اباظة يلي قدم مستوى حلو مع جبلة هالسنة
او التعاقد مع حمزة ايتوني

الاوسط المدافع:
لدينا معتصم علايا وكان مستواه الموسم الماضي جيد جدا ومتحسن كتير
و كمان مصطفى عكرمة بس يشفى باذن الله
بالنسبة لجمال معو بتمنى تكريمة مع ابو جودي وابو دحام تكريم لائق
فبيبقى لاعب وهو ممكن يكون رزاق محمد او ممكن في حال الحاجة يلعب علي خليل
الجناح اليمين
موجود احمد الخالد وممكن استعادة كنان نعمة و اذا تعاقدنا مع قصي حبيب بيكون ممتاز جدا وهالمركز لا خوف عليه
الجناح الايسر
موجود عمر العاقل و ممكن في حال الحاجة نستعين بماهر بها المركز
الوسط المهاجم:
عمر خليل ممتاز جدا وبديله ياسر شوشره او ماهر كمان
خط الهجوم
مهند خراط وماهر السيد لازم يكون اساسي معو او التعاقد مع رجا رافع ضروري بالاضافة لوجود كمال العاجي
يعني نحنا بحاجة ل 6 لاعبين تقريبا
حارس-قلب دفاع-وسط متأخر-جناح يمين-مهاجم

[gassan2]

بصراحة انا عندي حارس شاب وهو جيد وكان بيلعب بنادي بردى واسمه منار عقاد وهو ابن الحارس الكبير احمد عقاد واتمنى من احد المسؤلين عن الفريق ان يجربه وهو خامة جيدة وامنى للنادي كل التوفيق

[عبد المؤمن]

أنابرأيي لازمنا قلب دفاع عندو خبرة ولاعب وسط سريع متل كاكا