مسيرة البرتقالي تبدأ من اجتماع الجمعة المسائي

[samersabsoub]

يسيطر التفاؤل على أجواء الشارع الرياضي الوحداوي بعد الانتصار الذي حققته قائمة (الوفاق والاتفاق ) التي دخلت الانتخابات رافعة شعار (الوحدة أولاً).

وسيكون الاجتماع الذي يضم كافة أعضاء الإدارة الجدد مساء الجمعة في مقر النادي الخطوة الأولى في مشوار العمل وفق المنهجية الجديدة حيث سيتم توزيع المهام بين الأعضاء ومن المتوقع أن يتسلم كل من السيدين صفوان نظام الدين وحسام السيد كرة القدم ، و السيدان أحمد قوطرش وجابر بدورة كرة السلة (رجال) و ا لسيدة غادة الراعي لكرة السلة النسائية ، والسيد بسام صباغ ( المسؤول المالي) و السيد عماد شومان (للقواعد ) و السيد فؤاد محفوض لكرة الطائرة . كما أن من المرجح أن يتم إعفاء مدير المقر هيثم الشريف من مهامه و تعيين السيد وليد إسماعيل عضو الإدارة السابق بدلاً عنه .

وعلم موقع الكرة السورية أن الكابتن أيمن الحكيم سيستمر على رأس عمله كمدير فني لفريق الكرة وكذلك الأمر بالنسبة للكابتن هادي درويش كمدرب لفريق السلة.

من جهة أخرى و على صعيد كرة القدم فإن نية الإدارة الجديدة فيما يبدو تتجه نحو تحديد عقود معظم لاعبي الفريق و هم :( حسين قيشاني ، علي خليل ، غسان معتوق، أحمد الخالد ، باسل العلي، وائل زبداني، كمال عاجي ،عمر العاقل ، مهند خراط ، ومعتصم علايا ) بالإضافة إلى الشبان الواعدين من أبناء النادي. وتبدو عودة عبد الهادي خلف قريبة فيما سيتم التعاقد مع عدة لاعبين محليين لسد بعض المراكز.

وحول موضوع قائد الفريق ماهر السيد فتشير المصادر بشكل أكيد إلى أن السيد سيعيد ارتباطه مع فريقه كما سبق ووعد جمهور النادي بعد تغير الإدارة. وأبدى السيد في تصريح خاص لموقع الكرة السورية ارتياحه الكبير للإدارة الجديدة و أضاف قائلاً (آن الأوان لأفي بوعدي لجمهور النادي الذي تربطني به علاقة حميمة ، وأنا في ظل إدارة متفاهمة لهذه سأعود لصفوف الفريق ولن أطالب بزيادة في عقدي حباً ووفاءً في للنادي الذي رباني و كبرني) .

خاص بموقع الكرة السورية
26/7/2007

[M o H a M e D]

الله يوفق يارب ...

فعلا من خلال قراءتي للأسماء ... كل واحد بمكانو المناسب ..

بس لولا هالخبر ...

أن الكابتن أيمن الحكيم سيستمر على رأس عمله كمدير فني لفريق الكرة وكذلك الأمر بالنسبة للكابتن هادي درويش كمدرب لفريق السلة.

[<IBRAHIM>]

الحكيم لح يضل :sad::sad::sad:

[حسان الحسيني]

مدام رافعين شعار الوحدة اولا
خلو الحكيم ياخد فرصته كاملة

[وحداوي موت]

كل الاخبار حلوة الى خـــــــــبر الحكـــــــــــــــــــــــــيم
اذا بدنا ننسا يلي صار لازم يكون مدرب اجنبي لانو المحلي مارح يمشي حالو

[حسان الحسيني]

بالتوفيق للوحدة ان شاء الله

[Nassib kabbani]

والله انا مو ضد انو يضل الكابتن ايمن مدرب للفريق ولكن اتمني لو يسند اليه مهمة مدير فني ويكون لدينا مدرب اجنبي على مستوى عالي اما بالنسبة للكابتن هادي فانا من اشد المتمسكين ببقاءه واتمنى ان يعود الحريف لنكون قوة ضاربة في الموسم المقبل

[WASSEEM]

بقاء الكابتن ايمن حكيم ضرورة بالوقت الحالي
و كما قال حسان الحسيني يجب ان ياخذ فرصته كاملة
الظروف كانت الموسم الماضية غير مرضية لاحد
و من المعيب ان نحكيم على المدرب بناء على فترة
كانت فيها الظروف اكثر من تعيسة
انا برايي الحكيم قادر على وضع لمسة جيدة ه الموسم القادم
اذا ماتم ترتيب امور الفريق الاول
انا قلبا و قالبا مع بقاء الحكيم
و عندما يفشل لا سمح الله سنطالب وقتها برحيله

ارجو ان تكون الظروف مثالية للحكيم الموسم القادم لنرى عمله و نحكم ...

[WASSEEM]

المطلوب من المدرب هادي درويش اعطاء اللاعبين الواعدين فرصتهم
فهناك من يستحق ان ياخذ فرصته و لكن الكوتش هادي ظالمه

[هنو]

و الله يا شباب بالنسبة للكابتن ايمن
انا كنت حبو محبة متل الي بحبها لاي شخص بحسو وحداوي
بس بعد هالدوري الصعب الي مر علينا
و بعد ما اجتمعت فيه مرتين
و بعد ما شفت بعيوني حبو للنادي الظاهر بعيونو
و بعد كم موقف لا شعوري ظهروا منو بالدوري
حبيتو اكتر من قبل بكتير
و خصوصي لما بكي وقت ظلمنا الحكم بلعبة الكرامة
ز في مواقف كمان عفوية شفتها منو
بتدل ع عشق للوحدة
و بصراحة هيك شخص لازم ياخود حقو بالنادي
و شكرا

[wissam82]

يا ريت يكون المدرب أجنبي ويكون الحكيم مساعد ئله

أو يكون المدير الفني للفريق ...

بكل الأحوال مين ما استلم لو هو أو غيره منتمناله التوفيق والنجاح إن شاء الله ...

[M o H a M e D]

ياجماعة ماحدا عميشكك بولاء أو وفاء الكابتن أيمن ... و أيمن حكيم منحطو على عيننا و راسنا ...

بس كل مدرب و ألو امكانيات ... و بصراحة الكابتن أيمن ماقدم أي شي يذكر مع الفريق بالوقت يلي استلم فيها ...

و شغلة الظروف يلي كانت مع الفريق مو مبرر بصراحة ... لأنو من الأصل تشكيلتو و خططو كلها غلط بغلط ...

يعني الفرق كلها عمتتطور ... و نحنا بدنا نعطي فرصة لهاد و لهداك مشان مانكسر بخاطرو ..
شلون بدنا ننافس الكرامة مع القويض .. ولا الاتحاد مع المدرب الأرجنتيني العالمي .. و لا الطليعة مع الخانكان و اللاعبين الممتازين .. و الله يسترنا من باقي الفرق يلي عمتشتغل على فرقها " النواعير و عفرين و جبلة و تشرين و المجد و .... الخ


المطلوب من المدرب هادي درويش اعطاء اللاعبين الواعدين فرصتهم
فهناك من يستحق ان ياخذ فرصته و لكن الكوتش هادي ظالمه

:))

[حمودي اليوفاوي]

طيب مافي مدرب بالعالم الا ايمن حكيم ؟؟؟؟
بس انشالله ما نلعب بالطريقة اللي بتجيب الجلطة
وهي جيب هدف وارجع دفاع ولو كنا مسجلين الهدف من الدقيقة الاولى بالشوط الاول
ولو انو باخر مباريات تخلى عنها لهاي الطريقة

اما مشان هادي درويش فهو مدرب جيد
بس يا ريت احمد قوطرش يراقب عملو ..ويحثوا على اعطاء الفرصة لجميع المواهب ..
وكمان بدنا تعاقدات بفريق السلة واهمها اعادة شريف الشريف
والتعاقد مع لاعب متل رضوان حسب الله وحتى اسيد كالو منيح

[دلبيرو الوحدة]

مدير فني مو مدرب شبكون

[<IBRAHIM>]

ياجماعة ماحدا عميشكك بولاء أو وفاء الكابتن أيمن ... و أيمن حكيم منحطو على عيننا و راسنا ...

بس كل مدرب و ألو امكانيات ... و بصراحة الكابتن أيمن ماقدم أي شي يذكر مع الفريق بالوقت يلي استلم فيها ...

و شغلة الظروف يلي كانت مع الفريق مو مبرر بصراحة ... لأنو من الأصل تشكيلتو و خططو كلها غلط بغلط ...

يعني الفرق كلها عمتتطور ... و نحنا بدنا نعطي فرصة لهاد و لهداك مشان مانكسر بخاطرو ..
شلون بدنا ننافس الكرامة مع القويض .. ولا الاتحاد مع المدرب الأرجنتيني العالمي .. و لا الطليعة مع الخانكان و اللاعبين الممتازين .. و الله يسترنا من باقي الفرق يلي عمتشتغل على فرقها " النواعير و عفرين و جبلة و تشرين و المجد و .... الخ

100% ما حدا عم يشكك بولاء الحكيم وحبو للوحدة بس كمان ملايين العالم مشاعرها مرتبطة بالنادي فلا مجال للعواطف والتجريب واذا ضل وما تغير اكيد مالو طالع بأيدنا شي ولح نكون مع الفريق مع انو برأي لازم يتغير مع مدرب اجنبي حصرا شرط يبقى بالفريق ويشتغل متل الحموية مع الكرامة




مدير فني مو مدرب شبكون
مدير فني يعني مدرب حجي:wink:

[حمودي اليوفاوي]

صحيح مشان عبد الهادي خلف
فهي بتكون خطوة حلوة ..
لانو بصراحة عبودة بس لعب معانا السنة الماضية قدم مباريات روعة باول الدوري..لاعب سريع ومهاري شوي ..
وهيك منكون حلينا مشكلة الظهير الايمن

وهو انظلم السنة الماضية بفريق الوحدة السيء بوجود ادارة سيئة

[وحداوي موت]

متل ما حكا محمد اكيد ما حدا بيشك بوفاء وولاء الكابتن ايمن
انا كنت اكتر واحد ضدو اول ما استلم بس والله العظيم هلا الزلمة بعد ما اشتغل مع الفريق بلفترة الماضية حسينا اديش هل انسان وفي وصادق بعملوا
بس كل انسان الو حدود بلتفكير الرياضي بيقف عندها
نحنا بدنا مدرب اجنبي يستلم الفريق ويكون الكابتن ايمن معلمو مو بس مدير فني
بس ما بظن اذا استلم الكابتن ايمن الفريق يصير خير
على كلن الله يوفقو ويوفق كل مين رح يشتغل معو اذا كان مدرب او لاء
بيكفي اخلاص ايمن بالاخير

[سعدي]

أهم شي يدبروا حراس مرمى
و مهاجم واحد عالاقل على مستوى عالي

[سامي حرح]

لك يكون فريقنا بدون مدرب ولا يستلم الحكيم
مشان الله
مشان الله
كل المشاكل انحلت ماعدا الحكيم ..لييييييييييييييييييييييش

[SAD LoOoVER]

يا سيدي بالتووفيق و الله يسمعنا الاخبار الطيبة

[مستر مدريد]

أنا برأيي الحكيم شتغل كتير بالفترة الماضية وقدر المحافظة على الفريق مشان ما يهبط و الله يعطيه العافية ويجب تكريمه لما قدمه

بس مو معناتو يستلم تديب الفريق الموسم القادم اذا الفريق ناوي يعمل شي الموسم القادم ( عذزا انا متفائل بالادارة جدا و لكن لست متفائل بالفريق الكروي للموسم القادم ) و الاعذار معروفة و واضحة من هلأ

أما بالنسبة للسلة فأنني متفائل بالفريق ( لانه شاب و قوي و يحتاج لبعض التدعيم ) و متفائل بالمدرب هادي ( لانه قادر على صناعة فريق متجانس شاب و قوي ) وذلك بدعم احمد قوطرش

[مستر مدريد]

ليش بقي شي مهاجم محلي على وشو ضو الا ما اخدتو الاندية
والاجنبي ( لا تفكر بللاعب الاجنبي لانو تبع 5000 دولار شي بيكب و بيعمي )

[ABOU MALEK]

مشان الحكيم امرنا ل الله

بس الدرويش مشان الله حدا يقنعوا انو الفريق مو ربيع هاشم

هلك سمانا بربيع هاشم و عامله شغلته و عملته و بالاخير طلع متل قلته

[orang]

مش مشكلة انتو ليش ضده يعني انا اسف بسعن جد هوة اخذ الفريق بوقت مو مناسب خلي يعمل يلي بقدر عليه وبعدين من شوف بصاحة انا لاالي معو ولاااضدة بس نحنا ما منشوف من المدرب الااا المبارا الخسرانة او التعادل ومن قول الحق غلى المدرب المباريات يلي فزناهاااا بنهاية الموسم الماضي مش محسوبة ولااشو الهروب منشبح الهبوط على ايدي ايمن حكيم مومحسوب ولااشو انا اسف اني عم دافع عنووو بس سدقوني انا مالي معه %% 100 بس انا بصرااا حة بشجع الخامة الوطنية كونو مافي قدرة مادية بجلب مدرب اجنبي لانو في متل شامي بيقوللللللللللل اذا بدك تشتري يا شتري شي متل الخلق والعااالم يا بلاااااا وفهمكن كفاية