المساعد الشخصي الرقمي

مشاهدة النسخة كاملة : الوحدة 2007/2008


messi
07-26-2007, 11:25 AM
بسم الله الرحمن الرحيم
كيف سيكون شكل البرتقالي للموسم القادم لكرتي القدم والسلة؟؟؟؟؟
موضوع كان بدي اطرحو من وقت خروجنا من كأس الجمهورية لكن استنيت لانتخاب الادارة الجديدة
كل واحد يكتب كيف بيحب يكون البرتقالي للموسم القادم للقدم والسلة لاعبين ومدربين

ورح ابدأ انا:
فريق كرة القدم:
المدرب:نزار محروس او ايمن الحكيم
مساعد المدرب:محمد القادري
مدرب الحراس:صفوان الحسين

الاعبين:
1-بدر الدين الازور.
2-رأفت محمد.
3-غسان معتوق.
4-حسين قيشاني.
5-ينال اباظة.
6-محمد اسطنبلي.
7-عمر خليل.
8-قصي حبيب.
9-ماهر السيد.
10-مهند خراط.
11-كمال العاجي.
12-احمد الخالد.
13-علي شعبان.
14-علي خليل.
15-محمد زبيدي.
16-وائل زبداني.
17-كنان نعمة.
18-مصطفى عكرمة.
19-ياسر شوشرة.
20-عمر العاقل.
21-معتصم علايا.
22-فداء درويش.
23-رجا رافع.

برأيي هدول اللاعبين كفيلين بأنو البرتقالي منافس جيد عاللقب.
والتعاقد مع ينال اباظة وعلي شعبان و قصي حبيب ورجا رافع مهم كتير
و اهم شي انو اغلب اللاعبين بيكونو من ابناء النادي يعني 7 بس من برا وهاد شي حلو

اما بالنسبة للسلة:
الاحتفاظ باللاعبين الحاليين مع استعادة شريف الشريف
والتعاقد مع اسيد كالو من الوثبة وشادي حبيب من الثورة وعامر خباز من الفيحاء بيصير الفريق حلو كتير
والمدرب هادي درويش

لنشوف شو ارائكم

&&ledخالدkha&&
07-26-2007, 12:01 PM
ما بعتقد هدول الاعبين يلي رح يلعبو لأن في منون كتير وقع

kashi
07-26-2007, 12:05 PM
والله ابطال بسلة والقدم مع هيك لاعبين وانشاء الله منشوف القدم والسلة رجعو لمستواهم ومكانهم الطبيعي

وحداوي موت
07-26-2007, 12:09 PM
اللعيبة يلي حطيتها محمد كتير منيحة
بس في اسماء منها راحت على غير اندية
لنشوف شو رب العالميين بييسر مع الادارة الجديدة

رمثاوي وحداوي
07-26-2007, 12:10 PM
بالتوفيق للبرتقاله الشاميه:))

حمودي اليوفاوي
07-26-2007, 01:20 PM
معظم الاسماء اللي حاططها بفريق القدم
وقعت لاندية تانية
متل الازور واسطنبلي ورأفت محمد ورجا رافع
وينال اباظة شو بدنا فيه صار كبير
من غير شي باخر 3 سنين معدل اعمار فريقنا بتصور فوق ال 30
بدنا دم جديد بالفريق ..

M o H a M e D
07-26-2007, 01:38 PM
1-بدر الدين الازور.

وقع مع النواعير ..

.
2-رأفت محمد
جدد مع شباب الأردن ..

3-غسان معتوق.
4-حسين قيشاني.


5-ينال اباظة.
الله يصلحك ...

.
6-محمد اسطنبلي
وقع مع النواعير ...

7-عمر خليل.
8-قصي حبيب.
9-ماهر السيد.
10-مهند خراط.
11-كمال العاجي.
12-احمد الخالد.
13-علي شعبان.
14-علي خليل.
15-محمد زبيدي.
16-وائل زبداني.
17-كنان نعمة.
18-مصطفى عكرمة.
19-ياسر شوشرة.
20-عمر العاقل.
21-معتصم علايا.
22-فداء درويش.
23-رجا رافع.

الباقي مناح ... مع تحفظي على فداء درويش ...

ورجا رافع ياريت يرجعوا يحاولوا فيه ...

<IBRAHIM>
07-26-2007, 02:47 PM
متل ما قالو الشباب :wink:

wissam82
07-26-2007, 03:44 PM
رجا رافع ما بدنا ياه سمنان كتير ومستواه نازل

وما عاد هداك المهاجم المرعب ,و غير إنه مالنا نسيانين شلون لعب فينا الموسم الماضي ...

M o H a M e D
07-26-2007, 03:59 PM
رجا رافع ما بدنا ياه سمنان كتير ومستواه نازل

وما عاد هداك المهاجم المرعب ,و غير إنه مالنا نسيانين شلون لعب فينا الموسم الماضي ...


صحيح أنو مستواه نازل كتير ...

بس برأيي بيضل من أفضل المهاجمين المحليين عنا ... حتى السنة الماضية سجل مع المجد 13 هدف ...

وبرأيي عنا بوجود خط وسط قوي بيقدر يعطي أكتر ...

حمودي اليوفاوي
07-26-2007, 04:03 PM
انا مع محمد
رجا رافع حتى لو تراجع مستواه
هو هداف بالفطرة
ايه السنة الماضية تسجل اهداف رووعة مع المجد رغم تراجع مستواه

ABOU MALEK
07-27-2007, 08:50 AM
اللي راح راح و اللي اجا رح يجي
موسم 2008 ما رح يكون تنافس و اكتر من المركز الخامس و الرابع ما مناخد مو قصة تشاؤوم بس الانسجام بين اللعيبة بدو وقت و صرنا باخر تموز والفريق مو جاهز و الدوري بقيانلوا شهر ونص تقريبا