المساعد الشخصي الرقمي

مشاهدة النسخة كاملة : بماذا يحلم الوحداويون في أحلام اليقظة

أبو لؤي
03-31-2005, 06:08 PM
كثيراً ما كان يحلم أحدنا وهو مستلقي على الفراش أو واقفا ً على شر فة منزله بأنه حصل على شهادة البكلوريا بأعلى المعدلات ودخل الطب البشري أو الهندسة وحصل على الدكتوراه أو اليصنص
وتخصص في أرقى الجامعات الأمريكية والأوربية ومن ثم عمل مع أرقى الشركات العالمية وجمع ثروات هائلة و أصبح أحد أشهر أثرياء العالم وتجوز من برتني سبيررز و أصبيح يملك شبكة قنوات فضائية وووو وكل هذا ونحن مستلقين على فرشة لا يتجاز ثمنها الخمسمية ليرة , ونبقى متقمصين لهذه الشخصيات الدكتور ,المهندس, الثري, المشهور ,العالم وذالك إلى أن يأتينا صوت من الوالد الكريم ويقلك قوم دروس يا حــ ... عندها تدرك أنك مازلت تحمل كتاب الفلسفة بين يديك وبقيالك شي أبع خمس مواد وبقيان للفحص شغلة شهر شهر ونص مو أكتر , ساعتها بتبلش تكفر بالعبري وأخت الدراسة على أخت البكالوريا على أخت الـ.... إلا أنك بعد أن تهدأ وتتذكر ذلك الحلم الذي استمر لمدة خمس دقايق تصيبك حالة معنوية كبيرة تشجعك على أن تعمل على تحقيق ولو جزء من هذا الحلم الكبير
أما سؤالنا لكم أيها ألأحبة الغوالي عشاق البرتقالي ماهو حلم اليقظة الذي يحلمه المشجع الوحداوي , ولنكن بذلك مؤمنين بالقول الفلسفي هلي طلع معي هلق مدري قريت بشي كتاب
{ الحقيقة تبدأ بحلم } فاحلموا يا عشاق البرتقالي لعل حلمكم يصبح حقيقة في يوم ما
وتذكروا أننا منذ سنوات كنا نحلم ببطولة الدوري فحصلنا عليها وحلمنا بالكاس وحققناه وكان من أحلامنا المستبعدة الحصول على بطولة قارية بالقدم أو السلة فكان الحلم الخيال في يوم من الأيام حقيقة واقعة في هذا اليوم
فاحلموا حقق الله أحلامكم.
عاشق البرتقالي
علاء الدين بدوي
WASSEEM
03-31-2005, 07:05 PM
يا سيدي مافي شي مابيصير ....
:lol: :lol: :lol: :lol:
عبيدة
03-31-2005, 07:25 PM
يكون جمهورنا اكبر جمهور بالوطن العربي :twisted:
بطولة الاندية الاسيوية الابطال بالقدم :twisted:
المشاركة بكاس العالم للاندية :twisted:
واحلام كتيرة شو بدي عد لعد :idea:
الله يوفقهم وبدنا شي يرفع الراس :wink:
قولو يارب :cry: :cry: :cry: :cry:
anasrsol
03-31-2005, 07:33 PM
حلمنا كتير .
لك حياتنا كلها احلام بس ما تحقق غير القليل .
الحقيقة تبدا بالتصميم مو بالحلم .
انت قلت انو لما بتتذكر الحلم بتصيبك حالة معنوية وبتبلش شغلك.
ومانيل المطالب بالتمني
ولكن تاخذ الدنيا غلابا
أبو لؤي
03-31-2005, 08:23 PM
أنا شخصيا ً أحلم أنني كنت اللاعب المعجزة في الكرة السورية وأن نيناد اكتشفني عندما كنت ألعب في أحد حارات دمشق ,وأحلم أنه وفي مباراة إياب نصف نهائي كأس الجمهورية العام الماضي مع الجيش أدخل نيناد أسمي على السكور ليقدمني كمفاجأة للجمهور في هذه المباراة وذلك دون أن أعلم وعندماكانت التتيجة تشير إلى تقدم الجيش بثلاثة أهداف وكان نيناد معصب كتير, في هذه الأثناء كنت قاعد عل المدرجات مع رفقاتي عم نكفر بالعبري والجمهور عم يشاغب ويرمي حجار , وإذ برن الموبايل بطلع رقم غريب وإذ به رقم نيناد وبقليwher are you alaa بليس نزيل لعندي بقوم أنا بنزل ركيد لعندو بشوفني وبقلي بعربية مكسرة يالله همي بقلو شوووو بقلي المترجم بقلك يالله حمي وبصراحة على قد ما كنت معصب فرحت وتحمست وصرت حمي وإذ بقرر يبدلني بنبيل الشحمة بطلع نبيل ببوسني وبقلي كلنا بنتظارك بتقوم بترتفع معنوياتي وبقلو لك أنا فداكن كلكن وياروح ما بعدك روح , بهاللحظات الجمهور كان متفاجىء وعم يقول لعمة منين هاللاعب وإذ بنزل عالملعب وبانطلق عنص الملعب متل النسر الجارح وبستلملك باص من ضرار رداوي باخد هالطابة وبمشي فيها وبرقص الأول والتاني والتالت وبطلع بفريق الجيش كله وبوصل عخط السطعش وبعطي باص لموسى وبقلو عيدها وبعدلياها بين اتنين وبروح كالخلكياها شوطة من دينا بتعبي بالشبك وبفزلك هالجمهور وبشتعل الحماس بالملعب بحمل الطابة من المرمى وبركد فيها عنص الملعب بوقف بوشي الأزهر بقوم بقدحو كف وباكل صفرا والجمهور كلياتو بصوت واحد شد الهمة يا وحدة شد الهمة يا وحدة بلعبوا الجيش السنترة ومن أول باص بلعبوا بكون منقض عليها متل النمر وخاطفها وبرقص الأول والتاني وبفوت فيها وبعبيها وبتجي بالعارضة وبصيح الجمهور الأه من قلب محروق وتمر خمس دقايق والفرص عم بتجي وبتروح و لحد ما صارت الديقة الأخيرة وبستلملك الطابة وبفوت فيها متل التور التاير والعيبة عم تهرب من قدامي بنحرف عاليمين وبقلوا لغسان حط راسك وبرفعلوياها وبروح كابسه براسو { مع أنو بحياتو ما جاب كول براسو ولا حتى بإجروا } وبفز الملعب وبشتعل الجمهور وبثور ثورة الغضب وبتشتعل المباراة وبحملو لعيبة الوحدة الطابة وبنطلقوا عنص الملعب متل الصواريخ بدون ما يهنوا بعضهن بالكول التاني , بحط الحكم خمس دقايق بدل ضائع وبفز الجمهور بصوت هدار وناري ومن قلب محروق من شان الله التالت يالله وبتمر الديقة الأولى والتانية والتالتة وما في حظ بقي ديقتين وبفز الجمهور بصوت متل الرصاص من شان الله يا علاءالتالت يالله يا علاء
بقوم أنا بدير وشي عالجمهور برفع إيدي وبحط اصبعتيني السبابات على عيوني يعني من عيوني وبروح عند غسان وبقلوا إلك ولا للديب بقلى خسى شو بدك هلق, قتله بترفعلي نفس الرفعة يلي رفعتلكياها والباقي عليي , قلي لعيونك وروح يا غسان الـ ما كذب خبر والله , بياخد الطابة وبفوت فيها متل النمر من عشمال بسحب الأول والتاني والتالت وبرفعلياها وبقلي من قلب محروق علااااااااااااااااااااااااء
بقوم أنا بنطلي مترين بالهوا فوق دفاع الجيش وحارسهم وبقلوا لعيوناااااااااااااااااااااك
وبكبسها هدليك النطحة وشوف المفاجئة بتنزل الطابة عالمرمى وبطج بالعارضة أخت الـ, الحكم بحمل الصفيرة بأيده واجمهور بحط أيدو عقلبو وبقول ياحرام خلاص راحت علينا , وعبين ماطالع الحكم الصفيرة بدو يحطها بتمو كان عمك علاء فاتلك مية وتمانين درجة خلال أجزاء من الثانية وقادحلكياها هدلاك الدبلكتيك وتعبي بالشبك وكوووووووووووووووووووووووووووووووووووووووووووووووو ووووووووووووول وبنزلك عالأرض وبشلح الكنزة والشورط والبوط و الجرابات وبركد من دين الله ما يعطيني لعند الجمهور وبجن جنان العالم وبتقوم الدنية وما بتقعد وبهز الملعب وبصير زلزال عالمدرجات وشي تلتالاف حالة إغماء على خمس تالاف حالة جلطة وبركدوا اللعيبة والإداريين والحبوباتي ونظام الدين ونيناد والجمهور وكل عمنط عليي و يعانقوني ويبوسيني و الله أكبر الله أكبر أشهد أن لاإله إلالله أشهد أن محمدا ً رسول الله.
وبعدين مابلاقيلك إلا أبي جاية وعم يقلي ولك علاااااااااااااااااااااااااااااااااااااااااااااااا ء لكم قوم صلي الصبح قوم.
عاشق البرتقالي
علاء الدين بدوي
أبو لؤي
03-31-2005, 08:24 PM
لك لسه ما خلصت
وبعد ماخلصت المبارة والإحتفالت شغالة بصلني مكافأة من الحبوباتي شي مية وخمسين ألف ليرة على مكافئة من نظام الدين بمية وخمسين ألف ليرة تانية على مكافئة من حمشو على مكافئة من النحاس على مكافأة من الشلاح على مكافئة من بيل غيتس والوليد بن طلال والشيخ بهاء الدين الحريري وصار الشاطر هلي بدو يكافئني
وبعد ماضلت الإحتفالات شغالة شي سبع أيام بليليها بالشام والقنوات الفضائية عم بتصور وعم يحكوا بنشرات الأخبار عن المعجزة السورية والصحف الرياضية السورية والعربية والعالمية فاردين صفحاتهن الأولى عليي
وبطلع رئيس نادي برشلونة وقول لحنا حاطين مية مليون دولار لنجيب علاء , بقوم بنط فلورنتينو بييريز وبقول لحنا من ندفع مية وخمسين مليون دولار , بقوم أنا بحسم الموضوع وبطلع على قناة أيرو سبورت الفضائية وبصرح إني مستعد إدفع ميتين مليون دولار كرمال إلعب لبرشلونة , و أنا بقول هيك وكاتلونيا بتقوم وما بتقعد وبنزل الشعب الكتلوني عالشوارع وكلياتهن بصيحو علاااء أصيل شوما صار يصير برشاوي أصيل شو ما صار يصير , الله أكبر الله أكبر أشهد أن لاإله إلالله أشهد أن محمدا ً رسول الله.
وبعدين بجي أبي وبقلي ولك علاااااااااااااااااااااااااااااااااااااااااااااااا ااااااااااااااااااااااااااااااء
لك قوم صلي بقى
سعدي
03-31-2005, 08:34 PM
أول شغلة حلو كتير هالمنام ... و شكرا
تاني شغلة : يا زلمة لسا ما صرت نجم و صرت بدك تسلخو كف و تاخد صفرا .. الله يعينا على هالنجومية
تالت شغلة : على اساس الجمهور مو عرفانك ... كيف صاروا ينادوا ( من شان الله يا علاءالتالت يالله يا علاء )
رابع شغلة و هي الاهم : توقعت انو ينتهي الحلم بأنو بعد كل هالعروض اللي اجت ... تقول امام الفضتئيات .. لن ارضى بغير الوحدة بديلا ...
أخيرا .. عنجد الحلم كتير حلو ... و شكرا الك :lol: :lol:
أبو لؤي
03-31-2005, 08:37 PM
ولك لسه ما خلصت
وبعد ماوقعت العقد مع برشلونة وبلش عقدي معهم بنصاب بالتمرين وبضل مصاب هييييييييييييييك حتى لعبة القمة مع الريال , وبكونوا الفريقين متعادلين بالنقاط واللعبة على أرضنا بل نيوكامب وبنزلني ريكارد عالسكور بهي اللعبة , بتبلش المبارة وبنتهي الشوط الأول هلي سيطر في برشلونة من بابه لمحرابه بهدف للريال من هجمة وحدة , شغل الله إجى , ببلش الشوط التاني تابع البرشا سيطرته بس ما في حظ , بهالأثناء كان الشعب السوري متسمر عشاشات التلفاز عم ينتظر نزول ابن بلدهم سورية الحبيبة , وعم يسبوا إخت ريكارد هنن والجمهور البرشاوي لآنو ما كان ينزلني صارت الديقة خمسو وستين قلي ريكارد قوم حمي وفزت كاتلونيا وفزت معها سوريا والشعبين عم بصيحوا بصوت واحد علاء علاء وبروح ريكارد منزلني بدال لارسون , بنزل عالملعب وكلي حماس وثوره وكيف ما بدي كون هيك ومية وعشرين ألف واحد عم يهتفوا بإسمي , وأول ما بنزل بياخدو الريال هجمة مرتدة وبوصلوا عمنطقة جزائنا بيطلع فالديز من مرماه وبمسك الطابة وبلعبها لبويول وباص سريع لإكزافي إكزافي لرونالدينيو وبلعبلي باص طويل من نص الملعب ولا أروع و بروح خلال أجزاء من الثانية فاتل مية وتمانين درجة وشالفلكياها صاروخ أرض جو
شق الكولسق , و صاحبكم كاسياس مالوا دريان بشي , طلع عالجمهور الكتلوني وشاف مية وعشرين ألف واحد قايمين ومو قاعدين دار وشو عالمرمى ولقى الطابة بالكول ومن يومها صار معو انفصام بالشخصية وهستريا وجن بعد اللعبة ويروح عمك علاء بعد ما جاب الكول عاملك الدفاع المدريدي تسلياته وفاتحلك شوارع فيه ,تبييضة لكارلوس على ترقيصة لسلغادو على سحبة لصاموييل وخود على فنيات من البرشاوية مرة مني ومرة من رونالدينيو والتالتة من إيتو وهيك لحتى صارت الديقة تسعين والفرص عم تنكب بالجملة وضربة حرة من نص الملعب للبرشا بالديقة تنين وتسعين وبروح عمك ماركيز قادحها رفعة لولبيية يتصل عصدر إيتو ووبعملها مقص قامو بقبضة أيدتينو كاسياس وشتتها الدفاع لنص الملعب , بتصل لبويول بهدي الطابة عصدرو وباص أنيق لرونالدينيو ناحية الشمال وبلمسة برازليية ساحرة ورفع لمنطقة الجزاء وقلت بنفسي هي هية طابتك ياعلاء ونطيتلي مترين بالهوى وصلت الطابة عأجري ودبلتيك متل النار شق كاسياس وشق الكول وشق المدريدية كلهن , وجن جنان كاتلونيا والجمهور البرشاوي رافع العلام السورية والعلام الوحداوية مع العلام الكتلونية والعلام البرشاوية , وعمنادي بصوت واحد , واحد واحد واحد سوريا وكاتلونيا واحد , واحد واحد واحد الوحدة وبرشاواحد ,, الله أكبر الله أكبر أشهد أن لاإله إلالله أشهد أن محمدا ً رسول الله.
وبعدين متل العادة بجي أبي وبقلي ولك علاااااااااااااااااااااااااااااااااااااااااااااااا اااااااااااااء
لك بدك جنني أنت لك يالله قوم صلي الصبح بقى , وبقوم بقرر بالنهاية إني فز وبروح بتوضى وبمد سجادة الصلاة , بطجلي ركعتين , بخلص صلاة وبقعد بدعي وبقول
انشالله نفوز عالمجد بكرى , انشالله نفوز على حطين بالدور السطعش , انشالله نطلع بأقل الخسائر مع أصفهان الإيراني , أستغفر الله لي ولكم فيا قوم المستغفرين استغروا الله , وصلوا على رسول الله , والسلام عليكم ورحمة الله وبركاته .
عاشق البرتقالي
علاء الدين بدوي
عبيدة
03-31-2005, 09:05 PM
والله العظيم يا علاء من سنة ماضحكت هيك وحياة الله انت فلتة وحداوية
عيوني دمعوا بعد فوز برشلونة العالم بالكفي شوب صاروا يطلعو عليي فكروني جنيت
بهنيك على هي المخيلة :!: :wink:
سعدي
03-31-2005, 09:11 PM
صح النوم http://smilies.sofrayt.com/fsc/bedtime.gif
أبو لؤي
03-31-2005, 09:54 PM
كتب sadi krh:
أول شغلة حلو كتير هالمنام ... و شكرا
تاني شغلة : يا زلمة لسا ما صرت نجم و صرت بدك تسلخو كف و تاخد صفرا .. الله يعينا على هالنجومية
تالت شغلة : على اساس الجمهور مو عرفانك ... كيف صاروا ينادوا ( من شان الله يا علاءالتالت يالله يا علاء )
رابع شغلة و هي الاهم : توقعت انو ينتهي الحلم بأنو بعد كل هالعروض اللي اجت ... تقول امام الفضتئيات .. لن ارضى بغير الوحدة بديلا ...
أخيرا .. عنجد الحلم كتير حلو ... و شكرا الك :lol: :lol:
1 ـ يعني لازم تقدر جو التوتر يلي كنا في بهالعبة والكف كان ردة فعل طبيعية بهالموقف هاد بالذات.
2 ـ يعني برأيك بعد كل هل عمايل هلي عملتها ما بدو يسأل الجمهور مين هل اللاعب وشو أسمو على كل حال في واحد من رابطة المشجعين سمع أسمي من إياد ناصر هو وعم يعلق عالمباراة وراح خبر الجمهور .
3 ـ يعني بدنا نأمن مستقبلنا شريك وعلى كل حال الوحدة والبرشا واحد والله لايفرق بيناتهن .
عاشق البرتقالي
علاء الدين بدوي
سعدي
03-31-2005, 09:58 PM
و الله اخي علاء انا معك .. و بالعكس نحنا بيشرفنا انو لاعب من عنا يحترف باسبانيا ... بس القصد انو طالما الشغلة مجرد حلم ... مافي مانع انو تضربنا منية انك رح تبقى كرمال الوحدة :wink:
homam
03-31-2005, 10:55 PM
يا أخي من رأييي روح شتغل كاتب لقصص الخيال

و صح النوم
WASSEEM
03-31-2005, 10:58 PM
الصحيح يا شباب انو انا كنت اددام علاء لما رن موبايلو بلعبة الجيش و شفت هالشي بعيني لدرجة انو علاء طار من الفرحة لما طلع عالخط نيناد و الو يلا يا علاء و اذا علاء فعلا مابيكذب خبر بينزل متل الطييير الطاير على الملعب و بيشلح من فرحتو كل اواعيه و بيلبس طقم الوحدة و فعلا ببوسو نبيل الشحمة بس كأنو نبيل متفاجا بعلاء و كأنو بيشوفو لاول مرة ماعلينا.... بيفوت علاء على الملعب و من اول لمسة ..... :? .....و اذا بيتفركش و بيوقع على راسو بيرد بقوة النسر بيوقف من اول و جديد :x و بيعطيه متل ماحكى تمام بيعطيه الطابة ضرار ردواوي و بدو يشوووووووووووط :cry: واذا بيفلت بوطو من رجلو .................يا حرام
المهم برد بيوقف و بعزيمة النمور متل ماقال و بيركد على لاعب الجيش يلي معو الكرة و بيسلخو شللللوووووووت بنص خلقتو و بياخد الطابة و بيركد عالكول و عميتخطى اللعيبة الحمر واحد واحد و بيوصل عالكول و بدو يشووووووووووووووووووط واذا الجمهور كلو بنادي بصوت واحد متل ماقال تمام بينادي الجمهور بصوت واحد مسخرة الدوري.......مسخرة طلع هاد صوت الجمهور الجيشاوي و طلع الحكم موقف اللعبة من وقت ماوقع لاعب الجيش من افا شلوت علاء و طلع مماعميرقص اللاعبين بس لانو الوحيد يلي ماسمع صفيرة الحكم و اللعيبة كلن واقفين عن اللعب بعد مانعطب لاعبن ............المهم يا شباب مالقا علاء الا و الحكم عميعطيه بطاقة حمراه و عليها اكس اسود يعني ممنوع يفوت عالملاعب بحياتو و يا حرام شوف شو نزل من جمهور الوحدة على علاء قشر موز على قشر برتقال على بندورة يعني للصراحة التاريخية الشب تبهدل و فات عالسكور اكللو شي خمسين رفسة من اللعيبة و المدرب اجا مسكلو وشو لعلاء و طبطب عليه فكر علاء انو عمبياوسي و رد نيناد قلبلو وشو و قلن .مين جاب هاد لهون آم الشباب جاوبوه انت كوتش الن انا؟؟؟؟؟اعوذ بالله شو عمتحكو ؟؟؟ قالولو انت تلفتلو ..قلن اي مو بس لهاد انا تلفنت للاعب تاني و اذا طلعت الشغلة غلط بغلط و خسرنا اللعبة و الكأس و اكلنا هوا و الجمهور عمسب اللعيبة على المدرب حتى صاحبنا سبوه بدون مايعرفو اسمو .....و من ورا هاللعبة العو نيناد و العو المترجم و العو اللعيبة و جابو طقم جديد و علاء حولو على محكمة الامن الرياضي يلي حكمت عليه اما بالاعدام و اما بانو ماعت يحلم بحياتو ........................................


و آخر شي الو القاضي مافشرت جمهور الريال ينطق واحد كاتالوني متلك بينطق انت و كل برشلونة ..............


تحياتي الك اخ علاء و شكرا على احلامك الحلوة :wink:
toto
03-31-2005, 11:17 PM
بماذا يحلم الوحداويون في أحلام اليقظة

لعما لو بقلك شو بحلم انا كل يوم كنت رحت 500 مؤبد و 300 مرة إعدام
أبو لؤي
04-01-2005, 11:45 AM
كتب waseemghazi :
الصحيح يا شباب انو انا كنت اددام علاء لما رن موبايلو بلعبة الجيش و شفت هالشي بعيني لدرجة انو علاء طار من الفرحة لما طلع عالخط نيناد و الو يلا يا علاء و اذا علاء فعلا مابيكذب خبر بينزل متل الطييير الطاير على الملعب و بيشلح من فرحتو كل اواعيه و بيلبس طقم الوحدة و فعلا ببوسو نبيل الشحمة بس كأنو نبيل متفاجا بعلاء و كأنو بيشوفو لاول مرة ماعلينا.... بيفوت علاء على الملعب و من اول لمسة ..... :? .....و اذا بيتفركش و بيوقع على راسو بيرد بقوة النسر بيوقف من اول و جديد :x و بيعطيه متل ماحكى تمام بيعطيه الطابة ضرار ردواوي و بدو يشوووووووووووط :cry: واذا بيفلت بوطو من رجلو .................يا حرام
المهم برد بيوقف و بعزيمة النمور متل ماقال و بيركد على لاعب الجيش يلي معو الكرة و بيسلخو شللللوووووووت بنص خلقتو و بياخد الطابة و بيركد عالكول و عميتخطى اللعيبة الحمر واحد واحد و بيوصل عالكول و بدو يشووووووووووووووووووط واذا الجمهور كلو بنادي بصوت واحد متل ماقال تمام بينادي الجمهور بصوت واحد مسخرة الدوري.......مسخرة طلع هاد صوت الجمهور الجيشاوي و طلع الحكم موقف اللعبة من وقت ماوقع لاعب الجيش من افا شلوت علاء و طلع مماعميرقص اللاعبين بس لانو الوحيد يلي ماسمع صفيرة الحكم و اللعيبة كلن واقفين عن اللعب بعد مانعطب لاعبن ............المهم يا شباب مالقا علاء الا و الحكم عميعطيه بطاقة حمراه و عليها اكس اسود يعني ممنوع يفوت عالملاعب بحياتو و يا حرام شوف شو نزل من جمهور الوحدة على علاء قشر موز على قشر برتقال على بندورة يعني للصراحة التاريخية الشب تبهدل و فات عالسكور اكللو شي خمسين رفسة من اللعيبة و المدرب اجا مسكلو وشو لعلاء و طبطب عليه فكر علاء انو عمبياوسي و رد نيناد قلبلو وشو و قلن .مين جاب هاد لهون آم الشباب جاوبوه انت كوتش الن انا؟؟؟؟؟اعوذ بالله شو عمتحكو ؟؟؟ قالولو انت تلفتلو ..قلن اي مو بس لهاد انا تلفنت للاعب تاني و اذا طلعت الشغلة غلط بغلط و خسرنا اللعبة و الكأس و اكلنا هوا و الجمهور عمسب اللعيبة على المدرب حتى صاحبنا سبوه بدون مايعرفو اسمو .....و من ورا هاللعبة العو نيناد و العو المترجم و العو اللعيبة و جابو طقم جديد و علاء حولو على محكمة الامن الرياضي يلي حكمت عليه اما بالاعدام و اما بانو ماعت يحلم بحياتو ........................................


و آخر شي الو القاضي مافشرت جمهور الريال ينطق واحد كاتالوني متلك بينطق انت و كل برشلونة ..............


تحياتي الك اخ علاء و شكرا على احلامك الحلوة :wink:

لك حبيبي أنا قلتلك أني كنت عم إحلم
يعني عم شوف حلم مو كابوس
بقى الله يخليلياك ويرضالي عليك
إملنا ردك من هون وحطو بصفحة الكوابيس
وخلينا عم نحلم عـ رواء دخيل عينك
يعني ما بكفي الحقيقة خربانة
كمان بدكم تخربولنا أحلامنا وتعركرولنياها
أشو هاد يا زلمة
عالم حقودة مابتحب تشوف حدا مبسوط .

بس يالله بسيطة ولا يهمك
كل شي من الوحداوية مقبول
والله وبتمونوا عـ عضام الرقبة يا شباب.
يحيى الوحدة ويحيى عشاقه

بس شو هي طبطبلوا ما طبطبلوا
طبطبك قاشوش يقشك على هالحكي

بس وينك يعني بالرغم من إنك عم تتمسخر على حلمي
بس والله ضحكتلك من كل قلبي

تحياتي إلك أخ وسيم , وشكرا ً على كوبيسك البشعة .
ــــــــــــــــــــــــــــــــــــــــــــــــــ ــــــــــــــــــــــــــــ
عاشق البرتقالي
علاء الدين بدوي
سعدي
04-01-2005, 11:51 AM
يا سيدي حلمك حلو ... بس كابوس وسيم مو حلو بنوب .... بس من حقك تحلم و من حقه يحلم :lol:
سعدي
04-01-2005, 11:59 AM
بماذا يحلم الوحداويون في أحلام اليقظة

لعما لو بقلك شو بحلم انا كل يوم كنت رحت 500 مؤبد و 300 مرة إعدام
.
.
.
ولي عالاجرام ... :evil:
أبو لؤي
04-01-2005, 04:58 PM
لك شفتوا شلون حلمي كان فال خير عالفريق
وهي إجى الكول بأخر ثانية متل ماصار معي بالحلم
ومهند خراط يلي جاب الكول كان عالسكور
كمان متل ماصار معي بالحلم
وكان صرلو زمان مع يلعب
كمان متل ماصار معي بالحلم
وحتى توقعاتي لنتيجة المباراة ظبتت
لأنو كنت متوقع أربع نتائج
وكان من بيناتهن الفوز بنتيجة تلاتة , تنين.
عاشق البرتقالي
علاء الدين بدوي
محمد الزوبي
04-02-2005, 01:57 PM
مرحبا أخ علاء موضوع حلو .. بس بصراحة أنا ما بحب الرياضة
وبالغلط دخلت عالموقع
أبو لؤي
04-02-2005, 02:15 PM
:? إيه الله لايعطيك العافية على هالفوتة هلي فايتة , شو وين مفكر حالك فايت على موقع جيشاوية , رو طلاع لحق حالك , أوام قبل ما يلـطوك

:o لك صعي لسه اليوم كانو عم بنبهونا

:D ولا قلك أخي محمد, يالله بلا ما ناكل بهدلة من المشرفين
أهلا وسهلا فيك أخونا محمد , نورت الموقع والله , يا هلا بيك حبيب قلبي , تسلملي عينك
بس ليش ما بتحب الرياضة حبيبي محمد , حبيبي محمد الرياضة كتير شغلة حلوة وممتعة وما حدا بحس بمتعتها إلا يلي عايش بأجوائها


وكما قال القائد الخالد {حافظ الأسد}
{ إني أرى في الرياضة حياة }
فالرياضة حياة بكل ما لهذه الكلمة من معنى

أهلين أخي محمد شرفت وأنست والله
همام
04-04-2005, 09:52 PM
ههههههههههههههههههههههههه مشكور وشكرا كتير على ردودك الحلوة
مع انك برشلوناوي :x
EmadAsfour
03-03-2006, 12:14 AM
انت مشان الله فيك شي


ذكرتني بحلم رونالدو ولوكسمورغو كمان
بس كل شي بصير
abou malek
03-03-2006, 12:22 AM
حبيت ذكر الشباب
اسم toto
لأبو مالك وقت كنت موقوف من قبل المشرفين لأني كنت مشراني :oops: :oops:
بهاء
03-03-2006, 02:33 AM
ما شاالله شو الكن جلد عالكتابة يا شباب

أنا والله مالي جلد اقرا كل هاد :oops: :oops:
مـهـنـد
03-03-2006, 04:37 PM
هههههههههههههههههههه
اي شو هلأحلام الحلوة أخي أبو لؤي
بس شو بدك بالحكي والله فوتتني بالحالة وأشعر بدني
بس الأحلى الكابوس يلي عملو الأخ وسيم
عنجد هالمنتدى كتير حلو ومهضوم
وأحلى شباب وأحلى أنلكة وأحلى تأفيل
وأحلى وحداوية
syria alasad
03-03-2006, 04:57 PM
موضوع حلو أبو لؤي أبو شريك ....
حقنا انو نحلم ونادي الوحدة كبييييييييييييييييييييييييييييييييييييييييييييير
وما بدنا غير شوية دعم مع كم لاعب محترف خمس نجوم
وان شاء الله وقتها منوصل للعالميات
Zizou
03-03-2006, 10:03 PM
أخي أنا دائما بحلم أنو فريقنا بيوم من الغيام خيصير واحد من اكبر الأندية بالمنطقة و حيصرلو ملعب خاص فيه و استثمارات كبيرة و لاعبين كبار و شغلة و لدينو
و يا أخي مافي أحلى من أنو الواحد يحلم
ربيع
03-04-2006, 08:55 AM
ياريت نشوف فريقنا متل ماحلم ابو لؤي
S@MER
03-05-2006, 11:50 AM
شو هل الحلم يمكن صرلك مية سنة ما لك نايم
malak
03-06-2006, 08:03 PM
إييييييييييييييييييييييييه شو نايم نومة أهل الكهف؟؟؟؟؟ :)) :)) :)) :)) :)) :))
zhoor
03-13-2006, 01:09 AM
لك أبو لؤي بمنامك أنا ماكتشفني نيناد معك لما كنا عم نلعب ببرشلونا بس أنا حترفت بالبايرن مو برشلونا :m(
أبو جورج الوحداوي
03-14-2006, 03:06 AM
بماذا يحلم الوحداويون في أحلام اليقظة


أنا بحلم بالوحدة لا بالفتوة ولاباليقظة