لؤي طالب : من يهدر الفرص يخسر ..

[wahdawia.net]

راي الكابتن لؤي طالب مشرف الكرة .. بعد لقاء الشرطة الاخير ...
قدمنا مباراة جيدة , اضعنا فرص عديدة والذي يهدر ويضيع ضربة جزاء سوف يندم ويخسر , حتى ان البدلاء لم يكونوا بالمستوى المطلوب ,, لكنني اشعر بالبهجة من لاعبينا الصغار , فكرة القدم اليوم تحتاج الى سرعة واداء وهذا ماكان عليه فريقنا بالمباراة الماضية .. وعلى العموم سابقا كان فريقنا باسماء لامعة وترتيبه متاخر , واليوم بنفس الترتيب مع لاعبين صغار وافضل هذا الوضع بصراحة , بوجود لاعبين هم عماد الفريق مستقبلا ,
واي لاعب خبرة يؤدي ويثبت نفسه لن نتخلى عنه .. واطالب الجمهور البرتقالي في حال نقد اي لاعب عدم التعرض له بالذم , ان لم يؤدي بالشكل المطلوب , فيوما من الايام كان هذا اللاعب او غيره قدم خدم الفريق لسنوات عدة ....

[وحداوي انا]

والله الكابتن لؤي كلامك صحيح من يضيع الفرص يخسر
بالتوفيق للوحدة امام الاتحاد

[ابو وسام]

يعطيك العافية كابتن لؤي
انا اكتر الشي مخليني افرح انو عم يطلع عنا شباب قادرين يرفعو اسم النادي

[أبو عامر]

واللي بينزل كمان ينال اباظة يا كابتن لؤي والله اكيد بدو يخسر مو بس ضياع الفرص متل ما تفضلت

[f.torres]

اكيد يلي بدو يضيع فرص رح يخسر
وطبعا الكابتن لؤي بيقصد ينال بكلامو الاخير

[Ammar Alfarawati]

ان شاء الله المباريات الجاية نستغل الفرص ونتعلم من الاخطاء .. هي كرة القدم

[فادي النابلسي]

واللي بينزل كمان ينال اباظة يا كابتن لؤي والله اكيد بدو يخسر مو بس ضياع الفرص متل ما تفضلت

مع احترامي لرأيك بس يعني حاجة نشوف من طرف واحد طيب المحترف تبع الشرطة مر من ينال بسهولة وماحدا بينكر أنو ينال خلص كازو.
طيب مين كان عم بغطي يونس سليمان ؟؟؟؟؟؟ يلي كان معاه اتنين من الشرطة ماحدا ماسكهن وسجل برياحة ..والهدف الأول والعارضة وكل هل هجمات للشرطة ينال دخلو فيها ؟ لاعب خدمنا سنين ودافع عن ألوان النادي سنين مهيك منكافئو .

[أبو عامر]

مع احترامي لرأيك بس يعني حاجة نشوف من طرف واحد طيب المحترف تبع الشرطة مر من ينال بسهولة وماحدا بينكر أنو ينال خلص كازو.
طيب مين كان عم بغطي يونس سليمان ؟؟؟؟؟؟ يلي كان معاه اتنين من الشرطة ماحدا ماسكهن وسجل برياحة ..والهدف الأول والعارضة وكل هل هجمات للشرطة ينال دخلو فيها ؟ لاعب خدمنا سنين ودافع عن ألوان النادي سنين مهيك منكافئو .

وانا مالي ناقص نظرياتك حبيب الله يرضى عليك خدمنا سنين على راسي بس اي لاعب لك بدو يحفظ الشي اللي قدمو للفريق ما يساهم بضررو وضرر هالجمهور هاد خدمنا على راسي من فوق بس ما يكون سبب بجلطان الجمهور

[wissam82]

إن شاء الله فريقنا بيقدم مباريات كبيرة بما تبقى من هذا الموسم

والموسم القادم الوحدة شكل تاني بعون الله ..

مشكوور الكابتن لؤي .. الله يوفقه دائما ..

[برتقالي للعظم]

والله يا جماعة ورب العزة أول ما قال معلق المباراة أنو أنس صاري رح يفوت على أرض الملعب قلت لحالي الله يستر
وفعلا هو يلي جاب المباراة لفريقه
أنا أقترح للكابتن أبو حامد أنو بحط بباله هاللاعب للموسم الجاية لأنه حرام يكون على دكة بدلاء الشرطة ونحنا بحاجة لواحد بمواصفاته أحسن من عارف الآغا الهداف الخالص والشعبو الحردان
والله على قد ما انبسطت انو الشعبو اجا عالوحدة وبنيت أمل كبير عليه بس ما حبيت منه بنوب هالحرد هاد والله عيب على لاعب محترف يحرد
يا ترى لو كان عم يلعب بالأردن ولا لبنان كان حرد ؟؟
بس برجع وبقول اذا ما كان عنا لاعب شاب مهاجم هداف من النادي أنا بقترح لأبوحامد أنس صاري يكون بفريقنا السنة الجاية

[جيرارد]

كلام صحيح كابتن لؤي مشكور
بلتوفيق للوحدة بلقادمات

[SH@@MI]

كلام موزون من الكابتن لؤي

انا شفت اللعبة قبل شوي اعادة عالجزيرة
بالملعب كنت ملاقي الأداء سيء جداً
بس لما شفتها عالتلفزيون وبالاعداة وباعصاب باريدة لقيت الأداء مو سيء لهالدرجة بالشوط التاني

[DIABO MAN]

برافو كلام حلو