soltaan_alwehda
03-26-2010, 11:44 PM
السلام عليكم شباب اول شي هاردلك على الخسارة انا حابب احكي شغلة هلى بالنسبة لموضوع الدوري خلص مشي الحال يعني مافي امل لى بالصدارة ولاخوف من الهبوط لانو يلي تحتنا عم يخسروا هلى جايتنا منافسة كاس الجمهورية يعني لو الكابتن نزار محروس يلعب الشباب بكل المباريات ويعطيون فرصة قبل كاس الجمهورية لانو في شباب مناح وهي الشي بين يعني ازا بينزل شباب وبيخسر مارح نزعل هيك بنعرف انو عم يجهز لكاس الجمهورية وهي اكبر دليل انو الراحل نيناد اخد بطولة الكاس قبل الدوري واليوم في شغلة حلوة اكيد لاحظتوها انو شي الشيخ عم يتقالم مع الفريق وهلى صار عنا لاعيبة شباب بالهجوم ومناح واكيد شفتو اليوم مين صنع ضربة الجزاء الاعب الشاب علي رمال يعني في تغيير عم يصير لازم هلى نترك الدوري شوي ونفكر بالكاس بركي بنطلع بشي هال السنة يعني بصراحة لازم نطلع بتعادل لولى اضاعة ضربة الجزاء وانا بحمل مسؤلية الهدف الثاني لينال اباظة يلي خلى رائد الكردي يفلت منو ويمرر لينوس سليمان بقا كابتن ينال كنت صخرة الدفاع بالوحدة من زمان وهي كان واضح بس العمر الو حقو بقا يعطيك الف عافية كابتن ينال ابو محمد انا بتمنى من الكابتن نزار انو يلعب شقالو اساسي ويعطيه الفرصة منشان كاس الجمهورية بكون احسن بالنسبة لزياد شعبو باحيف عليك انت عم تلعب ادام جمهور مابينكر فضل لاعب او مدرب هي الراحل نيناد لحد الان الو زكرى حلوة ومارح تنتسى رح اجيك للاعبين المحترفين يلي كانو بالوحدة متل موسى تراوري كمان الو زكرى حلوة رح اعطيك لاعب سوري كمان لحد الان بيهتفلو جمهور نادي الوحدة اياد مندو يلي لعب بدمو لنادي الوحدة بقا انت منشان انو الجمهور طالب بخروجك من الملعب عملت قصة كبيرة يعني اليوم بظل النقص يلي بالوحدة لو لعبت وسجلت كول ماكان الجمهور هتفلك وحياك وراح كلشي بس رح قول شغلة للكل يلي مفكر انو نادي الوحدة خزنة مصاري بنقبض وبنروح او مفكرو مئوى عجزة بيكون غلطان بقا ابو حامد خلصنا من هال النفسيات لعب شباب وعطيون فرصة ولو خسروا العب المطبقية بس جهزهون للكاس الجمهورية بتكون فضلت على راسنا وانا رح كون مشجع للوحدة بكل ظروفوا وشكرا