صيحات ولكن !!!!!!!!!!!

[وحداوي انا]

في مبارة الشرطة وفي الشوط الثاني ومن على المدرجات أخذت صيحات الاستياء و الاستهجان تطال بعض اللاعبين المقصرين في الأداء وهنا لا تستطيع أن تلوم من يغير على النادي ومصلحته لكن أن تطول هذه الصيحات من يعمل على تصحيح مسيرة النادي وإعادة بنائه فهنا لا تستطيع أن تقف مكتوف الأيدي دون أن تفهم على الأقل سبب هذا الكلام
بعد نزول ينال و بعد تلقي الوحدة للهدف الثاني قلة من الجمهور تناولت المحروس !!!!!!!!!!!!!!
تناولت من يعمل بإخلاص وتفاني للمستقبل والله لم احزن من الخسارة بقدر حزني على قلة من الجمهور لا يملك بعد نظر
نسي أو تناسى أن المحروس جاء ليستلم أنقاض فريق
المحروس بنفسه قال انتظرونا الموسم القادم
الفريق ضعيف ودكه البدلاء خاوية إلا من لاعب أو اثنين لكن المحروس استطاع توظيف بعض من الشباب إلى جانب المحترفين لنرى الوحدة يلعب ويبدع ويسيطر
المحروس بتبديلاته يتحمل الخسارة هكذا قالوا وأجاوبهم
هل المحروس من أضاع فرص الشوط الأول ؟؟؟؟؟
هل المحروس من أهدر ركلة الجزاء ؟؟؟؟؟
وأقولها بأعلى صوت أنا مع المحروس حتى 2013 وما بعد 2013 انشاء الله

[SH@@MI]

هو ااقحام ينال خطأ المحروس اليوم

[<IBRAHIM>]

اكيد مالازم حدا يسب ابو حامد او اللاعبين بس بنفس الوقت النقد البناء حلو والشتائم مرفوضة جملة وتفصيلا
واكيد كلنا مع المحروس والسنة الجاية موعدنا ان شاء الله

[wissam82]

والله مستحيل خسارة مباراة أو خطأ بمباراة يخلوا ثقتي
بالكابتن نزار تزحزح ..

الكابتن نزار مدرب قدير وخبير وهو الأقدر على بناء فريق منافس بالمستقبل القريب
وإعادة أمجاد النادي بإذن الله ..
والفريق الحالي بعناصره ماله علاقة فيهم لا من قريب ولا من بعيد
وهو مجبر يكمل الدوري بالعناصر الحالية ..

مع نزار لأخر المشوار ...

[وحداوي انا]

هو ااقحام ينال خطأ المحروس اليوم


انا معك ينال اليوم نزولتو غلط وهو بيتحمل الهدفين
بس مومعقول لما الفريق بيلعب وبيسيطر بيقولوا والله العيبة لعبت اليوم
ولما الفريق بيخسر بيحطو الحق على المحروس صحيح ؟

[bashardo الوحداوي]

هو ااقحام ينال خطأ المحروس اليوم

والله مو خطا ياعمورة
بس وقت اللاعب بيخون ثقة المدرب شو بدو يساوي اصلا مافي بديل

[max alwahdawi1]

هو ااقحام ينال خطأ المحروس اليوم

يا اخي انتوا عم تقولوا تنزيل ينال غلط

اي صح بيكون غلط بس ايمتا وقت يكون عندك بدلاء مو وقت يكون ما عندك غير السيد ينال

هون اكيد المدرب متطر انوا ينزلوا اسموا مدافع مافي غيرو على دكة الاحتياط

[wassim80]

أنا حكيت يعني لو في اي اسم تاني عالبنش غير ينال .. كنت اعتبرت خطأ وجسيم كمان عالمحروس


بس مافي بدلاااااااااااااااااااااااااااء ياجماعة ماااااافي ؟؟؟؟

[sameer.adawi]

أنا حكيت يعني لو في اي اسم تاني عالبنش غير ينال .. كنت اعتبرت خطأ وجسيم كمان عالمحروس


بس مافي بدلاااااااااااااااااااااااااااء ياجماعة ماااااافي ؟؟؟؟


طيب ما يجيبووووووووووووووووووووووووووووا جابو المنيح والعاطل ما عرفوا يستنضفو مدافع يجيبوه , ليش وقعوا مع ينال , كان بداريا وعين الله حولوا , يجيبوا من الشباب , فريق الشباب كلو ما فيوا ولا مدافع متل العالم ؟

نداء إلى ينال اباظا : يا اخي مالديني اعتزل ونيستا انشل , خلص اعتزل بئا رفقاتك كلن راحو.....

[wissam82]

عنا عصام شقالو مدافع ،، وأدائه كان معقول ببداية الدوري

وأكيد ئد ما كان سيئ ما بتوقع إنه أسوء من ينال ..

بكل الأحوال هي المباراة انتهت وجل من لا يخطئ ،، المهم الاستفادة من الدروس
والله يمضي هالموسم على خير و بأقل الخسائر الممكنة ..

والموسم القادم غير بإذن الله ..

[ابوالعبد الوحداوي]

والله ما عاد رحت عالملعب مشان ما اسمع مسبات عالكابتن نزار أو حدا من اللعيبة .....
وبالنسبة لاشراك ينال يعني في بديل والكابتن نزار أشركو ؟؟؟

[عمار عبار]

طيب انا كنت موجود ليش ما قلي انزل العب

[وحداوي انا]

طيب انا كنت موجود ليش ما قلي انزل العب


ياريتني شفتك اخ عمار مشان شوفك شخصي واتعرف عليك على راسي عمار الورد

[عدنان شيخاني]

بس ياجماعة مو معقول انو لاعب واحد يخرب فريق كامل حلو عن ينال والباقي ماقدم شي كمان

[جيرارد]

طيب انا كنت موجود ليش ما قلي انزل العب

مشان هيبتك عمارو بتعرف انت

[أبو عرب]

بزمانو الجمهور ساواها....(مسبة ابو حامد)
وعلى اثرها ترك النادي ومرض
ولازم هدا الشي ما يتكرر لانو الكابتن كتير حساس
وما بيتعوض

[wahdawi4ever]

عمي الكابتن نزار مالو علاقه بالخساره هاد الشي يلي بين اديه شو بدو يساوي فريق منتهيه مدتو وصلاحيتوا

وبعدين والله يا شباب ما روح اللعبه غير عمر خليل ضربه جزاء كبا وبعدا فورا انغراده كمان ضيعا وكبا برا شو بدوا اكتر


من هيك شو بدو الكركر يفتحلوا الكول ويئلوا تفضل

[DIABO MAN]

املنا بالموسم القادم والاخطاء بيتحملها الجميع بدون استثناء

[فهد قيطاز]

يا شباب مابدنا نتاخد بالضوج كلنا مع الوحدة قبل أي أسم ولو كان نزار
بس حرام الواحد يحكي زمته بدلاء ماعنا وحتى يلي بأرض الملعب لئوي
تشد أيدك وبعدين بركي الشقالو مو جاهز منيح مامنعرف الاسباب الزلمة
شاف أنو ينال ممكن يفيدو وماطلع قد الثقة وبعدين لو أستغلينا فرص الشوط
الأول وضربة الجزاء كانت المباراة النا

[f.torres]

يلي صار صار ونحنا مع نزار لاخر المشوار
تركونا من مباراة الشرطة وخلينا نفكر بالاتحاد

[زينكو]

حسن شي بساوي الكابتن نزار لايخلي الفريق يكمل الدوري
ويبلس من هلاء يساوي فريق للموسم القادم

[Ammar Alfarawati]

وبعدين والله يا شباب ما روح اللعبه غير عمر خليل ضربه جزاء كبا وبعدا فورا انغراده كمان ضيعا وكبا برا شو بدوا اكتر

عمر ماضيع اللعبة , اي لاعب ممكن يضيع ضربة جزاء هي عادية جدا ,

[MHDFA]

هاردلك لكل الوحداوية
يا شباب انا زعلان وفرحان بنفس الوقت
زعلان عالخسارة بس فرحان لانو صار عنا شباب
يعني صار في حيوية بأرض الملعب حاجتنا مكرسحين
وختايرة و فهمكم كفاية بالتوفيق للوحدة