آخر خبر : ملص و القوطرش و السيد بقائمة واحدة .....

[wahdawia.net]

وحداوية.خاص

و أخيرا سيعود ابناء النادي لبيتهم
و أخيرا سيعود الدم البرتقالي الى عروق نادينا الحبيب
و أخيرا ستبدأ حملة النهوض بالنادي بعض فوضى السنين الماضية
و أخيرا سنعود لنرى ملص و قوطرش و عب الحي و السيد و حسينو و البقية
في صالاتنا و ملاعبنا و بين طرقات نادينا.......

زبدة الكلام .....
توجت اجتماعات ابناء النادي (( د.ممتاز ملص. حسام السيد.أحمدقوطرش))
بالاتفاق على تشكيل قائمة انتخابية موحدة و دخول الانتخابات البرتقالية بها
الاسبوع القادم ...
و بهذا سيكون
د.ممتاز ملص رئيسا لنادي الوحدة.
أحمد قوطرش عضو مجلس ادارة مسؤولا عن كرة السلة
حسام السيد عضو مجلس ادرة مسؤولا عن كرة القدم

هذا مااتفق عليه الجميع باجتماع أمس علما أنه سيعقد اجتماع موسع جدا
مساء اليوم يضم جميع ((جميع)) أبناء النادي ليضعوا تصوراتهم و أفكارهم
للمرحلة القادمة بالنادي و ليضعوا اللبنة الأولى نحو دخول الجميع الى النادي
بيد واحدة و قلب واحد باذن الله .
و اتفق الجميع أن سببا وحيدا عرفه الجميع كان وراء خروج ابناء النادي و تلاشى
هذا السبب اليوم لتعود المياه لمجاريها و يعود ابناء النادي لبيتهم و عشقهم...

و لتقوض هذه القائمة الانتخابية كل الجهود التي كانت تنوي اختراق القوائم ليبقى
للبعض عصا سرية و ايادي طويلة لتفشيل عمل النادي بالمستقبل .....

بوركت جهودكم يا ابناء نادينا الحبيب ...
نريد منكم أن يعود نادينا علما رياضيا عاليا من اعلام سورية الأسد....

[سعدي]

يا هيم الاخبار عند الصبح يا بلا

الله يوفق كل واحد بمركزو

الدكتور ممتاز هو الانسب للادارة .
بالنسبة للسلة ما حدا بينكر خبرة القوطرش
بالنسبة للقدم .. حسام يمكن يكون الاقرب لهالمنصب
منتمنى يصير تنسيق بين جميع الاطراف
و بالنهاية ما بدنا غير انو يرتفع اسم نادينا ..
و منتمنى من اصحاب رؤوس الاموال يرجعوا للنادي و يدعموه

[فراس لطفي]

حلوة القائمة بس بتصير احلى مع محمد حمشو و صفوان نظام الدين

[nation]

عذرا من الجميع إذا كان الهدف عودة الجميع إلى النادي فيا مرحب
أما إذا كان تقاسم كراسي فيعني عفوا


حسام السيد لاعب جيد اداري مع الفريق بس مسوول كرة يعني كبيرة شوية عليه لأنه جاب في السنة الماضية جميع لاعبي فريق الجيش وانا برايي ما بيحك جلدك غير ظفرك
يعني اذا ما اشتغلنا شوية على الصغار ما بميشي الحال
عذرا هذا رايي وانا احترم الجميع

[<IBRAHIM>]

:cool::cool::cool:الحمد لله ضليت سهران مشان اقرا هيك خبر روعة

[kashi]

صباح برتقالي 100بلمية بتوفيق يا وحدة

[EmadAsfour]

هذه الاخبار الحلوة

شي بيفرح القلب

كل مين اخد دوره الصحيح

[الأدعشري]

أنا ضد استلام حسام كرة القدم والله قرفنا المشاكل والحرد و العصابات والحروب نريد اشخاص مثل الأستاذ صفوان نظام الدين أما باقي القائمة انا معها 100%

[حسان الحسيني]

يعني مابعرف حسام شوبدو بالادارة بهل الوئت الحالي وبالاخص انو بدو يكون مسؤول عن الكرة بالنادي وشفنى تجربته السابقة ؟؟؟؟؟؟؟؟؟؟؟؟؟؟؟؟؟؟؟؟

[الصالحية]

يارب التوفيق

[وحدااا للعضم اااوي]

الحمدلله
واخيرا فرجت

[الرومانسي الفرحان]

أحلى خبر من عند الصبح والله من ألبي فرحان

من زمان عم نستنى نسمع هل الاخبار مشان مايعود يصير فتن بالمستقبل

من أعداء النادي

[ABOU MALEK]

هي خبرية حلوة من بعد ما كان ابو سيجار مخرب الكل

بس برأي حسام المنصب كبير عليه لانو اذا ما عجبو ببلش الجلعصة و عندز مصلحة اخو فوق كل شي و بفضلها على حساب النادي

اما قوطرش لا كلام لانو الشخص المناسب بالمكان المناسب

و يفضل يكون انور و حسينو لانهم اشخاص اخلاقيين و سمعتهم متل المسك و بيتشغلوا من قلبهم

[crespo]

قائمه حلوه وبالفعل خبريه حلوه وانا شايف مافي داعي حده هلئ يقول بدنا هاد ومابدنا هاد فتحو صفحه جديده وبضل الكابتن حسام ابن النادي ومابيقصر اكيد
بس انا كنت متمني يرجع صفوان نظام الدين لانو هاد احلى زلمه مر على نادي الوحده

[inzaghi 9]

مافي داعي حده هلئ يقول بدنا هاد ومابدنا هاد فتحو صفحه جديده وبضل الكابتن حسام ابن النادي ومابيقصر اكيد


:))

صحيح

الوحدة للجميع والجميع للوحدة

وهالقائمة أزالت كتير من الشكوك

وبتضل أفضل من أنه تكون قائمتين متضادتين

[mezo]

المهم يرجع الوحدة أيام زمان

[هنو]

الكل ممتازين
ومو لازم ننسى ابداً ابو النو و ابو طارق و عساف
و الرائعين صفوان و مجحمد حمشو
و تجار الشام عشاق البرتقالي

[wissam82]

الحمد لله رب العالمين فعلا خبر رائع جداً ...

ويلي معترضين على وجود حسام السيد بالإدارة يعني ما بعرف

كأنه شو ما عمل هالرجل ما بيعجبكم ,, هي هو ترك موضوع رئاسة النادي لتفادي أي شرخ بالإدارة وبين أبناء النادي وفضل يكون مساهم بالشي يلي بيفهم فيه وهو لعبة كرة القدم

شو بدكم أكتر من هيك .؟؟؟؟؟؟؟؟؟؟؟؟؟؟؟
وجود حسام السيد بالنادي أمر ضروري كتير وخاصة لعلاقاته الشخصية القوية بالتجار والداعمين ,, وما حدا ينقض تعاقداته السابقة لان كلها كانت جيدة نوعا ما

من أحمد الخالد الرائع إنتهاءاً بالتركماني يلي طلع قليل وفاء بس هاد مو ذنب حسام ,, لان لما عملنا استفتاء على مين منفضل بين التركماني ولا الأغا الكل اختار التركماني ......

بتمنى الكل يفتح صفحة جديدة ويصفي نيته ويدعو بالتوفيق للإدارة الجديدة بالكامل لأنه هالوقت بالذات هو وقت التكاتف بين الكل ..

والله يوفق الجميع لمصلحة النادي ...

[سامو]

الحمدلله هاد خبر بينسمع بس شو مشان الدعم المادي من مين رح يكون!!؟؟؟

[<IBRAHIM>]

الحمد لله رب العالمين فعلا خبر رائع جداً ...

ويلي معترضين على وجود حسام السيد بالإدارة يعني ما بعرف

كأنه شو ما عمل هالرجل ما بيعجبكم ,, هي هو ترك موضوع رئاسة النادي لتفادي أي شرخ بالإدارة وبين أبناء النادي وفضل يكون مساهم بالشي يلي بيفهم فيه وهو لعبة كرة القدم

شو بدكم أكتر من هيك .؟؟؟؟؟؟؟؟؟؟؟؟؟؟؟
وجود حسام السيد بالنادي أمر ضروري كتير وخاصة لعلاقاته الشخصية القوية بالتجار والداعمين ,, وما حدا ينقض تعاقداته السابقة لان كلها كانت جيدة نوعا ما

من أحمد الخالد الرائع إنتهاءاً بالتركماني يلي طلع قليل وفاء بس هاد مو ذنب حسام ,, لان لما عملنا استفتاء على مين منفضل بين التركماني ولا الأغا الكل اختار التركماني ......

بتمنى الكل يفتح صفحة جديدة ويصفي نيته ويدعو بالتوفيق للإدارة الجديدة بالكامل لأنه هالوقت بالذات هو وقت التكاتف بين الكل ..

والله يوفق الجميع لمصلحة النادي ...
كلام دهب وسام ويلي عندو غير شي يبلط البحر

[Ammar Alfarawati]

ويلي عندو غير شي يبلط البحر

اي كنت بدي رد بطلت اذا هيك بدي ناقش واحد مالو قابل الراي الاخر كيف بدي ناقش يا برهوم .

هلا بعرف كلامك مالو موجه الي... بس اذا كل واحد بدو يقول هيك خلينا نسكر المنتدى احسن شي .. لان مارح نصل لتوافق بالنهاية اذا هيك .

[Nassib kabbani]

نتمنى ان تتضافر كل جهود محبي النادي لنعود كما كنا

[<IBRAHIM>]

اي كنت بدي رد بطلت اذا هيك بدي ناقش واحد مالو قابل الراي الاخر كيف بدي ناقش يا برهوم .

هلا بعرف كلامك مالو موجه الي... بس اذا كل واحد بدو يقول هيك خلينا نسكر المنتدى احسن شي .. لان مارح نصل لتوافق بالنهاية اذا هيك .
عمار مشان الله انت اكتر من مرة غلطت بحقي وانا طنشت لانك صديقي
انا قلت يبلط البحر ما قلت يخرس ويسد حلقو ويروح يحكي يلي بدو ياه انا مالي مشرف لامنع العالم من الحكي بقا مشان الله

[Ammar Alfarawati]

ردك برهوم ليش شو بينفهم منو؟

بعدين وين غلطت معك انا وليش لتسكت حقك لاتسكت عنو بتاخدو من رقبتنا ..

[<IBRAHIM>]

مابعرف بس شوف ردك بموضوع المقابلة
ومشان نقطة السيد شو بدك ياه ينقلع من النادي لما يشتغل ناطور
ما اختلفنا ناطور ناطور
رشحلي اسم بدالو لياخود مركزو هات لنشوف مين رأيك وليد الشريف يعني
خلينا نتناقش على بساط احمدي

[M o H a M e D]

لك مشان الله طولوا بالكم وسكرولنا هالسيرة ...

حسام قرر عدم الدخول بقائمة لوحده ... و دخل بقائمة موحدة مع جميع أبناء النادي يلي الكل بيشهدلهم بالوفاء و الاخلاص ...

يعني يلي كنا عمنتستناه و نحلم فيه ممكن يكون واقع ... والله يكملها معنا يارب ...

[<IBRAHIM>]

الانسان قبل ما ينتقد اي شخص لازم يرشح بديل بمركزو ويبين افضلية كل واحد عن التاني

[Ammar Alfarawati]

يعني ردك هاد دليل تسرعك بردودك...

لك رح اجي معك وليد شريف قلتلي

اي وليد كلو مالو مرشح حالو ...شفت كيف متسرع ياريت تفكر بتمهل قبل ماترد .

[<IBRAHIM>]

عمار مشان الله جاوبني عقد سؤالي انا عم قلك مثال ما تترك النقطة الاساسية من السؤال وتلتفت للقشور
كلمة وحدة هات اسم فقط لاغير ومستعد ناقشك للصبح

[Ammar Alfarawati]

عندك كتير منهم فجر ابراهيم ...

[<IBRAHIM>]

بانتظار الاسم عمار :teas:teas:teas

[Ammar Alfarawati]

الرد سبقك ياصديقي..

[<IBRAHIM>]

ماشي معك فجر
فجر شو بيتميز عن حسام
فجر كمدرب افضل شي اكيد
بس سؤالي شو المنصب تبع حسام وشو مهامه هل هو مدرب شي

[<IBRAHIM>]

الرد سبقك ياصديقي..
سبقتني :mad::mad::mad:

[wissam82]

حسام قرر عدم الدخول بقائمة لوحده ... و دخل بقائمة موحدة مع جميع أبناء النادي يلي الكل بيشهدلهم بالوفاء و الاخلاص ...

يعني يلي كنا عمنتستناه و نحلم فيه ممكن يكون واقع ... والله يكملها معنا يارب ...
تمام هالكلام

بس فيه ناس رغم هيك مو عاجبها ,, يعني لا إذا رشح حاله لرئاسة النادي ولا إذا فضل يكون فقط عضو إداري ولا إذا بيترك النادي كله ما بيعجبهم ...

والله العظيم نفس هالمعترضين اذا بيطلع من النادي كله واذا صار بكرا شي مشكلة لا سمح الله بالنادي فورا رح يقولوا انه هو يلي عم يعمل هالمشاكل من بعيد .....

انا شايف إنه فعلا الشي يلي كنا نتمناه وهو وجود أكثر أبناء النادي الكفوء بالنادي بإدارة وحدة وهالشي يلي رح يخلينا نرجع بإذن الله لأيام العز ..

لو شو بدكم أكتر من هيك ,, صفوا النية وادعو بالتوفيق ..

[wissam82]

فجر ابراهيم ما بينفع يكون إداري هو بينفع يكون فني أكتر

لأنه شخصيته مو قوية كتير ,, بس فنياً ممتاز جداً ...

يعني ممكن فجر ابراهيم يكون ضمن لجنة لاختيار مدرب أجنبي ولاعبين على مستوى عالي ,, وهذا يلي منتمناه ...

شو يعني بالنادي كله ما بيصير يكون غير واحد بيفهم بكرة القدم ؟؟؟؟

بالعكس المفروض نستفيد من كل الخبرات الوحداوية ...

[Ammar Alfarawati]

حسام كان لاعب حطينا دغري مدير فني ...يعني سوريا دائما في شئ مميز حتى بهي

فجر صرلوا زمان عم يدرب وبسوريا ومتابع للدوري السوري من بابه لمحرابه وبيعرف كل لاعب ..عندو خبرة معقولة صار

وشفنا تجربة حسام السابقة كمدير فني ماحلنا ننسى ..

[<IBRAHIM>]

عمار كلامك عيني شو مهام المدير الفني شرحلي ياها بس

[wissam82]

وشفنا تجربة حسام السابقة كمدير فني ماحلنا ننسى ..
ليش شبها التجربة السابقة يا حبيبي .؟؟؟؟؟؟؟

وهو شو مسؤوليته بالفشل بالموسم الماضي إذا النادي بكل ألعابه وفئاته كان فاشل بسبب الإدارة وهو طلع من بداية الموسم يعني ما لحقنا نشوف خيره من شره ..

[Ammar Alfarawati]

على مستوى سوريا :mrgreen: رح قلك

ينقي اللاعبين (كشراء )


برا

يشتري لاعبين ويحط الخطط للنادي وحتى الو راي بالمدرب يلي بدو يدرب الفريق ...

المدرب شغلتو يمرن (كبدنيا) اكتر منها ينقي ويشتري لاعبين وحتى في اندية المدرب بس بدرب وطبعا في استثناءات..

[سامي حرح]

اذا موجود معناها حمشو موجود

[Ammar Alfarawati]

وسام شفنا مين ابعد ومين جاب

كم مرة بدنا نكرر القصة

انا ماحملته فشل النادي كله انا حملته مسؤولية انتقاء اللاعبين ... بردود سابقة اذا بتذكر.

[<IBRAHIM>]

لح اشرحلك ياها عالسريع انا
مهمتو متابعة الفريق والاستماع للمدرب واللاعبين واي شي بيطلبوه ومحاولة اتمام الصفقات يلي هو بالاصل مالو علاقة فيها ويلي المدرب بيرشح اسماء وهو مهمتو التفاوض مع انديتهم
يعني بالمختصر المدير الفني لازم يكون شخص يتمتع بشخصية قوية والو علاقة واتصالات مشان اتمام الصفقات
وكل هالشي موجود بحسام ومابتوقع موجود بفجر على سبيل المثال
وبالنسبة للتجربة الفاشلة ( حسب رأيك يلي بنحترمو ) بالنسبة لحسام
فهو مو ذنبو انو هو يلي تعاقد مع اللعيبة هي غلطت المدرب يلي هو لازم ينقي اسماء واذا صار في اي تسلط منو مثلا وحاول يفرض رأيو فالادارة موجودة وبكل بساطة بيقدر يشتكي المدرب

[wissam82]

أحمد الخالد ما عاد يعجبك .؟؟؟؟؟؟؟؟؟؟؟؟؟؟

وسفير أتاسي يلي رجع للكرامة وما أخد فرصته معنا ما عاد يعجبك ؟؟؟؟؟؟

والإبعادات جبلي دليل قاطع من أي لاعب انه هو ئله علاقة بإبعاد أي لاعب لأسباب شخصية ...

[<IBRAHIM>]

ومشان اللعيبة يلي اجت وراحت وين الادارة وين المدرب هي بالاصل مو من صلاحيتو وبرأي اذا كان في مدرب بيتمتع بشخصية قوية وادارة بتحترم حالها ماكان صار يلي صار

[<IBRAHIM>]

عمار شوف اغلب الاندية الكبيرة بالعالم اغلب الاحيان المدير الفني بيكون مالو اي علاقة بكرة القدم لا من قريب ولا من بعيد
متل ديفيد جيل مانشستر
روسيل برشلونة
غالياني ميلان
موجي اليوفي

[M o H a M e D]

يعني بغض النظر عن تجربة حسام السابقة كانت ناجحة أو غير ذلك ....

أكتر يلي انتقدوه ... انتقدوا التعاقدات و حملوه سبب فشل النادي بهي التعاقدات ..
لنرجع و نشوف مين أجا ع النادي خلال فترة حسام ...
عمر خليل .. أحمد الخالد .. سفير أتاسي ..قصي حبيب ... البيروتي .. اياد عبد الكريم .. عبد الهادي خلف .. التركماني... الاسطنبلي ... الجبيلي " يلي جابه لكن رفض .. مابعرف بصراحة مين يلي رفضه " ...

طيب هالأسماء هل هيي أسماء فاشلة ..؟؟!! هل هو مهمتو يأمن عسكرية سفير و الاسطنبلي و قصي ..
.
طيب خلونا ما نرمي الحكي هيك ... احكوا بصراحة تامة .. و خلونا نفهم عليكم ...

[Ammar Alfarawati]

تقريبا في اتفاق على المهمة بيناتنا..ومتل ماقلتلك هو وبرا في فرق.

وفجر انا وضعته كمثال بس كلامك عنه انو مالو موجود فيه قوة الشخصية فهي موجودة شفنا كيف صارت مشكلة كبيرة وقت ماهر ليكون كلامو الماشي وبعدها ماهر اعتذر لرجع عالمنتخب. وقت بوجيدار بس اذا بتتذكر انه كان هو صاحب الراي بعدم لعب ماهر ... ومتل مابتعرف ماهر اسم كبير بالمنتخب ممكن ياثر عليه امام الجمهور.

[wissam82]

عمار كأنكم قلبتو الموضوع كله ..

رد محمد الأخير كتير منطقي وصحيح

بعدين يكون حسام بالنادي ويشتغل ايده بإيد الكل مو أحسن ما يكون برا ويضل فيه انشقاقات وشللية بالنادي ؟؟؟

[<IBRAHIM>]

على مستوى سوريا :mrgreen: رح قلك

ينقي اللاعبين (كشراء )


برا

يشتري لاعبين ويحط الخطط للنادي وحتى الو راي بالمدرب يلي بدو يدرب الفريق ...

المدرب شغلتو يمرن (كبدنيا) اكتر منها ينقي ويشتري لاعبين وحتى في اندية المدرب بس بدرب وطبعا في استثناءات..
لا سمحلي قلك عمار هي مو شغلة المدير الفني واي مدرب محترم ما بيرضى بهل الشي

[Ammar Alfarawati]

الحبيلي يلي ابعده هو حسام ...حسب معلوماتي


عمر خليل لاتضحكوني مو هو يلي جابو وانا بعرف مين جابه وكنت على ايام الصفقة

سفير اكترنا انتقدو وقت كان يلعب هلا صار منيح

البيروتي مع احترامي اله ولشخصه ولخدماته مابنكر انه خدم بس كان اخر مو بايام عزه الازور احسن برايي

اياد مافي خلاف عليه بس اياد وقت طلبو نيناد بزمانو رفض حسام لانه رح ياخد محله كان... وقصي ممتاز بس مالعب ومنعرف تدخل نادي الجيش..

عبد الهادي جيد ...


وازنو بقى بيلي حكيتو...

[<IBRAHIM>]

فجر ابراهيم ما بينفع يكون إداري هو بينفع يكون فني أكتر

لأنه شخصيته مو قوية كتير ,, بس فنياً ممتاز جداً ...

يعني ممكن فجر ابراهيم يكون ضمن لجنة لاختيار مدرب أجنبي ولاعبين على مستوى عالي ,, وهذا يلي منتمناه ...

شو يعني بالنادي كله ما بيصير يكون غير واحد بيفهم بكرة القدم ؟؟؟؟

بالعكس المفروض نستفيد من كل الخبرات الوحداوية ...


كلام حلو كتير هو وورد محمد

[Ammar Alfarawati]

بعدين يكون حسام بالنادي ويشتغل ايده بإيد الكل مو أحسن ما يكون برا ويضل فيه انشقاقات وشللية بالنادي ؟؟؟

انا حكيت رايي من قبل وسام وقلت الي رايي بحسام وقلت مين مادخل اذا

[Ammar Alfarawati]

بعدين يكون حسام بالنادي ويشتغل ايده بإيد الكل مو أحسن ما يكون برا ويضل فيه انشقاقات وشللية بالنادي ؟؟؟

انا حكيت رايي من قبل وسام وقلت الي رايي بحسام وقلت مين مادخل اذا اشتغل للنادي مو لشخصه انا معه (الكلام عام).

بس وقت رديت على برهوم انو كنت بدي رد ماكان قصدي انه رايي من راي الشخص يلي رد عليه

بس طريقة رده بتخلي ماحدا يرد ...يعني متل يلي عم يقول رايي صح وبس .


على كل مافي مشكلة انا جاهز لاي شئ والنقاش حلو مع برهوم.

[<IBRAHIM>]

الحبيلي يلي ابعده هو حسام ...حسب معلوماتي


عمر خليل لاتضحكوني مو هو يلي جابو وانا بعرف مين جابه وكنت على ايام الصفقة

سفير اكترنا انتقدو وقت كان يلعب هلا صار منيح

البيروتي مع احترامي اله ولشخصه ولخدماته مابنكر انه خدم بس كان اخر مو بايام عزه الازور احسن برايي

اياد مافي خلاف عليه بس اياد وقت طلبو نيناد بزمانو رفض حسام لانه رح ياخد محله كان... وقصي ممتاز بس مالعب ومنعرف تدخل نادي الجيش..

عبد الهادي جيد ...


وازنو بقى بيلي حكيتو...

بشكل عام كلشي حكيتو مزبوط ومع تخفظي على رأيك بسفير
والبيروتي كان افضل المتاحين
المهم بشكل عام الاسماء جيدة ومرتبة واكيد من المستحيل تكون كل الصفقات ناجحة
وبرجع بقلك هي مو شغلتو لحسام وهي مهام المدرب وطلع لبرا وشوف
حتى شوف حسين عفش مع الاتحاد كان كل شي بدو ياه يساويه وما حدا يقلو لا:b(

[Ammar Alfarawati]

اذا بتحب تابع برهوم بس رد وسام متقاطع كان.

[<IBRAHIM>]

على كل مافي مشكلة انا جاهز لاي شئ والنقاش حلو مع برهوم.
انت احلى عمارو :prm
وبعرف انا انو كانت لهجتي حادة بعض الشيء بس هالشي بسبب كم واحد بيطلعو المسلم عن دينو :evil: :evil: :evil::crdr:crdr

[Ammar Alfarawati]

برهوم حسين عفش كان المدرب والمدير الفني بوقت واحد اذا بدك..

[SH@@MI]

وصفوان نظام الدين
:cry:
ما حيكون معهن

[wissam82]

لك خلص ادعو بالتوفيق للإدارة والنادي كله وصفوا نيتكم خلي الله يوفق النادي

اذا نحنا كجمهور ومتابعين منقسمين هيك شلون يلي بالنادي لكن

لك أأأأأأأأأأخ بس ,, يا ريت يكون المنطق والعقل دائما هو المتحكم ....

[وحداوي موت]

والله خبر حلو كتير كتير
الله يوفقهن اهم شي انو الملك عمر حسينو موجود
وجود هيك شخص بيخلي الكل يتطمن انو البقية قلبهن على النادي مو متل الجلطة يلي كان
الله يوفق الجميع يا رب

[حمودي اليوفاوي]

احلى خبر ..وشكرا لحسام السيد لانو قبل يدخل بقائمة موحدة
وانشالله كل الاسماء رح تعمل وتتعب من اجل البرتقالي

[<IBRAHIM>]

برهوم حسين عفش كان المدرب والمدير الفني بوقت واحد اذا بدك..
غلط عمارو الراشد كان المدير الفني :bs) :bs) :bs)

[سعدي]

شو ما عاد عنا غيركن برهوم و عمار ؟
افتحوا ماسنجر .. :mrgreen:


انا برأيي انو اذا بتزبط هالادارة ..
و الكل بيحط عقلو براسو
النادي بيمشي افضل بكتير

و حسام هلأ غير حسام قبل ..
هلأ في تحدي جديد .. و كل مين رح يدخل هالادارة .. بتوقع انو يكون عندو هالتحدي الجديد و هو انقاذ النادي بعد الدمار الي تسببت فيه عدة ظروف ...

[M o H a M e D]

خلص فهمنا أبو السعود من رد واحد ... مابدها 5 - 6 ردود لنفهم :mrgreen:

[سعدي]

خلص فهمنا أبو السعود من رد واحد ... مابدها 5 - 6 ردود لنفهم

مدري شو صرلو علق الكمبيوتر ..
صار يزت الردود ورا بعض .. حسيت عندي ادسل 8 ميغا


اشتغلت بعدها بالحذف .. :b(

[Zizou]

كنا منتمنى حدا تاني غير حسام يكون مسؤول عن كرة القدم بس عودة أبناء النادي و اتفاقهم على العمل المشترك هي لحالها بتفرح

[Hazem]

إذا صح الخبر و ظبطت القائمة فهي أحسن قائمة ممكن تجي و هيك قائمة رح ترجع الجمهور اولاً و ستعمل على البناء من الداخل ثانياً
و الله الموفق.

[SAD LoOoVER]

شباب لوا استلم كرة القدم زيغالو البرازيلي او اي مجرب او اي اداري ما بينجح الا اذا حسن يوفر الاستقرار يلي فقدووا النادي كتير و كتير

و الله يسمعنا الاخبار الطيبة ......

[mmrdem]

لك شبك برهوم هلكتو لعمارو نازل فيه يعني شكلك معصب وجايي تتفشش فيه حرام عليك الزلمة عسكور وكلو بيتفشش فيه حتى انت يابرهوم بدك تتفشش على كل ازا موضوع حسام السيد كتير مدايقكون ليش مانعمل حل وسط نجيب المدرب ويفضل اجنباوي ويكون هو مسؤول عن كرة القدم وتحاسبو الادارة بنهاية الموسم على نتيجة عملو بس والله ياجماعة نحنا عمنختلف على مين بدنا ومابدنا والاندية زبطططت امورها وتعاقدت مع مدربين ولاعبين ابهة يعني هلق مين مااجا ماعاد يلحق يعمل شي

[حسان الحسيني]

رح يصير فيكم متل وئت الانتخابات تبع رئاسة النادي وكان وئتها رائيكم انو الحبوباتي وبس ومابدكم غيره
وهل نفس الشي وشفنا كيف كلكم نقلبتو عليه
رح نبلط البحر حبيب بس بكيفنا مو بكيفك
((وماناقشني جاهلا الا وغلبني ))

[سعدي]

يعني كل مشاكل السنة الماضية و تخبيص الحبوباتي عم ينرمى على حسام

ما عم قول انو حسام احسن انسان بالعالم
و انو حسام هو الوحيد الليب بيقدر يشغل هالمنصب

بس كمان مو معقول نحط كل مشاكلنا على حسام .. لنو هلأ صار نوعا ما بالواجهة .. و قبل هيك كان الحق كلو على حبوباتي لنو حسام ما كان بالواجهة .

انا برأيي المتواضع انو اذا بتنجح هالقائمة مع هالاسماء رح يكون شي كتير منيح للنادي

ما حدا بيعرف يمكن رأيي صحيح .. و يمكن لأ

[حسان الحسيني]

بس اكيد بلحمة جاج

[S@MER]

الحمد الله وأن شاء الله
نسمع الأخبار حلوة على طول

[wassim80]

الله يوفئون كلون دون استثناء

وأنا مع القائمة قلبآ وقالبآ

[WAEL -AL BRNE]

اي ها هاد خبر بيفرح الئلب لانو والله ملينا من الاخبار يلي بتحزن

[<IBRAHIM>]

رح يصير فيكم متل وئت الانتخابات تبع رئاسة النادي وكان وئتها رائيكم انو الحبوباتي وبس ومابدكم غيره

وهل نفس الشي وشفنا كيف كلكم نقلبتو عليه
رح نبلط البحر حبيب بس بكيفنا مو بكيفك
((وماناقشني جاهلا الا وغلبني ))

ليك حبيب بتمنا تحترم حالك وما تغلط وتعلا بالكلام بيكون افضل انا هادا المنتدى متل بيتي وما بحب ساووي مشاكل فيه بقا ياريت توزن كلامك تاني مرة بيكون افضل

[<IBRAHIM>]

بالنسبة للاخ صالحية
فاروق سرية هل جنينا او فقدنا عقلنا لنطالب بهيك اسم ويلي هو عرأس قائمة تخريب الرياضة بسورية واكبر منتفع ومدمر ( ومشان ما تزعل انا جنيت مشان تقلي عم اشتمك )
عبد الرزاق الحمصي ما كان بالادارة السابقة وما سمعنا صوتو وكان حسب السوق بنسوق وما فتح تمو بكلمة وحدة عن يلي كان عم يصير
صفوان نظام الدين عنجد عم تحكي :roll: تاجر كبير ومالو فاضي يحك شعر راسو اضافة لانو شو فهمو بهل الشغلة انسان بعيد عن الرياضة السورية بشكل عام و كرة القدم بشكل خاص
فجر ابراهيم مدرب مالو اداري اضافة لانو شخصيتو مو قوية كتير
رياض المصري ما بعرف اي شي عنو
مروان عرفات هل عرض حالو ورفضنا لما بدنا نروح نتدخل عليه ليرشح حالو



بالنهاية لح اشرح بكلمتين خفاف نضاف شو يعني اداري كرة القدم يلي هو مو اسمو مدير فني لانو مدير فني يعني مدرب والظاهر انو الكتير ما عم يميزو المفركة من المجدرة

اداري الفريق :
مهامه
تأمين حجوزات الفريق وتنقلات الفريق داخل وخارج دمشق والاشراف على ذلك من معسكرات لمباريات ودية لمباريات رسمية
الاتفاق مع لاعبين الاندية التانية بعد ترشيح المدرب لاسماء معينة والاداري مالو اي علاقة باسم اللاعب المختار وعليه فقط التفاوض مع اللاعب وناديه
تأمين رواتب اللاعبين عن طريق الادارة اضافة لمقدمات العقود
الاستماع لمشاكل اللاعبين والمدرب وايصالها للادارة ومناقشتها مع اعضاء الادارة الباقيين

بتمنى انو تكون الصورة وضحت

[الأدعشري]

براهيم كلمتك يبلطو البحر مو حلوة بنوب لأنو المنتدى مو بس انت وعمار بفوتو عليه
كل واحد ألو رئي وأذا بدك كمان قول اللي ضدو لحسام بدي اعملو اتلة!!حبيبي انا ضدو لحسام السيد لأنو ملينا من المشاكل فهمها بقا الزلمة منيح وعلى عيني وعلى راسي بس ما بدنا ياه في عندك كتير عالم بتستلم هالمنصب ..
متل ماقلت فجر عندك عساف عندك صفوان نظام الدين ..

[EmadAsfour]

حسان حسيني

محمد حامد











حسام السيد دخل لادارة بناء على طلبه وبناء على طلب شخص مين
من اجل دعم كرة القدم؟؟؟؟؟؟؟؟؟؟؟؟؟؟؟؟؟؟؟

[M o H a M e D]

هلأ كلكم تركتوا الموضوع و لحقتوا كلمة لبرهوم .. أنا بجزم أنو ماكان قاصدها و طلعت عفوية ...
وبالنهاية أنا معكم كل واحد حر برأيه و نحنا عمنفوت ع المنتدى مو لنفرض رأينا انما لنسمع رأي الاخرين .. وهي وظيفة المنتدى ...
.
بالنسبة للأخ محمد " صالحية " .. بصراحة كلامك فيو كتير تناقضات و مغالطات و مالو دقيق ...
.
بعدين ياشباب يعني هالهجوم الحاد على حسام شو الجدوى منه ... القائمة صدرت .. و بنسبة كبيرة حنتجح .. تركوا الزلمة يشتغل و بعدين قيموا عمله ...

الحكي و الهجوم هاد لا حيقدم و لا حيأخر ... بالعكس حيزيد الانقسام بالنادي بالوقت يلي نحنا بأمس الحاجة لوحدة البيت البرتقالي ...

[الصالحية]

يا سيد ابراهيم مشرف كرة القدم غير إداري الفريق

مين يلي عرفان المجدرة من الفريكة


مشرف كرة القدم خبرة إدارية


إداري الفريق يلي حكيت عنه أي موظف بالنادي بيعمل حجوزات ووووووووو


ثانيا مروان عرفات وفاروق سرية خبرات كروية رائعة


بس هيكيلية الأتحادات الرياضية عنا ما بتسمح بنجاحات


ومروان عرفات حين تسلم إتحاد كرة القدم قدم لكرة القدم السورية


ماعجزت عنه كل الأتحادات السابقة


فما بالك حين يتسلم نادي


يعني إتحاد على حجم أصغر


ونحن لا نقول انه لم يرشح نفسه هو أو غيره


ولا تطالب بطرح أسماء


لأن هذه المجموعات الأدارية هي هي منذ سنوات طويلة


ولا يمكن لأحدهم أن يطالب بشخص أفضل منه



أما بالنسبة لصفوان نظام الدين


بالسابق كان رئيس نادي وإداري قدم وسلة ومحاسب وكل شيء


وقدم للوحدة ما عجزت عن تقديمه إدارة كاملة


وإن كنت تعشق حسام فهذا حقك


لكن وضع الوحدة الحالي بحاجة لخبرات نقية نقية


يعني النادي لا يحتمل مشاكل


وأما محمد صاحب كلمة التناقضات


أنا أتحدث عن لاعب بالفريق منذ سنوات طويلة ولم أغير رأيي فيه


وأنا اليوم بدأت أتأكد أننا فعلا بحاجة حسام السيد


وأطالب فيه من هذه اللحظة


ليأتي ويجلب معه هذا الذهب للنادي


وإن فشل سيكون اسمه بالمحرقة للأبد كما الأدارة السابقة


ويلا يا بنرتاح من مشاكله مرة واحدة أو بنرتاح من كل الجمهور الباقي


يعني يارح يبقى النادي بجمهوره او سيجهزون على ما تبقى



فالتاريخ لا يرحم وكل واحد معروفة إنجازاته وما قدم للنادي


من خير ومن شر



أرجو أن لا نبلط البحر مرة أخرى

[<IBRAHIM>]

خلص انا بعتذر عن النقاش معكن لحقتوني عكلمة بس مو مشكلة مافي اشطر مني بتصيد اخطاء الغير وبانتظار اي زلة منكن

[nation]

يا شباب الواحد بيكون معصب وما بيكون قاصد الكلمة
وانا مع ابراهيم انو حسام اخذ فرصته وتعاقد مع لاعبين لم يكونوا اكفاء وكان له دور في ابعاد اولاد النادي

يعني بالنسبة لي يرجع رافت
ويعود غسان لمستواه
ونلعب بالعكرمة والعاجي والعاقل والسيد وفداء وشوشرة مع كم لاعب شباب احسن من كل
اختراعات السيد حسام بالتعاقد مع لاعبين من امثال الرائع ملك الفرص الضايعة ملك التسلل

المنتهي زمنه من زمان مع الكرامة التركماني

[Ammar Alfarawati]

ياريت تكون الشباب استوعبت راينا وتفهمته

انه يلي عم يطالب بغير حسام همه مصلحة الوحدة اولاً واخيراً

بالنسبة الي مالي ضد كشخص لحسام بس عمله السابق شفته انه مابيناسب هلا يكون ضمن ادارة النادي...

[الصالحية]

يا شباب الواحد بيكون معصب وما بيكون قاصد الكلمة
وانا مع ابراهيم انو حسام اخذ فرصته وتعاقد مع لاعبين لم يكونوا اكفاء وكان له دور في ابعاد اولاد النادي

يعني بالنسبة لي يرجع رافت
ويعود غسان لمستواه
ونلعب بالعكرمة والعاجي والعاقل والسيد وفداء وشوشرة مع كم لاعب شباب احسن من كل
اختراعات السيد حسام بالتعاقد مع لاعبين من امثال الرائع ملك الفرص الضايعة ملك التسلل

المنتهي زمنه من زمان مع الكرامة التركماني


إذا أنت لست مع أبراهيم


انت مع الحقيقة


فأبراهيم وجهة نظره تختلف تماما عما كتبت انت


إقرأ المشاركات ويسلم تمك

[Ammar Alfarawati]

ابوشاكر قال كملة لمدربنا في لقاءنا مع الكرامة في الذهاب بمامعناه تخلص من هذا اللاعب ...:sad:

[الصالحية]

ياريت تكون الشباب استوعبت راينا وتفهمته

انه يلي عم يطالب بغير حسام همه مصلحة الوحدة اولاً واخيراً

بالنسبة الي مالي ضد كشخص لحسام بس عمله السابق شفته انه مابيناسب هلا يكون ضمن ادارة النادي...

واخر ماسمعته انه تم التوافق على الدكتور ملص كرئيس نادي والبقية انتخاب ولا قوائم... هي اخر المعلومات يلي عندي.


كل كلامك يا عمار صحيح مية بالمية


وأظن أن الأيام القادمة ستثبت صحة هذا الكلام


حياك عمار

[الأدعشري]

براهيم مالنا عم نتصيد الكلمات بس الواحد بدو يفكر قبل ما يحكي لانو المنتدى الو حرمتو و كان بامكانك تعدلها تاني شي متل ما تفضل الأستاذ عمار انو اللي ضد حسام كل همو مصلحة النادي لأنو بحاجة لوجوه جديد شنو جرب حظو حسام و فشل بسبب المشاكل
و محاربته من قبل اشخاص لذلك نحن بحاجة للهروب من الشر ونغنيله كرمال يرجع النادي يأقلع من جديد أنا
عماد عصفور
حسان حسني

[الصالحية]

مين هاللاعب عمار

[wissam82]

أخي انا مع ابراهيم

وابراهيم ما عم يدافع عن حسام حباً بحسام السيد يلي ما فيه بينهم أي معرفة شخصية ,, وإنما وجهة نظره إنه هو شخص عنده شخصية قيادية وقوية وفهمان بشغله وبإذن الله اذا توفرتله البيئة المناسبة للعمل

رح ينجح ويتوفق بعمله بإذن الله ...

يا شباب خليكم منطقيين مين ما استلم خلينا ننتظر ونشوف نتيجة شغله وعمله بعدين نحاسبه ....

[<IBRAHIM>]

نعم انا مع حسام وعراس كل شهر بيصلني راتب منو حدا بيمانع هالشي وبفضلو على الكل وانا وحسام ومن بعدي الطوفان بتمنى تكون وصلت الفكرة :whi

[الصالحية]

أخي انا مع ابراهيم

وابراهيم ما عم يدافعاً عن حسام حباً بحسام السيد يلي ما فيه بينهم أي معرفة شخصية ,, وإنما وجهة نظره إنه هو شخص عنده شخصية قيادية وقوية وفهمان بشغله وبإذن الله اذا توفرتله البيئة المناسبة للعمل

رح ينجح ويتوفق بعمله بإذن الله ...

يا شباب خليكم منطقيين مين ما استلم خلينا ننتظر ونشوف نتيجة شغله وعمله بعدين نحاسبه ....


كلامك سليم

بس كيف عندو شخصية قيادية


وهو مهندس الفتن والمشاكل من عام 1994 بنادي الوحدة


بعدبن كم مرة بدنا نجربه


وكيف فهمان بشغله


وقبل الموسم الماضي برحيل اللاعبين ودخلنا على الدوري بدون مهاجم


وخط دفاعنا مهزوز


خبرني يا طير

[الصالحية]

نعم انا مع حسام وعراس كل شهر بيصلني راتب منو حدا بيمانع هالشي وبفضلو على الكل وانا وحسام ومن بعدي الطوفان بتمنى تكون وصلت الفكرة :whi


خلي روحك رياضية أبراهيم فأسمك مسجل على لوحة الشرف هذا الأسبوع


ماحدا قال أنك هيك نحن جميعا لم نختلف معك شخصيا


نحن إختلفنا من حيث وجهات النظر والتجارب


ولو كنت ممن يتواجدون في أروقة النادي وتسمع الأدارات كيف تحل الأمور


وكيف تخلق المشاكل


ما كنت حكيت بهالأسلوب


تبقى صديق عزيز داخل المنتدى


ولكل وجهة نظر

[wissam82]

وقبل الموسم الماضي برحيل اللاعبين ودخلنا على الدوري بدون مهاجم


وخط دفاعنا مهزوز


خبرني يا طير

والله انا يلي شايفه إنه الفريق يلي عم تقول عنه ما فيه خط دفاع ولا فيه خط هجوم هو نفس الفريق يلي نافس على اللقب

وحقق الانجازات بعهد المدرب القدير نيناد يلي حضرتكم حاربتوه

بس الفرق هو بالمدرب وقوة شخصيته ,, يعني جل اللاعبين هنن نفسهم

وبأخر سنة قبل رحيل نيناد كان الفريق هو نفسه وبظل غياب كامل لخط الهجوم حتى ماهر كان مصاب أكتر من تلت رباع مراحل الدوري والتراوري كان خالص كازه

ورغم هيك كان الفريق عم ينافس وطلع مركز تالت .........

وبالعكس السنة يلي بعدها يعني الموسم الماضي اجانا بعض اللاعبين ببعض المراكز على مستوى أفضل من الموسم قبل الماضي

مثل أحمد الخالد وعودة عمر وعلي خليل وشفاء ماهر من الإصابة ورغم هيك شفت بعينك الفريق كيف كان ...

بس خلص أنتو أي مصيبة بدها تصير أو صارت ولو بالصين المسؤول عنها هو نيناد وحسام السيد ,, وكأنه الباقي كلهم حروف ساكنة

من ناحية المشاكل بكل اسم فأنا مستعد حطلك مشاكل كل رمز من أبناء النادي تبعنا ...

لهيك نادينا هو نادي الشلل والمشاكل ولما نشوف انه فيه بداية توافق بين هالأسماء لازم نفرح مو نحاربهم قبل ما يبلشوا شغل ...

[<IBRAHIM>]

[quote=wissam82;88360]

بس خلص أنتو أي مصيبة بدها تصير أو صارت ولو بالصين المسؤول عنها هو نيناد وحسام السيد ,, وكأنه الباقي كلهم حروف ساكنة

quote]
صار المركز التالت مصيبة بفريق نصو مصابين و تفادي الهبوط انجاز :whi

[الصالحية]

يا أبراهيم النجم الذي يمشي بخطى ثابتة لا ينطفئ

ولا يهمنا ما قيل أو يقال عن المحروس


فلا وجه تشابه بتاتا وشتان الفرق بين الأثنين


هاهو المحروس لاعب سوري وعربي نجم كبير


مدرب بدأ يخطو خطواته نحو القمة


محلل خبير في قناة الجزيرة



كوبا أمريكا وكأس أسيا




عرض عليه تدريب المنتخب أكثر من مرة لكنه رفض


إنسان خلوق ومحترم وهو حاج لبيت الله الحرام


ولا يستطيع أحد أن يقول المحروس غير ذلك




أما عن الفريق السنة الماضية كان بدون خط هجوم


نبيل الشحمة المندو صانع ألعاب ضرار رداوي صخرة الوسط


ينال أباظة قلب الدفاع صفوان حبايب ورأفت محمد الجناحين الطائرين



هذا عدا عن الكبتول والعاجي والعاقل فكيف كان الفريق نفسه

هل نسنيا ما عانيناه الدوري الماضي

[الصالحية]

اخي صالحية هل اكتفيت اتهامات لحسام
ما رأيك بنزار والكلام الذي كان يذكر عنه وكيف كان يشتم اللعيبة باقسى الشتائم ضمن التدريب وكان غير محبوب من الغالبية


من هي الغالبية وأين هم


لم أسمع عن لاعب واحد داخل الوحدة

قال ذلك


سوى من كان يريد الفتن للفريق


أسأل لاعبي الجيش عن المحروس يا حباب


هاهم لاعبي شباب الأردن


وعلى رأسهم السوريون


رأفت محمد ربط مصير بقائه ببقاء نزار


لماذا


لأنه يشتمه

[سعدي]

ما بدنا يتحول الموضوع الى تبادل اتهامات ...
ما في انسان كامل ...

يعني اذا بدي اعرض من كل شخص فقط السيئات ... هالموضوع رح يكون نقد هدام و ليس بنّاء

بتمنى ما يتطور الموضوع اكتر من هيك
صاروا اكتر من 100 مساهمة و 11 صفحة
يا ريت نحاول قدر الامكان نستوعب بعض .. و ما نركز فقط عالسلبيات ..
لكل انسان رأي
و كل واحد عرض رأيه
مو ضروري انو حدا يجرح بغيرو .

[<IBRAHIM>]

يا أبراهيم النجم الذي يمشي بخطى ثابتة لا ينطفئ

ولا يهمنا ما قيل أو يقال عن المحروس


فلا وجه تشابه بتاتا وشتان الفرق بين الأثنين


هاهو المحروس لاعب سوري وعربي نجم كبير


مدرب بدأ يخطو خطواته نحو القمة


محلل خبير في قناة الجزيرة



كوبا أمريكا وكأس أسيا




عرض عليه تدريب المنتخب أكثر من مرة لكنه رفض


إنسان خلوق ومحترم وهو حاج لبيت الله الحرام


ولا يستطيع أحد أن يقول المحروس غير ذلك




أما عن الفريق السنة الماضية كان بدون خط هجوم


نبيل الشحمة المندو صانع ألعاب ضرار رداوي صخرة الوسط


ينال أباظة قلب الدفاع صفوان حبايب ورأفت محمد الجناحين الطائرين



هذا عدا عن الكبتول والعاجي والعاقل فكيف كان الفريق نفسه

هل نسنيا ما عانيناه الدوري الماضي
المحروس مدرب كبير ومافي داعي تدافع عنو لا انا ولا انت يلي ساووه مع شباب الاردن بيكفي وبيوفي
بس الظاهر انك مبتعد عن النادي فترة طويلة لانو الاسماء يلي ذكرتها نصها خالصة صلاحيتها يا اما بتلعب بغير اندية
الشحمة السنة يلي قبل الماضية كان مع جبلة :whi
الاباظة نفس الشي:whi
المندو مع الكرامة:whi
العاجي كان السنة الماضية بالقرداحة والاردن مو معنا وهالسنة لرجع :whi
الرداوي مستواه صار بالارض بعد الاصابات ومع الفتوة ما بين ليبين مع الوحدة
ومشان الكبتول والحبايب ما بقلك غير :prm
الحبايب ساكن قريب منا الله يستر عليه لاعب موهوب وفنان:wink:

[<IBRAHIM>]

من هي الغالبية وأين هم


لم أسمع عن لاعب واحد داخل الوحدة

قال ذلك


سوى من كان يريد الفتن للفريق


أسأل لاعبي الجيش عن المحروس يا حباب


هاهم لاعبي شباب الأردن


وعلى رأسهم السوريون


رأفت محمد ربط مصير بقائه ببقاء نزار


لماذا


لأنه يشتمه
نفس الامر بينطبق على حسام انا يلي بيهاجموه هو واخوه نفس الفئة دائما وبرأي همن الفتن متل مو برأيك يلي بيهاجمو المحروس جماعة الفتن وتذكر رأيك كل انسان حر برأيو :))
انا ما عم قلك انو هالحكي صحيح بس متل ما انت عم تذكر شي سمعتو انا عم اذكرلك شي سمعتو من اشخاص موثوقين
ومشان شباب الاردن اكيد طريقة التدريب لح تختلف لانو الانسان اجباري وقت يكون ضيف بشي مكان ما لح يتصرف بنفس ما بيتصرف بيبيتو

[<IBRAHIM>]

ما بدنا يتحول الموضوع الى تبادل اتهامات ...
ما في انسان كامل ...

يعني اذا بدي اعرض من كل شخص فقط السيئات ... هالموضوع رح يكون نقد هدام و ليس بنّاء

بتمنى ما يتطور الموضوع اكتر من هيك
صاروا اكتر من 100 مساهمة و 11 صفحة
يا ريت نحاول قدر الامكان نستوعب بعض .. و ما نركز فقط عالسلبيات ..
لكل انسان رأي
و كل واحد عرض رأيه
مو ضروري انو حدا يجرح بغيرو .
100% سعود صرنا حاكين الف مرة مافي اي اسم بالنادي نضيف وما عليه لغط ومالو اعداء
كل يلي بنتمناه انو وقت الشخص يصل لموقع المسئولية ما يتعرض لهجوم من قبل ما يبدا

[wissam82]

نبيل الشحمة المندو صانع ألعاب ضرار رداوي صخرة الوسط


ينال أباظة قلب الدفاع صفوان حبايب ورأفت محمد الجناحين الطائرين

عم تأثبت إنك غير متابع للفريق بالموسم الماضي خاصة

الموسم قبل الماضي يا حباب ما كان فيه لا إياد مندو يلي كان عم يتألق مع الكرامة أسيويا

وما كان فيه نبيل الشحمة يلي كان مع جبلة

وما كان فيه ضرار رداوي يلي رجع للفتوة

ولا فيه عمر العاقل ولا علي خليل ولا كمال العاجي يلي كانوا مع القرداحة

الفريق الموسم قبل الماضي هو نفسه تقريبا تبع الموسم الماضي بإضافة كم لاعب جدد مثل الخالد والتركماني والأتاسي ويلي لعب منهم هو الخالد وبس ...

راجع معلوماتك وخبرني يا طير ... :neutral: :neutral:

[<IBRAHIM>]

:spdban:spdban:spdban:spdban:spdban

[حسان الحسيني]

والله انا يلي شايفه إنه الفريق يلي عم تقول عنه ما فيه خط دفاع ولا فيه خط هجوم هو نفس الفريق يلي نافس على اللقب

وحقق الانجازات بعهد المدرب القدير نيناد يلي حضرتكم حاربتوه

بس الفرق هو بالمدرب وقوة شخصيته ,, يعني جل اللاعبين هنن نفسهم

وبأخر سنة قبل رحيل نيناد كان الفريق هو نفسه وبظل غياب كامل لخط الهجوم حتى ماهر كان مصاب أكتر من تلت رباع مراحل الدوري والتراوري كان خالص كازه

ورغم هيك كان الفريق عم ينافس وطلع مركز تالت .........

وبالعكس السنة يلي بعدها يعني الموسم الماضي اجانا بعض اللاعبين ببعض المراكز على مستوى أفضل من الموسم قبل الماضي

مثل أحمد الخالد وعودة عمر وعلي خليل وشفاء ماهر من الإصابة ورغم هيك شفت بعينك الفريق كيف كان ...

بس خلص أنتو أي مصيبة بدها تصير أو صارت ولو بالصين المسؤول عنها هو نيناد وحسام السيد ,, وكأنه الباقي كلهم حروف ساكنة

من ناحية المشاكل بكل اسم فأنا مستعد حطلك مشاكل كل رمز من أبناء النادي تبعنا ...

لهيك نادينا هو نادي الشلل والمشاكل ولما نشوف انه فيه بداية توافق بين هالأسماء لازم نفرح مو نحاربهم قبل ما يبلشوا شغل ...

حبيبي وئتها ماكان الحبوباتي رئيس نادي ولا
كان حسام السيد مدير فني للفريق كان لاعب
اذا بدك تحكي هيك