يـنـال أبـاظـا .. ارحـم جـمـهـور الـوحـدة واعـتـزل ..!! [الأرشيف]

مشاهدة النسخة كاملة : يـنـال أبـاظـا .. ارحـم جـمـهـور الـوحـدة واعـتـزل ..!!

wissam82

03-26-2010, 02:45 PM

هاردلك ع الخسارة المستحقة لفريقنا مع الشرطة

يلي ما بده يستغل الفرص الذهبية ،، ويلي بده يكب ضربة جزاء
ويلي ما بيستثمر نقص الفريق الخصم للاعب ،، هيك فريق بيستاهل الخسارة ..

مع الأسف وبعد شوط أول متميز من فريقنا وبعد بداية ممتازة للشوط الثاني وحتى
لحظة حصولنا على ركلة الجزاء الضائعة انقلب الحال 180 درجة بعد إضاعة ركلة الجزاء ..

فريقنا بعد طرد عبد الناصر حسن ودخول (( الكارثة )) ينال أباظا أصبح خط دفاعنا
سيئ جداً جداً وسهل الاختراق ..
ينال أباظا ومن أول لحظة دخل فيها أرض الملعب كان نقطة العبور السهلة جداً
لمهاجمي الشرطة ،، وصار فريقنا كأنه عم يلعب بتسع لاعبين وفريق الشرطة عم يلعب
بـ 11 لاعب لأنه ينال للأسف كان وكأنه لاعب بالفريق الخصم ..!!

عدة فرص وأهداف محققة كانت رح تتسجل علينا بسبب بطئ وسوء تغطية
واتكالية ينال أباظا بخط الدفاع ..

الهدف الثاني بيتحمل مسؤوليته تماماً بعد مرور المهاجم البرازيلي من أمامه بكل سهولة ويسر
وتمرير الكرة ليونس سليمان يلي عم يسرح ويمرح لحاله بمنطقة الجزاء بدون رقابة ..

والهدف الأول للشرطة طبعاً رضوان الأزهر المهزوز هو بيتحمل مسؤوليته بالخروج الخاطئ ..

خروج رأفت محمد للإصابة وتعب عبد الكافي خاووج وخروجه أيضاً بعدها للإصابة
أثروا بشكل كبير على أداء فريقنا ..

للأسف شوط ثاني للنسيان ،، أداء كارثي بخط الدفاع ،، غياب كامل للهجوم ..

فقط سي الشيخ من يستحق التحية على أدائه الراقي بالمباراة وتحركاته المزعجة بس إيد وحدة ما بتصفق .
وأيضاً عبد الكافي خاووج يلي كان شعلة نشاط بالهجوم وبالدفاع الله يحميه ..

وهي ضريبة شح دكة البدلاء عنا ،، يعني إذا انصاب لاعب ما عنا البديل المناسب ..

فريقنا الغالي ،، نعم كان بالإمكان أفضل مما كان لو أبقينا على التركيز والحماس يلي لعبنا
فيهم بالشوط الأول ،، والأهم لو لم يدخل ينال أباظا لأرض الملعب لأنه بدخوله أصبحنا
نلعب فقط بالعدد بعشرة لاعبين ولكن بالفعل نحنا عم نلعب بتسع لاعبين ..

ينال أباظا .. احترم اسمك وتاريخك السابق وارحم جمهور الوحدة واعتزل قبل نهاية هالأسبوع ..!!

هاردلك الخسارة المستحقة والمريرة ..

وحداوي موت

03-26-2010, 02:49 PM

الشي يلي صار بعشر دقائق بلشوط التاني قلب الدنيي على فريقنا

ضربة الجزاء الضائعة + طرد عبد الناصر + دخول ينال أباظة وهدا اهم الأسباب

باخر عشر دقائق غسان بطل يقدر يركض لك الأوت ماعم يعرف يعملها وركينة ماعم يعرف يشوط

والاحلى ينال أباظة اللاعب البرازيلي مرق من ادامو متل كأنوا مارح من ادام لاعب اشبال

حرام حرام ما يكون ينال بين اللعيبة الخمسة يلي أنفسخ عقودن

لك على شو الكوتش عم يلعبوا ماعم أفهم

suliman

03-26-2010, 02:49 PM

مو الحق على ينال الحق على يلي نزلو

وحداوي موت

03-26-2010, 02:51 PM

مو الحق على ينال الحق على يلي نزلو

تبديل خاطئ مية بلمية

انا معك بهي

ولو شو ما كان وبأسوء الأحوال الشقالو بيضل أفضل من ينال

03-26-2010, 02:51 PM

متل ماقال سليمان
مو الحق على ينال و المعتوق الحق على يلي نزلن
ويلي ماعرف يستغل النقص بالشرطة

وحداوي موت

03-26-2010, 02:55 PM

لعيبة خالصين ما أختلفنا

لعيبة مصابين ما أختلفنا

بس ينال أباظة هو يلي روح لعبة الطليعة وحرق اللعبة والفريق كلو

بترجع بتنزلو اليوم يا كابتن

خلص شو ما قدر وشو ما عمل مارح يفيد فريقنا بلحجم يلي رح يفيد فيه الفريق التاني

ما بعرف بلعبة مهمة وحساسة متل هي وخصوصا الشرطة عندو قوة هجومية ضاربة
بلبرازيلي والنيجيري والصاري ويونس سليمان

بتنزلن لاعب ختيار متل ينال

!!!!!!!!!!!!!!!!!!!!!!!!!!!!!!!!!!!!!!!!!!!!!!

عدنان شيخاني

03-26-2010, 02:55 PM

لك ااااااااااخ مامنلحق نطلع من مطب والا منزل بغيرو

wissam82

03-26-2010, 02:56 PM

متل ماقال سليمان
مو الحق على ينال و المعتوق الحق على يلي نزلن
ويلي ماعرف يستغل النقص بالشرطة

مزبوط الكابتن نزار مع كامل حبي واحترامي ئله
بيتحمل مسؤولية تنزل ينال المنتهي ..

لك ما حلنا نتربى من أخطاء ينال الكارثية ..؟؟ ينزل الشقالو بداله
لك خليني عم ألعب بتسع لعيبة ولا بنزل ينال المنتهي ..!!

المعتوق قدم ما عليه برأيي وكان أدائه وسط خاصة إذا اعتبرنا
انه تبدل مركزه من اليسار لليمين مع خروج رأفت ..

والله نقاط المباراة أجتنا على طبق من دهب
ونحنا ما استغليناها للأسف الشديد ..

taiger

03-26-2010, 02:56 PM

فريقنا في غيابات كتير وتالحمد لله على كل شي

فهد قيطاز

03-26-2010, 02:56 PM

متل ماقال سليمان
مو الحق على ينال و المعتوق الحق على يلي نزلن
ويلي ماعرف يستغل النقص بالشرطة

أي لان عندك أحتياط متل العالم
ولازم كان يستغل النقص بالشرطة
وينزل يلعب يا أبن الحلال لاعبين خالصين
وماعندك بديل شو بتعمل

عبود القوتلي

03-26-2010, 02:57 PM

وحداوي موت

03-26-2010, 02:58 PM

أي لان عندك أحتياط متل العالم

ولازم كان يستغل النقص بالشرطة
وينزل يلعب يا أبن الحلال لاعبين خالصين

وماعندك بديل شو بتعمل

لك يا أخي ما أختلفنا
يستر عرضك فهام كلامي قبل ما تقتبس الرد

عم نحكي بلعربي وبلمشرمح

ينال أباظة لاعب خالص ومنتهي وما معو يمشي

بأسواء الأحوال بيضل الشقالو أحسن منو

الكابتن نزار هو بيعرف أمكانيات ينال وأمكانيات ينال

بس نحنا منحكي رائينا

فهمت ولا ارجع اشرحلك

wissam82

03-26-2010, 02:59 PM

وأنا شايف أنه تبديل ينال أثر علينا أكتر من طرد عبدالناصر حسن

ما هو ينال نزل بعد ما انطرد عبد الناصر حسن
مشان يعوض الطرد على أساس ..!!

بس للأسف هاد التبديل هو يلي كان قطة التحول
لاعب ماله حيل يمشي مشي بنزله قلب دفاع ..!!!

جيرارد

03-26-2010, 03:00 PM

ينال اباظة بلمشرمحي يستر عرضك اعتزل اعتزل حراااااااااااااام عليك بتتحمل سبب الخسارة كلها
والله لما نزل قلت الله يستر
واففففف من الاصابات يلي تركت كل فرق الدوري وهجمت علينا
وهاردلكككككككككككك يا وحدة
لك متمني شوف الوحدة ربحان من اول الوقت ومحافظ ع الفوز للأخير

wissam82

03-26-2010, 03:04 PM

وكمان إخراج العجان يلي هو مهاجم وحيد عنا
وإدخال ينال الكارثة أراح كتيرررر دفاع الشرطة ..

يعني خلي مهاجم بأرض الملعب ولو منظر خليه يشغل
مدافع أو تنين ع الأقل ..

كان ممكن يطلع عمر خليل يلي خف عطائه كتير بالشوط الثاني
وينزل مدافع بداله بعد الطرد ..

مو المهاجم الوحيد يلي بقيان ..!!!

HARHOR

03-26-2010, 03:05 PM

أنا برأي وقت الطرد كان هون دور الكبير للمدرب مشان يغيير التكتيك ويحافظ على النتيجة بس تبديل غلط مية بالمية قلب الطاولة علينا وأنا شايف أنه تبديل ينال أثر علينا أكتر من طرد عبدالناصر حسن

كلامك صحيح.

لإنو هي الشرطة نقص لاعب وبالرغم من هيك المدرب عرف يتكتك مظبوط وفاز باللعبة.

fahmi

03-26-2010, 03:07 PM

مشان الله حدا يئلي ينال مين واسطووووووووووو رغم كل التخبيص يلي بيخبصوا منلائي عم يلعب والكابتن نزاز اليوم ماعرف يقرا اليوم المباراة بالمرة

samer1

03-26-2010, 03:10 PM

أهم شي أدارة تفسخ عقد ينال لائنو حاجتنا
لعيبة خالصة صلاحيتها ولله حرام تكون لعبة أنا
وتنئلب علينا

ابو ناصر الوحداوي

03-26-2010, 03:10 PM

نقطة الخسارة ليست ضربة الجزاء و لا طرد عبد الناصر نقطة الخسارة هي نزول ينال ينال احترم نفسك و اعتزل احسن ما تتبهدل اكثر من هيك لانه الجمهور عنده قناعة انك انت اكبر كارثة بالفريق لانه هي اول مرة ما بتنزل اساسي و قبل ما تنزل كان الاداء الدفاعي مقبول و من وقت الي نزلت رجع الاداء الدفاعي مثل المباريات السابقة الي كنت فيها اساسي و اسوا فمن شان الله اعتزل و احفظ قدرك

wissam82

03-26-2010, 03:21 PM

فهد قيطاز

03-26-2010, 03:25 PM

لك يا أخي ما أختلفنا
يستر عرضك فهام كلامي قبل ما تقتبس الرد

عم نحكي بلعربي وبلمشرمح

ينال أباظة لاعب خالص ومنتهي وما معو يمشي

بأسواء الأحوال بيضل الشقالو أحسن منو

الكابتن نزار هو بيعرف أمكانيات ينال وأمكانيات ينال

بس نحنا منحكي رائينا

فهمت ولا ارجع اشرحلك

فهمت ماقصرت :f)

Ammar Alfarawati

03-26-2010, 03:41 PM

wissam82

03-26-2010, 03:42 PM

أهم شي أدارة تفسخ عقد ينال لائنو حاجتنا

لعيبة خالصة صلاحيتها ولله حرام تكون لعبة أنا

وتنئلب علينا

ينال كان لازم ينفسخ عقده مع الخمس لاعبين يلي انفسخ عقدهم
قبل فترة ..

لأنه بكل صراحة صار لاعب يضر ولا ينفع ولا واحد بالمية ..

ابو ناصر الوحداوي

03-26-2010, 03:46 PM

طولو بالكم شباب انتو هلأ معصبين ,, ومعكم حق بكل كلامكم تقريبا ,, بس هدو اللعب الشوي

هديك المرة زياد بطل يلعب لان الجمهور عاتبه عتب ,,, طولو بالكم لازم الشقالو يلعب انا معكم

بس لاتكون نبرتنا حادة عاللعيبة , لان بكفينا نزف متل ماقال ابوحامد بالمؤتمر الصحفي تبع فسخ العقد لتعمير الشام ...

انا مارح احكي هلأ خليني روق شوي وبعدين بحكي ... وبرجع بقلكم معكم حق بكلامكم.

معلم كمان انت معك حق بس اذا الشغلة على الشعبو الي ما عم يلعب بضمير و الاباظة ال***** فالله مع دوالين الاتنين ما بنبكا عليهن هلا لو كان الشعبو عم يلعب اليوم ما كان تغير شي لانه وجوده مثل عدمه و الاباظة لو لعب من الشوط الاول لخسرنا من الشوط الاول و بنتيجة اكبر

wissam82

03-26-2010, 03:46 PM

طولو بالكم شباب انتو هلأ معصبين ,, ومعكم حق بكل كلامكم تقريبا ,, بس هدو اللعب الشوي

هديك المرة زياد بطل يلعب لان الجمهور عاتبه عتب ,,, طولو بالكم لازم الشقالو يلعب انا معكم

بس لاتكون نبرتنا حادة عاللعيبة , لان بكفينا نزف متل ماقال ابوحامد بالمؤتمر الصحفي تبع فسخ العقد لتعمير الشام ...

انا مارح احكي هلأ خليني روق شوي وبعدين بحكي ... وبرجع بقلكم معكم حق بكلامكم.

نحنا عمار عم نحكي عن شي واضح وضوح الشمس
وبصراحة ما عاد بيتحمل الصبر لأنه عم يسببلنا هزائم تقيلة ..

يعني بلعبة الطليعة حسب ما شفنا الأهداف يلي تسجلت علينا كمان
ينال أباظا بيتحمل المسؤولية الأكبر فيها ..

ومباريات كتير هالموسم مناكل أهداف بسبب الأباظة المنتهي تماماً هالموسم ..

نحنا إذا أشرنا للخطأ فهو من حرقة قلبنا ،، وهلئ نحنا لازم نبدأ المرحلة الجديدة
ببناء فريق جديد ولازم نبلش ننسق هاللاعبين المنتهية صلاحيتهم ..

f.torres

03-26-2010, 03:55 PM

لازم ياشباب تتحملو هل وضع لنهاية الموسم ماضل شي هانت
وبضل ينال رمز من رموز النادي

أسامة

03-26-2010, 04:01 PM

والله العظيم ماله أحسن من احمد عزام يارجل كأنه موبالمباراة عيب والله

wassim80

03-26-2010, 04:12 PM

مافي بدلاء وهاد الموجود . انتهى

أبو عرب

03-26-2010, 04:24 PM

اعذروني....
واذا بدنا نحكي بصراحة:
لاعب سيئ ما ببرر هيك عرض كروي فاشل
بالتوفيق للقميص البرتقالي...

blacktime-70

03-26-2010, 04:38 PM

ينال هو السبب الخسارة المرة كبو ولا تعطو مصاري

wissam82

03-26-2010, 04:57 PM

مافي بدلاء وهاد الموجود . انتهى

معلش وسيم في عنا عصام شقالو
وئد ما كان سيئ الشقالو (( مع انه ما أخد فرصته ))
أكيد ماله أسوء من ينال وبكفي لاعب يعتبر شب وممكن يكسب خبرة ..

بعدين ينال بالذات صار مطعمينا أكتر من هدف ومخسرنا أكتر من لعبة
يعني حلنا نتربى وما نلعبه ..

نستول

03-26-2010, 05:12 PM

هلئ هون انا بدي قاطعكون بنقطة نظام
بتعرفوا ياجماعة انو لو نزار نزل الشقالو واكلنا غول بسببو كان احترق لابد الابدين والجمهور ماعاد رحمو بالمرة وتبديل ينال متل ماقال الكل كان نقطة ضعف بالمباراة وكان بوابة الخسارة

SH@@MI

03-26-2010, 06:16 PM

هارد لك

wissam82

03-26-2010, 09:33 PM

هلئ هون انا بدي قاطعكون بنقطة نظام
بتعرفوا ياجماعة انو لو نزار نزل الشقالو واكلنا غول بسببو كان احترق لابد الابدين والجمهور ماعاد رحمو بالمرة

المشكلة انه ينال احترق والتعن أفطاسه هالموسم
بسبب أخطائه الفاضحة والقاتلة ورغم هيك لسى بينزل ع الملعب ..

ع العموم الله يخلصنا من هالموسم الكبيس على خير ..

ابو وسام

03-26-2010, 10:44 PM

هلا المتحف تبع الاثار ما بيمشي حالو مع كم لاعب من عنا يحطون فيه

فادي النابلسي

03-27-2010, 01:00 AM

ماحدا بينكر أنو ينال مستواه نازل واللاعب خلص كازو؟وأنو اللاعب مرء منو بسهولة ومرر الطابة ليونس سليمان بس مين كان واقف عند يونس مين كان مغطيه ؟؟؟؟؟؟؟؟
سجل برياحة وبدون ازعاج ؟
وهجمات الشرطة قبل ماينزل ينال والهدف يلي قبل ماينزل والعارضة انا ماعم دافع عنو بس حاجتنا نحط اللوم على لاعب واحد ماعنا دفاع ؟؟ولا عنا وسط ولا هجوم حاجتنا نحط كبش فدا على طول ..

wahdawi4ever

03-27-2010, 01:21 AM

والله لهلئ مالي مسدق انو المباراة راحت من ايدنا
ويلي روح المباره برائيي هوه عمر خليل صحيح سجل بس
ضيع ضربه جزاء وانفراده ولا احلى وينال حرق اللعبه حرق
ولا كأنو موجود بلعكس ساعد فريق الشرطه بالفوز
فتحلن شارع ما كانو بيحلمو فيه والله يعنا على هيك لعيبه شوي بلعبو وشوي بيضيعو تماما
والله خايف حدا من الجمهور بشي مباراه تجيه الجلطه
وبالاخص ابو عدنان والله جوزه حلقو رح تطلع الله يعنو

DIABO MAN

03-27-2010, 05:12 AM

مابدي كون جارح وقله اعتزل لانه بحترم تاريخه مع الوحدة
بس بقله لازم ينزل الملعب لم يكون بدو يقدم المستوى اللى يرضي هالجمهور الاورانجي وغير هيك يفضل انه يبقى بره الحسابااااااات

وحداوي كتلوني

03-27-2010, 09:02 AM

لا حدا يزعل فريقنا كان حلو رغم كل الغيابات والإصابات وأبو حامد قدم فريق حلو بهل الشباب الحلوة بس أخطاء بسيطة روحت اللعبة وأولها أنو نزار لازم يشوط الجزاء لسي الشيخ أفضل اللاعبين وأكثرهم ثقة بنفسو والخطأ التاني دخول ينال لازم يدخل الشقالو المظلوم بععهد أبو حامد

وحداوي كتلوني

03-27-2010, 09:05 AM

بالنهاية ينال لا يتحمل لوحده مسئوولية الخسارة

زينكو

03-27-2010, 09:21 AM

بالفعل يعني الدوري طويل واحتياط مافي واصابات اي الله يعينم المدرب

أبو عامر

03-27-2010, 03:29 PM

انا من مبارح بدي رد بس كنت معصب وما بدي اغلط بالحكي بس يا كابتن نزار تنزيل ينال أباظة غلطة لا تغتفر نهائيا لانو هاللاعب قبرها للعبة وكب اللعبة كلها للاسف وفريق الشرطة بعد ما ضاعت ضربة الجزاء استغل ضعف دفاعنا الهش ونومة هجومنا وسجل اول كول والتاني بس اشارة الاستفهام ينال اباظة انت ليش لهلق عمتلعب فعلا انك لاعب الجلطة كنت مبارح معقول لاعب قلب دفاع اسمو قلب دفاع يا ناس يا عالم العالم بتمرق منو كأنو لاعب بدوري الدرجة العاشرة لا حول ولا قوة الا بالله شو بدو يحكي الواحد بس

MHDFA

03-27-2010, 04:22 PM

هاردلك لكل الوحداوية
يا شباب انا زعلان وفرحان بنفس الوقت
زعلان عالخسارة بس فرحان لانو صار عنا شباب
يعني صار في حيوية بأرض الملعب حاجتنا مكرسحين
وختايرة و فهمكم كفاية بالتوفيق للوحدة

salah

03-28-2010, 06:41 PM

ينال كان لازم ينفسخ عقده مع الخمس لاعبين يلي انفسخ عقدهم
قبل فترة ..

لأنه بكل صراحة صار لاعب يضر ولا ينفع ولا واحد بالمية ..[/center]

حجي وسام أنا بالعادة بوافقك على أغلب أرائك
بس بهالموضوع حسيت أنك كتير متربس بينال و كتير قسيت عليه
يعني ماشفتك بتقسى على كتير لعيبة هنن أسوء من ينال (لعباً)
لذلك أرجوا أن تكون عادل بمواضيعك الأنتقادية مع جميع اللاعبين و المدرب أبو حامد ضمناً
و شكراً لك مستشارنا الكبير .