مآآسي الوحدة في الملعب فقط .. وخارج الملعب انسى

[حمودي اليوفاوي]

مبارح كنت عم اتمشى بالقصــاع .. لقيت هناك مهاجم الوحدة مهند خراط
هو التاني عم يتمشى .. بس مو لحالو .. كانت معاه صبية :oops:
خطيبتو .. رفيقتو .. الله اعلم ، بس مهند اخر انسجام معاها
الايد فوق الايد ، ودقي يا مزيكا
مهند كان مطقم وكأنو عريس وناسي الدنيا وما فيها :?

بس انا تغالظت عليه .. وفيقتو للشب من اللحظات الحلوة اللي عم يعيشها
ودردشت معاه كلمتين من الكلمات المأساوية

شلونك مهند ؟ كل عام وانت بخير
مهند : منيح الحمد لله .. وانت بخير

شو يا مهند تبهدلنا ؟
مهند : لا جواب .. سكوت .. بس اشار بايديه التنتين وكأنو عم يقول لا حول ولا قوة

طيب شو مشان المباراة الجاية ؟
مهند : كلو على حطت ايدك .. مافي شي ببشر بالخير بس انشالله خير

سلاااام مهند ومرة تانية كل عام وانت بخير
وكمل مهند بقية مشواره
-------------------------------------------------------------------------

هون تزكرت قولة احد الاعضاء عنا بالمنتدى وبعتقد ( محمد )
انو لعيبة الوحدة بعد المباراة بعشر دقايق وبعد ما يطلعوا من الملعب
بنسوا اي خسارة وبنسوا الوحدة وكل شي بتعلق بالبرتقالي
وبنسوا اي بهدلة

نحنا ما فينا نحاسب اللعيبة على تصرفاتهم خارج الملعب ,. نحن النا
بالشي اللي عم نشوفو منهم بالملعب .. بس المشكلة مافي ادارة لتحاسب اللعيبة
وعلى فكرة لو صار اللي صار معنا بمباراة الطليعة مع اي نادي تاني
اكيد الادارة رح تفتح تحقيق بعد المهزلة اللي عملوها اللعيبة اللي
كمانوا عم يلعبوا ع الواقف وبلا نفس وداخلين المباراة وهدفهم الخسارة

انا ما عم احكي عن مهند خراط .. لانو هو الوحيد اللي الجمهور الوحداوي
ما بحسن يحكي عليه ويللي شاف مباراة الطليعة بعرف هالشي
لانو كل الفريق ( الطنطات ) عم يلعبوا ع الواقف
الا مهند خراط عم يلعب بدم واصلا الوحدة اجتلو 3 فرص بالمباراة بس
وحدة لمنهند خراط اجت بالعارضة وشاطها من وضعية صعبة ومن زاوية صعبة
والتانية لهداف اللغيا السورية التركماني وصنعلو ياها الخراط بالشوط التاني
والتالتة بالشوط الاول كمان للهداف التركماني وتصرف بوصع غريب لما مرر الكرة لحارس الطليعة

بس فعلا بتمنى نخلص من البلاوي اللي عنا ومن الطنطات اللي عنا ونلعب بفريق شاب
لانو عن نخسر بالرجال فليش ما نخسر بالشباب مو احسن
ويضل بالفريق كم لاعب متل مهند خراط وماهر السيد
وللمايسترو اللي غايب عن هالدوري وهو عمر خليل

[myah]

بدك تنسى شي اسمه الدرجة الاولى

[M o H a M e D]

كانت معاه صبية

شلون حمودي :wink:
.
الله يستر هلأ يجيلك بعد العيد لساتو غرقان ... ويرجعلنا خراط السنة الماضية ..
لأنو مهند السنة من أفضل لاعبين الوحدة تطورا بنظري :))
.
ع الأقل الدنيا عيد وبيحقللو للزلمة يعيش أيامو ... أما في من اللاعبين منشوفهم بنفس يوم اللعبة اذا مو دغري وهنن طالعين من الملعب نسيوا الوحدة كلو واخر رواق ...

[Alwa7dawi]

شريك انا مرة اجتمعت مع مهند بالشاطئ الأزرق وكان معو رفيقوا ومعون هنن الجوز
صبيتيييييييين وشوف اللعب بقلب البحر مع بعض والدفش وكلشيييييييي على بالكون في حدود المزح وداخل البحر
بس كان مغمق كتير ال.... ما بعرف ليش
بس محسوبكون قرش فات لناحوا وكتب هالموضوع

وكنت شوفو بالشعلان يترك أهلو بالسوق ويفتل بالمازدا 3 النمرة سعودية وتلطيش وأفلة وشغل شباب للصبححححححححححححححح
بس بالنهاية حقوا مو أحسن من بودولسكي عم تتحركش فيه باريس هيلتون
اي والله ما تتحركش فيني لحتا انزل عالملعب وانا فاتح تمي و ...........
بقا حقوا..........

[حمودي اليوفاوي]

بس ملاحظة شباب .. انا ما عم انتقد مهند لانو ماشي مع صبية .. الزلمى حقو
بل عكس مهند مافيني احكي عليه لانو برأيي هو اللاعب الوحيد بالوحدة بيلعب بدم

بس الحكي لباقي اللعيبة الطنطات بالملعب

[وحداوي موت]

والله مهند مافي منو وابن حلااااااااااااااااااال
الله يحميه يا رب

[Radwan]

والله مهند مافي منو وابن حلااااااااااااااااااال
الله يحميه يا رب

:f) :))

[abou malek]

نازل تع....... بالطرقات

ينزل يارجينا عضلاتو بالملعب هوي و بقية اللعيبة الكلاب

[Radwan]

ينزل يارجينا عضلاتو بالملعب هوي و بقية اللعيبة الكلاب


طول بالك أبو مالك إذا أذنب الحمار ما بينضرب صاحبه .:evil:

مهند الخراط لم أراه هذا الموسم يقصر في لعبة لفريقنا . :evil:

[abou malek]

كلو اضرب من بعضو بدهم لق بالصرامي