عفواً كابتن محمد بيروتي

[هنو]

أحببناك من لما كنت في فريق الجيش
و أخفينا حبنا
فرحنا بمجيئك لنادينا
فأظهرنا حبنا
نادينا باسمك كثيراً
فقط لاننا نحبك
كنت نجماً بعدة لقاءات
و نحن لا ننكر هذا
نحن لا ننسى اننا بفترة من الفترات أحسسناك برتقالياً أكثر من البرتقاليين أنفسهم
نحن لا ننسى زودك عن مرمانا في ايام النادي الصعبة
لعبت فدافعت فأحسنت فظُلمت
نعم أنا شخصياً ( و برأيي الشخصي فقط ) اعترف بأنك ظُلمت
و لكنك كبير و تعرف أمور النادي و خفاياه أكثر مننا

و أعتقد أنك انسان كبير و رائع
نعم هتف الجمهور ضدك بملع حمص
و لكن صدقني الجميع يحبك
صدقني
صدقني
صدقني
نحن نحبك

[salah]

ياسيدي ياهنو والله مافي منك
وألبك كتير طيب وانت على العين و الراس
وشكرا للأخ محمد بيروتي و نعتذر منك نيابة عن الشاتمين
:f) :f) :f)

[wissam82]

والله كلنا منحب البيروتي وما منرضى إنه ينشتم لا هو ولا غيره ...


بس بدنا نطلب منك تركز أكتر من شان الله يا كابتن ,,

يعني بصراحة من يوم يومك ئلك هفوات قاتلة ...

[messi]

يعني

شتمنا الحكيم ومنحبة

شتمنا ماهر احيانا ومنحبه

شتمنا اغلب اللاعبين ومنحبهم

وانت منهم يا بيروتي

[M o H a M e D]

معتذر نيابة عن كل مين شتمك ... وأكيد هاد شي كلنا مامنرضى فيه ...


بس بدنا نطلب منك تركز أكتر مشان الله يا كابتن ,,

:))

[EmadAsfour]

البيروتي ليس اهلا للبطولات والمباريات الكبيرة

[وحداوي موت]

طول بالك كابتن محمد ما صار شي
ي احسن العالم نسبت شو صار يعني
بعدين نسيت حالك وقت كنت بلجيش شو كنت تعمل وقت الجيش يفوز عند اشارة الركنية
طول بالك ومافي شي بيزعلك وشد حالك بلعبة الاياب وشوف كيف العالم رح تبوسك من عيونك ياغالي

[wassim80]

والله حسيتو لهلكول متل كف من مساعد أول بالجنائية عوشي؟؟؟؟؟؟؟

البيروتي حارس جيد وانا لا أنكر ذوده عن مرمانا بكثير من المباريات

مع الكرامة والقرداحة لولاه نحنا خسرانين عالأكيد

بس انت يا كابتن عملت متل يلي بيطبخ طبخة عرمرمية وبي.... فيها

بصراحة الهدف التاني أي حدى مالو علاقة بالفطبول بيجيها يا رجل حتى لاعب الكرامة شاط

وتفاجئ تمامآ بالكول

[ABOU MALEK]

انا ما سبيته انا انزعجت منه و قلت لازم يتبدل فقط

[SH@@MI]

اي والله
نحبك يا بيروتي
بس كل اللعيبة انظلموا

[<IBRAHIM>]

حقك عراسنا كابتن
وبنطلب منك بصفتنا محبين الك التركيز وهدوء الاعصاب :f)

[الأدعشري]

كابتن محمد نحن نحبك كثير و منقدر لهفتك واستبسالك عن الفريق..
و نحن نرفض اي شتيمة لأي لاعب و لكني اطلب منك ان لا تؤاخذ احد ضمن المباراة لانه يكون منفعل ويتصرف بعصبية وشغلة تانية لا تزعل مني بهالكلمة عندك اخطاء مميتة منتمنى تداركها..

[سامو]

كابتن محمد بعتذر منك نيابة عن يلي سبو
بس أكيد انت بتعرف انو يلي كان عم يسب هالكم ولد
يلي كانو بالجمهور (يعني تصرفات ولادية) و الوحداوي الأصيل
بحياتو ما بسب لاعب من فريقو مهما فعل هاد اللاعب
بتمنى منك يا كابتن محمد انو تكون أكبر من هدول الفئة (الغير واعية)
و يلي عم تسيء للنادي و لجمهور النادي , بس بيبقى الحق أولاً و أخيراً على رابطة
المشجعين يلي المفروض كل الهتافات تبلش من عندون و يعرفو
شو أئار هي الهتافات

[kashi]

بيروتي وبدر حراس اكثر من رائعين وجمهور الوحدة يحبهم ونعتبرهم ابناء النادي لاتزعل بيروتي انت حارس جيد بشهادة كل الوحداويين :fw :fb :fl

[الأدعشري]

بس بيبقى الحق أولاً و أخيراً على رابطة
المشجعين يلي المفروض كل الهتافات تبلش من عندون و يعرفو
شو أئار هي الهتافات

باينتو الخ مأضي لمصدي بالملاعب لا تزعل مني بهلكلمة كلامك بدل أنك بحياتك ما فتت حضرت مبارة بالملعب

[سامو]

مظبوط يا (ادعشري) بحياتي ما حضرت لعبة و لا بعرف كيف
شكل الملعب , و لا بعرف شو هاد الوحدة و لا بحياتي حضرتلو لعبة!!؟؟؟؟
معليش حبيب مقبولة منك منضل أخوة و بيجمعنا حب النادي

[الأدعشري]

مظبوط يا (ادعشري) بحياتي ما حضرت لعبة و لا بعرف كيف
شكل الملعب , و لا بعرف شو هاد الوحدة و لا بحياتي حضرتلو لعبة!!؟؟؟؟
معليش حبيب مقبولة منك منضل أخوة و بيجمعنا حب النادي

حقك علينا معلم لحنا حبينا نهز الورد لنشم ريحتو وأنا باعتذر منك على كلامي ..
بس متل ما بتعرف بالملعب الكل بيطلع خلقو..و حتى بأوربا بتلاقي عالم بسبو وبيعملو أكتر مننا ومرة تانية باعتذر منك وهي وردة وبوسة :f) :oops:

[bmekhaled]

بسيطة بيروتي
منعرف أنك عم تحكي عتبان و العتب صابون القلوب
و نحنا لما نحكي والله عتب مو كره
يعني أنت بتعرف و الكل بيعرف أنو أحيانا بتعمل شغلات ما أنزل الله بها من سلطان
و هالمرة زرعها بدقننا لأنو شايف اللي صاير
الجو كهربا و الجمهور مو طايق حالو و وضع النادي أنت أدرى فيه و إذا كم ولد غلطو بحقك
خليك كبير متل ما أنت عطول و روق أعصابك
ولا تنس أنك لما تصد و تلعب الملعب كلو بيضل ينادي باسمك
مرة تانية حقك علينا و للجمهور بقول طولو بالكم يعني أكيد الزلمة بيزعل على الجول اللي بياكلو أكتر منكن
الله يعطيك العافية يا بيروتي و نحنا ما بدنا منك غير تحط كل تركيزك باللعبة
لأنو معلومك مركزك حساس كتير و الله يوفقك و ... لا تواخذنا