حلم الكأس و طار ... شو بقي ؟

[سعدي]

كتبنا كتير و حكينا كتير
يمكن الكلام ما عم يجيب نتيجة و لا حدا عم يحس على دمو
بس المشكلة انو صايرة الكتابة فشة خلق .
و اللــه مبارح كنت بدي ادخل عالمنتدى و فش خلقي الساعة 02:30 وش الصبح وقت رجعنا من حمص .
بس من كتر ما كنت مروق بهالسفرة الناجحة .. خفت انو روائي ينتشر في جميع انحاء المنتدى و ما اقدر سيطر على كلامي .
لهيك أجلت الحكي لهلأ
يعني صحصحنا شوي .. و استوعبنا الصدمة
هي مو صدمة .. فريق مع الادارة الحالية و الجهاز التدريبي و التشكيلة الحالية .. بمواجهة فريق متكامل منظم يكاد يكون خالي من المشاكل لاعبوه اسرة واحد .
الخسارة مع هيك فريق كتير عادية .. بس مدري كيف نحنا من محبتنا لفريقنا غمضنا عيونا عن كل هالفوارق .. و من كل عقلنا رح على حمص لنرجع بالفوز او التعادل بأسوأ الحالات .
و كتير منا سمع نداء الكابتن ماهر عبر المنتدى و تشجع ليطلع على حمص .. هاد اللي ترك شغله و هاد اللي ترك الدراسة .. و هاد اللي ترك التنين سوا .. و الكل طالع ليربح عالكرامة ...
ما طول الحلم كتير .. كلها عشر دقايق حتى أكلنا اول هدف .. الصمت خيم على أكتر من 4 الاف وحداوي كان صوتهم معبي حمص قبل الهدف .. يا دوب بدنا نقول معليش شو صار .. و لسا ما صحينا من الاول .. أكلنا التاني .. من كرة بعيييييييدة استغرب كيف مرت من البيروتي .. هون خلص .. فصلت اللعبة .. و صار الجمهور بس بدو هدف واحد ليبقالنا أمل بالاياب .. و مع دخول الشوط التاني و تحسن أداء فريقنا .. بلشت الناس تتفاءل و نسيت الهدفين و رجعت تشجع .. و اذا بالهدف الثالث يقضي نهائيا على آمالنا ..
لا حول و لا قوة الا بالله .
معليش ما رح نحكي شي .. هاد نادينا وواجبنا نكون معاه .. لأنو ان شاء الله النادي باق و يرحلون .
كل الشكر لكل مين كان بحمص مبارح لأنو أثبت محبته للفريق و شكرا لكل مين حاول و ما قدر .... نحنا كجمهور هيك منكون أثبتا من جديد أنو طول عمرنا مع الفريق مين ما كان المدرب و مين ما كان رئيس النادي .. بانتظار مواقف وفاء مشابهة من بقية اطراف المعادلة .. الجمهور مو كل شي .
ما رح عد أعضاء المنتدى اللي كانوا بشان ما أنسى حدا
يعطيكن العافية جميعا .. و الشكر لمن بادر بموضوع الباص الخاص بأعضاء المنتدى و لمن ساهم بتنظيم الرحلة .
كنا منتمنى نرجع مبسوطين .. بس للأسف انكتب علينا الحزن
قسما بالله مو عارف شو أحكي .. بس اللي شافنا بطريق الروحة .. و شافنا بطريق الرجعة ما بيصدق انو هدول نفس الجمهورو نفس الناس .
لا حول و لا قوة الا بالله

[Ammar Alfarawati]

بس اللي شافنا بطريق الروحة .. و شافنا بطريق الرجعة ما بيصدق انو هدول نفس الجمهورو نفس الناس .
لا حول و لا قوة الا بالله



:cry :cry :cry

[WAEL -AL BRNE]

والله ياسعدي متل انت مو عرفان شو تحكي الكل متلك بس شو بدك اتساوي مع واحد متل الحبوباتي نازل خراب بنادي

وماحدا مسترجي يرفع راسو ئدامو يعني هل الزلمة ماعم يفكر باخرتو يااخي لايفكر بلعالم يلي عم يجرح ئلبها ويصدمها كل صدمه اكبر من التانية

بس يفكر شوي لاخرتو يعني انت وانا والكل مو عرفانين لوين بدو يوصل النادي شو صفي اكتر من هيك

امباح وانا عم شوف المباراة وكان معي 3 حماصنة عم يشوف المباراة معي وماعد عرفت شو احكي ولاشو اكتوب بنقل حسيت

بوقت من الاوقات انو الوحدة عم يلعب ئدام شي فريق اوربي اي والله فريق الكرامة اوربي ئدام فريق الوحدة

بس اااااااااااااااااااااااااااخ على هل الزمااااااااااااان وفي الله

[Ammar Alfarawati]

بوقت من الاوقات انو الوحدة عم يلعب ئدام شي فريق اوربي


يازلمة القويض مبرمجهم برمجة على مستوى عالي

هون التمرين بيلعب دور بينعكس عالملعب مع عدة امور اخرى.

[سعدي]

نسيت بارك للكرامة الفوز المستحق جدا

الكرامة فريق متكامل متفاهم
لديهم مدرب من افضل مدربي اسيا
رئيس نادي عندو احساس (هي لحالها نعمة) و فوق الاحساس عندو محبة كبيرة للنادي

[M o H a M e D]

والله الفوارق الفنية واضحة ... بس كان بالامكان الخروج بتعادل ع الأقل لو تعاملنا صح مع المباراة و مع هالفوارق ...


قسما بالله مو عارف شو أحكي .. بس اللي شافنا بطريق الروحة .. و شافنا بطريق الرجعة ما بيصدق انو هدول نفس الجمهورو نفس الناس .

والله ماصدقنا ايمتى وصلنا ع الشام ... بعد ماكانوا الشباب مخططيين نروح نكمل السهرة بشي قرنة احتفالا بالفوز ...

بيفرجها الله ....

هي خلص الموسم ... ياترى حيستمر هالوضع موسم تاني ... الله يستر ... :cry:

[عادل مرتضى]

والله لسه لهلق ما استوعبت الصدمة بدك طول بالك أخي سعدي يمكن متل ما قلت كانت الغشاوة
على عيوني وبعد ما عرفت نتيجة المباراة راحت وشفت الحقيقة المرة اللي وصلنالها
ومتل الكل من محبتنا للنادي ما كنا عم نشوف وين صرنا بس وبعدين شو آخرتها

[WAEL -AL BRNE]

والله ياعمار الحق يقال ابو شاكر مدرب رووعة لك اتكون الكرة بليمن فجاة اتصير بليسار وبلعكس

وبنص الملعب وباصات ع الارض ورفعات بلعرض لك ولييييييي شو احكي يعني الكرامة لو بدو يربح اكتر لكان ربح

بس ابو شاكر اترئف بحالة الوحدة كرمال عيون ابو حامد


بوقت من الاوقات انو الوحدة عم يلعب ئدام شي فريق اوربي


يازلمة القويض مبرمجهم برمجة على مستوى عالي

هون التمرين بيلعب دور بينعكس عالملعب مع عدة امور اخرى.

[عمران]

قادر ياكريم

حلم الكأس و طار ... شو بقي ؟

بقي أنو اللي طيّر الكأس وطيّر ماهر وشريف يطير

[SH@@MI]

سعدي

شو صار الحكي لما شفتو ماهر السيد بالاستراحة

[سعدي]

شو صار الحكي لما شفتو ماهر السيد بالاستراحة

و مين كان الو نفس يحكي ؟؟؟ ما صار حكي
يا دوب سلمنا عليه .. و بس

و كان غسان معتوق كمان بالاستراحة و لافف راسو (سلامات للكابتن غسان)

[وحداوي موت]

والله يا سعدي مبارح حكيت للشام انو الكل هون اكل همكن كيف بدكن ترجعوا بعد هل صدمة يلي صارت ادام عيونكن حسبيى الله ونعم الوكيل الله وكيلك كنت بدي اتقلع من شغلي بسبب نتيجة مبارح بس شو بدنا نعمل
الله وكيلك من كتر ما عصبت بعد اللعبة ضليت عم امشي بلشوارع شي ساعتين ميشان ما شوف حدا يحكي معي كلمة ساويه مية شقفة
لا حول ولا قوة الا بالله

[شنكل]

والله أحلى سعدي أنو مبارح الفريق كأنو موالوحدة يلي نعرفوا يعني مع احترامي الكبير للكرامة ولمدربو الفز ابو شاكر فريقنا كان بيقدر يكون احسن من هيك ولكن بنهاية نحنا مبسطنا بشوفة اعضاء المنتدى :ban :ban :ban
وأن شاء الله منشوف الوحدة بمستوى يلي منعرفوا....... ودمتم ودامت الشام ....أخوكم شنكل.

[wassim80]

والله مع الطابة ومع الحبوباتي توقع أي شي شريك :cry

كنت بدي اتقلع من شغلي بسبب نتيجة مبارح بس شو بدنا نعمل
الله وكيلك من كتر ما عصبت بعد اللعبة ضليت عم امشي بلشوارع شي ساعتين ميشان ما شوف حدا يحكي معي كلمة ساويه مية شقفة
لا حول ولا قوة الا بالله

[همام]

أبو سعود ما منقول غير الحمدلله على كل شي
و ما فينا نقول غير الله يخلصنا من هالمصايب لأنه عيب فريق متل الوحدة ما يكون اله سيط متل فريق الكرامة
لك هاد فريق الشام ... كل الشام ...
لك البرتقالي كان لازم يغطي كل سورية
بس آآآآآآآآخ آآآآآآآآخ على يللي اله مصلحة نادي شامي ما يطلع لفوق منوب .... :fw

[<IBRAHIM>]

شباب معليش مع احترامي الكون الخسارة ما الها مبرر نهائيا لافريق كبير ولافريق صغير الغوال يلي اكلناها اتفه من هيك مافي وبشوية تركيز كنا تفادينها وبسهولة وانتو قلتو والكل قال انو بالشوط التاني بعد نزول رزاق والعاقل صارت اللعبة متكافئة وحتى صار في افضلية شوي النا
الكرامة فريق مستقر وباحلى ايامو بس بيضلو لعيبتو من سوريا وبيضلو 11 على 11 الطابة بتعطي يلي بتعطيها وخاصة بمباريات الكأس لو دوري فيها ومافيها طويل ومباريات كتير والفريق المستقر هو يلي بيربح بس الكأس غير شي تمام يعني خطأ الحكيم بحطو لرزاق والعاقل برا ولعبو بوسط مكون من علايا ومعو وزبداني بالاضافة لاخطاء البيروتي يلي ما بتنغفر وحتى في شغلة ما حدا ذكرها صحيح الغول الاول والتالت الرفعة كانت من جهة غسان بس بالمرتين كانت الجهة اليمين تبعنا فاضية وبشكل بيضحك وغريب كتير شي اكيد غسان ما لح يقدر ما يخليون يرفعو بس التغطية من الظهير الايمن زفت كانت
يعني بكل بساطة لولا الاخطاء الفردية من اللاعبين والمدرب كان للنتيجة كلام تاني
الادارة اكيد ولا اسوء من هيك بس اللاعب لازم وقت ينزل عأرض الملعب ينسى كلشي واقل شي يحترم 4000 بني ادم يلي اجو عحمص كرمالون

[وسيم (ابن الوحدة)]

لا أحد يبرأ الإدارة من أخطائها الشنيعة و التي لا تغتفر و لكن نتيجة الخسارة و بثلاثة أهداف مقابل لا شيئ ليس للإدارة ذنب فيها ... الفريق لما بيوصل لنصف نهائي الكأس يا شباب بينسى الإدارة و الحبوباتي و كل المشاكل و بيركز على الفوز و الانتصار

أنا أحمل الخسارة للفريق و يمكن الذنب مو ذنب اللاعبين لأنو الفارق بالمستوى الفني واضح للجميع ... و قد مر على لاعبينا الكثير و الكثير من الويلات و المشاكل هذا الموسم

برجع بقول أنو خسارة الفريق بالنصف نهائي و بهذه النتيجة الكبيرة أحملها أنا شخصيا على الفريق قبل الإدارة الفاشلة و قبل أي شخص ثاني ... يعني مو معقول لما نربح نقعد نمدح الفريق و نقول انو الشباب عم تلعب من قلبها و الشباب نسيت مشاكلها و أخلصت للنادي و ركزت و فازت ... و لما نجي نخسر نقول انو الادارة هيك و هيك و هيك ...

مع تحياتي للجميع

[<IBRAHIM>]

يالله ادارة طلعي برا :crdr :crdr

لا أحد يبرأ الإدارة من أخطائها الشنيعة و التي لا تغتفر و لكن نتيجة الخسارة و بثلاثة أهداف مقابل لا شيئ ليس للإدارة ذنب فيها ... الفريق لما بيوصل لنصف نهائي الكأس يا شباب بينسى الإدارة و الحبوباتي و كل المشاكل و بيركز على الفوز و الانتصار

:))

الادارة اسوء ادارة مرت بتاريخ النادي ودمرت سمعة الفريق واسمو بس بهل المرحلة شي تاني

[الرومانسي الحزين]

ان شاء الله النادي باق و يرحلون .

متى سيرحلون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يعني رجعنا نمنا طب عالمنتدى ما قدرنا نفوت حتى ما نندك بالقاووش

[wissam82]

والله وهاد يلي صار

بس مدري كيف نحنا من محبتنا لفريقنا غمضنا عيونا عن كل هالفوارق



بس نحنا ما مننلام على تغميض عيونا عن الواقع ,, لان حبنا للنادي عم يخلينا نغمض عيونا اجباري ... :cry: :cry:

وهي فكرتي بالضبط ...

[Romanci_alsham]

اجووو 4000 كرمال الوحدة ولا غول شرف يا عيبو يا حكيم

[EIHAB]

الحمد الله على السلامة ئلك سعدي ولكل الشباب..

اخي مع هالادارة بعمرنا مالح نفرح ولا لح نشوف طعك الفوز والانتصارات..

بس المشكلة مو هون .. المشكلة لهلأ ما صار اي تغيرات مشان الموسم القادم..

يعني اذا ما هبطنا السنة نهبط السنة الجاية

[سعدي]

يعني اذا ما هبطنا السنة نهبط السنة الجاية


نحناما نفدنا من الهبوط
نحنا أجلناه سنة واحدة فقط



صحيح الغول الاول والتالت الرفعة كانت من جهة غسان بس بالمرتين كانت الجهة اليمين تبعنا فاضية وبشكل بيضحك وغريب كتير شي اكيد غسان ما لح يقدر ما يخليون يرفعو بس التغطية من الظهير الايمن زفت كانت

في شغلة لاحظناها انو غسان كان مراقب جهاد الحسين .. و مهمة الرقابة كانت أهم من مهمة الظهير الايسر لهيك كانت احينا الجهة سهلة العبور . كان المفروض انو يقوم احد لاعبي قلب الدفاع او منتصف الملعب بمسك جهاد الحسين و ليس الظهير الايسر

[Ammar Alfarawati]

هو سعدي كان عمر عم يرجع ويغطي محل غسان وقت تكون الهجمة من اليمين

وحتى باليسار عم يكون مساعد بس ماكان بايامو عمورة.. اكيد الخطة ماساعدت الفريق .

[ABOU MALEK]

يا حرام يا سعدي انت عم تحكي هيك حكي

لكن انا شو بدي قول من قهري طول الوقت عم فش خلقي بالاكل :evil:

اجيت عم اكتب موضوع و شوية تفاصيل عن المباراة محيتهم فورا و قلت لحالي حرام الكتابة لهيك فريق و ضيعان هالطلعة اللي طلعناها

[سعدي]

كان عمر عم يرجع ويغطي محل غسان وقت تكون الهجمة من اليمين


و ليش نخلي عمر يرجع لعند غسان
و غسان موجود ؟؟؟؟؟؟؟؟؟؟؟؟؟؟؟؟؟
بدك تخسر عمر بنص الملعب و تخسر غسان عاليسار
مع انو كل واحد منهم مبدع بمكانو
هون انتقادي انا
مو لازم ظهير ايسر يمسك جهاد الحسين بنص الملعب

[al-shame]

:cry: :cry: :cry: :fw

[inzaghi 9]

يا حرام يا حرام

والله أنا بلشت أحضر المباراة بتفاؤل كبير

وشوي شوي طار التفاؤل

وتحول لأمل ضئيل وهو على الأقل أنو يدخل غوول

بس وين

فريقنا ما كان بمستواه بنوب

وهالشي طبيعي


يا حرام

أنا بس بتمنى شغلة وحة وبس

هي أنو فريقنا إذا ما عنده إصرار أنه ممكن يكسب اللعبة الجاية

ما يطلع بنتيجة مخجلة

وشكراً للجميع


:(

[سامو]

بسيطة أبو سعود خيرها بغيرها ,
يعني بكفي شفنا شباب المنتدى و تعرفنا عليكم
شو كنت متوقع انو الخراط يطير فوق فابيو بهالرفعات يلي
كانو عم يرفعولو ياها و لا الدفاع يلي متراجع مستواه
هالسنة يصمد بوش أقوى هجوم بالدوري هالسنة(الحسين و عودة و سانغو
و جنيات و العكاري)
بعدين لنفرض انو البيروتي أكل كولين أول عشر دقائق
و انهارت أعصابو هل من الصحيح أن يقوم الجمهور بشتمه
و المطالبة بتبديله بالأزور مع العلم شفنا الجمهور شو عمل مع
الأزور لما خسرنا مع الأفريقي التونسي بالعباسيين!!!
و لاّ ماهر يلي ماكان عم يلحق مابين الوسط و الدفاع و الهجوم
و لاّ الحكيم يلي عمل حركة فهمنة و خلا رزاق برّا و شفنا لرزاق
شلون حرك الفريق بدخوله عالملعب؟؟!!!!!!

[ABOU MALEK]

سانغو و فابيو كل واحد متل عامود كهربا و هربامن محلو و كون قبضاي اذا بتقدر ترفع الطابة من فوقهم

[حنا عاشق الوحدة]

حلم الكاس طار اذا بقي عندنا حلم استقالة حبوباتي بيك



:s_barcelona :s_liverpool :s_milan


:fw :fb :fl :fw :fb :fl :fw :fb :fl :cry :fl :fw :fb :fl :fw :fb :fl

[kashi]

امور لاتصدق بلفعل الذي يحصل في النادي :fw :fb :fl