مباراة الشرطة والوحدة في ملعب ... !!

[wahdawia.net]

ستقام مباراة الشرطة والوحدة يوم الجمعة القادم على ارض ملعب الفيحاء

كون اللقاء يعتبر على ارض الشرطة

وموعد المباراة الساعة 2.30

بالتوفيق للبرتقالي....

[جيرارد]

بلتوفيق للوحدة
ويا رب الاداء يبقى ثابت

[ابو وسام]

لك انو شرطة وانو ارض هي ما بيعرفو انو جمهور الشرطة كلون على بعضون عشر خمسطعشر بني ادم
يعني شافو الوحدة بلش يصحا نقلوها للفيحاء

[W@SEEM]

طيب حتى ولو على أرض الشرطة

لازم يتاخد بعين الأعتبار عدد الجمهور .. لكن الجيش وعفرين يلعبو بالعباسيين ومجموع جمهور الفريقين ما بيتعدا نص الربع تبع جمهورنا

[Ammar Alfarawati]

ضغط من فريق الشرطة علينا ,, لانه هلأ هو شادد .. هيك بعتقد

هو مباريات الشرطة هنيك بس هنن من مصلحتهم مايتغير الملعب برايي

[عدنان شيخاني]

بالتوفيق للوحدة وشو مشان النقل

[حنا عاشق الوحدة]

بالتوفيق للوحدة بكل ملاعب العالم

[wissam82]

مسخرة اتحاد كرة القدم مسخرة ..

بالتوفيق لوحدتنا الغالي بأي ملعب على كل حال ..

[bashardo الوحداوي]

صار حاتم الغايب بالمكتب التنفيذي وصارت المؤقتة بدها رضاه
وبيقولولك بدهم رياضة بالبلد
فالج لا تعالج

[عمار عبار]

هيك احسن
جمهور للوحدة مافي متل العادة

خليهم يبينو كتار بالملعب شو المشكلة

[Maen Abdallah]

هيك احسن
جمهور للوحدة مافي متل العادة

خليهم يبينو كتار بالملعب شو المشكلة

صحيح أبو محمد يعني شو فرقت بالعباسيين ولا بالفيحاء
المهم يتوفق البرتقالي في جميع مبارياته

[حنا عاشق الوحدة]

أن شاء الله الفوز للوحدة وأن شاء الله يلعبوها بملعب النضال

[SH@@MI]

وين المشكلة

كنت متوقع هالأمر

وهي هية الجمهور ما عم يجي كتير

خليهن يعبوا الملعب
غير اذا كانت أرض الملعب فيها مشكلة


وانشالله الفوز النا

[رامي الوحداوي]

بالتوفيق للوحدة بأي ملعب
وطبعآ كل الشباب نازلين عالملعب مو هيك؟؟؟

[DIABO MAN]

الوحداوية بشجعوا ناديهم بأي مكان ونحن معاهم

[الدمشقي]

يلا منغير جو شوي عن العباسيين بركي بكون وش هالملعب خير علينا

[وحداوي موت]

لعبة مهمة وقوية
وبرائيي اذا بيعملوها بلمريخ
لازم يحضر الجمهور

[العرقسوسي]

إنشاء الله بالكامب نو بالتوفيق للوحدة :mrgreen:
المهم نحضر اللعبة

[محمد سكر]

بالتوفيق للبرتقالي وللأسف اذا مو بالعباسيين صعبة الروحة بالنسبة الي ....

[f.torres]

ان شاء الله يتغير الملعب وتصير بالعباسيين
بس على كل حال اذا أرضية الملعب منيحة مو مشكلة بالعكس هيك منكون أقرب للنادي
وببين الجمهور اكتر
وياريت الكل يحاول ينزل

[AL Wahda]

بركي هيك بيبين الجمهور معبي الملعب
يمكن لمصلحتنا

المهم نربح بأي ملعب كان

[fahmi]

وين ماكان بالتوفيق للبرتقالي

[bmekhaled]

بصراحة أنا ماني ملاقي فريق الشرطة غلطانين أبداً
بالعكس طالما اللعبة محسوبة الهن فحقهن يختاروا الملعب طالما هالشي وارد
و هلأ و دائماً انا من رأيي طالما كل شي ماشي بالقانون و النظام و طالما القانون ماشي عالكل فما في شي بيزعل
و عموماً كمان الفيحاء منيح و حتى اقرب عالنادي و نفس عدد الجمهور اللي ببين عادي بالعباسيين رح يكون معبي الفيحاء (و بصراحة أنا الوحيد اللي ما بحبه ملعب الجلاء)
و بالتوفيق للفريق وين ما كانت اللعبة

[زينكو]

ان شالله بالتوفيق لفريقنا وين ما كان المهم النتيجة

[عدنان شيخاني]

معك حق عماروو

[السوري الدمشقي]

في شي خبر عن النقل

اذا قنوات الجزيرة لح ينئلوها ولا لأ

ولا عاملينها مفأجأ كالعادة جماعة الجزيرة