انت مع او ضد ... (موضوع يخص الرابطة)

[Ammar Alfarawati]

باخر لقاء للوحدة
وقف احد اعضاء الرابطة مع ضابط من كتبية حفظ
وقام الضابط بسحب هويات بعض المسيئين من الجمهور
مع اعادتها لهم بعد نهاية المباراة ان لم يقوموا باي اساءة
ان كانت للحكام او للفريق الضيف
او لاادارة ناديهم او كوادرهم الفنية او لاعبي فريقهم
هل انت ك عضو بالمنتديات الكترونية مع هذا الاجراء ام ضده
علما ان الضابط المكلف قام بسحب هوية مشجعين ضمن المنصة والمباراة تسيير واعادةها لهم بعد نهاية المباراة عندما راى ان الامور تسيير على خير مايرام
يهمنا رائيكم


الموضوع بطلب حسان الحسيني.

[وحداوي انا]

انا اكيد ضد هاد الحكي و مو مقبول ابدا
وكان لازم اعضاء الرابطة ما يسمحو بهشي
لانو بعد فترة ما رح تلاقي حدا على المدرجات
شو انا جاية لشجع فريقي ولا لتنسحب هويتي
بعدين هاد الضابط يلي عم تحكي عنو ضل
واقف بنص المنصة
والعالم خافت حتى تشجع للفريق

[نستول]

اي شو هالمصخرة من ايمتى كنا ندخل الشرطة فينا والله هاد الشي عيب اي شو صارت الشغلة ترهيب للجمهور من عمرها مباريات كرة القدم بتحتمل شتائم فردية للحكام (يعني بلحظات عصبية او اغلاط تحكيمية ) يعني مو بأيدو الواحد الله يرحم العريف العوايني يلي كان يسجل اسماء يلي عم يحكوا ويعطيهون للانسة شلون كان منبوذ وكل الطلاب بتكرهو اي مو ظابطة بنوب والرابطة لازم تكون لتجشع الجمهور عالحضور للملاعب مو العكس وبهيك تصرفات الجمهور لح يتناقص ويهرب اكتر مو بالاصل خافف
بعدين سبحان الله مدري ليش وانا عم اقرا هالموضوع خطر ببالي منظر كركر وهو عم يسلم جواد للكركون بمسلسل الخوالي
يعني هالشي لح يعمل نقمة عالرابطة من قبل الجمهور لانو نحنا جمهور الوحدة معروف عنا عاطفتنا الزايدة وعدم تقبلنا لشوفة حفظ النظام عم يشحطوا حدا شو ماكان مساوي وراجع سينارهوات المباريات بتتذكر صحة كلامي
(وبتمنى من شباب الرابطة مايزعلوا من حديثي لانو انتو يلي طلبتوا الرأيي من الاعضاء )

[Ammar Alfarawati]

شباب الموضوع للنقاش والاستفتاء .. مو لنضوج على بعض .

[ابو وسام]

اذا هالشغلة بتقلل الشغب داخل المدرجات ليش لاء واذا كل واحد قعد بادبو بالملعب ما في ابن مرا فينو يحكي معو شي

[نستول]

بالعك

شباب الموضوع للنقاش والاستفتاء .. مو لنضوج على بعض .




س اخي عمار مابظن انو في ضوجة نحنا عم نوصل وجهات نظر متل مانطلب مو اكتر يعني تخيل شباب الرابطة بعد بفترة صاروا برات الرابطة وعم يحضروا لعبة وطلع خلقون بسبب فرصة ضايعة او صفيرة ضيعت تعب فريق وطلعت معون شي كلمة بساعة غضب واجى حدا من الرابطة ودل حفظ النظام عليهون لح يقبلوها على حالون

[حسان الحسيني]

ليش كل هل العصبية
الي عم يسبوا بيعرفه حالهم
وباخر لعبة شفنا انو خفت المسبات بنسبة كبيرة والتلفت الجمهور لتشجيع فريقه

[حسان الحسيني]

خلونا نوضح الفكرة اكتر شباب مشان نعرف نتناقش فيها
الي عم يشغلوا المسبات بالمباريات هنن نفسهم كل مرة حوالي 20 واحد

لما واحدهم فايت عل الملعب وهويته مع الضابط هاد الامر رح يودي لانه هل الشخص يلي عم يسب
انو يخفف او يبتعد عن المسبات
نحن كل الهدف من هل الموضوع قمع شغلة المسبات نهائيا وهاد شي صعب اولا وبدو وقت تانيا
الا اذا كان عاجبكم التشجيع عن طريق بالمسبات بس
صدقوني الاجراء احترازي مو اكتر يعني حتى لو شو ماصار الهوية عم ترجع لصاحبها بعد المباراة

[حسان الحسيني]

لعطيكم مثال تاني ولولا تدخل رئيس النادي
كان العميد الموجود بالصالة بدو يسحب اكتر من 15 واحد من المشجعين بشكل عشوائي والسبب
انو جمهورنا صار ينادي لجمهور الكرامة بكلمة الجدبة الحمصية
والعميد اصله حمصي وطار عقله الزلمة
جمهورنا مابينتبه لهل الامور لابيعرف من وين هل الضابط وشو ممكن تكون ردة فعله وقت مثلا الجمهور بيسب او بيتمسخر على محافظة الفريق التاني

[حسان الحسيني]

بالعك





س اخي عمار مابظن انو في ضوجة نحنا عم نوصل وجهات نظر متل مانطلب مو اكتر يعني تخيل شباب الرابطة بعد بفترة صاروا برات الرابطة وعم يحضروا لعبة وطلع خلقون بسبب فرصة ضايعة او صفيرة ضيعت تعب فريق وطلعت معون شي كلمة بساعة غضب واجى حدا من الرابطة ودل حفظ النظام عليهون لح يقبلوها على حالون

ياحبيبي مابعرف ليش حسيتك معصب كتير من هل الموضوع
هل حاليا عم يكون هل الاجراء بعد ماتتركب الكاميرات بالمنصة شو رح يكون ردك
عتبرها القصة متل كاميرة موجودة بالملعب ولقطت واحد مشاغب وين المشكلة
جبلة ركب كاميرات ياترى لما ركبوا هل الكاميرات عم يعملوها ليهربوا جمهورهم ولا ليصير عملية ذبط للجمهور
بكل ملاعب سورية المسبات زادت عن حدها وين العيب اذا الكل اشتغل لتخفيف هل المصيبة الجديدة

[noel]

هلئ الفوائد من اخد الهويات هي تقليل الشغب بصورة كبيرة
بس المساوئ انو بتثل ثقة الجمهور بالرابطة لأنو بنظرهن عم تتعاون مع الاعداء الشوايا
و مو غلط التعاون مع الشرطة
{ايي لازم يكون تعاون بس مو بصورة كبيرة مع الشرطة
يعني ازا الشرطة حلت مشكلة الشغب منيح و ازا قدرنا نحل امورنا لحالنا بكون افضل

[حسان الحسيني]

هلئ الفوائد من اخد الهويات هي تقليل الشغب بصورة كبيرة
بس المساوئ انو بتثل ثقة الجمهور بالرابطة لأنو بنظرهن عم تتعاون مع الاعداء الشوايا
و مو غلط التعاون مع الشرطة
{ايي لازم يكون تعاون بس مو بصورة كبيرة مع الشرطة
يعني ازا الشرطة حلت مشكلة الشغب منيح و ازا قدرنا نحل امورنا لحالنا بكون افضل

بدك تنتبه انو الهويات ماعم تتاخد من الكل
عم تتاخد من الاشخاص يلي بكل مباراة بيشغلوا المسبات

[وحداوي كتلوني]

لما بيكون عنا شرطة محترمة وبتحترم شعبها وراقية بالتعامل ولما بتصير الدخلة للملعب بشكل حضاري ولما بيوقفو يرفسو ويسبو ويضربو ويهينو الناس ولما ما يميزو بين مشجعي الفرق ولما بتعرف الشرطة وضباطها أنهن عم يتعاملو مع بشر مو مع بقر ساعتها ممكن نفكر بهيك شغلة ...


بس طالمة هالشوايا الحوش موجودين فمستحيل نسلم رقبة وحداوي شامي لهيك دواب جاية من ورا البقر

[f.torres]

والله على أطع رقبتي ما بتعاون مع قائد الشوايا
هاد يلي كان ناقص بهدلونا وشرشحونا وبمرة من المرات انا وصغير ضربولي أبي أدام عيوني وبعدين اجي اتعاون معون لا ورب العزة
مع كل احترامي لاعضاء الرابطة وعلى راسون السيد حسان الحسين انا رافض لهل فكرة من أساسها
واذا بدكون تحطو حد للمسبات في ألف طريقة تانية فكرو بشي وحدة
وعلى فكرة انا بعمري ماسبيت بالملعب بالعكس انا بكون من الناس يلي بهدو الوضع وقت المسبات

[ابو كريم]

أنا مع سحب الهويات.. لأن سحبها من الاشخاص المسيئين سيريحنا من الشتائم اللا أخلاقية
وبالتالي سنصل لجمهور حضاري ننتظره منذ زمن بعيد..
هيرتا برلين أعلن عن توقيف 23 مشجع من دخول الملعب حتى عام 2013 نظراً لأعمال الشغب
التي قاموا بها الاسبوع الماضي وبالتالي.. هل سيقل عدد جمهور الفريق؟؟
بالتأكيد لأ.. لأن هذه القلة تضر أكثر مما تنفع

[DIABO MAN]

مافيها شي المسيئين أقل واجب انه يأخذوا هوياتهم
انا مع هالاجراء

[Gazwan]

الهويات يلي انسحبت هي لناس مشكوك بأمرهم
و السبب هو ضبط الشغب لا أكثر و بطريقة حضارية دون المساس بأي شخص

[وحداوي انا]

بس طالمة هالشوايا الحوش موجودين فمستحيل نسلم رقبة وحداوي شامي لهيك دواب جاية من ورا البقر
والله معك حق مليون بالمية
يسلم هتم

[وحداوي موت]

بدك تنتبه انو الهويات ماعم تتاخد من الكل

عم تتاخد من الاشخاص يلي بكل مباراة بيشغلوا المسبات




هيك فرقت حسون

انا فكرة عم ياخدوا الهويات بشكل عشوائي


بس بما انو في عالم محددة

أوكي انا مع هل شي يلي عم يعملوه


بس وقت يرجعوا الهويات بيرجعوها مجانا

ولا في تسعيرة متل العادة

؟؟؟؟؟؟؟؟

[حسان الحسيني]

لاعمورة لافي تسعيرة ولا هم يحزنون
واذا بدكم منخليكم تشوفوهم وتعملوا معهم مقابلة بهل الخصوص
لاانو الهويات عم ياخدها اعضاء الرابطة من الضابط بنهاية المباراة ويرجعوها لصحابها

[fahmi]

انا ضد هالشي وبدل مايعملو هيك الرابطة في حل احسن كل واحد بتشكوا بامروا انو بيشاغب" بقصد انو الو مشاكل سابقة"لاتخلويفوت عالملعب لانه بكرة بيصير سحب الهويات على ابو جنب

[نستول]

ياحبيبي مابعرف ليش حسيتك معصب كتير من هل الموضوع


هل حاليا عم يكون هل الاجراء بعد ماتتركب الكاميرات بالمنصة شو رح يكون ردك
عتبرها القصة متل كاميرة موجودة بالملعب ولقطت واحد مشاغب وين المشكلة
جبلة ركب كاميرات ياترى لما ركبوا هل الكاميرات عم يعملوها ليهربوا جمهورهم ولا ليصير عملية ذبط للجمهور
بكل ملاعب سورية المسبات زادت عن حدها وين العيب اذا الكل اشتغل لتخفيف هل المصيبة الجديدة

ابو احمد الورد اول شي مسا الخير وتاني شي الشغلة مو شغلة تعصيب او شغلة شخصية بيني وبينك بس الشغلة موضوع للنقاش مو اكتر والاختلاف بالرأي لايفسد للود قضية:
ابو احمد انت وانا وكل الجمهور ياما دئنا الامرين من حفظ النظام ومنعرف من خلال تجاربنا الطويلة معون انو هنن غير مؤهلين للتعامل مع الجماهير بالملاعب لانو معظمهون اغرار من الدورة عالملعب وانت اكتر الناس يلي بتعرف هالحكي لهيك انا مو ظابطة معي انو نعطي هوايات العالم الهون اما اذا متل ماقلت انو هي الاشخاص هنن نفسون كل لعبة (يعني جماعة مدفوشين متل العادة لانو هاد مرض المرتزقة مامنخلص منو بنادينا )انا بطالب انو ينمنعوا هنن بالذات من دخول الملاعب بس مو معئولة يضلوا حفظ النظام متل ماقالوا بعض الشباب كل الوقت مزروعين بالمنصة (لاني انا ماحضرت اللعبة ) لح يصير مشكلة لانو الجمهور بشر والبشر لحم ودم يعني مهما كان الواحد راقي وسنيه اذا شاف ظلم تحكيمي او خلل فني (على الاقل من وجهة نظروا ) الا ماتطلع معو شي كلمة غصب من عنو مشان هيك مو معئولة نخلي حفظ النظام ياخدوا هويتو
يعني بلعبة الجيش في شباب وانا مالي متأكد على مابعتقد انون من الرابطة نشروا عرضو لماهر السيد
معناتا كمان الرابطة لحم ودم وممكن يعبروا عن رأيون تجاه شغلة زاعجتون بس بيردوا بيراجعو ا حالون بيعرفوا انو غلطوا وبتخلص القصة
يعني خلوا الشغلة اهلية بمحلية ومنحلها بينات بعضنا البعض ومافي داعي لندخل حدا وتقبل فائق احترامي ابو احمد الغالي

[عمار عبار]

اليس هناك حل افضل من هذا
مادمتم تعرفون من هم الاشخاص المسيؤون تحديدا
(وان كنت اشك بذلك لصعوبة حصرهم
لان 40 بالمائة من الجمهور ان لم يكن اكثر كله يقوم بالشتم وبشكل جماعي)

فالافضل ان يتم التعامل معهم وعندها بالتاكيد لن يجرو احد على تجاوز الحدود والاعراف

رغم فلة الجمهور بمباراة الوثبة الا ان الشتائم لم تتوقف طيلة المباراة
وليس بالمنصة وحدها
بل بالملعب ككل

[عمار عبار]

طبعا انا من المطالبين دائما لايقاف مهزلة الشتائم والتطاول على رموز النادي
فالامر اصبح لا يطاق
واستغرب كيف يفوز فريقنا والبعض يشتمه ويشتم الذات الالهية ويخوض في اعراض الاعبين ومن ثم عند اول فرصة
تلوح للفريق يقولون يارب هدف

من لا يعمل باسباب النصر انى له ان ينتصر

[wissam82]

أنا ضد هالفكرة لأنه ممكن تروح الصالح بالطالح

وممكن كتير إنه شخص من يلي مسجوبة هويته ما عاد عمل مشاكل
ولا عاد شتم ،، بس ممكن لما تصير شي مشكلة تنطبش الشغلة براسه ..

برأيي في حلول أفضل ،، والأفضل انه يتوزعوا شباب الرابطة وشباب من خارج
الرابطة يتعاونوا معهم ويسحبوا أي شخص بيخرج عن المألوف بالشتم وبيعمل مشاكل ..

[AL Wahda]

لو يلتقى حل تاني غير شغلة الهويات . .
اكيد الكل ضد الشتائم

[علي1991]

نحن مع التصرف الحضاري مو اكتر
بصراحة كان الضابط عم يتعامل مع الجمهور بحضارية كبيرة يعني انا شايف انو الخطوة جيدة

[حسان الحسيني]

ابو احمد الورد اول شي مسا الخير وتاني شي الشغلة مو شغلة تعصيب او شغلة شخصية بيني وبينك بس الشغلة موضوع للنقاش مو اكتر والاختلاف بالرأي لايفسد للود قضية:
ابو احمد انت وانا وكل الجمهور ياما دئنا الامرين من حفظ النظام ومنعرف من خلال تجاربنا الطويلة معون انو هنن غير مؤهلين للتعامل مع الجماهير بالملاعب لانو معظمهون اغرار من الدورة عالملعب وانت اكتر الناس يلي بتعرف هالحكي لهيك انا مو ظابطة معي انو نعطي هوايات العالم الهون اما اذا متل ماقلت انو هي الاشخاص هنن نفسون كل لعبة (يعني جماعة مدفوشين متل العادة لانو هاد مرض المرتزقة مامنخلص منو بنادينا )انا بطالب انو ينمنعوا هنن بالذات من دخول الملاعب بس مو معئولة يضلوا حفظ النظام متل ماقالوا بعض الشباب كل الوقت مزروعين بالمنصة (لاني انا ماحضرت اللعبة ) لح يصير مشكلة لانو الجمهور بشر والبشر لحم ودم يعني مهما كان الواحد راقي وسنيه اذا شاف ظلم تحكيمي او خلل فني (على الاقل من وجهة نظروا ) الا ماتطلع معو شي كلمة غصب من عنو مشان هيك مو معئولة نخلي حفظ النظام ياخدوا هويتو
يعني بلعبة الجيش في شباب وانا مالي متأكد على مابعتقد انون من الرابطة نشروا عرضو لماهر السيد
معناتا كمان الرابطة لحم ودم وممكن يعبروا عن رأيون تجاه شغلة زاعجتون بس بيردوا بيراجعو ا حالون بيعرفوا انو غلطوا وبتخلص القصة
يعني خلوا الشغلة اهلية بمحلية ومنحلها بينات بعضنا البعض ومافي داعي لندخل حدا وتقبل فائق احترامي ابو احمد الغالي

اول شي اكيد مافي شي بينا وهو مجرد موضوع طرحناه للتصويت
ونتائجه مناخدها بعد فترة
بخصوص مين عم يتعامل مع هل القصة
عم يتعامل ضابط والي كانو بالمنصة شافوه كيف كان عم يتعامل مع العالم
مو عسكري يلي مكلف بهل المهمة

[Ammar Alfarawati]

انا من وجهة نظري ,, انو سحب الهوية , غليظة شوي , اي وين رايح الواحد ..

هلا برا بيعملوها .. لانهم بيعملو بطاقة سنوية او بطاقة عضوية للمشجع , ووقت يخل بالنظام بيسحبوها منو بعدد المباريات يلي انحرمها ( لان بيدخل فيها عالملعب ) ,, عدا عن الكاميرات المواجودة داخل الملعب ,, فانا كهوية شخصية ضد انو تنسحب ..

[MHDFA]

لما بيكون عنا شرطة محترمة وبتحترم شعبها وراقية بالتعامل ولما بتصير الدخلة للملعب بشكل حضاري ولما بيوقفو يرفسو ويسبو ويضربو ويهينو الناس ولما ما يميزو بين مشجعي الفرق ولما بتعرف الشرطة وضباطها أنهن عم يتعاملو مع بشر مو مع بقر ساعتها ممكن نفكر بهيك شغلة ...


بس طالمة هالشوايا الحوش موجودين فمستحيل نسلم رقبة وحداوي شامي لهيك دواب جاية من ورا البقر
انت كفيت ووفيت اخي الكريم بس بدي زيد شغلة انو هي الضابط من حمص وما بعرف شو انشالله يكون من وين ما كان هي اكبر دليل على حكيك اذا الضابط عقلو صغير لهالدرجة بقى لا عتب عالعناصر بقى اذا اخوانا بالرابطة بيلاقوا غير هالحل بكون ممنونن وتقبلوا مروري اخوكم محمد الفرا

[noel]

طيب ازا تنظم لموضوع اكتر بين الشرطة و الرابطة يعني الجمهور ما بيثق ابدا بالشوايا و بيكرهن بس بالرابطة الاغلبية معها

[bmekhaled]

بتعرفو بشو ذكرني هالموضوع هاد ؟ بقصة النقاط تبع المخالفات

يعني بصراحة الموضوع بحد ذاته كفكرة منطقي إذا ما كانت الهوية الشخصية بالموضوع ، يعني لو بطاقة مخصصة للملاعب لأنه صعبة كتير تكون الهوية بالدق ، و بصراحة أنا إذا بيصير في احتمال واحد بالمية مليون انسأل سؤال عن هويتي ما عاد قرب عالملعب مهما كانت أهمية اللعبة

بس نرجع لموضوع النقاط ، كل الناس ضده مع أنو معظمنا مقتنعين بالفكرة ، طيب ليش ؟ بكل بساطة لأنه شرطة مرورنا و منعرفها و ساعتها بدل ما تكون وسيلة للنظام انفتح باب للنصب ، و هاد الشي اللي ممكن نتخوف منه بهيك موضوع

[حنا عاشق الوحدة]

أكيد عيب هالشي يصيير بس لازم الرابطة لما واحد من الجمهور يأذي شيء أو ياذي أحد هي تسلمو للشرطة

يعني بس يضرب أحد أو يدفشو مثلا


مو بس واحد يسب الحكم أو الفريق الثاني لانو اللي عم بصير برا الشام ماعم يصير ربعو هون

[sameer.adawi]

تركيب الكاميرات عالمنصة وبأماكن متفرقة بالملعب شي كتير حضاري والوسيلة الوحيدة لضبط الجمهور والملعب , أما سحب الهويات وطلب الهوية بالعكس تماما في إهانة للشخص ( بنظري ) , وهالشي ممكن ياثر على عدد الجمهور يلي بدن يحضروا اللعبة بالملعب , لانو الشرطة عنا معروفين بياخدو الصالح بالطالح , لاء بضل ببيتي عم شوف المباراة وبلا هالبهدلة من اساسا.

[حسان الحسيني]

منرجع منقول كلامكم على العين والراس
بس انتبهوا لنقطة انو لعدد محدد من الجمهور السحب عم يكون
مو لااي شخص
تانيا بالفترة الماضية تم حصر الاشخاص يلي بيبلشوايشغلوا الجمهور بالمسبات
وهنن يلي عم يتم التعامل معهم بهل الطريقة

[فادي النابلسي]

طبعا ضد أنو حدا ياخد الهويات تحت أي مسمى كان .
من طول عمرنا منروح عالملعب والواحد بيتعرض لشي حكم من هل حكام لظراف وصافراتن لمرتبة ...أنا مالي شايفها حلوة بحئنا وبحق جمهور الشام وخاصة أنو نحنا مالنا محبوبين من بين كل المحافظات والشرطة منون وفيهن .....
ومشان هل عشرين واحد يلي عم بسبو بالمنصة هنن منا وفينا وياريت يبطلوا مشانون ومشان النادي وإذا الواحد طلع خلئو مافي مشكلة بس ماتكون الشغلة مدروسة قبل مايجو عالملعب

[SH@@MI]

والله أنا مع هالفكرة

لأنو المسبات زادت عن حدها

[رامي الوحداوي]

والله إذا هالشغلة بتخفف المسبات ليش لأ

[f.torres]

انا مستغرب شغلة وحدة انو السيد حسان انت بالالتراس ومن المعروف انو الالتراس العدو الأول لرجال الشرطة وبكل انحاء العالم
مع كل احترامي الك لانك من أوفى المشجعين بهل نادي

[أب عمر العرقسوسي]

انا مع هاد الحكي
لانو قلة قليله مندسه بجمهورنا العزيز
مو جايه غير للمشاكل

[Ahmedinho]

الصراحة انا محتار لموضوع في اْلو جوانب ايجابية و سليبة..

الكل يعرف انو شرطة حفظ النظام على طول عم بتكون ضد جمهور لوحدة حتى بمباريات السلة اكتر من مرة بيجي عسكري و يعد وعم يزور بالمشجعين بدون سبب و بتفهم منو انو يقول لا تشجعوا و ظلوا ساكتين..
حتى بمباريات الجيش نحنا نشوف انو جمهور الجيش المرتزقة بيفوتوا معززين مكرمين و نحنا محشورين ع باب واحد و حتى بالصالة و هاد لشي واضح...

و من جهة تانية موضوع السب زاد عن حدو كتير و حتى لشغلة صارت تصير جماعية بتاثير من شخص او شخصين...
و اذا كان فريقنا ربحان بيقول لجمهور ( جمهور لوحدة منصة و بس )... و انا من لناس يللي هجرت المنصة.... في ناس عم يجوا لحتى يسبوا و يطلعوا مسيرة ع لقصاع بس...

الصراحة تصويتي لا اعلم

[حسان الحسيني]

انا مستغرب شغلة وحدة انو السيد حسان انت بالالتراس ومن المعروف انو الالتراس العدو الأول لرجال الشرطة وبكل انحاء العالم
مع كل احترامي الك لانك من أوفى المشجعين بهل نادي


كفيت ووفيت بس هون مصلحة نادي على مصلحة مجموعة مشجعين هية بتكون الاهم هيك المتوقع

[فهد قيطاز]

انا ضد الفكرة بس بحكم أني متغرب وبعيد عن النادي أحتمال كبير
يكون رأيي خطا الأفضل من المتغربين يكونو حياديين والرأي بيرجع
للأدارة والرابطة ومشكورين على جهودكم

[MHDFA]

اخونا الكريم حسان
تحية الك ولكل اعضاء الرابطة و مشكورين عالجهد يلي عم تبذلوه بس يمكن انت بهالشي يلي عم تقترحوا تحل مشكلة بس حتسبب مشاكل والله يعطيكون العافية
ملاحظة صغيرة انا سمعت من احد الجمهور يلي انسحبت هويتو انو كل واحد بيحكي على نزار او ما بيحبوا او بينتقدوا لح تنسحب هويتو يعني هي اول الحجج ونحنا مو ناقصنا مشاكل وفهمك كفاية

[حسان الحسيني]

اخونا الكريم حسان
تحية الك ولكل اعضاء الرابطة و مشكورين عالجهد يلي عم تبذلوه بس يمكن انت بهالشي يلي عم تقترحوا تحل مشكلة بس حتسبب مشاكل والله يعطيكون العافية
ملاحظة صغيرة انا سمعت من احد الجمهور يلي انسحبت هويتو انو كل واحد بيحكي على نزار او ما بيحبوا او بينتقدوا لح تنسحب هويتو يعني هي اول الحجج ونحنا مو ناقصنا مشاكل وفهمك كفاية


ياريت وئت تسمع هيك كلام تواجهنا مباشرة مع صاحبه بوجود الادارة
اكتر من هيك مافي جاوبك

[عمار عبار]

ملاحظة صغيرة انا سمعت من احد الجمهور يلي انسحبت هويتو انو كل واحد بيحكي على نزار او ما بيحبوا او بينتقدوا لح تنسحب هويتو

ليش الحب اجبراري
اونزار فوق النقد