الغاني رزاق يشتكي : هذا ماحصل معي في المطار؟!! [الأرشيف]

مشاهدة النسخة كاملة : الغاني رزاق يشتكي : هذا ماحصل معي في المطار؟!!

samersabsoub

06-07-2007, 03:14 PM

بحزن وانكسار تحدث الغاني رزاق محمد لموقع الكرة السورية عن المعاملة السيئة التي يلقاها في نادي الوحدة ، حيث كان من المقرر أت يعود اللاعب مساء الأحد الماضي للالتحاق بصفوف ناديه الذي ينافس في مسابقة الكأس وإكمال المشوار معه لكنه فوجئ بعدم جاهزية الفيزا التي تخوله بدخول الأراضي السورية .وبعد تأكيد جاهزيتها مساء الأربعاء حسبما أخبره المسؤول عن تجهيزها (هيثم شريف) فوجئ لدى وصوله مساء الأربعاء بعدم وجودها في المطار مما أدى لبقائه خمسة ساعات وهو ينتظر قبل أن يتدخل مندوب موقع الكرة السورية ويدفع رسوم الفيزا .

ولم يقف الأمر عند هذا الحد فقد فوجئ رزاق مرة أخرى بعدم وجود مندوب من النادي ليخبره اين سيقضي أيامه القادمة ومرة أخرى يتدخل مندوب الموقع ليقوم بالحجز له وعلى نفقته الخاصة في أحد فنادق العاصمة.

رزاق الذي تألم كثيراً لهذه المعاملة السيئة قرر عدم تكملة المشوار مع ناديه وقبول عرض أحد أندية العاصمة للعب معه في الموسم القادم لكن جهود المحبين تدخلت لإقناعه بالصبر حتى مساء السبت مع الوعد بحل مشكلته ودفع بقية مستحقاته البالغة حوالي 300 ألف ليرة سورية .ونظراً لمحبته الكبيرة لجمهور النادي وعلمه بأن غيابه سيحزنهم فقد سافر مع الفريق على حلب مساء الخميس ليخوض معه مباراة إياب الدور ربع النهائي مع عفرين.

وأخيراً توجه رزاق بالشكر لموقع الكرة السورية الذي وقف معه طويلاً ومع صديقه الزامبي بيتر من قبل وتمنى أن تحل مشكلته لأنه أحب نادي الوحدة ويعز عليه فراقه على الرغم من إحساسه أن هناك من لايريد له البقاء وقد بات يعرفهم وسيكشف عن أسمائهم في الوقت الملائم.

خاص بموقع الكرة السورية
7/6/2007

سعدي

06-07-2007, 03:23 PM

ما اختلفنا على تقصير الادارة ..

شو كل ما تخانئ لاعب مع ادارة ناديه بيدفع مندوب موقع الكرة السورية ؟

بكل حال انما الاعمال بالنيات و ما حدا بيعرف بالضبط شو النيات ... مشكورين بكل حال اذا عم يساعدوا اللعيبة فعلا

هنو

06-07-2007, 03:23 PM

لك من شان الله خليه يذكر الاسماء هلأ

06-07-2007, 03:32 PM

لعما بعيونو لعما شو هالقلة الذوق يلي عندو قسما بالله صار دبحو حلال :evil: :evil: :evil: :evil: :evil:

deyaa

06-07-2007, 03:36 PM

لك شو هالصدفة هي

هلق نزلت نفس الموضوع

بس لح احذف موضوعي وانسخ التعليق تبعي لهون

وهي تعليقي الاصلي:

بدي شوف كم لاعب بدو يكون عم يلعب باسم الوحدة من هون لاول مباراة بالدوري الجاية اذا بقى الحبوباتي ملزق

خايف ينزل على الملعب 5 - 6 لعيبة من الوحدة بس

فيلغوا جميع مباريات الوحدة بسبب عدم توافر لاعبين

وتنحسب المباريات خسارة 3 - 0 وننزل بكل كرامة على الدرجة العاشرة

ونصير اسوء فريق بالعالم بدل الفريق البلغاري يلي حكوه عليه الشباب

وقتها بس بتنبسط بعض عالم وبيصير فيها تسكر بالكازينو تبعها على كيفها

:evil: :evil: :evil: :evil: :evil: :evil: :evil:

أبو صخر

06-07-2007, 03:39 PM

لك شو هالصدفة هي

هلق نزلت نفس الموضوع

بس لح احذف موضوعي وانسخ التعليق تبعي لهون
انا كمان رح أحذف ردي
لاني لحقتلك رد فورا :mrgreen:

inzaghi 9

06-07-2007, 03:42 PM

شو كل ما تخانئ لاعب مع ادارة نادية بيدفع مندوب موقع الكرة السورية ؟

:?: :!: :?:

سعدي

06-07-2007, 03:45 PM

لك شو هالصدفة هي

هلق نزلت نفس الموضوع

بس لح احذف موضوعي وانسخ التعليق تبعي لهون

أخي ضياء تم حذف الموضوع
صدفت انو نزل هالموضوع قبل موضوعك بدقايق ..
سبقك :mrgreen: :mrgreen:

على كل حال منرجع للموضوع الاصلي ..
بالنسبة للادراة : اللي استحوا ماتوا

deyaa

06-07-2007, 04:02 PM

لك قمة المسخرة

انو هيك شغلات نحن يلي بمنتدى النادي اخر عالم عم ندرى فيها

:m( :m( :m(

06-07-2007, 04:11 PM

يا اخي ما بدون يخلو حدا من يلي عبيلعبو منيح
رح يروح ماهر السيد وهلأ صار بدو يروح رزاق والله العليم كم مية واحد لسا بدو يروح :b( :cry

salah

06-07-2007, 04:18 PM

لعما بعيونو لعما شو هالقلة الذوق يلي عندو قسما بالله صار دبحو حلال

مين برهوم يلي ببالي بالك :m(

06-07-2007, 04:20 PM

لعما بعيونو لعما شو هالقلة الذوق يلي عندو قسما بالله صار دبحو حلال

مين برهوم يلي ببالي بالك :m(هو ما غيرو بس مشان الضرورات الامنية :m(

إبن الشام

06-07-2007, 04:45 PM

الله يورجيني فيك يوم يلي كنت السبب

wissam82

06-07-2007, 05:09 PM

يعني بس بدي أفهم مين بدهم يخلوا بالفريق لعيبة ...

اذا كل اللعيبة المناح بدهم يطفشوهم ,, مين بدهم يخلوا ولمصلحة مين هالشي ..

الله ينتقم من أي شخص عم يشتغل ضد مصلحة النادي ... :evil: :evil:

06-07-2007, 05:27 PM

يعني بس بدي أفهم مين بدهم يخلوا بالفريق لعيبة ...

اذا كل اللعيبة المناح بدهم يطفشوهم ,, مين بدهم يخلوا ولمصلحة مين هالشي ..

الله ينتقم من أي شخص عم يشتغل ضد مصلحة النادي ...

ليش ما دريت من مصلحة الفريق خروج رزاق :b( مشان نعطي فرصة لشبابنا الموهوبين :shock:

سامي حرح

06-07-2007, 08:44 PM

يعني بدنا نضل عمنحكي ونسبسب ؟؟؟؟؟؟؟؟
لازم نتحرك بقا؟؟؟؟؟؟؟؟
حاجة كلام فاضي بدنا شي عملي ياشباب؟؟؟؟؟؟؟
نادينا ينادينا؟؟
علينا التحرك باسرع وقت
وانا جاهز لكل شي بيفصلوه؟؟؟؟؟؟؟؟
عشتم وعاش الوحدة :fw :fw

الرومانسي الحزين

06-08-2007, 10:45 AM

شباب يعني معقولة في مندوب لموقع الكرة السورية يستقبل رزاااااااااق وما في مندوب من نادينا او من مشجعينا او حتى من منتدانا والله عيب
بس الحق مو علينا على ادرتنا الكريمة يلي فوتتنا ب100000 حيط وماعاد خلتنا نعرف نشتغل صح

ABOU MALEK

06-08-2007, 11:57 AM

هادي شباب المنتدى ما بقصروا بس الادارة الفاشلة تبعك شلون بدك ياها تحترم هاللاعب و تجيوا من المطار اذا مو محترمة حالها فوق غباءها و احتقار الجمهور ئلها

وحداوي موت

06-08-2007, 01:56 PM

لك حتى هل درويش ما سلم من شرك يا حبوباتي

لا حول ولا قوة الا بالله

kashi

06-09-2007, 10:16 AM

اكيد كان عم يحكي عن نادي الوحدة مومعقول هذا الكلام لفريق احياء شعبية وادارة فريق حارة مونادي العاصمة ونادي الوحدة نادي الوحدة رئيس ناديه خالد حبوباتي ما بيرضى فهو بيك اكيد ما بيرضى وبحب النادي ولك مشان الله حاجة دمار للنادي رح نموت :evil: :evil: :evil: :evil: :evil: :evil:

kashi

06-09-2007, 10:16 AM