المساعد الشخصي الرقمي

مشاهدة النسخة كاملة : خسـرنـا نـقـطـتـيـن .. وكـسـبـنا نـجـمـيـن .. وشـكر لـهـؤلاء ..

wissam82
03-19-2010, 02:56 PM
أول شي هاردلك ع التعادل مع فريق الوثبة القوي
ومبروووك ع الأداء المتميز لفريقنا

مباراة جميلة ورائعة من فريقنا البرتقالي يلي تغلب على ظروفه والغيابات
وقدر يقدم أداء متميز ويسيطر على أغلب الأوقات بالمباراة ..

أنا ما رح أحكي عن النتيجة ولا عن الأداء الجميل بشكل عام بس حابب أحكي
عن نجم صاعد من شبابنا قدم مباراة ممتازة اللاعب هو :

أسامة أومري

نجم خط وسط فريقنا بهي المباراة ،، لاعب صغير بالعمر كبير بالأداء
سيطرة ممتازة ع الكرة ،، تمريرات متقنة ،، أداء رجولي ..
كان رح يتوج تألقه بهدف رائع لولا تألق غير عادي لفادي مرعي حارس الوثبة ..

لاعب يملك خامة ممتازة ،، والمستقبل كبير أمامه بإذن الله ..

أتمنى إنه ياخد فرصته دائما مع الفريق بباقي المباريات لأنه رح يكون مكسب ونجم كبير
بفريقنا بالمستقبل بعون الله ..

النجم الثاني هو عبد الكافي خاووج ،، أتمنى إنه يتم انتقاله لفريقنا بشكل نهائي
لأنه لاعب شاب وموهوب ،، مقاتل على الكرة يملك لمسة الهداف بالفطرة ..
شاهدناه لا يكل هجوماً ولا يمل دفاعاً ،، عبارة عن كتلة نشاط ..

نحنا اليوم خسرنا نقطتين على أرضنا من فريق قوي ومنظم ،، بس كسبنا هاللاعبين الشباب
يلي كانوا عند حسن الظن فعلا ..

وطبعا ما بنسى تميز الأداء ونجومية اللقاء المطلقة لسي الشيخ بتحركاته الرائعة
على اليمين مع مساندة (( النفاثة )) رأقت محمد ،، يلي عم يرجعنا ويذكرنا بأيام العز للتيربو رأفت ..

وشكراً لأبو الروض حامي العرين ،، يلي تألق بأخر 5 دقايق بالمباراة بعد الضغط الوثباوي الأخير ..

وشكراً للزبيدي المتميز كالعادة ع الجهة اليسار

وشكراً لعبد الناصر جوكر الفريق يلي لعب بالوسط بالبداية ورجع للدفاع مع خروج الادريسي

وشكراً للعلايا الجندي المجهول بالفريق ..

وبدي أشكر كمان غسان معتوق يلي لعب بعد غياب طويل وعاد والعود أحمد
وكان عند حسن الظن فعلا اليوم ،، وإن شاء الله بيواصل التحسن أبو حسين ..

وشكراً لجميع اللاعبين وشكراً للكابتن أبو حامد يلي قدر يعمل توليفة جيدة
رغم الغيابات والنقص الكبير بالفريق ..

أسوء مافي المباراة برأيي هو زياد شعبو يلي لعب شوط كامل ع الواقف ..!!!
وبتوقع لو نص الفرص يلي وصلت للشعبو وصلت للخاووج أو تشوكو كانوا سجلوا هدفين
ع الأقل من الشوط الأول ..

بكل الأحوال قدر الله وما شاء فعل ..

ونقطة أفضل من ولا شي من أمام فريق مستقر ومنظم كالوثبة ..

والشي الجميل اليوم هو أداء فريقنا وليس النتيجة ..

أتمنى إنه نبدأ بشكل فعلي بالزج بهل لاعبين الشباب ليكونوا نواة فريقنا لعدة مواسم قادمة ..

ولا خوف على نادي الوحدة بالمستقبل بوجود موهوبين مثل الأومري والزبيدي وأمثالهم

وصدقوني القادم أفضل بكتيرررررر بإذن الله ..

المهم الله يديم هالاستقرار الإداري والفني بالنادي مع تحسن الوضع المادي
وأكيد رح نشوف فريق تاني بالموسم القادم إن شاء الله ..
abouabdoo
03-19-2010, 03:02 PM
بالفعل اليوم أسامة أومري كان عند حسن الظن

ولولا الحظ وتألق فادي مرعي كان عادل النتيجة من الشوط الأول

وما ننسى أنو هو يلي مرر لسي الشيخ كرة رائعة ضرب فيها ظهر دفاع الوثبة ومنها أجا الهدف للشاب المتألق عبد الكافي خاووج
<IBRAHIM>
03-19-2010, 03:03 PM
واخير شفنا لاعب شب بالفريق
بتمنى بتمنى ماعاد نشوف الاباظة والشعبو والخليل لنهاية الدوري
ويكون كل من الاومري والخاووج و الخربين اساسين بدالن
وكمان يكون في تبديلات بكل مباراة والدفع بلاعبين شباب
ومافي مانع من اراحة العلايا ورافت بكم مباراة مشان نهيىء بدلاء الن من اللعيبة الشباب
Ammar Alfarawati
03-19-2010, 03:06 PM
بالفعل هاللاعبين اذا تمت المحافظة عليهم , فحيكون الهم شان كبير بالمستقبل القريب باذن الله ...


عنا لسا مشاكل بالفريق الا وهي الدفاع لكن حسب النتائج السابقة , هي تحسنت بشكل جيد , وان شاء الله بالايام الجاية تنحل بشكل تام ...

برجع للشباب ..اللاعبين الشباب بدهم شوية ثقة ... وبكون وضعهم غير وافضل

غسان بعد طول غياب هالموسم من اوله , رجع بشكل حلو .. وبرايي كانت اللعبة صعبة عليه لانه عم يلعب بعد فترة طويلة مباراة كاملة من البداية .. لانه رح يكون بعيد عن جو المباريات ...

بقية اللاعبين من رافت والازهر ادو بشكل جيد وكانو مؤثرين مع العلايا المقاتل

اما سي الشيخ فلحاله كلام تاني .. نشاط وحيوية وخطورة على دفاعات الوثبة يلي ماقدروا يوقفوا الا بعرقلات متكررة


مباركة جهودكم ويعطيكم العافية ... وشكرا للكابتن نزار بانه اشرك الشباب من البداية وخلاهم كل الوقت لان هيك افضل النا للمواسم القادمة ...

مع الشكر للكادر الفني والاداري والطبي للفريق ..
W@SEEM
03-19-2010, 03:07 PM
بالفعل أولى خطوات بناء الفريق هي تجديد العقود أو التعاقد بشكل رسمي مع بعض اللاعبين اللازمين للموسم المقبل

ومنهن : قصي - عبد الناصر - سي الشيخ - علي رحال - الخاووج

بالإضافة لأبناء النادي الموجودين بالفريق ومنهن : الزبيدي - رأفت - أومري ش
وحداوي موت
03-19-2010, 03:14 PM
فريق الوثبة فريق قوي ومنظم وعندو محترفين على مستوى عالي

الحمدلله رغم الغيابات ورغم تشكيلة فريقنا
بس كان وضعنا جيد وقدرنا نتفوق على الوثبة

التعادل ظالم بلنسبة للوحدة
بشكر اللاعب سي شيخ يلي تعملق اليوم وكان اكتر من رائع
وكمان الحارس رضوان الأزهر كان رهيب كتير والله شال طابتين من سقف الكول

على كلن الحمد لله فريقنا كان جيد وخصوصا بلشوط التاني كان رائع
وحداوي موت
03-19-2010, 03:17 PM
على صعيد اللاعبين
أسامة أومري كان لاعب رائع وواثق من حالو تسديدات على المرمى وباصات رائعة

غسان معتوق بعد غياب طيول رجع وكان متميز بمكانو وقدر يقطع طابات كتير للوثبة


معتصم جيد ومستواه مقبول


زياد سيئ كان اليوم ولو استغل الفرص يلي اجتوا كنا ربحنا من الشوط الأول

عبد الناصر كلعادة لاعب مستواه رائع وثابت وجيد

زبيدي نجم كان اليوم وخصوصا بمكانو يلي كان فيه محترفين الوثبة وثدر يتفوق عليهن

رأفت محمد مستواه جيد وأنطلاقاتو حلوة كتير ورفعاتو صايرة النسبة جيدة عندو
f.torres
03-19-2010, 03:21 PM
الحمد لله الحمد لله الحمد لله
شكرا عبد الكافي والله هل زلمة اليوم خلاني نط وما حط ان شاء الله بيستمر معنا هو وكل الشباب
ومبروك نقطة التعادل الغاليو من الوثبة القوي
شنكل
03-19-2010, 03:25 PM
بتوفيق للاورانجيييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييي
أغيد الفرا
03-19-2010, 03:29 PM
الفريق اليوم كان ممتاز
و متل ما قلت الأومري و الخاووج ممتازين

بس عندي اعتراض على الخاووج أنو مالو ملك لفريقنا فهو إعارة .. ياريت يتم شراؤو نهائيا

و لولا أبو حامد ما كنا شفنا شباب بفريقنا عم تلعب أبدا
فهد قيطاز
03-19-2010, 03:30 PM
خبر حلو بغض النظر عن النتيجةوان شاء الله بيكونو الشباب على ئد المسؤلية
بالمباريات القادمة ولله اشتقنا لنشوف ولاد نادي الوحدة عم يلعبو بدم
AMIN
03-19-2010, 03:32 PM
الحمد لله عالتعادل والمهم الاستقرار الاداري للسنة الجاي واللي بيصبر بينال
جيرارد
03-19-2010, 03:35 PM
فعلا مبروك للوحدة يلي قدم مبارة اكثر من رائعة ولولا الشعبو البعيد عن مستواه لكنا فايزين هلأ
اما اللعيبة الشباب كانو عند حسن الظن وبتمنالهن التوفيق
اما سي الشيخ لاعب ماشاء الله حوله الله يحميه
والفريق ككل كان رائع بلتوفيق للوحدة ولابو حامد الغالي يلي ع الاقل خلانا نرجع نتزكر ايام زمان من خلال الكرة الحلوة
نستول
03-19-2010, 04:21 PM
بالتوفيق للبرتقالي بقادمات الايام
SH@@MI
03-19-2010, 04:41 PM
أول شي هاردلك عالتعادل وعخسارة نقطتين
تاني شي مبروك الأداء من بعض اللاعبين ومبروك التألق من هالشبين
تالت شي مبروك للمغتربين مشاهدة لقاء للوحدة من جديد

الحمدلله على كل حال
والتعادل أفضل من الخسارة طبعاً
(بس فوز وخسارة أحسن من تعادلين)

أداء اللعيبة كان حلو اليوم
زيااد قسي عليه الجمهور بالبداية بجوز هالشي أثر عليه
غسان رجع رجعة حلوة
الأزهر طبعاً ما في كلام على تألقه
سي الشيخ نفس الشي رائع
توشوكو عندو حس تهديفي
الخاووج والأومري انت كفيت ووفيت أبو أنس


اذا هيك بيبقى الأداء منفوز بإذن الله عالشرطة
love barca or die
03-19-2010, 04:50 PM
يلي صار من الجماهير تجاه الشعبو عيب
مو هيك اخلاقنا ومو هيك مننسى يلي قدمو اللاعب مشان الوحده بالذهاب وشلون كانت الجماهير عم تستمتع بلعبو وبالقتاليه بالملعب
ومنيح التعادل نتيجه مو بطاله بهيك ظروف
ميدوالشامي
03-19-2010, 05:31 PM
مبروك الاداء قبل النتيجة
كان في لعب مقنع واداء كويس واحسن من باقي المباريات
ونشالله بتتحسن الامور اكتر وأكتر
أسامة
03-19-2010, 06:23 PM
الله يصبر نزار لنهاية الدوري
بس بالشوط الأول نص اللعيبةبدها كب والله
حاج والله تعبنا مو لأالله الجمهوركاشش
وحداوي انا
03-19-2010, 06:29 PM
الف شكر للملك ابو حامد
يلي بدل الشعبو
ونزل اللعيبة الشباب
خليهون يلعبو ويكسبوا خبرة
رح يكونوا اكيد اساسين الموسم القادم
wassim80
03-19-2010, 06:29 PM
يلي صار مع زيااااد , كبيرة بحقه وعيب على بعض الجماهير يلي عميصير يعني والله قرفنا من الحثالة يلي بمدرجاتنا وعم يسيئو لناديهم؟؟
wissam82
03-19-2010, 06:36 PM
http://www.m5zn.com/uploads/2010/3/19/photo/cmwb8wohr.jpg (http://www.tobikat.com)

هي صورة للأومري بقميص منتخب الشباب
مستقبل كبير وجميل بعون الله لهذا اللاعب ..
رامي الوحداوي
03-19-2010, 06:36 PM
أسامة أومري وعبد الكافي لعيبة شباب لكن بينقصن شوية خبرة
بس اليوم كان أداء اللاعبين ممتاز وهي إضافة للفريق
وأبو حامد بلش يدفع باللعيبة الشباب وهي خطوة كتير منيحة
وبالتوفيق للبرتقالي
نستول
03-19-2010, 06:37 PM
ومو هيك مننسى يلي قدمو اللاعب مشان الوحده بالذهاب وشلون كانت الجماهير عم تستمتع بلعبو وبالقتاليه بالملعب

:roll::roll::roll::roll:
bashardo الوحداوي
03-19-2010, 06:39 PM
مبروك ظهور الاومري والخاووج وبعتقد الكوتش نزار سيعطيهم الفرصة اكتر هذا الموسم
وبضم صوتي الى من سبقوني واتمنى شراء الخاووج من الكرامة
ابو وسام
03-19-2010, 07:43 PM
مابدي قول شي لانو الشباب كفو وفو بحق الفريق اللي اليوم شكل تاني برابو للاعيبة وبرابو لابو حامد
talbe
03-19-2010, 11:35 PM
لو خسرنا مليون نقطة و هيك المستوى انا رضيان
love barca or die
03-19-2010, 11:43 PM
اقتباس:
المشاركة الأصلية كتبت بواسطة love barca or die http://www.wahdawia.net/vb/orange/buttons/viewpost.gif (http://www.wahdawia.net/vb/showthread.php?p=575061#post575061)
ومو هيك مننسى يلي قدمو اللاعب مشان الوحده بالذهاب وشلون كانت الجماهير عم تستمتع بلعبو وبالقتاليه بالملعب

:roll::roll::roll::roll:شو مستغرب اخي الكريم{نستول}
عمار عبار
03-20-2010, 01:05 AM
يعطيك العافية ابو انس
فعلا الفريق اليوم اقنع رغم التعادل
وخطوة الزج بالشباب ممتازة
DIABO MAN
03-20-2010, 05:01 AM
فعلاااااا كسبنا لعيبين شباب حيكونوا احلى اضافة للنادي
نستول
03-20-2010, 08:41 AM
اقتباس:
المشاركة الأصلية كتبت بواسطة love barca or die http://www.wahdawia.net/vb/orange/buttons/viewpost.gif (http://www.wahdawia.net/vb/showthread.php?p=575061#post575061)
ومو هيك مننسى يلي قدمو اللاعب مشان الوحده بالذهاب وشلون كانت الجماهير عم تستمتع بلعبو وبالقتاليه بالملعب

:roll::roll::roll::roll:شو مستغرب اخي الكريم{نستول}
والله يا ابن الحلال مو من شي بعينو بس من انو استمتعنا بلعبو ا
اما بالنسبة الك فانت ورايك على عيني وراسي من فوق :f)
samer1
03-20-2010, 10:59 AM
اسامة أومري لاعب ممتاز حركتو باملعب كانت
شاغلة خط دفاع الوثبة وياريت فريق شباب كلو
يكون متل هل لاعب نبذة
وحداوي كتلوني
03-20-2010, 11:02 AM
فريقنا لم يكن سيئ والتعادل كان نتيجة عادلة وشكرا لأبو الروض لأنو عن جد سد بكل ماللكلمة من معنى


وبتمنى من أبو حامد يعتمد أكتر على الاومري وأمثاله لأنه كان رائع بالامس وياريت الخاووج يضل معنا لأنو أفضل بمليون مرة من المكرسح شعبو يلي كان عم يتفرج عالمبارة متلنا متلو


والله يحميك يا سي الشيخ
وحداوي كتلوني
03-20-2010, 11:04 AM
بس الشي الوحيد يلي زعجني مبارح هو الكرات العالية يلي مالها طعمة وشفنا وقت لعبنا على الارض بطريقة صحيحة أحرزنا هدف التعادل الرائع
حنا عاشق الوحدة
03-20-2010, 11:23 AM
بالنوفيق للبرتقالي في القادمات

الفريق كان جيد واللاعبيين الشباب أن شاء الله بكملو مع الفريق وبيتحسن مستواهم أكثر



أما رضوان وسي الشيخ والله فريق بحالو والله يعطيون العافية





دج دج دج وحدة
love barca or die
03-20-2010, 11:30 AM
اقتباس:
المشاركة الأصلية كتبت بواسطة love barca or die http://www.wahdawia.net/vb/orange/buttons/viewpost.gif (http://www.wahdawia.net/vb/showthread.php?p=577651#post577651)
اقتباس:
المشاركة الأصلية كتبت بواسطة love barca or die http://www.wahdawia.net/vb/orange/buttons/viewpost.gif (http://www.wahdawia.net/vb/showthread.php?p=575061#post575061)
ومو هيك مننسى يلي قدمو اللاعب مشان الوحده بالذهاب وشلون كانت الجماهير عم تستمتع بلعبو وبالقتاليه بالملعب

:roll::roll::roll::roll:شو مستغرب اخي الكريم{نستول}

والله يا ابن الحلال مو من شي بعينو بس من انو استمتعنا بلعبو ا
اما بالنسبة الك فانت ورايك على عيني وراسي من فوق :f)
{وانت على العين والراس و احلى نستول بيك}
يامن الوحداوي
03-20-2010, 03:56 PM
الفريق كان مافي احلى منو وبلرغم من غياب ست لاعبيت من فريقنا ولو حسن وياد باستغلال الفرص لكنا ربحنا وبنتيجة كبيرة بس الحمد الله عل كل شي هو ماكان موفق وإنشالله منربح عل الشرطة بالمباراة الجاية