mmrdem
05-22-2007, 08:40 PM
ياشباب كلنا عمنحكي وننتقد الحبوباتي والادارة وعمنتاسف على مستقبل
النادي وعلى ضياع اهم لاعبيه وانو الادارة ماعمتتعاقد مع لاعبين جيدين
بس ماحدى عمبيحط افكار لمواجهة الوضع يلي نحنا موجودين فيه
والمفروض علينا بسبب انو الادارة مو رضيانة تترك النادي
يعني ازا الادارة معندة وناوية تضل بالنادي ووالجمهور واللاعبين مابدون الادارة
شو الحل يعني نحرق النادي ونهدوا فوق راسنا وراس الادارة
ولا ندور على حلول وسط بينا وبين الادارة تضمن استمرارية الفريق
يعني ياشباب بصراحة نتيجة ممارسات الادارة السيئة خلال الموسمين الماضيين مارح نلاقي
ولا لاعب سوري جيد يرضى يجي يلعب بالوحدة مع هيك ادارة واكيد كلنا شفنا كلام المحترفين
الللي لعبوا للوحدة هالسنة كيف فضحوا النادي بالجرايد لانو
مااخدو حقوقون وهالحكي كمان بينطبق على اللاعبين الاجانب لانو اللاعب
الاجنبي مابجي الا مشان المصاري واول شي رح يسال عنو هو عن التزام الادارة بالدفع
هاد بالنسبة للاعبين اما المدربين فمافي مدرب بيحترم حالو رح يجي ويجازف بسمعتو
مع لاعبين محبطين نفسيا وماعمياخدوا رواتبون وبدون اي دعم مادي او معنوي من الادارة
ومافي مدرب محترف بيرضى يضيع وقتو بمعالجة حرد اللاعبين
الا ازا كان مو ملاقي نادي يدربوا بالدرجة الاولى وبدو يدرب الوحدة لينشهر
وبالتالي لاتحلموا لا بلاعبين ولا بمدرب يرضوا يجو على النادي بوجود هالادارة
وحتى لايموت الديب ولا يفنى الغنم انا بقترح حل وسط بيناسب الطرفين
ليش مامنتعاقد مع لاعبين ناشئين مثلا لاعبين منتخب الناشئين او الشباب
مع كم لاعب خبرة اكيد هدول تكاليفون قليلة على الادارة وبدون
هيك فرصة ليلعبو بفريق الرجال وينشهرواومننزل معون كم لاعب خبرة وهيك منكون عمنبني فريق جديد
بقيادة الحكيم وساعتها حتى لو هبطنا عالتانية مامنكون خسرانين
لانو منربح فريق ممكن ينافس مستقبلا اما ازا ضل الوضع على ماهو عليه اكيد رح نهبط عالتانية
ورح نكون ضيعنا الوقت وماعملنا فريق للمستقبل
هاد طبعا ازا ضلت الادارة فوق راسنا وماعتقت الفريق لوجه الله
انا هاد رائيي انتو شو رايكون لانو البكي والشكوى مابتفيد بشي
ملاحظة فريق شتوتغارت طبق هالشغلة وليكو فاجئ الجميع واخد بطولة الدوري بفريق شباب
النادي وعلى ضياع اهم لاعبيه وانو الادارة ماعمتتعاقد مع لاعبين جيدين
بس ماحدى عمبيحط افكار لمواجهة الوضع يلي نحنا موجودين فيه
والمفروض علينا بسبب انو الادارة مو رضيانة تترك النادي
يعني ازا الادارة معندة وناوية تضل بالنادي ووالجمهور واللاعبين مابدون الادارة
شو الحل يعني نحرق النادي ونهدوا فوق راسنا وراس الادارة
ولا ندور على حلول وسط بينا وبين الادارة تضمن استمرارية الفريق
يعني ياشباب بصراحة نتيجة ممارسات الادارة السيئة خلال الموسمين الماضيين مارح نلاقي
ولا لاعب سوري جيد يرضى يجي يلعب بالوحدة مع هيك ادارة واكيد كلنا شفنا كلام المحترفين
الللي لعبوا للوحدة هالسنة كيف فضحوا النادي بالجرايد لانو
مااخدو حقوقون وهالحكي كمان بينطبق على اللاعبين الاجانب لانو اللاعب
الاجنبي مابجي الا مشان المصاري واول شي رح يسال عنو هو عن التزام الادارة بالدفع
هاد بالنسبة للاعبين اما المدربين فمافي مدرب بيحترم حالو رح يجي ويجازف بسمعتو
مع لاعبين محبطين نفسيا وماعمياخدوا رواتبون وبدون اي دعم مادي او معنوي من الادارة
ومافي مدرب محترف بيرضى يضيع وقتو بمعالجة حرد اللاعبين
الا ازا كان مو ملاقي نادي يدربوا بالدرجة الاولى وبدو يدرب الوحدة لينشهر
وبالتالي لاتحلموا لا بلاعبين ولا بمدرب يرضوا يجو على النادي بوجود هالادارة
وحتى لايموت الديب ولا يفنى الغنم انا بقترح حل وسط بيناسب الطرفين
ليش مامنتعاقد مع لاعبين ناشئين مثلا لاعبين منتخب الناشئين او الشباب
مع كم لاعب خبرة اكيد هدول تكاليفون قليلة على الادارة وبدون
هيك فرصة ليلعبو بفريق الرجال وينشهرواومننزل معون كم لاعب خبرة وهيك منكون عمنبني فريق جديد
بقيادة الحكيم وساعتها حتى لو هبطنا عالتانية مامنكون خسرانين
لانو منربح فريق ممكن ينافس مستقبلا اما ازا ضل الوضع على ماهو عليه اكيد رح نهبط عالتانية
ورح نكون ضيعنا الوقت وماعملنا فريق للمستقبل
هاد طبعا ازا ضلت الادارة فوق راسنا وماعتقت الفريق لوجه الله
انا هاد رائيي انتو شو رايكون لانو البكي والشكوى مابتفيد بشي
ملاحظة فريق شتوتغارت طبق هالشغلة وليكو فاجئ الجميع واخد بطولة الدوري بفريق شباب