توضيح من الرابطة بخصوص ماحصل بالرحلة

[حسان الحسيني]

اول شي في نسبة منيحة طالعة على حماة وصدقا مابتعرف اسماء لاعبيها
انو شفنا وئت المباراة تكون الطابة مثلا راحت من الرحال يلي ينسب لاعب تاني وبالاخص العلايا
ولنبلش من الاول
مجموعة شباب الساعة 6 ونص او 7 الصبح بيطلعو من النادي ليكسدروا وباصوات عالية وعياط
ومن ضمن شعارتهم ثقافة قشر موز
بخصوص الي صار بالباصات
حاولنا نحط الشباب الصغار بباص والكبار بالعمر بباص تاني وهاد يلي صار
بس ضل حوالي 9 شباب طلعوا بالباص رقم يلي كنت انا مستلمه
الشوفير طلب انو ماحدى يدخن بالباص ويلي بدو يدخن بيجي جنبه وبيدخن
وكان كل فترة ينتقل 2 او 3 شباب يدخنوا ويرجعوا محلاتهم ويجي غيرهم
بخصوص انو منعناهم يشجعوا الوحدة بالباص
ماكان هيك الطلب
كان الطلب انو خليكم مرتاحين هل ومنشع بالملعب وبعد المباراة اذا رجعنا ربحانين بان الله نحن اول العالم منغني ومنرقص معكم بالباص
والشي يلي صار بالملعب انو جمهورنا بس وقت مسبة ادارة او لاعب او مدرب او حكم بيشتغل مع بعضه
بينما بوقت تشجيع النادي بتلاقي 10 زلم بس
بخصوص المسبة تبع الكرامة
انا مالي فيه
بس سئلنا ليلي شغل المسبات انو انت بالباص رح يسمعوك اولا جماعة الكرامة وانت عم تسبهم
ولشو المسبات من اساسها
وبخصوص انو في واحد اكلة رفسة فخلي يلي عم يحكي يروح يسئل ياترى لو كانت ضربة مظبوطة متل ماحكي علي نعمان بيفز الشب بوضع طبيعي
بخصوص المسبات يلي صارت بالملعب لما اي واحد فيكم بينسب بامه او اخته من كم شب محبحبين ياترى بيروح بيبوسهم من جيبنهم ولا عندو حل تاني
الا اذا كان بيهون عليه يسمع مسبة امه واخته باذنه ويضل ساكت
ومن هل الرابطة بالتعاون مع الادارة واللجنة التنفيذية بدمشق رح يشتغلوا على وضع كاميرات بالمنصة الرئيسية بالعباسيين
لمراقبة اي مشجع يسيئ للنادي باين شكل
وليلي عم يترحم ع ايام ابو الخير
ابو الخير بكل مباراة تقريبا عم يحضر وبالمنصة

رابطة مشجعي نادي الوحدة الدمشقي

[ابو ناصر الوحداوي]

الى الاخوة في الرابطة الي بتصرف تصرفات ولادية و ببين انه مو قد المسؤولية سجلوا اسمه قدام الجميع و قولوا له انت ممنوع من الذهاب مع الرابطة مرة تانية اسمين تلاتة بتربوا فيهم الجميع

[mmrdem]

بصراحة مبينة الشغلة شغلة ولدنة وزعرنة ولازم لما طلعو مع الرابطة يلتزمو بتعليماتها لانها هية المسؤولة على اللي طالعين معها وانا بشوف انو كل اللي طلبوه منطقي اولا التدخين بالباص يعني قمة التخلف انو حدى يدخن بالباص والسائق مو مجبور يتحمل لاتدخين ولا تشجيع والباص باصو تاني شي فعلا يشكر الاخ حسان على منع سب جمهور الكرامة لانو كان ممكن يصير مدبحة وانتو مابتعرفو شو جمهور الكرامة وقديش عقلون صغير واكيد لو صار هالشي رح يكون الملام الاخ حسان واعضاء الرابطة هلق من هالحركات اللي عمبيعملها هالشب والمسبات مبين انو مابيفهم غير بالضرب لانو في ناس مابتفهم غير بهالطريقة وبرايي كان لازم الرابطة تنزلو من الباص من اول مشكلة مو يصيرو عليه

[أبو عرب]

والله في مشجعين بطالعو الواحد عن صوابو
وأصلا كرمال هيك شكيلات ..مدرجاتنا صارت شبه فاضية
بس شاطرين بالمسبات والزعرنة
وأنا واحد من الناس صرت اكره احضر بالملعب كرمال هالشكيلات
يا جماعة جمهورنا ماكان هيك.............. شو صارلوو؟

[wissam82]

بصراحة الشغلة واضحة بدون توضيح

يعني ما بعرف كيف عم يحتج بعض جمهورنا للأسف انهم انمنعوا من انهم يشتموا ..!!!
يعني صار لازم نشتم ونسب أعراض الناس حتى ننبسط وإذا انمنعنا من الشتم معناها
نحنا محرومين من حقوقنا ..؟؟؟

موضوع الشتم ماله موضوع بسيط ،، والرابطة لازم نشكرها لمحاولاتها تغيير هالعادة القبيحة
يلي صارت سمة بجمهورنا للأسف ..

موضوع التدخين وشتم الكرامة وما بعرف شو ،، بصراحة كلام لازم ما ينرد عليه
يعني الكرامة ليش لنسبه بالأساس وشو دخلنا فيهم وشو علاقتهم فينا ..؟؟

فعلا القصة بدها شوية حزم لنخلص من هالعادات السيئة من مدرجاتنا
وأكيد يلي بيحترم حاله بيفرض احترامه ع الباقي وما رح يخلي حدا يحكي معه حرف واحد ..

وهلئ نحنا بوقت لازم نكون كلنا مع بعض وإيد وحدة
مو نعد نعلئ ونتخانق مع بعضنا لأمور تافهة بصراحة ..

[حسان الحسيني]

عطيك اكتر من هيك
حججهم صارت انو الرب عم ينسب والنبي عم ينسب
فليش مانسب الحكام والادارة والاعبين والمدربين
شب من المنتدى كان يعطينا مواعظ وحكم
مبارح اول مرة بجتمع معه بالملعب طلعت كتابته هون وطنيات
وثقافته بالملعب المسبات حتى ولو كانت لنادي ماعم نلعب معه

[أيهم القاضي]

كنت بدي قول أنو الحل لأي انسان بيتمادى بالباص أنو ببساطة يتألع ويدبر حالو بنص طريق السفر بس المشكلة أنو أية شي بيصير عليه بيكون مشرف الباص هو المسؤول

الحل الوحيد محاولة استيعاب الموتورين بالرحلتين أو التلاتة الجايات وبعدين بيكون صار عندكم قائمة بأسماء اللي بيساووا مشاكل وبتمنعوهم من الطلعة بالأساس بالمستقبل

بس على فكرة التدخين كتير مكروه بالباصات على طريق السفر لأنو الباص بيكون ماشي بسرعة والهوا بيدفش الدخان لجوا الباص
صدقوني أنا حتى لما بكون قاعد بالقهوة أو المطعم وعم أركل إذا حدا قلي مزعوج من دخانك مباشرة بوقف أركلة

[f.torres]

يلي ساوا حسان هو الشغل الصح
بدنا جمهورنا يصير واعي وحضاري
وجمهور المسبات مابدنا يا يكون موجود

[ابو وسام]

يعطيكم العافية اول شي
وشكرا للتوضيح

[وحداوي موت]

الحق عليك حسان

بشرفي مني منك لكبن بنص الطريق

واحد طالع على طريق سفر بيكفر ؟؟؟؟؟؟؟؟؟

والله العظيم يا حسان لكبو بنص الشارع

[salah]

عطيك اكتر من هيك


حججهم صارت انو الرب عم ينسب والنبي عم ينسب
فليش مانسب الحكام والادارة والاعبين والمدربين
شب من المنتدى كان يعطينا مواعظ وحكم
مبارح اول مرة بجتمع معه بالملعب طلعت كتابته هون وطنيات
وثقافته بالملعب المسبات حتى ولو كانت لنادي ماعم نلعب معه


لعنة الله على كل إنسان يسب الله و رسوله و الأنبياء و الصالحين !!!
و شل الله لسانه و جسده و جعله عبرة لمن لايعتبر ..
و ما شارون عنكم ببعيد

[أب عمر العرقسوسي]

حسبي الله ونعم الوكيل

[SH@@MI]

الله يقويكم عمي حسان

[جيرارد]

الله يقويكن حسان
بس فعلا لازم تعاقبوا يلي عم يسيء بركي بكون عبرة لغيره

[soltaan_alwehda]

معلم بدي الك شغلة الرابطة تبعك عم تزودا شوي بالمنصة مع العالم بس الواحد يحكي على الكابتن نزار مثال انو شو هال التشكيلة يلي عم تلعب فيها بتلاقي عالم من الرابطة بدها تطلع تضربوا عيب هاد بلاخر مشجع وحدة مو نزار بس في واحد من المنصة طلع بدو يعمل حالو زلمة اكل اتلع ورجع لانو بصراحة في عالم بالمنصة مابنشوفها غير على وقت نزار محروس هاد مو اسمو مشجع نادي الوحدة

[حسان الحسيني]

هههههههههههههههههههه
انا وئت يكون نزار برة النادي بكون جنب المنصة
وبس يرجع برجع عل المنصة وين المشكلة
مدام ماعم اترك تشجيع النادي

[AMIN]

يا عمي الولد بيضل ولد والمو مربى ببيته ما في شي بيربيه

[DIABO MAN]

الاخلاق غايبة عن جمهورنا للاسف
المسبة على طول على لسانهم بأي شي

[MHDFA]

الله يئويك عمي حسان
بس في عندي ملاحظة صغيرة
انا ماكنت معكن وما شفت شو صار
بس انو هي شغلة الضرب والتسليم
لحفظ النظام ما حبيتا منكم يعني اذا
بتلاقوا طرق تانية وما اكترها
وتقبل مروري

[MHDFA]

اذا كان في ضرب وحفظ نظام

[يمان]

لا حول ولا قوة الا بالله ..

إنا لله و إنا إليه راجعون ..

[حسان الحسيني]

الله يئويك عمي حسان
بس في عندي ملاحظة صغيرة
انا ماكنت معكن وما شفت شو صار
بس انو هي شغلة الضرب والتسليم
لحفظ النظام ما حبيتا منكم يعني اذا
بتلاقوا طرق تانية وما اكترها
وتقبل مروري



الضرب ايمتى صار اولا
بعد مانسبينا نحن كا اشخاص لا وئت نسبت ادارة او وئت نسب مدرب او لاعب
بخصوص حفظ النظام
وئت بتصير خناءة شو شغلت حفظ النظام بتطلع فورا عل المدرجات
اخدوا الشبين وكان الاتفاق مع رئيس الرابطة انهم يطالعوهم برة الملعب بس
وطلع معه عضو من الرابطة اسمه زين مرابع
فيكم تنزلوا وتتاكدوا

[taiger]

الله يعطيكم العافية شباب الرابطة يمكن قلة الوعي من بعض الجمهور هي السبب المشكلة الاكبر انك ما بتقدر تحاسب كل العالم في عالم الجهل دابحها وعامي قلبها

[محمد الوحداوي العتيق]

الله يعطيكم العافية شباب الرابطة و يقويكم
حسان شب معدل و محترم و حبو كبير مالو حدود للنادي
و شباب الرابطة عم يشتغلو صح بحزم و بأدب و باحترام و كلو لصالح النادي

[علي1991]

الضرب ايمتى صار اولا

بعد مانسبينا نحن كا اشخاص لا وئت نسبت ادارة او وئت نسب مدرب او لاعب
بخصوص حفظ النظام
وئت بتصير خناءة شو شغلت حفظ النظام بتطلع فورا عل المدرجات
اخدوا الشبين وكان الاتفاق مع رئيس الرابطة انهم يطالعوهم برة الملعب بس
وطلع معه عضو من الرابطة اسمه زين مرابع
فيكم تنزلوا وتتاكدوا


ليش سبك يمكن ضربتو كلشي توقعتو الا انو تكذب على فكرة الكذب من الجبن
على كلن انا ماعاد احكي بهلقصة هون لانو هيك طلبو مني هيك الاشراف وانا بحترم المنتدى

[SH@@MI]

لكن ليش رديت هالرد

[حسان الحسيني]

ليش سبك يمكن ضربتو كلشي توقعتو الا انو تكذب على فكرة الكذب من الجبن
على كلن انا ماعاد احكي بهلقصة هون لانو هيك طلبو مني هيك الاشراف وانا بحترم المنتدى

اولا ماحدى غيرك كذاب
تانيا الردود يلي اجت لحالها بتكفي
تالتا ليش ما اعترضت على الشي يلي صار وانت كنت ضمن الرحلة
رديت عليك انا لاانك احترمت حالك واحترمت غيرك ماصار معك شي ضمن الرحلة

[مأمون النجار]

يا جماعة والله النادي مو ناقص عم تسبو نادي الكرامة ماعمل لنادي الوحدة شي والحكام والجماهير المختلفة وبعد شوي العايشين والميتين شو بدكون بس قولو انا مع تقليعون خارج الباص او يلتزمو الادب وانتهينا

[أبو رائد الوحداوي]

عطيك اكتر من هيك

حججهم صارت انو الرب عم ينسب والنبي عم ينسب
فليش مانسب الحكام والادارة والاعبين والمدربين
شب من المنتدى كان يعطينا مواعظ وحكم
مبارح اول مرة بجتمع معه بالملعب طلعت كتابته هون وطنيات
وثقافته بالملعب المسبات حتى ولو كانت لنادي ماعم نلعب معه


اول شي السلام عليكم
باريت وقت بدك تحكي سغلة تحكي القصة متل ما صارت بالحرف وشلون انحكت الجملة مشان ما حدا يفهم ويفس الكلام على كيفه الا اذا بدك انت هيك القصة وما فيها انو انت كنت بالباص رقم واحد وانا بالباص رقم 2 وكان معك جماعة الالتراس المهم وقت انزلنا بالاستراحة في سبع اشخاص بدون يتركوا الباص تبعك وينزلو على باصنا والسبب انك مفكر مطلع معك طلاب مدارس ممنوع الدخان وممنوع التشجيع ومدري شو يا روحي من يوم يومنا منطلع و صدقني المشوار بحد زاته واللمة يللي كانت تصير والشباب اللي اتعودنا عليها بكل رحلة هي يللي عم تخلينا نروح مو فريقنا التعبان يللي ما بيستاهل الواحد يروح مشانو على حوش بلاس وانت بتعرف وانا بعرف انو جمهورنا كان يطلع بالاف وهلأ صار بالعشرات يللي انت وصفتهون بالولد بس بتعرف انو معك حق اي ولد وانا اولهون لاني تركت شغلي وطلعت ورا هيك مسخرة يعني كنا ننهز بالفريق وننبسط بالمشوار بس هلق من التنين بس يا المشاكل ما صارت غير على دورك ودور رابطك المهم يللي صار بالملعب انو فتنا والتشجيع كان مثالي بينا وبين جمهور حماه وحتى وقت صار جمهور الطليعة يسب الشعبو ولفترة طويلة جمهورنا ما رد ولا بحرف بعد ما اكلنا اول كول جمهورنا اتقبلو وقال معليش شو صار بس الرصاصة التانية كانت سريعة المهم في شبين علقو مع بعض مشان نزار واحد مع واحد ضد بس الامور مرقت بس الجمهور بينو وبين بعضو مزعوج من الاداء ومن االنتيجة بعد ما فات الجول التاني كبرت مع العالم واشتغلت المشاكل ويللي شفتو انو بس صارت العالم تسب نزار ولعبو بمهاجم واحد تعبان متل الشعبو وتاخيرتو بتنزيل عمر وتوشوكو بلشت الرابطة وما بشوفون غير عمسلمو شبين لحفظ النظام ولك والله عيب ضحكتوا العالم علينا ولك في حدا بيعملها والله لو بارضنا الواحد ما بيزعل بس واحد طارق مشوار من الشام على حماه هيك بتعاملوه يا سيدي لك شو ما يكون يكون ابن شوارع ابن بطيغ العالم وقت بتلعب برات ارضها بتجيب عالم بالمصاري كرمال تشجع معها وهي الفرق الخليجية وقت تلعب مع الكرامة بحمص اكبر دليل المهم بطريق الرجعة بالاستراحة كان الحديث داير بخصوص هل شغلة قام انا قلتلك وبالحرف عيب انكون تسلموا حدا من جمهورنا لحفظ النظام بتقوم بتقلي يللي بدو يسب بدو يصير فيه اكتر من هيك قلتلك كل هل الشي لانو انسب نزار واذا نسب يعني استغفر الله العظيم النبي عم ينسب واحد طالع من الشام على حماه مشان يسب زلمة اكيد اذا عمسب من حرقة قلبو يا اخي غلطان انا معك بس مو تسلمو لحفظ النظام اذا بتهمك مصلحة جمهورنا خود اسمو ولا تطالعو برحلة تانيه المهم واذا انا شايفني بعطي حكم ومواعظ فكل هل الشي لاني بحكي على نزار يا اخي الله يهنيك بنزار تبعك وما عاد فتت عالمنتدى كرمالو بس تشجيع النادي مو انت ولا غيرك بيخليني بطل اجي عالملعب حتى عالسفر بدي سافر وسيارتي شفتها ومالي من نية من حدا والحمد لله واذا ثقافتي المسبات متل ما عم تقول بما انك رابطة بس تشوفني عم سب بعتلي عنصر حفظ نظام يجي ياخدني بس خلقتك ما بدي شوفها وما بسمحلك تحكي معي حرف واحد والله يسامحك يا اب مأمون على هل الاستفئادة قال قالولوا مين دايقك قلون اللي خبرني