من قال باننا نبحث عن الاعذار ...لست ضد ولا مع نزار ولكن الخلل واضح_

[عمار عبار]

بسم الله الرحمن الرحيم



http://syriasteps.com/archive/image/WAHDA_TEAM1.jpg
صناع البسمة الوحيدة لنا في الدوري




ما الذي يجري لفريق الوحدة


هل كتب علينا الحزن والحسرة والالم الدائمين من نتائج الفرق


حتى بسمتنا الوحيدة للموسم الماضي فريق الطائرة واقل الفرق تكلفة لا يلقى العناية والرعاية وهناك محاولات لحله رغم انه بطل الدوري


لماذا اصبحت الخسارة امر عادي والتعادل طبيعي والفوز حلم


لقد انطبق علينا قول الشاعر


من يهن يسهل الهوان عليه مالجرح بميت ايلام




بعد مباراة جبلة قلت في ردودي بان فوزنا على جبلة


كان بسبب تواضع مستوى جبلة وليس بسبب قوة فريقنا


–جبلة ما كان معو يمشي-


ولقد كنت على وشك كتابة موضوعي باتجاه اخر ولكن بعد تحليلي لنتائجنا مع المدربين فاروق وابو حامد


تاكدت بان العلة ليست بالمدربين وبانهم لا يتحملون نتائج الفريق المخزية لوحدهم


وفيما يلي نتائج فريقنا لهذا الموسم


مع المدرب المبتدىء فاروق بالاحمر


ومع الخبير والكبير نزاربالازرق


المجد 2 الوحدة 1


الوحدة 2 عفرين 1


الوحدة 1 امية 1


جبلة0 الوحدة 0


الوحدة 1 الطليعة 0


الوثبة 4 الوحدة 0


8 نقاط من 6 مباريات بمعدل 1،3 نقطة لكل مباراة


تلقينا 8 اهداف بمعدل 1،3 هدف لكل مباراة


سجلنا 5 بمعدل 0،83 هدف لكل مباراة



الوحدة 1 الشرطة 0


الاتحاد 1 الوحدة1


الوحدة 1 تشرين 1


الجيش 3 الوحدة 0


الوحدة 1 الكرامة 2


الجزيرة 0 الوحدة0


الوحدة 4 النواعير1


---


ايابا


الوحدة 0 المجد 3


عفرين0 الوحدة 0


امية 1 الوحدة 2


الوحدة 5 جبلة2


الطليعة4 الوحدة 1


16 نقطة من 12 مباراة بمعدل 1,3 نقطة لكل مباراة


تلقينا 18 هدف بمعدل1،5 هدف لكل مباراة


وسجلنا16 هدف بمعدل1،3 هدف لكل مباراة


الارقام مفاجئة بصراحة


فالوضع كما هو بعد اقالة فاروق والذي رغم الملاحظات عليه


من تخبط بالتشكبلة وضعف الشخصية


الا انه قدم مع الفريق كرة قدم جميلة هي ما يتميز به الوحدة وهو سبب عشقنا له


ومعشوقنا الوحداوي ابو حامد ومطلب الجماهير الاول وافضل مدرب سوري والغني عن التعريف بحسن قيادته وخبرته وحزمه وقوة شخصيته


قدم نفس النتائج مع التحفظ على المبالغة بالدفاع والتي حقيقة تفاجئنا الارقام باننا اضعف دفاعيا من السابق مع قوة هجومية اكثر





للحديث بقية

[عمار عبار]

اين الخلل في منظومة الفريق


وما السبب وراء ما يحصل له


مصاري في


مدرب ممتاز في


ادارة واعية في


لاعبين بيحترموا القميص والنادي ما في


الا من يعد على الاصابع


منهم


الغائب الاكبر عن الفريق للاصابة قصي


وحامي العرين من خسارات فادحة الازهر


والمحترف الافضل بالدوري سي الشيخ


وعبد الناصر حسن


والزبيدي والزبداني


اما البقية فتارة فوق ودائما تحت


لذلك اتمنى على المدرب نزار ان باخذ المبادرة من المباراة القادمة ويزج بالشباب الواعدين في الفريق


كامثال


مصطفى عكرمة ومؤيد العجان وعبد الكافي خاووج واسامة اومري وعمر ومحمد خربين ومحمد موما



ويوقف بقية المتخاذلين من الاعبين


كما فعل بعد لعبة الكسوة


لان يخسر الفريق ما تبقى من لقائات ونكسب لاعبين شباب من ابناء النادي لهو افضل بالف مرة من الفوز يوما بنتيجة كبيرة ثم السقوط بعدها بنتيجة مذلة



http://www2.0zz0.com/2009/04/09/23/393489639.jpg

ذكروني متى كان هكذا اخر مرة

http://dc01.arabsh.com/i/01272/1f4j7zhmlcf3.jpg
من السبب بغياب الجمهور










انا اوان المحاسبة والمسائلة لكل من اساء ويسيء لنا



نحن الخاسر الاكبر بعد كل خسارة


وكل سقوط


نحن الجماهير العاشقة للنادي بغض النظر عمن يتواجد على راس الكادر التدريبي والاداري


نحن الذين لم نمل ولم نكل من تشجيع الفريق رغم انه لم يمنحنا على مدى هذه السنوات الطوال سوى 3 القاب محلية بكرة القدم


نحن الذين نخرج بعد كل كبوة للفريق وما اكثرها لنقول لن نعود للملعب مرة اخرى


وفي قراراة انفسنا نعلم باننا كاذبين



نحن الذين نتحمل برد الشتاء وحر الصيف على ملعب لا تتوافر به ادنى درجات الاحترام او الامن حتى


كرمى لعيون الفريق


ختامااقول


سنبقى كما نحن


لكن ارجوكم امنحونا


بعض ما نستحق من الفرح



وبالتوفيق لمعذبنا ومعشوقنا البرتقالي


بمنحنا القليل من الفرح امام وثبة حمص يوم الجمعة المقبل


وبالتاكيد ساتواجد هناك ولو زعمت العكس



http://www.syrian-soccer.com/thumb_photo//clubs/soccer-wah-28-9-2008-4abffde10a73f.jpg


نريد من يلعب لاجل هذا فقط




الموضوع للنقاش وابداء الراي وليس لتقيم المدرب

[noel]

كلامك سليم و انا معك النادي بدو اعادة هيكلة و اعادة ترتيب اكتر مو بس فنيا

[فهد قيطاز]

ولله كلام دهب ومارح قول غير يسلم هالتم
على الطرح الأكثر من رائع كفيت وفيت حكيت على كلشي

[وحداوي انا]

انا مع معاقبة المقصرين لان هذه الطريقة اثبتت فاعليتها
بالسبة للشباب انا مع انو يلعبو ا لكن مو اساسيين

[جيرارد]

لكل يسلمن يا ابو محمد على ه التم
ما في كلام بعد كلامك

[W@SEEM]

كلام رائع ولا غبار عليه أبو محمد

وبالفعل فريقنا عبارة عن 4 أو 5 لاعبين بيصلحو أن يكونو لفريق البرتقالي للموسم المقبل

بس المشكلة إن جميع اللاعبين المتواجدين هلق بالفريق عقودهن بتخلص مع نهاية الموسم

والتجديد معهن لازم يكون بإسرع وقت

وإن شاء الله أبو محمد روحتك على الملعب الأسبوع الجاية أنت والشباب ما بتروح عالفاضي وبترج على داريا ومعاك 3 نقاط

[wassim80]

بتمنى من ادارة النادي من كل قلبي تحافظ على كم اسم بهالفريق وتعمل تعاقدات جيدة السنة القادمة مع اعطاء فرصة لشباب الفريق بأخذ خبرة من مباريات الدوري القادمة

[Ahmedinho]

معروف انو في بالفريق لعيبة منتهية.. و حتى احمد قوطرش صرح بهاد لشي... و كمان لمشكلة الدائمة للفريق ( المصاري )...
في لعيبة بالفريق كل همن بس ياخدوا مصاري و ما عندن احترام لشعار الفريق و حدث بلا حرج عن لجوال السخيفة اللي دخلت مرمانا و دفاعنا لشوارع..

الكابتن نزار عم يلعب على قول ( الجــود بالموجـــود ).... و رح نستنى متل كل سنة و نضحك ع حالنا و نقول السنة اتلجاية انشالله

[حنا عاشق الوحدة]

كلام منطقي كثير و كلام مابعدو كلام



وبالتوفيق للوحدة الغالي

[ابو وسام]

مشكور عمار
المشكلة الرئيسية باللاعبين لا بالمدرب كما يهاجموه بعض المشجعين ؟؟
نتمنى نقد بناء لا نقد لا اساس له من الصحة

[bashardo الوحداوي]

ماهدم في ستة اعوام لا يبنى بايام معدودة
مع فكرتك بزج الشباب من الان وانهاء عقود لاعبي الدفاع باستثناء الزبيدي
اتمنى تجديد العقود للمواهب الشابة التي نملكها كقصي وعبد الناصر
وانا معك باننا الجمعة سنكون بالملعب واتمنى ان اتعرف عليك وعلى الشباب الوحداوية
مع البرتقالي الغالي للنهاية
مع ابو حامد وابو عبدو لحتى يعود الوحدة من جديد

[Ammar Alfarawati]

الله يسلم هالانامل ابومحمد .. كتبت فابدعت , لخصت فاشرت ... ياريت يتم قراءة الموضوع من قبل الادارة (يلي اكيد رح يقراو من دخولهم للمنتدى او عن طريق الحمام الزاجل)

[ابو احمد]

كالعادة ابومحمد كلام سليم ومنطقي بس مين يسمع ويقدرويهتم لحالة الجمهور

[علي1991]

ما فيك تحكي بال الارقام الارقام مع اللاعبين بيع شراء وغيرو

[Ammar Alfarawati]

بالنسبة للبيع والشراء

سمعنا انو معروفين من قبل الادارة ,, فاذا هالكلام صحيح .. ليش عم يلعبوووووا ؟؟؟؟؟

[wassim80]

الله يرضى عليكون شباب (خلوها لا انتماء ولعب من غير ضمير ) لأنه كبيرة قصة البيع والشراء شوي؟؟
وإزا متل ماعم تحكو صحيح خليهون يكبو هالأوبة كلها وينزلو الشباب ويخلصونا

[f.torres]

كلام منطقي بس الغريب انو اذا في مشكلة قائمة ليش مامنطرح هيك موضيع الا وقت الخسارة
انا من جهتي بشجع الوحدة بمن حضر
ومهمتي اني روح على الملعب كل اسبوع وحتى لوشوماصار بضل بشجع البرتقالي
ومشكور على الموضوع الجميل

[برتقالي للعظم]

يسلم هالتم أبو محمد
بس برجع وبقول تأكيدا لكلامك حاجة تعلقوا النتائج بالمدرب
تذكروا قبل ما يجي فاروق وبعد ما اجا كم ألف واحد طلب بأن نزار يكون مدرب وهلأ وقت اجا وعم يخسر الفريق صرتو تحملوه أسباب الخسارة ؟
نحنا من يوم يومنا بكل الأندية السورية دائما عم يكون المدرب شماعة النادي أو حتى المنتخب
هي الحملة ضد فجر ابراهيم ، الاتحاد كم مدرب غير هالسنة، الطليعة، تشرين، الوحدة، النواعير، أمية
الدوري السوري مميز بين كل الدوري بالوطن العربي والعالم أنو أغلب الفرق بدربها بموسم واحد مدربين 2 علأقل
تذكروا معي تصفيات آسيا الماضية 2007 لعب منتخبنا 6 مباريات مع 4 مدربين فجر ابراهيم ونزار محروس وأنور عبد القادر ومحمد قويض حدا ممكن يترجم هالمسخرة ؟
بقا مشان الله حاجة تقولو نزار محروس، شو بيطلع بايدو اذا أحسن لعيبة الفريق مصابين والباقيين خالص كازون ؟؟
بزمناتو لما احرزنا بطولة الدوري والكأس قال يوميتها أحد المعلقين انو نادي الوحدة عنده انجاز كروي كل 10 سنين وليكو صدق، قبل 7 سنين احرزنا الكأس وعلى هالوضع بدنا 3 سنين تانيات لنجيب شي لقب كروي .. بس أكيد بعد تغيير جلد الفريق لأن رأفت محمد وينال والمعتوق والعلايا وبقية اللعيبة يلي كانو وقت الألقاب أكيد ما رح يكونو بعد 3 سنين متل قبل 10 سنين بقا حاجتنا حكي بلا طعمة ونزار مالو ذنب واللي عليه عم يعملو، والله بهالوضع لو اجا غوارديولا ما بيقدر يعمل شي للفريقز
فريق منتهي وإلنا عين نحكي عالمدرب.

[SH@@MI]

يعطيك العافية أبو محمد
ما رح زيد شي

بالتوفيق النا ضد الوثبة
ونطلع من العباسيين مجبورين الخاطر

[SH@@MI]

تذكروا معي تصفيات آسيا الماضية 2007 لعب منتخبنا 6 مباريات مع 4 مدربين فجر ابراهيم ونزار محروس وأنور عبد القادر ومحمد قويض حدا ممكن يترجم هالمسخرة ؟

بتذكر في مدرب اجنبي
ما عد اتذكر شو اسمو

[نستول]

والله يا ابو محمد هدول الاداراة اوادم وهيك لعيبة مو لابقلهن هيك ادارة هدول بدهون عالم متل خالد حبوباتي يخليهون يبكوا عالخبزة مو يقبضهون اول الشهر بس ياحرام لما كان عنا لعيبة مناح كان الحبوباتي وهلئ لما عنا ادارة منيحة عنا لعيبة عالطلة اكتر من العطل بزاتو
عنم جد ادارتنا الكريمة صار بدها صفنة وحلة لانو تخنت

[ابوالعبد الوحداوي]

ابومحمد رح اعطيك رأيي بس لاتزعل هه خدو بروح رياضية :
انا ما حضرت المباراة لانو كنت متوقع يخسروا ...
للأسف هدول أطفال مو لعيبة ... ليش هيك عمبحكي ؟
الطفل كل ما دللتو ماااااااااع وهدول كل ما تدللوا ماعوا ....
الطفل كل ما عاقبتو انضبط والتزم وشفنا مباراة جبلة شلون كانت .....
وبصراحة وبكل محبة للكابتن نزار محروس واعتبروها وجهة نظر غشيم ولاتواخزونا :
الكابتن نزار بيتحمل 60% من الخسارة مع الطليعة و50 % مع المجد .....
الكابتن نزار عميجرب يزرع بتربة ميتة خالصة ... انت بحاجة تربة خصبة يا كابتن نزار ....
وبالنسبة للزج بالشباب : لاتزعل بس انت غلطان 100% .....
بمباراة جبلة وبظن كل من كان بالملعب بيوافقني لما نزل الكابتن نزار الشباب ....
تخبط الفريق والشباب صاروا بدون يثبتوا وجودون وبينت قلة الخبرة ....
غابت الانضباطية تماما واشتغلت الغيرة بين اللعيبة .... صار الكبير ياكول الصغير ....
والصغير بدو يثبت حالو على حساب الكبير ئام اكلنا الكول التاني بلا جنس الطعمة .....
وكأنو ينال عميتفرج عاللعبة مو عميلعب خط دفاع وهو كان اكتر واحد متجاكر من الشباب ....
ومبين هالشي بنظراتو .... والشباب فشلوا باثبات انفسون مع اضعف فريق شفتو السنة بنظري ....
ودمتم يا عمار ويا وحداوية .... والسلام عليكم ...

[DIABO MAN]

انت قلت اللى بقلب كل واحد فينا
بدنااااا الوحدة يرجع لأيام اللعب الحلو
بدون النظر للمدرب او اللعيبة بدنااااااااااا الوحدة
والله اشتقنا لنفرح ............

[wissam82]

كلامك صحيح أبو محمد ،، لهيك حكينا سابقاً
إنه الله يمضي هالموسم على خير ،، وبعده لكل حادث حديث ..

ماهدم في ستة اعوام لا يبنى بايام معدودة
مع فكرتك بزج الشباب من الان وانهاء عقود لاعبي الدفاع باستثناء الزبيدي
اتمنى تجديد العقود للمواهب الشابة التي نملكها كقصي وعبد الناصر


هي زبدة الكلام ...

للأسف عنا بعض الاعبين ما عندهم حس بالمسؤولية ..

[شنكل]

well done amar

[Ammar Alfarawati]

بس برجع وبقول تأكيدا لكلامك حاجة تعلقوا النتائج بالمدرب


اخي اقرا الموضوع منيح ... ورح تعرف شو قصده.

[طلال عباس]

انا معك 100بالمية خلينا نصبر شي سنتين على فريق شاب نبني للمستقبل وغير هيك مالح يمشي الحال واهم شي يلي بدو يلعب للوحدة يعرف انو بدو يلعب من قلب ورب

[MHDFA]

والله يابو محمد حطيت اصبعتك
عالجرح متل ما بيقولو
وما بئول غير الله
يفرج احسن الشي
وبالتوفيق للوحدة

[أب عمر العرقسوسي]

يقبرني ربك يا عمار
والله انك حطيت ايدك عل الجرح
قلنا مدرب هي بدلناه
قالو مصاري هي مصاري
بس المشكله مو بالتنين المشكله بالعيبه نفسها
مع احترامي لقصي الكبير وسي الشيخ الوحش
والازهر الفدائي

[رامي الوحداوي]

أنا برأيي لازم أبو حامد يدخل 4أو5لعيبة من الفريق ويدخل معن لعيبة شباب ولنشوف كيف حيصير الفريق طبعآ يطبقها بالكأس مو بالدوري

[nemr]

كلامك كلو مظبوط
وأهم الشي بالنسبة لمعاقبة المقصرين ونكمل
الدوري بالشباب