شو صار يعني

[الصالحية]

كأن الدنيا إنتهت

إياد عبد الكريم ماهر السيد وغيرهم


شو صار بالنادي



الشباب قالبينها نواح وزعل


وواحد بقول روحي فداك يا علان


يا شباب مايجري اليوم هو بداية النهاية


للمرحلة الماضية ولاحدا يفكر أن الأدارة رح يغيرها


فرع دمشق أو الأتحاد الرياضي


خالد حبوباتي رجل قوي جدا


وماحدا بيحسن يهزو سوى الله


وهو في مخطط براسه ومارح يتحرك خطوة لحتى ينفذه


يعني إذا راح فلان ولا علان بنبكي وما بنشجع الوحدة


كل أعضاء المنتدى دون أستثناء



طالبوا بتغيير كل اللاعبين لما كنا مهدديين وما عم نجيب نتائج


ولما بقينا صرنا بدنا فلان يضل وليش فلان مابدهم ياه



يا شباب بهدوء وعقلانية ماهر وغيره من أبناء النادي


طالما الأدارة باقية رح يحترقوا أو مارح يعطونا المطلوب منهم



يعني يلي بيحبهم لازم يتمنالهم الخير ويروحوا يدوروا على مستقبلهم


ونحن من يوم عرفنا نادينا هاد حالو


محرقة لأبنائه مو شي جديد


وطالما الكوتش راضي والأدارة هيك بدها الأفضل للنادي


أنهم يرحلوا


حتى ما نفوت الموسم القادم بمشاكل هذا العام


سبحان الله عسى لخير للوحدة ولهم


قد يجدون مصلحتهم خارج النادي


وقد يفسحون مجالا لنجوم جدد صغار


كانوا سيبقون خارج الضوء لو بقي من نتحدث عنهم


نرجو من الله التوفيق والخير للوحدة


وأتمنى لكل لاعب من أبناء النادي مستقبل زاهر


خارج النادي أو داخله وخصوصي اللاعبون الفقراء


ونبقى جمهور وفي للنادي


وتبقى الشام كنانة الله في أرضه

[الرومانسي الحزين]

كلامك رائع ابو يمان
بس العاطفة عم تغلب الشباب

[الصالحية]

يا سيدي عاطفة عاطفة


يلي بدو يبكي يبكي ويلي بدو ينوح ينوح


الوحدة مع الأدارة واللاعبين


وفيهم وبلاهم



الوحدة باق وماحدا بيحسن يوقفو

[WAHDAWIA]

اللة ينصرك ياوحداوي

[deyaa]

كلامك في وجهة نظر
بس يا ترى هل السبب ان اللاعبين والادارة في حالة خلاف وتناقض وجهات نظر؟؟
هل اللاعبين الجدد (المفصلين على مراق الادارة) لح يأدوا المستوى المطلوب؟؟؟
من جهتي بتمنى والله ما دام كله فيه الخير للنادي اذا كان الادارة عن جد بدها الخير للنادي

بعدين أنا اول مرة بسمع انو نادينا كان محرقة لأبناؤه :m( :m( :m(

آخر تعليق انو مو دائماً بيكون اللاعب الفقير افضل من اللاعب المقتدر
يعني المفروض النادي يركز على اللاعب الجيد ويعطيه على قد تعبه، وإلا منتحول لنادي جمعية خيرية مو نادي احتراف :f) :f) :f)

[الرومانسي الحزين]

بعدين أنا اول مرة بسمع انو نادينا كان محرقة لأبناؤه

سجل عندك فراس الروبة مهند الاسعد نور تكريتي كمال العاجي اسماعيل فتوت ماهر الطويل انس كاملة وووووووووووووووووو

[<IBRAHIM>]

ياسيد ابو يمان معليش حساباتك الشخصية مع نيناد والسيد ياريت تصفيها برا ماهر السيد نجم الفريق الاول واذا انتقل لح ينتهي النادي وما عاد نرجع نحلم ننافس لفترة طويلة كتير ماهر مو لاعب عادي لما نزعل عليه ماهر لاعب نادر ليطلع متلو بالكرة السورية وهو حاليا الافضل بسوريا كلها خسارتنا كنت تحملها للسيد وهلاء بدك ياه يطلع يعني صارت الشغلة كتير مكشوفة منك حلو عن سما النادي بقا لانكون عم تضروه اكتر من الادارة

[wissam82]

ماهر مو شخص عادي بالفريق لحتى ينتقل وما يتأثر الفريق ...

بعدين لو انتقل ماهر وجابوا بداله مثلا لاعب محترف أفضل منه ما منزعل

بس المصيبة إنه بدهم يطفشوا ماهر ويجيبوا بداله لاعبين درجة عاشرة ....

لك معقول لاعب متل ماهر نوادي سوريا كلها بتتمنى لاعب متله يلعب عندها تطفشه الإدارة هيك :evil: :evil: :evil:

الله لا يسامح الشخص يلي بده يطفش ماهر لأسبابه الشخصية وتكسير الروس

[وحداوي موت]

ماهر لاعب كبير وفعلا اذا بيترك الفريق بيصير عنا خسارة كبيرة
ماهر لاعب محترم واصيل ولعيب وفنان وكل اندية سوريا بتتمنا يكون عندا لاعب متلو
بطلة الدوري يلي جبناها ماهر كان الو فعل كبير كتير فيها

[أنس السعدي]

خالد حبوباتي رجل قوي جدا

على أرجل
ماهر مو شخص عادي بالفريق لحتى ينتقل وما يتأثر الفريق

:)) :)) :)) :))

[WASSEEM]

ماهر السيد هو عنوان كبير في نادي الوحدة و يجب عدم التفريط بهذا اللاعب أبدا
لا اعتقد أن هناك من يستطيع نكران الدور الكبير لهذا الاعب الكبير

بصراحة ماهر السيد هو رقم واحد بالفريق دون أي منافسة
و هو يمثل الروح الدمشقية بالفريق...

أخ صالحية كنت و مازلت دائما مع ابناء النادي و ضد الفرباء بالفريق
....بس ليش ماهر؟؟؟؟؟؟؟

ماهر السيد مكسب كبير للفريق و التفريط به خسارة كبيرة للنادي و جماهير النادي...

[<IBRAHIM>]

أخ صالحية كنت و مازلت دائما مع ابناء النادي و ضد الفرباء بالفريق
....بس ليش ماهر؟؟؟؟؟؟؟

تماما لاعب ابن النادي ومن ابرز من انجبو نادينا من مواهب ليش السيد بالذات بتنتظروه عغلطة

[Radwan]

خالد حبوباتي رجل قوي جدا

وماحدا بيحسن يهزو سوى الله


عليكم بالدعاء لله وأظن نهايته أقتربت .

[wissam82]

تماما لاعب ابن النادي ومن ابرز من انجبو نادينا من مواهب ليش السيد بالذات بتنتظروه عغلطة

لأنه ناجح ومحبوب من الجمهور والأهم لأنه من بيت السيد والكل بيعرف إنه بيت السيد ما بيروق لبعض الأشخاص........ :idea: :arrow:

[الأدعشري]

ياد عبد الكريم ماهر السيد
أول الشي برجع بكرر كلام مبارح قلتو هي الادارة بدها تمحي أي أثر للفريق الذهبي لناندينا هي خطة تصفية حسابات لا أكثر ولا أقل أياد وماهر شالو الفريق على كتافهن
ولا تهمني الحساسيات بين جماعة فلان وفلان
هذا النادي مثلما ذكرت محرقة لأبنائه و السبب هو وجود الحبوباتي ومن خلفه اعوانه و إن كان أيمن حكيم كما يدي أنه نسي الخلافات و المشاكل أو كان له شخصية أو كلمة مسموعة ما كان خلى حدا يتدخل أو بجوز ما اكتفى بحرق اللاعبين (محملجي و كبتول وحبايب و و و و و وو و )ولا زالت غصة بقلبنا عاد ليكررها
لذلك خالد حبوباتي لا يتغير إلا عندما يستلم اتحاد الرياضي العام وأتحاد كرة القد أشخاص أقوياء مصلحة البلد كل همهم ساعتها رئيس اتحاد الكرة هو من سيعزل الحبوباتي ..

[عادل مرتضى]

عذراً أخي الصالحية لم تصب كثيراً في كلامك ماهر السيد عماد الوحدة وخسارته مصيبة
أما خالد حبوباتي مافي شي كبير على رب العالمين وان شاء الله رح تسمع بهالكم يوم نهايته

[الصالحية]

بعدين أنا اول مرة بسمع انو نادينا كان محرقة لأبناؤه



مافي نادي بسورية حرق لاعبين قد الوحدة وإذا كنت بعيد عن النادي فهي مشكلتك



ياسيد ابو يمان معليش حساباتك الشخصية مع نيناد والسيد ياريت تصفيها برا ماهر السيد نجم الفريق الاول واذا انتقل لح ينتهي النادي وما عاد نرجع نحلم ننافس لفترة طويلة كتير ماهر مو لاعب عادي لما نزعل عليه ماهر لاعب نادر ليطلع متلو بالكرة السورية وهو حاليا الافضل بسوريا كلها خسارتنا كنت تحملها للسيد وهلاء بدك ياه يطلع يعني صارت الشغلة كتير مكشوفة منك حلو عن سما النادي بقا لانكون عم تضروه اكتر من الادارة



ليش حسابات مع نيناد

ولامرة دخلت شراكة بفلوس معه وأكل حقي يا أبراهيم


بعدين مين قلك أنو بدي ماهر ولا غيرو يترك

يمكن أنت قرأت المشاركة بعين واحدة ولم تفتح عيونك تمام


وإذا بدك أكتر مشاركاتك قبل ما ينجو الوحدة كانت تطالب بحرق اللاعبين وترفيع الشباب


يعني إذا مو ماهر بدك تحرق كتير وما قلتلك حل عن سما النادي


لاتتسرع بالجواب


والنادي كل أبنائه بتخاف عليه


آخر تعليق انو مو دائماً بيكون اللاعب الفقير افضل من اللاعب المقتدر



لمعلوماتك غالب لاعبي الوحدة هم من ذوي الدخل المحدود


ودائما وقت القلة هنن يلي بيحملوا النادي أما المرتاحين هنن غالبا أعضاء المؤامرات والدسائس





والأهم لأنه من بيت السيد والكل بيعرف إنه بيت السيد ما بيروق لبعض الأشخاص........



لمعلوماتك لاعبي الوحدة يلي جابوا الدوري حسام السسسسسسسسيد


هو سبب رئيسي بأبعادهم



هو يلي أبعد نبيل الشحمة وينال والحبايب والعاقل والعاجي وووووووووووووووو



نعم بيت السسسسسسسسسسسسسسسيد



وليس ماهر



حسام السيدددددددددددددددددددددددد



هذا النادي مثلما ذكرت محرقة لأبنائه و السبب هو وجود الحبوباتي ومن خلفه اعوانه و إن كان أيمن حكيم كما يدي أنه نسي الخلافات و المشاكل أو كان له شخصية أو كلمة مسموعة ما كان خلى حدا يتدخل أو بجوز ما اكتفى بحرق اللاعبين (محملجي و كبتول وحبايب و و و و و وو و )ولا زالت غصة بقلبنا عاد ليكررها
لذلك خالد حبوباتي لا يتغير إلا عندما يستلم اتحاد الرياضي العام وأتحاد كرة القد أشخاص أقوياء مصلحة البلد كل همهم ساعتها رئيس اتحاد الكرة هو من سيعزل الحبوباتي



كلام جميل


وأخيرا وليس أخرا



لكل واحد ما قرأت المشاركة وفهم شو قصدت



إذا بقيت هذه الأدارة مو من مصلحة النادي يبقى أي لاعب مابدها ياههههههههههههه



لأنو الموسم القادم رح تكون حرب بين هؤلاء اللاعبين من طرف


والأدارة من طرف أخر


والأدارة أثبتت أنها الأقوى ولايمكن لأي لاعب مهما كان حجمه أن يهاجمها


يعني رح نفوت بمتاهات الموسم القادم مشان فلان من اللاعبين وعلان


فهمتو قصدي ولا وضح كمان



كل لاعبي الوحدة مكسب ورحيلهم خسارة


بس أن تخسر لاعب خير من أن لا تكسبه وهو بناديه



وحين ترحل الأدارة لكل حادث حديث

[M-AL MN@GED]

يا أخ صالحية إذا كان خالد حبوباتي كبير وقوي في الله أكبر وأقوى

تاني شي ماهر السيد هو العمود الفقري لنادي الوحدة ونحنا ماعم نوح ولانبكي

لمصلحة شخص معين نحنا عم نحكي لمصلحة الفريق يلي

بنحبوا وبنموت فيه

وإذا بدنا نستنا ليطلع شي واحد من قواعد النادي متل ماهر

بحب خبرك إنو بدنا نستنا كتير طول مافي شخصين مدمرين للقواعد

[الصالحية]

تاني شي ماهر السيد هو العمود الفقري لنادي الوحدة ونحنا ماعم نوح ولانبكي

لمصلحة شخص معين نحنا عم نحكي لمصلحة الفريق يلي

بنحبوا وبنموت فيه



كلامك صحيح بس إذا بقيت الأدارة


رح تشوفوه عالة على الفريق لأنه الأدارة رح تحاربه حرب مو طبيعية


يعني رح نخسره مرتين


مرة لأنو ما رح يعطينا


والتانية لأنهم رح يحرقوه بحقدهم وكرههم له

[kashi]

شباب الكلام صحيح ماهر حرام يخرج من النادي لانه لاعب جيد لو انه ما قدم نصف ما عنده في الموسم الماضي بتمنى بقائه في النادي بس اذا رحل يبقى الوحدة النادي الذي نعشقه وسوف نشجع كل من يحل محل الكابتن ماهر اما اذا بدو يضل ويبقى ليوم حردان وليوم ما بدو يلعب وايدنا على قلبنا بدو يوقع لفريق خارج سوريا بتوفيق لماهر من الان ولنبحث عن لاعب يحل محله وشباب لاتفهمو كلامي ضد بقاء ماهر بلعكس انا من اشد المشجيعين لماهر واريد بقائه :fw :fb :fl وخلونا نترك القرار للادارة والمدرب وبتمنى انو تكون على صواب في اي قرار :fw :fb :fl

[deyaa]

طيب ما جاوبتني على سؤالي الاهم:
في بديلل لائق للاعبين الحاليين؟؟؟
خبرني شو خطط الادارة لجلب لاعبين بمكان اللاعبين يلي عم تحرقهون ؟؟؟
ما تقلي بدها ترفع لعيبة شباب لانو هالحكي بياخد وقت طويل
يعني لعيبة شباب بدها تلعب مع الفرق الاخرى بلعيبة كبار
فسلامتك على الدرجة الاولى
جميع الاندية يلي بتفهم بتحافظ على اللعيبة الكبار وبتحاول شوي شوي ترقي اللعيبة الشباب للنادي الاول ليكتسبوا خبرة وثقة باللعب مع الكبار، ولا انا غلطان؟

[wissam82]

لمعلوماتك لاعبي الوحدة يلي جابوا الدوري حسام السسسسسسسسيد


هو سبب رئيسي بأبعادهم



هو يلي أبعد نبيل الشحمة وينال والحبايب والعاقل والعاجي وووووووووووووووو



نعم بيت السسسسسسسسسسسسسسسيد

هالحكي مو صحيح مع احترامي ئلك

بعدين لو حسام السيد ئلو شوية تخبيصات بالنادي انا مالي بصدد الحديث عن حسام يلي هو خارج النادي هلئ ...

انا عم أحكي عن ماهر يلي هو أفضل لاعب بالنادي وسوريا ,, واذا كانت الإدارة قوية وما حدا بيقدر عليها مو معناها إنه نتركها تخبص وتشتغل على كيفها وكأن النادي مافيه وراه جمهور

يعني للأسف رغم كل مؤامرات وتخبيص الإدارة هالمرة عاجبك كتير قرارها لأن الهدف واحد بقصة ماهر بينك وبينها ...

اذا الإدارة قوية رح يجي يوم ينكسر راسها ونحنا لازم نضل عم نحاول يلي منقدر عليه لو بالكلام لإيصال صوتنا ,, ولو كنا وحداويين أوفياء منضل وراها لحتى تنئلع وما منخليها تفرط بلاعب بوزن ماهر ...

[وحداوي موت]

بلنسبة لحسام هو خبص ما حدا فينو ينكر هل شي واول تخبيصة الو كانت سحب ماهر على نادي الجيش
بس ماهر رجع على الوحدة ولعب بدم وضمير وانجز بلدوري وبلبطولة الاسيوية
وما حدا بيقدر ينكر فضل ماهر على النادي
بس في مشكلة كبيرة وهل شي بيبين مع دفع عقود جميع اللاعبين الا ماهر
بعدين معقول بكل تجار الشام ما حدا بيقدر يدفع مليون ليرة للزلمة
الخسارة ماهر مو المليين
يرجى اعادة النظر بموضوع ماهر السيد لانو اذا راح رك نندم كتير

[<IBRAHIM>]

ليش حسابات مع نيناد

ولامرة دخلت شراكة بفلوس معه وأكل حقي يا أبراهيم


بعدين مين قلك أنو بدي ماهر ولا غيرو يترك

يمكن أنت قرأت المشاركة بعين واحدة ولم تفتح عيونك تمام


وإذا بدك أكتر مشاركاتك قبل ما ينجو الوحدة كانت تطالب بحرق اللاعبين وترفيع الشباب


يعني إذا مو ماهر بدك تحرق كتير وما قلتلك حل عن سما النادي


لاتتسرع بالجواب


والنادي كل أبنائه بتخاف عليه

مشكلة نيناد اكيد مالك داخل معو بشراكة بس القصة معروفة وما في داعي نذكر شو اسبابها لانك فهمان علي


ومشان انك ما بدك ماهر يترك فبقلك لعاب غيرها نسيت حالك شلون كنت تحمل ماهر نتائح الخسارات لالو وحدو وحتى قلت بس يطلع ماهر شوفو شلون لح يصير فريقنا ولح نفوز رغم انو ماهر ب 75% من اللعب كانو لحالو عم يلعب وكانو من كوكب تاني


اما انك تقلي اني طالبت بحرق ماهر السيد واللعيبة الكبار فكلامك ما لو اساس من الصحة والظاهر مخربط بيني وبين واحد تاني لاني بحياتي ما طالبت بهل الشي انا باسوء النتائج طالبت ترفيع لعيبة من الشباب مع الابقاء على الاقل 6 لعيبة من الكبار واولهم ماهر ولساتني عند رائي مو مشان شي بس لانو اغلب لعيبتنا منتهية صلاحيتها
انا ما بدي لعب حلو ولا بدي ولاد النادي تلعب بدي بطولات نساوي اسم لفريقنا يلي انجازاتو معدومة قبل نيناد خلينا نجيب بطولات بالاول ونحسن سجلنا بعدين بنلتفت للشغلات التانية

[الصالحية]

من زمان كنا نقول لو راح عساف يا ترى مين بدو يسجل

طلع المحملجي وعمر أحمد

كنا نقول إذا راح نزار منيين رح نجيب بدل عنه صابع ألعاب وهداف

طلع محله لؤي وبعده أجى كتير


واليوم بنقول إذا رحل ماهر


رح يجي محله


ونحن مابدنا ياه يروح


وكل واحد بيظن اننا نريد رحيله لسبب سخصي بيكون مخطئ


ويلي عاش بالنادي لسنوات طويلة بيعرف الحقائق كلها ومو شرط


يسمعها كل الناس


بس يلي قريب بيعرف كتير


هؤلاء النجوم الذي يحبهم الجمهور دون أستثناء


اليوم عندنا وغدا سيأتي محلهم


ومن يظن أن خروج ماهر أو غيره سيدمر النادي بيكون غلطان


والدليل واضح وصريح


هذا الموسم كان معنا كل من نتحدث اليوم عن رحيلهم غدا


ماذا قدموا ؟؟؟؟؟؟؟؟؟؟؟؟؟؟؟؟؟؟؟



طالما أن الأدارة باقية لن يفيدنا لا ماهر ولا غيره


في مخطط براس الأدارة ولن نجد حلا إلا بعد رحيلها


ويلي بيعشق النادي مشان ماهر ولا غيره حتى نزار محروس بنفسه


وأنا أعشقه عشق أبدي


لكن الوحدة هو الأغلى


ورحل المحروس ورحل محبيه معه وبقي من يحب النادي


ومن يريد الرحيل مع أحدهم غدا فليذهب


النادي أكبر من أي شخص




نسيت حالك شلون كنت تحمل ماهر نتائح الخسارات لالو وحدو وحتى قلت بس يطلع ماهر شوفو شلون لح يصير فريقنا ولح نفوز رغم انو ماهر ب 75% من اللعب كانو لحالو عم يلعب وكانو من كوكب تاني



يعني مالي عرفان يا سيد أبراهيم


أنت وغيرك تقول أن ماهر هو الفريق وإذا رحل الفريق سيدمر الوحدة


وحين كنا نتحدث عن الأهداف المحققة التي أضاعها ماهر السيد


ولا نعلم إن كان متقصدا ذلك نكاية بالأدارة أو لغاية ما


كنت تقول شو ماهو هو الفريق شو مافي غيره بالنادي


والله أمركم عجيب


ماهر السيد لاعب نجم وكبير لسنوات مضت فقط

أما اليوم النجوم هناك بنادي الكرامة


هم وحدهم نجوم سورية

جهاد الحسين والمندو وووووووووووووووووووووووووو


المشكلة هي أننا لا نتقبل النقد


فليذهب ماهر وغيره طالما أننا وحدنا كجمهور


من سنقول الأهات الموسم القادم إذا دارت الحرب بينه وبين الأدارة


نحن نحب الوحدة ولن نقبل لنادينا إلا الأفضل وقلنا كثيرا وحاولنا وسنحاول


لتغيير الأدارة بس شو نساوي إذا الحالة أكبر مما نستطيع فعله


الوحدة باق ولترحل الأدارة وليرحل كل من يشعر بأنه أكبر من الوحدة


ولبقى من سيقدم للشام وأهلها ماهو أفضل



وتبقى الشام كنانة اله في أرضه

[محمد علي نوناني]

والله يا معلم كلامك في وجهة نظر
بس كمان هاد ماهر السيد ....
يعني فيك تتخيل الاتحاد مثلا من دون محمود آمنة ؟
او الكرامة من دون جهاد الحسين ؟؟؟
يعني هي الفكرة انو في شي أصيل وحلو وانت عم بتكبو هيك من دون مقابل ...
لك حتى اذا كان في مقابل الإدارة مش عم تتنازل وتخبر العالم شو هو هالمقابل؟
خليها لله ........زالهدف بالنهاية هو القضاء على اصالة وعراقة نادي الوحدة ...
بس مارح يقدرو لا هنن ولا غيرون ...كانو اشطر لما نزلونا على الدرجة التانية وما استفادو شي ولا رح يستفيدو شي ......لانو دمنا برتقالي ........ :fl

[الصالحية]

كلامك صحيح مية بالمية

ممكن نزعل بداية الأمر إذا لم يعوض مركز ماهر


أما إن أتى لاعب ونجح بمركزه


كل الجماهير رح تفرح وأولهم من يحزن لفقدانه


والأيام تنسي كل شيء


وتبقى الذكرى الجميلة


على العموم الله يصلح الحال

[<IBRAHIM>]

عم تقول السيد ضيع انفرادات شو حرام اذا ضيع فرصة او تنتين اكبر لعيبة العالم بتضيع بس انك تشكك باخلاصو وولائو للفريق فهالشي بنوب مو مقبول وتحملو مسئولية الخسارات

[salah]

حوار عقيم بلا فائدة


:fl :fl :fl :fb :fb :fb :fw :fw :fw

[السوري الدمشقي]

والله يا صديقي انا معك بهالأمر ... بس كمان ماهر واياد عبد الكريم لسا ما خلص دورون بالنادي ... انا احب على البي يفسح مجال لهل النجوم الزبيدي والخالد ... بس كمان ما نفرط بالخبرة ... يعني يلغو عقود المحترفين والمهم يبئى للفريق .. والخيرة فيما اختاره الله .

[الصالحية]

عم تقول السيد ضيع انفرادات شو حرام اذا ضيع فرصة او تنتين




بس

:b( :b( :b( :b( :b(

[وحداوي موت]

انا يلي بعرفو انو ماهر من اكتر اللعيبة يلي لعبوا باخلاص
خلال فترة الدوري كل اللعيبة عم ت؟؟؟ بللعبة الا ماهر
ولاحظنا هل شي باكتر من لعبة
ماهر السيد اكتر لاعب بين وفائو ومعدنو بلفريق هل سنة