ذكاء لطفي الاسطواني

[ابو ناصر الوحداوي]

قبل مباراة هامة لمنتخب الوطن بيوم كل العالم يستضيف اناس من وطنه للحديث عن منتخب وطنه و هذا الطبيعي لكن السيد لطفي يستضيف شخصين لبنانيين و حيلته فجر يرفض الحضور و هذا غير مقبول العذر فبامكانه استضافة محللين سوريين و ليس لبنانيين غريب انت يا لطفي الاسطواني

[KiNg82]

والله يا حبيب لا تجي علي كتير بدو يعمل دعاية لبرنامجو عند اللبنانيين
بعدين في شغلة مهمة كتير اذا بتلاحظ من اسم البرنامج تبعو (( الكرة بملعبك )) يعني لحش المشاكل للآخرين وافتعالها
لك دخليك مفكر حالو مصطفى الآغا .. يعني هاد على اساس احسن

[سامي حرح]

طولو بالكن شباب...حرام عليكم الزلمة عم يشتغل من كل قلبو ..وهو حر ببرنامجو...من زمان ونحنا منحلم يصير عنا هيك برنامج....

[bmekhaled]

بصراحة يا شباب أنا الي أكتر من مأخذ على لطفي الأسطواني و برنامجه و تكرست تماماً هالفكرة عندي بعد لقاء راتب الشيخ نجيب
يعني عدم المؤاخذة لطفي الأسطواني مخصص برنامجه بالكامل لكرة القدم مع بعض الحلقات بين الفينة و الأخرى اللي بتطلع عن هالموضوع و أظنها معدودة على أصابع اليد الواحدة
ممكن أفهم كيف بيطلع قرار إقالة راتب من هون و تاني نهار البرنامج بيقلب حديثه للسلة ، و لأ و بيخصص الحلقة للحديث عن سلة الوحدة و إقالة راتب و و بيستضيفه عنده بالاستوديو و تقارير من عند راتب ببيته و مع أحمد قوطرش و بصالة الوحدة !!!!!
سمّوها متل ما بدكن تسمّوها بس أنا للي صار ما بقدر قول غير أنو عم يصيد بالمي العكرة ، و أنا طبعا ما بنكر أهمية البرنامج على الساحة السورية و من أشد المتابعين اله بس متل ما قلت في شغلات كتير مو تمام

نرجع لموضوعنا
أنا بقصة فجر أنا بشوف الحق مع لطفي
يعني كيف عم نلومه على استضافة اللبنانيين إذا هو عم يقول اتصلت بفجر و طلبت منه الحضور فأرسللي بعدها رسالة موجودة على الموبايل أنه ما بده يجي و مو بس اليوم ، قال إذا بكره بيربح و بيتصدر فما بدو يجي ، فشو معناها ؟
يا جماعة الزلمة عم يحكي بالمشرمحي ، قال من شهر حاكيناه و دعيناه عالبرنامج و رفض يجي و هلأ دعيناه و رفض يجي ، و هو على هالبرنامج ما بدو يجي

بصراحة أنا بعد ما شفت الحلقة قرفوني بالزايد بهالمنتخب
يعني ناشرين للدنيا أنو بيهمنا المركز الأول لناخد رئاسة مجموعة ، و اليوم منكتشف أنو متل بعضها لأنه هالموضوع ماله أي علاقة

لعمى موقفين الدوري و هالكين كل الأندية مشان مباراة لا تقدم و لا تؤخر
والله العظيم مسخرة المساخر

لسه قاعدين عم نطبل و نزمر للمنتخب ، لك والله على عيني و راسي الإنجاز و بصراحة انا مع فكرة عدم نقد أي شخص بيحقق نتائج ، و خاصة خاصة مع منتخب البلد
بس كمان شو هالهالة المعمولة عن التأهل يعني ؟ قال شو فريقنا تأهل بعد ما بعرف كم سنة 13 - 14 اللي هوه !!!
طيب إذا ما بدنا نتأهل عن مجموعة فيها 4 منتخبات تصنيفهن الدولي تحت الـ 100 و مطلوب منهن 2 ايمتى بدنا نتأهل
يعني هلأ بدهن يفهمونا لو طلع معنا متل العادة إيران أو العراق أو أي فريق عليه القيمة متل اليابان أو كوريا أو السعودية كنا بنفس الوضع ؟ أي خلصنا بقى سيرة تأهلنا لأول مرة من كذا عشر سنة بئى

[noel]

فأرسللي بعدها رسالة موجودة على الموبايل أنه ما بده يجي و مو بس اليوم ، قال إذا بكره بيربح و بيتصدر فما بدو يجي ، فشو معناها ؟
يا جماعة الزلمة عم يحكي بالمشرمحي ، قال من شهر حاكيناه و دعيناه عالبرنامج و رفض يجي و هلأ دعيناه و رفض يجي ، و هو على هالبرنامج ما بدو يجي


بعتقد هي حرية شخصية بالظهور ببرنامج او لآ
بالدول المتقدمة في منسق اعلامي للمنتخب هوبقرر ازا لازم يصرح المدرب بشي او لا يعني غلط لطفي يحاكي فجر بشكل مباشر

[bmekhaled]

بعتقد هي حرية شخصية بالظهور ببرنامج او لآ
بالدول المتقدمة في منسق اعلامي للمنتخب هوبقرر ازا لازم يصرح المدرب بشي او لا يعني غلط لطفي يحاكي فجر بشكل مباشر

والله العظيم لو كان عندي شك ولو ضعيف بأنه السبب هو انه حابب يتم مخاطبته عن طريق المنسق الإعلامي و بالطريقة الاحترافية النظامية ما بزعل ، بالعكس بيكون قمة الفهم و الاحترام

بس فجر عم يدرب على علمي (و على الأقل قبل ما يتغير) بدون عقد ، و عم ياخد راتب أقل من كل مدربي الأندية و بكل بساطة انا ما رح اتفهم أبداً كيف بيقلعوه من المنتخب و بيجيبو القويض و بعدها بيرجع !
يعني ما في احترام مهني لنفسه ، تعا اجيت ، الله معك رحت ، رجاع رجعت !!!

و عموماً أنا معك بأنه حرية شخصية ظهوره بالبرنامج بس الواضح من حكي لطفي انه عم يرضى يجي على غير قناة و بالتـأكيد قصده التلفزيون السوري بس لعند لطفي لأ ، وهون شو معناتها ؟ يعني ما بيروح غير عالبرنامج اللي بيسمع فيه الحكي اللي بيناسبه !

سيدي عموماً كرة القدم عنا وضعها سيء متلها متل كل الرياضات انية لتامهما حاولنا نقنع انفسنا بغير هيك و أنو منتخبات الرجال و الشباب و الناشئين تأهلت

[SH@@MI]

واذا يعني استضاف لبنانية
استغل وجودهن هون

بعدين عطونا تفاؤل

عم يحكوا عن الرياضة عندهن حسيت حالي عايش بالأرجنتين من استقرار الرياضة عنا


اما ليش ما عم يجي الكوتش فجر فهو حر
يمكن مشان ما يسمع كلام فاضي وعلاك من الـ اس ام اس

[ميدلست]

تركو الزلمه بحالو عايش علا احلام التاهل مفكر حالو رايح علا كاس العالم بكره بدوب التلج وبيبان التاهل بل النهائيات

[ابوالعبد الوحداوي]

يعني فجر وصلنا لهون ومع هيك نشرنا ..... بئا شوبكون منو يعمل ؟؟؟
نائصو نشران .... عقناة الدنيا كمان ...

[الكتلوني]

هاد اسمو غباء لطفي الأسطواني

[عدنان شيخاني]

والله البرنامج حلو ولاتاخدو الامور بعصبية زايدة

[أيهم القاضي]

برنامج لطفي الاسطواني كويس بس المشكلة انو كتير كثيف يعني خمس حلقات بالاسبوع بخلوه مو بس يحكي عن راتب حتخليه يدور على طابة طقت بشي تمرين لشي نادي لحتى يحكي عنها وبعتقد حلقتين بالأسبوع بيكفوا وزيادة

[Khaled Nayseh]

البرنامج جيد وجديد من نوعه وعم يطرح مسائل بتمس الرياضه وعم يكشف زوايا مظلمة
شروى قصة خالد الفرج اي والله نقهرت عليه لهالزلمة
أما بالنسبة لفجر فهو حر بيحب يجي أو ما يجي وموضوع التنسيقات ومدير أعمال واتصالات هاد لسى بدنا كتير لنوصلو
بس الكابتن فجر يمكن آخد على خاطرو من الجمهور بشكل عام لأنون عم يكسروا بمقديفه رغم أنتصاراتو وتأهلو وعم يطالبو بمدرب أجنبي هادا رأي الشخصي مو أكتر
وبصراحة منتخبنا جيد وبيطلع منو
فعلا لطفي كان زكي واستغل وجود هالمدربين واستضافون

[wissam82]

لازم لطفي الاسطواني وبرنامج الكرة بملعبك يطلع من عباءة صدى الملاعب ومصطفى الآغا

لأنه ئد ما حاول ما يقلده ،، البرنامج بأغلب فقراته عم يكون تقليد لصد الملاعب
بس طبعا لا تجوز المقارنة بين الإعداد والتقديم بالبرنامجين ..

وأنا من رأيي الأخ خالد ،، إنه لطفي عم يصيد بالمي العكرة كتير أحيان
وعم يدور ع الإثارة ببرنامجه حتى لو كانت سبب لزيادة المشاكل .
وإلا شو منسمي استضافته لمشرفين من موقع كووورة رغم هجومهم المنقطع النظير
على فجر ابراهيم ،، والله الحق معه فجر ابراهيم يرفض من بعدها يحضر هيك برنامج ..!!

[نستول]

ياجماعة الخير انا بشوف انوو ببرنامجو عم يحاول يكشف العالم على حقيقتها يعني مثلا لما استضاف المشرف تبع موقع كوررة فرجى العالم كلها انو هاد يلي عم يكتب وعم تسمعولو زلمة فايت بالحيط ومو عرفان الله وين حاطو وعم يحكي من فوق الاسطيح يعني حرق زلمة بالاصل مالو طعمة وهي شغلة كتير حلوة اما استضافتو للبنانين مالي شايف فيها مشكلة ابدا باعكس كتير كانت الحلقة ممتعة وسهلة الهضم على عكس بعض الحلقات يلي ضيوفها من عنا بتلاقي فيها كل كشة عم تنكش بدها معمل كولا لتنهضم