نحنا ماعم نتعلم من كيسنا .... ياحرام

[نستول]

نحنا بنادي الوحدة عم تمر علينا دروس وعبر وماعم نستفيد منها وهي المثال يلي لح احكيلكون ياه بموسم 96-97 كان نزار محروس عم يدرب الفريق وقتها حكمتنا لعبة مع الجيش ومتل العادة الحكم خبص لحتى قال حاجة قام الجمهور يلي تحت الصورة بعد المبارة هجم بفرد هجمة على سور الملعب وخلع الباب الكبير يلي بيفوتوا منو السيارات عالملعب وهجم عالملعب وعالحكم المهم اتحاد الطابة عاقبنا ونقلنا مباراتين من ارضنا على حماه وهالمباراتين كانو ا مع الحرية والوثبة المهم لعبنا يوم الجمعة مع الجيش وكانو وقتها مكثفين الدوري مشان يلحقوا يحضروا لتصفيات كأس العالم يعني لعبتين بالاسبوع (ووقتها طبعا لاكان في احتراف ولاتدريب يومي ولاهم يحزنون) المهم الفريق سافر على حماه وانا بهديك الايام كنت متل ابن بطوطة وين ماراح الفريق روح معو وفاز على الحرية وطلع من حماه على دير الزور على لعبة اليقظة وتعادل صفر صفر ورجع من دير الزور على حماه ولعب مع الوثبة وفاز تلاتة واحد ورجع عالشام ولعب مع حطين وتعادلنا واحد واحد وهي اللعبة هي مربط الفرس بحديثي كانت المباراة بملعب الجلاء وبعد كل هالسفر وهالتعب والوحدة اصلا كان مركزوا متوسط يعني ماكان اخد بطولات وقلو صولات وجولات كان يلي بيجمعنا على حبو هو لعبو الجميل فجأة بشوف كم وش جديد عالمدرجات نازلين من قبل ماتبلش المباراة مسبات مو طبيعية بنزار محروس
وطبعا تلت رباع الجمهور معون معون عليهون عليهون بلشوا يترغلو معو وكانوا مدفوشين هالفئة من زلمة مالنا هلئ بحالو نذكر اسموا قام الكابتن نزار محروس ولانو زلمة معدل ومابيحب الزاحلة وخصوصي انو نتائجو كانت متوازنة (الاسبوع واحد وعشرين كان عندو سبع تعادلات وسبع خسارات وسبع انتصارات )ماهانت عليه نفسو وترك ومشي ولما يلي نزل فريقنا عالتانية كلون دارو وشون ورجع ابن النادي الاصيل المحروس ودرب الفريق ورجعوا عالاولى وزرع فيه نواة للمستقبل وجهز لاعبين يخدموا الفريق لسنوات وسنوات قام شو كافاناه متل العادة عالم دفشت عالم وعلى مسبات وطار نزار لمأرب اشخاص معينة يعني بالمختصر عاملناه بقلة وفاء وصار البعض يقول انو الحكيم هو يلي جهز الفريق لنيناد ونسيو انو المحروس هو يلي جهز الفريق للحكيم وبعد منو نيناد
وشو كانت ردت الفعل حلقولو
وهلئ 0(وانا والله العظيم ماعم دافع عن المدرب انا )انا ضد الطريقة يلي بدنا نطالع فيها شيخ المدربين راتب الشيخ نجيب من نادي الوحدة لانو فيها كتير قلة وفاء لهل الانسان وتأكدوا أنو مابيحن على العود الا قشروا واكبر دليل رجعة المحروس بهل الظروف التعبانة ليدرب الفريق
وبتمنى من الاخ حسان الحسيني يكون شاهد على الكلام يلي قلتو لانو هو الشخص الوحيد يلي بعرفوامن بين شباب المنتدى انو كان حضران هديك اللعب كلها واسف عالاطالة

[الكتلوني]

كلو خير حبيبي النتائج هي لي بتحكم على الفريق انا مابحب الأشخاص بلنادي بحب الوحدة وبس يعني اذا المدرب غلط مو من مجدو وكأنو مافي غير لحنا بعصر الأحتراف مو هواية ومابعرف شو وولاء للنادي

[SH@@MI]

شو الطريقة يلي بتقترحها

[wissam82]

أخي نستول أنا بتذكر هي الأيام والوقائع يلي عم تحكيها بالضبط
بس برأيي لا تجوز المقارنة بين الحالتين أبداً أبداً ..

يعني يا أخي نحنا بالبداية حكينا إنه الكابتن أبو الوليد الله يعطيه العافية
وكتر خيره على كل شي قدمه للنادي , وصار لازم يترك مجال لغيره لأنه هو
ما عاد قادر ع التطوير ,, وبعد فضيحة دبي ارتفعت حدة اللهجة للمطالبة بإقالته
لأنه الشي يلي صار اسمه أكثر من فضيحة وما حدا بيرضاه لناديه ..

بينما الكابتن نزار محروس كشخص أخلاقياً بالدرجة الأولى بيجبرك إنك تحبه
زلمة بيخاف من الله ,, وبيشتغل بنور الله بالشي يلي بيشوفه مناسب ..
وأكتر من 90% بهديك الأيام كانوا بيعرفوا إنه الكابتن نزار كان عم يبني فريق للمستقبل
وبوادر هالفريق المبشر كانت عم تظهر شوي شوي ..

يعني يوم ما كان فيه بعض المدفوشين يلي صاروا يشتموا بموسم 97 كان مبين
انه هالناس مدفوشين ومرتزقة من أحد الأشخاص ,, لأنه متل ما حكيت أنت الفريق
كان فوق الوسط وكان فيه تحسن بأدائه ونتائجه وأغلب الجمهور كان مؤيد ئله ..

بينما هلئ فيك تسمي الغالبية العظى يلي عم تطالب بإقالة أبو الوليد إنهم مدفوشين ..؟؟
وبرأيك لازم نسكت عن الشي يلي سمعناها وشفناه من فضايح ع المدرب ونحنا عم نشوفه
عم يهدم بدال ما يبني ..؟؟
وعطيني بادرة وحدة إيجابية بفريق السلة من 5 سنين ولهلئ ..؟؟

بالعكس الفريق كل ماله لورى من الناحية الفنية والناحية الانضباطية ..

[سعدي]

أبو حميد اكيد لازم يكون في وفاء للمدرب
بس هالشي مو على حساب سمعة النادي ..
متل ما تفضل أبو انس المقارنة ظالمة جدا
يعني الكابتن ابو وليد خبص كتير بالفترة الماضية
و بعدين الناس عم تحكي رأيها و بالنهاية مو انا و لا انت اللي منطالعو من النادي في ادارة شايفة و سامعة
في شي مرة بعمرو الكابتن نزار ترك الفريق يسافر لحالو ؟؟ مهما كانت الاسباب ؟؟ اكيد لأ
بينما راتب الشيخ نجيب ساواها الاسبوع الماضي و كان الو تصرف مماثل بالموسم الماضي وقت ترك الفريق خلال المباراة و حرد (يعني تكرر هالتصرف الاحترافي )
طبعا انا ذكرت حادثة وحدة بس في كتير امور تانية فيها اختلاف بين الحالتين لهيك المقارنة مو عادلة . .

[نستول]

انا يمكن ياجماعةمو مقهور من الجمهور هالمرة يلي قاهرني انو انا مالي مقتنع انو خسرنا لعبتين الكرامة والطليعة هيك (وخصوصي بعد المستوى يلي شفناه بلعبة الجيش ) انا وهاد مجرد رأي شخصي بشك انو كانوا هالخسارتين مقصودين لتطير المدرب انا هاد يلي مزعلني مو اكتر من هيك والله العظيم ياجماعة الخير انا مالي موجوع على راتب انا موجوع على نادي الوحدة
وهلئ انا معكون انو التغيير سنة الكون والله يوفق فريقنا وان شاء الله بيجينا مدرب بيقدر يعيد للبرتقالة الدمشقية نكهة البطولات ومشكورين شباب على ردودكون على الموضوع وتأكدوا انا لما بكتب حرف فهاد من محبتي لنادي الوحدة وغيرتي عليه

[wassim80]

لعبة الكرامة بالخصوص كانت ريحتها نتنة وكريهة جدآ (وأنا علقت أنه الأمور باتت واضحة جدآ)...

وبرأيي أنه الإدارة قصرت جدآ بموضوع مسائلة ومحاسبة اللاعبين ....

ولنكون صريحين وبالمقارنة البسيطة
(خسارتنا بتلت طابات مع المجد ) قامت الدنيا وقعدت وتهديد للاعبين واتهام بالتواطئ ومبعرف شو!!! مع أنها نوعآ ما منطقية هالنتيجة بس طبعآ الأداء مرفوض

(خسارتنا المذلة مع الكرامة 50-62 ماني متزكر النتيجة) ماسمعنا شي منوووووووووووووب من الادارة وطبعآ قبلها لعبة الذل مع الطليعة !!!!! لوين سايرين يا إدارة بالمركب البرتقااااااااااااااااالي


((( صدقوني ياشباب أنا كل يوم للأسف عم أفقد ثقتي بإدارتنا )))...........

[mmrdem]

انا بشوف انو مافي مجال للمقارنة بين عمل الكابتن نزار وعمل الكابتن راتب لعدة اسباب اهمها انو المسؤوليات والمهام والضغوط المحطوطة على عاتق الكابتن نزار اكبر بكتير من الكابتن راتب كمان بدوري كرة القدم المستويات متقاربة بشكل كبيرة ودور اللاعبين الاجانب محدود لهيك بتبرز قيمة المدرب اكتر من كرة السلة يلي الاعتماد فيها على اللاعبين الاجانب بشكل كبير واللي ممكن يحسمو المباريات اضافة لانو مستويات اندية كرة السلة متفاوتة وفي مباريات محسومة سلفا والمنافسة محصورة بين كم نادي لهيك انا بشوف انو الكابتن نزار طالما قبل المهمة وتم وسيتم توفير متطلباتو كاملة وتركت له حرية العمل على راحتو مع كادر من اختيارو انا بشوف انو لازم ينعطى الفرصة كاملة لحصد ثمرة تعبو ووقتها منحكم على عملو وهالشي بالموسم القادم بعد مايستكمل سد الثغرات اللي لمسها بالفريق
اما الكابتن راتب فانا بشوف انو قدر يكون فريق ممتاز قدر يحتل بنهاية الذهاب المركز التاني خلف الجلاء اللي عمبيغرد خارج السرب بامكاناتو وفريقنا الحالي بيضم مواهب جيدة اكيد اشبعت بفكر الكابتن راتب وبحاجة لمدربين من مدارس تانية لصقل هالمواهب الموجودة وهالشي بيرجع للادارة ومدى قدرتها المادية ازا كانت قادرة تجيب مدرب اجنبي عالي المستوى ولاعبين اجانب يقدرو ينافسو لاعبين الجلاء فبرايي انو التغيير مطلوب اما ازا كان البديل للكابتن راتب مدرب وطني او مدرب اجنبي مو معروف فانا بفضل الكابتن راتب لانو هو الادرى بالفريق اللي صنعو

[حسان الحسيني]

اكيد الاحداث يلي ذكرتها باللبال
المسبات صارت بلعبتين حطين وشرطة حلب
ومتل ماحكيت كانو 20 شخص مدفوشين من جماعة الحريقة

[DIABO MAN]

خيار وفقوس وحياتك
الهجوم على ناس وناس

[خضر]

بخصوص المدرب أكيد التغيير صار مطلوب هلق ، لأنه ما عاد يقدر يطور الفريق وما عاد قدر يسيطر عليه والدليل مباراة الإتحاد يللي كأننا شفنا فيها فريق تاني ..

أما بخصوص القصة يللي انذكرت بالموضوع فلازم نصحح شوية معلومات تاريخية منشان ما حدا يفوت بالحيط
موضوع الحادثة يللي عم يحكي عليها الأخ نستول صارت سنة 2000 – 2001 بعد مباراة الجيش وقت كان الجيش متقدم واحد صفر وحط المحملجي غول بآخر دقيقة وحسبه الحكم بعدين لغاه ..

وقتها نقلوا للوحدة مباريتين مع الحرية وخلصت 3-1 وحط أبو كاسم تلت غوال ، ومع الوثبة وفزنا 1-0 وحط عساف خليفة غول من ضربة جزاء هو آخر غول إله مع الوحدة ، وبعدين لعب الوحدة مباراة بجبلة بالكأس وخسرنا صفر واحد ومع اليقظة بدير الزور وخسرنا صفر واحد ، وكانت المسافة يللي قطعها الفريق بالسفر وقتها قريب الأربع تالاف كيلو متر وبعدين لعبنا مع حطين بالجلاء وخسرنا 1-2 وعلى أساس هالمباراة ضاج الجمهور وترك نزار ..

وأنا بشكر الكاتب أنه ذكر أنه تلت ارباع الجمهور ما كان فهمان شي يعني في ربع كان عرفان شو بده، وبما أني كنت من الفهمنانين حسب ما بظن فنحنا طالبنا بتغيير نزار لخلاف بوجهة نظر تكتيكية ( طبعاً طلبنا منه يترك بكل أدب وما سبيناه بنوب وأنا ما شفت حدا سبه )

وهون لازم نصحح معلومة تانية بالموضوع أنه الوحدة بعد ما ترك نزار نزل مستواه، وللعلم الوحدة بهادا الموسم المذكور كان بالمركز السابع ، وبالموسم يللي بعده إجا مدرب برازيلي وكمل بعده أيمن حكيم وطلعنا تالت ، وبالموسم يللي بعده إجا نيناد وطلعنا رابع وأخدنا الكأس وباللي بعده أخدنا الدوري ، وهادا بيدل أنه وجهة نظر يللي طلبوا التغيير مضبوطة لأنه شفنا وقتها أنه نزار ما عاد يقدر يطور الفريق، وهو نفس الشي يللي عم يصير هلق بخصوص كرة السلة.

وبما أنه التغيير صار هلق مطلوب والكل متفق عليه ، وحتى الإدارة حاسة بأنه صار ضروري فلازم الإدارة هي يللي تغيير المدرب ، أو أنه المدرب يستقيل لحاله، لأنه مستحيل الجمهور يشوف الفريق عم يتدهور ويتبهدل ويضل ساكت

بس بنفس الوقت لازم يكل يأكد للمدرب انه الجمهور مو ضده شخصياً وأنه ما حدا بيقدر ينسى الإنجازات يللي ساواها للنادي والأجيال المهمة يللي طلعها

[Abu Waseem]

متل ما الكل قال المقارنة مو ظابطة وغير عادلة تماماً
وبدون لا تخيلات ولا تصورات خلينا نحكي رياضة الشيخ نجيب ما عم يعمل شي بكرة السلة نقطة من أول السطر يعني بغض النظر عن أي شي تاني

[محمد سكر]

بكفي أبوحامد مابيطلع من تمو حكي طالع نازل وكلام من تحت الزنار على اللاعبين وأثناء المباراة ؟؟؟

[نستول]

بخصوص المدرب أكيد التغيير صار مطلوب هلق ، لأنه ما عاد يقدر يطور الفريق وما عاد قدر يسيطر عليه والدليل مباراة الإتحاد يللي كأننا شفنا فيها فريق تاني ..


أما بخصوص القصة يللي انذكرت بالموضوع فلازم نصحح شوية معلومات تاريخية منشان ما حدا يفوت بالحيط
موضوع الحادثة يللي عم يحكي عليها الأخ نستول صارت سنة 2000 – 2001 بعد مباراة الجيش وقت كان الجيش متقدم واحد صفر وحط المحملجي غول بآخر دقيقة وحسبه الحكم بعدين لغاه ..

وقتها نقلوا للوحدة مباريتين مع الحرية وخلصت 3-1 وحط أبو كاسم تلت غوال ، ومع الوثبة وفزنا 1-0 وحط عساف خليفة غول من ضربة جزاء هو آخر غول إله مع الوحدة ، وبعدين لعب الوحدة مباراة بجبلة بالكأس وخسرنا صفر واحد ومع اليقظة بدير الزور وخسرنا صفر واحد ، وكانت المسافة يللي قطعها الفريق بالسفر وقتها قريب الأربع تالاف كيلو متر وبعدين لعبنا مع حطين بالجلاء وخسرنا 1-2 وعلى أساس هالمباراة ضاج الجمهور وترك نزار ..

وأنا بشكر الكاتب أنه ذكر أنه تلت ارباع الجمهور ما كان فهمان شي يعني في ربع كان عرفان شو بده، وبما أني كنت من الفهمنانين حسب ما بظن فنحنا طالبنا بتغيير نزار لخلاف بوجهة نظر تكتيكية ( طبعاً طلبنا منه يترك بكل أدب وما سبيناه بنوب وأنا ما شفت حدا سبه )

وهون لازم نصحح معلومة تانية بالموضوع أنه الوحدة بعد ما ترك نزار نزل مستواه، وللعلم الوحدة بهادا الموسم المذكور كان بالمركز السابع ، وبالموسم يللي بعده إجا مدرب برازيلي وكمل بعده أيمن حكيم وطلعنا تالت ، وبالموسم يللي بعده إجا نيناد وطلعنا رابع وأخدنا الكأس وباللي بعده أخدنا الدوري ، وهادا بيدل أنه وجهة نظر يللي طلبوا التغيير مضبوطة لأنه شفنا وقتها أنه نزار ما عاد يقدر يطور الفريق، وهو نفس الشي يللي عم يصير هلق بخصوص كرة السلة.

وبما أنه التغيير صار هلق مطلوب والكل متفق عليه ، وحتى الإدارة حاسة بأنه صار ضروري فلازم الإدارة هي يللي تغيير المدرب ، أو أنه المدرب يستقيل لحاله، لأنه مستحيل الجمهور يشوف الفريق عم يتدهور ويتبهدل ويضل ساكت


بس بنفس الوقت لازم يكل يأكد للمدرب انه الجمهور مو ضده شخصياً وأنه ما حدا بيقدر ينسى الإنجازات يللي ساواها للنادي والأجيال المهمة يللي طلعها

مشكور كتير كتير اخي خضر عالتصيح لانو انا يمكن ضعت بالتواريخ وانا لما كنت عم قول نزل مستوى الفريق كنت عم احكي فيه عن الموسم يلي ينذكر وما ينعاد يلي نزلنا فيه عالدرجة التانية وشغلة انو في عالم مدسوسة ومن مين نحنا هلئ مابدنا نفتح جروحات يمكن معروف من مين بس يلي ماكان عم يسب انا ماجبت سيرتو ولاسيرة يلي كان عم ينتقد انا تحديدا جبت سيرة يلي كان عم يسب وبس وليش حتى المركز التلت يلي جبناه مين يلي كان باني الفريق البرازيلي يلي بس كان بالمعسكر واول ماأجى لهون هرب من الجو المشحون يلي موجود عنا بالنادي لما نزار محروس وانا ياجماعة الخير لما جبت هالسيرة كان هدفي وضح فكرة انو نحنا مامنقدر قيمة النعمة غير لنفقدها وهاد الشي مو بس صار مع نزار وراتب صار مع نيناد القدم (الله يرحمو)ونيناد السلة وسهيل ديب بفئة الشباب وكتير من المدربين يلي كل ماكانوا بقدموا لنادي الوحدة منكأفئون بهل الطريقة والمصيبة انو منرد منرجعلون وهنن من محبتون للنادي بلبوا ولو على حساب اعصابون واسمون وصحتون وتذكروا انو شخص متل المحروس نصحوا الاطباء بفترة من الفترات بعدم التدريب بالدوري السوري
ومابدي طول عليكون كتير بس احلى نكتة سمعتا هون بالمنتدى انو شو ساوا راتب بأخراربع سنين
ليش مشان الله ومن قلب محروء عالنادي عم اسئل نحنا كان عنا شي اسموا نادي بأخر اربع سنين لما كان عنا حرب مستعرة بين يلي عاملين حالون ولاد النادي والدليل انو مافي ادارة كملت ربع فترتها الانتخابية وانا لح رد احلف يمين اني والله العظيم وبكسر الهاء انا ماعم دافع عن المدرب انا ضد مبدأ قلة الوفاء يلي هو موجود بنادي الوحدة
ومرة تانية ألف شكر الك اخي الكريم خضر على التصحيح

[وحداوي موت]

تعقيب وتكميل لكلام اخونا حسان واخونا العزيز خضر
المشكلة يلي صارت بلعبة الجيش

كان الجيش متقدم علينا بهدف لمصعب محمد بللعباسيين وقبل نهاية اللقاء صفوان حبايب سدد الكرة من برا ال16
وعدة من ادام المحملجي
الكول نظامي مية بلمية
حكم الساحة حسبو والراية ما حسبو
وصار مشكلة يوميتها والجمهور صار يضرب حجار على الحكم


المهم المباريات يلي كان لازم الوحدة يلعبها بلشام هي الحرية والوثبة
وفعلا ربحنا الحرية بحماه وكان جمهور كبير عم يحضر للوحدة بثلاثية للمحملجي
ولعبة الوثبة ربحناها واحد صفر من ضربة جزاء


المهم انو نقول ابو الوليد ونزار نفس الشي
فهل حكي غلط ومالو زابط ابدا
اول شي السلة غير القدم وضغط الجمهور على فريق السلة اسهل بكتير من جمهور القدم

على كلن ابو الوليد كتر خيرو والله يوفقو الزلمة ركن واساس بنادي الوحدة ما حدا بينكر تاريخو وبطولاتو

بس عنجد صار لازم نغير وحصرا بمدرب اجنبي متل نيناد يلي كان معنى وحققنا معو اغلى واحلى الألقاب وهي بطولة اسيا ووصيف اسيا وبطل غرب اسيا

[خضر]

يللي حكيته كله مضبوط مية بالمية

في البعض من جمهورنا بينسى كل الفضل بلحظة والمشكلة أنه ما بيحس أنه غلط لحتى نكون أكلنا هوا

وأبو وليد أسمه رح يضل مخلد بالنادي وهو واحد من أهم رموزه وكل مين بيسبه أو بيتمسخر على شكله أو أي شي تاني رح ينتسى كلامه ويبقى الشي يللي عمله للنادي هو يللي بالذاكرة

بس برجع بقول أنه بهالحالات لازم الإدارة تتصرف بسرعة أحسن ما تترك التصرف للجمهور
ومنيح أنه التغيير صار اليوم إن كان بإقالة أو باستقالة ما بيهم

أما بخصوص الكابتن نزار وأنه هو واحد من يللي بنو الفريق يللي فاز بالدوري فأكيد ما حدا أبداً بيقدر ينكر هالشي

[شنكل]

راتب شيخ نجيب وطار خلينا نشوف شو راح يطلع مع الادارة ومع هلفريق المتذبذب

[شنكل]

ويا خبر اليوم بفلوس بكرا ببلاش